Жамият
Фарҳод автоқисмлар бозорида санитария куни эълон қилинди
Тошкентдаги Фарҳод автомобиль эҳтиёт қисмлар бозорида фаолият кўрсатаётган тадбиркорда иситма аниқлангани сабабли бозор фаолияти тўхтатилиб, санитария куни эълон қилинди.
Жанубий Кореядан инсонпарварлик ёрдамининг иккинчи партияси етиб келди
Жанубий Корея юборган инсонпарварлик ёрдамининг иккинчи партияси Тошкентга етиб келди. Юк таркибидан қарийб 192 минг долларлик тиббий воситалар ўрин олди.
Ҳафтанинг ёмғирли бўлиши кутилмоқда
13 майдан бутун мамлакат бўйлаб момақалдироқли ёмғир ёғиб, шамол тезлиги кучайиши кутилмоқда. Ҳаво ҳарорати +18…+23 даражагача тушади, бу — май ойи учун ўртача кўрсаткичлардан паст.
Сенат томорқа учун жавобгарликни жорий этишни рад этди
Сенат Маъмурий жавобгарлик тўғрисидаги кодексга томорқадан оқилона фойдаланиш бўйича тузатишлар киритишни кўзда тутган қонунни рад этди. Сенаторлар фикрича, қонундаги ноаниқ тушунчалар коррупцияга олиб келиши мумкин.
«Саломатлик» ордени ва «Соғлом турмуш» медали таъсис этилади
Сенаторлар «Саломатлик» ордени (икки даражадан иборат) ва «Соғлом турмуш» медалини таъсис этишни маъқуллади. Улар соғлиқни сақлаш ва соғлом турмуш тарзини ривожлантиришда муносиб ҳисса қўшганларга тақдим этилади.
Тошкентда Британия менежмент университети ташкил этилади
2020−2021 ўқув йилидан бошлаб Тошкент шаҳрида Британия менежмент университети фаолият олиб боради. Таълим инглиз тилида тўлов-контракт асосида амалга оширилади. Университетда лойиҳаларни бошқариш, тадбиркорлик ва инновациялар ҳамда рақамли иқтисодиёт каби таълим йўналишлари мавжуд бўлади.
«Qanotchi» ресторанининг очилиши синов мақсадида бўлган — Тошкент шаҳар ИИББ
«Qanotchi» ресторанининг фаолияти давом этаётганлиги ҳақидаги маълумотларга Тошкент шаҳар ИИББ ўз муносабатини билдирди. Маълум қилинишича, ресторан умумий овқатланиш жойларининг санитария-эпидемиология меъёрларига риоя қилган ҳолда ишлаш имкониятини ўрганиш мақсадида синов тариқасида очилган.
COVID-19: кунлик ҳолат
Ўзбекистонда коронавирус ҳолатлари 2349 тага, соғайган беморлар 1804 нафарга етди.
Фарғона водийсида зилзила сезилди
Фарғона водийсида қайд этилган зилзиланинг ўчоғи Хитойда жойлашгани хабар қилинди.
Томда дарс ўтган ўқитувчига миннатдорчилик билдирилди
Тармоқда Фарғона вилоятидаги қишлоқда интернет сифати пастлиги сабабли уй томида ўтириб онлайн дарс бераётган ўқитувчи видеоси тарқалди. ХТВ ўқитувчига миннатдорчилик билдирди, АКТ вазирлиги эса вазият ўрганилаётганини маълум қилди.
Сувда оқиб кетган Миллий гвардия ходими соғ ҳолатда топилди
Сирдарё вилоятида эвакуация ишлари вақтида сув оқизиб кетган уч нафар Миллий гвардия ходимидан бири соғ ҳолда топилди, яна бири бедарак йўқолган деб ҳисобланмоқда.
Дам олиш кунлари ёмғир ва момақалдироқ бўлиши кутилмоқда
Дам олиш кунлари Ўзбекистон бўйлаб ёмғир ва момақалдироқ бўлиши кутилмоқда. Шамол тезлиги сониясига 28 метргача кучайиши мумкин.
Сардобадаги тошқин деярли 5000 объектга зарар етказган
Сардоба сув омбори тўғони бузилиши оқибатида содир бўлган тошқин сувлари 10 та маҳалла фуқаролар йиғинлари (23 та аҳоли пунктлари) ҳудудларидаги 4 711та турар ва 277 та нотурар жой объектларига ҳамда 30 718 га экин майдонларига зарар етказган. Тошқин оқибатларини бартараф этиш учун 2500 дан ортиқ техника жалб этилган.
Ўзбекистонлик шифокорлар Тожикистонга жўнаб кетди
Бир гуруҳ ўзбекистонлик шифокорлар коронавирус инфекциясига қарши курашишга кўмаклашиш мақсадида Тожикистонга жўнаб кетди.
Миллий сертификатга эга абитуриент математика фани бўйича тестдан озод қилинади
Президент қарорига кўра, Математика фанини билиш даражаси бўйича имтиёз бериладиган даражадаги Миллий сертификатга эга абитуриент давлат ОТМга киришда математика фани бўйича тестдан озод қилинади. 2021 йил 1 сентябрдан бошлаб Ихтисослаштирилган мактабларнинг математика фани бўйича ўқитувчилари тегишли даражадаги миллий сертификатга эга бўлишлари мажбурий ҳисобланади.
Ғалаба боғи очилишга тайёргарлик кўрмоқда — фото
Тошкент шаҳрида Ғалаба боғининг қурилиши ниҳоясига етди. Олдинроқ президент Иккинчи жаҳон урушидаги Ғалабанинг 75 йиллиги муносабати билан ушбу боғни барпо этиш бўйича ташаббус билан чиққан эди.
Ҳар бир туманда математикага ихтисолаштирилган мактаблар ташкил этилади
Президент қарорига биноан, Ўзбекистонда математика соҳасидаги таълим сифатини ошириш мақсадида ҳар бир туманда математикага ихтисослаштирилган мактаблар ташкил этилади. Математика фанини билиш даражасини баҳолаш бўйича миллий сертификатлаш тизими жорий қилинади. Шунингдек, Муҳаммад Ал-Хоразмий номидаги халқаро мукофот таъсис этилиб, унинг совриндорларига 50 минг доллар берилади.
«Ниқобни ечиш тақиқланади» — президент
«Ҳозирча ниқобни ечиш мумкин эмас. Биз ушбу шароитларда ишлаш ва яшашни ўрганишимиз керак». Президент Шавкат Мирзиёев дунёдаги пандемия ривожини ҳисобга олган ҳолда карантин қоидаларига тўлиқ риоя этилиши зарурлигини таъкидлади. Унинг сўзларига кўра, карантин чоралари шароитида яшаш ва ишлашни ўрганиш зарур.
9 май куни оммавий тадбирлар ўтказиш тақиқланди
Карантин муносабати билан Ўзбекистонда Хотира ва қадрлаш кунига бағишланган оммавий тадбирларни ўтказиш ҳамда фахрийларни зиёрат қилиш тақиқланди. Байрамни оила даврасида нