Жамият
Дам олиш кунлари ҳаво илиқлашади
Жума кунидан бошлаб совуқ ҳаво массалари республика ҳудудидан чиқишни бошлади. Дам олиш кунлари ҳавонинг илиши давом этади ва якшанба кунига келиб ҳаво ҳарорати 7−12° илиқгача кўтарилади.
2020 йилда Омбудсманга қарийб 15 мингта мурожаат келиб тушди
Ўтган йили Инсон ҳуқуқлари бўйича вакил салкам 15 мингта мурожаатни қабул қилди ва унинг 4486 тасини кўриб чиқишни ўз назоратига олди. Омбудсманнинг 274 та мурожаатига вазирлик ва идоралар ўз вақтида жавоб бермаган. Бола омбудсмани йил давомида 85 та мурожаатни олган ва бола ҳуқуқларини ҳимоя қилиш мақсадида 8 марта судларда қатнашган.
Сирдарёда 2 ойлик фарзандини 3 минг долларга сотмоқчи бўлган аёл ушланди
Сирдарё вилоятида аёл вояга етмаган 2 ойлик чақалоғини 3 минг АҚШ долларига сотмоқчи бўлган. Фарзандини тадбир иштирокчисига сотган вақтида, келишилган пуллар билан ушланди.
Фарғонадаги ЙТҲ оқибатида 2 нафар аёл вафот этди
Фарғона вилоятида «Lасetti-2» автомашинаси «Matiz» билан тўқнашиб, ЙТҲ содир этди. Ҳодиса оқибатида «Matiz» даги икки йўловчи вафот этди. Машина ҳайдовчилари тан жароҳатлари билан шифохонага ётқизилган.
Тошкент яқинида дендропарк ва Олимпия шаҳарчаси қурилади
Янги аэродром яқинида фақат дарахтзор, бута ва гуллардан иборат дендропарк (155 гектар), шунингдек, унинг ёнида Олимпия шаҳарчаси (160 гектар) қурилиши режалаштирилмоқда. Чирчиқ дарёсининг қирғоқларида ҳам парк (270 гектар) бунёд этилиши кўзда тутилган.
Ўзбекистонда халқаро кўргазма ва ярмаркаларни ўтказишга рухсат берилди
Республика махсус комиссиясининг қарорига асосан 20 февралдан Ўзбекистонда халқаро кўргазма ва ярмаркаларни ўтказишга рухсат берилди. Ташкилотчиларга санитария-эпидемиология хизмати ходимларини шартнома асосида жалб қилиш, экспозициялар орасида 3 метр масофани таъминлаш каби талаблар қўйилмоқда.
Тошкентда 400 дан ортиқ авария ҳолатидаги уйлар бузиб ташланади (аниқлаштирилди)
Тошкентнинг Янгиҳаёт туманида жойлашган 400 дан ортиқ авария ҳолатидаги уйлар бузилади, дея маълум қилди туман ҳокими Ҳаёт Иноғомов. Шунингдек, ёғоч уйларнинг бузилиши ҳам бошланади. Ҳокимнинг сўзларига кўра, бу йили шунингдек, иккита мактабни очиш, иккита поликлиника қуриш, туман тез ёрдам хизматини ташкил этиш ва бошқа лойиҳаларни амалга ошириш режа қилинган.
Қишлоқ хўжалиги вазирига янги ўринбосар тайинланди
Қаҳрамон Йўлдошев Қишлоқ хўжалиги вазирининг аграр соҳани жадал рақамлаштириш, қишлоқ хўжалиги ва озиқ-овқат хавфсизлиги соҳаларига замонавий ахборот тизимлари ва дастурий маҳсулотларни жорий этиш масалалари бўйича ўринбосари лавозимига тайинланди. Бунгача у Ахборот технологияларини ривожлантириш вазирининг аграр соҳани рақамлаштириш бўйича ахборот технологияларини ривожлантириш бўйича ўринбосари лавозимида ишлаётган эди.
«Аввал бир раҳбарнинг оғзига ҳамма қараб турар эди» — Танзила Нарбаева
«Аввал бир раҳбарнинг оғзига ҳамма қараб турар эди», деди Сенат раиси Танзила Нарбаева America Ovozi`га берган интервьюсида. Унинг айтишича, ҳозирга қадар ҳудудларга «бир тийин ҳам берилмас эди». Айни шу сабаб «пахтани йиғиб олишда мажбурий меҳнат бўлган». Нарбаева икки давр раҳбарларининг ўртасидаги фарқ жуда катталигини айтган.
Фарғонада ота билан ўғил вояга етмаган болани калтаклашди
Фарғона вилоятида ота ўз ўғли билан бирга вояга етмаган болани дўппослаётгани акс этган видео тарқалди. Фарғона вилояти ИИБ маълумотларига кўра, фуқаролар ўзаро келишмовчиликлар туфайли болани уриб, тан жароҳати етказган. Тергов ҳаракатлари олиб борилмоқда.
1 мартдан кўчабоши ва уйбошиларга ҳар ойда компенсациялар тўланади
Кўчабоши ва уйбошиларга коммунал хизматлар учун мажбурий тўловлар бўйича ҳар ойда компенсация тўланади. Бунда уларга бириктирилган кўча ёки уйда камида 3 ой давомида фаолият кўрсатгани инобатга олинади ва 70 баллдан юқори балл тўплаган тақдирда компенсация пули берилади.
Газ қуйиш шоҳобчалари иш вақти чекланиши мумкин
Аҳоли ва ижтимоий соҳа объектларини узлуксиз равишда табиий газ билан таъминлаш мақсадида 25 февралдан газ қуйиш шоҳобчалари иш вақти чекланиши мумкин. «Hududgazta'minot» газ тўлдириш ишларини эрталабки 05:00 дан — кечки 15:00 вақт оралиғида амалга оширишни тавсия қилди.
Туркманистон пойтахтида «Тошкент» боғини қуриш учун тендер эълон қилинди. Унда ўзбек компаниялари ҳам қатнашиши мумкин
Туркманбоши Ўзбекистон президентига мактуб йўллаб, Ашхободда «Тошкент» маданият ва истироҳат боғи қурилишини маълум қилди. Боғни лойиҳалаштириш ва қуриш бўйича эълон қилинган тендерга ўзбек компаниялари ҳам таклиф этилди.
Қашқадарёда «Жигули» 15 ёшли қизни уриб юборди
Қашқадарё вилоятида «Жигули» ҳайдовчиси йўлнинг катнов қисмини кесиб ўтаётган 15 ёшли қизни уриб юборди. Пиёда тан жароҳати билан шифохонага ётқизилган.
Самарқандда хотини ва унинг ўйнашини ўлдирган эркак 22 йилга қамалди
Самарқандда хотинини хиёнатда гумонсираб, уни ва у билан бўлган эркакни савдо марказида пичоқлаб ўлдирган фуқарога 22 йил муддатга озодликдан маҳрум қилиш жазоси тайинланди.
Йўл ҳаракати хавфсизлигига қарши содир этилган жиноятлар учун жазони кучайтириш таклиф этилди
Йўл ҳаракати хавфсизлиги ва транспорт воситаларидан фойдаланиш қоидаларига қарши жиноятларни оғир жиноят деб топиш тавсия этилди. Жиноят кодексининг янги таҳририда бундай қонунбузарликлар учун жавобгарлик кучайтирилиши мумкин.
АҚШ Ўзбекистонга мингга яқин тилшунос ўқитувчиларни юборади
Америка Кенгашлари томонидан Ўзбекистонга инглиз тилини ривожлантириш учун 1000 га яқин ўқитувчиларнинг юборилиши режалаштирмоқда. 2022 йил охиригача республика ҳудудида таълим ярмаркаси ташкил этилади. Бундан ташқари, «English Speaking Nation» дастури доирасида 15 мингдан зиёд ўрта мактаб инглиз тили ўқитувчиларининг малакасини ошириш кўзда тутилмоқда.
Тошкент автовокзалидаги рейслар қайта тикланди
Аввалроқ ноқулай об-ҳаво шароити сабабли барча шаҳарлараро автобус қатновлари бекор қилингани ҳақида хабар берилган эди. Ҳозирги пайтга келиб эса Тошкент автовокзалидаги шаҳарлараро рейслар қайта тикланди.
Фото: Тошкентда қор ёғиши
Чоршанба куни Тошкентни кучли қор қоплади. Қор ёғиши кечгача давом этди. Сўнгги кунларда пойтахт қандай кўринишда эди — Евгений Сорочин фоторепортажида.
IELTS, TOEFL ва бошқа халқаро имтиҳонларда юқори балл олганларга имтиҳон харажатлари компенсация қилинади
Ҳукумат қарори лойиҳасига кўра, 1 майдан бошлаб IELTS, TOEFL, GMAT, GRE ва SAT имтиҳонларидан юқори балл тўплаган ёшларга имтиҳон харажатлари тўлиқ қоплаб берилиши кутилмоқда. 2022 йилдан бошлаб яна 12 та халқаро имтиҳон бўйича ҳам ушбу тартиб жорий этилади. Компенсация олиш тартиби ва ҳар бир имтиҳон учун минимал кўрсаткич ҳақида.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг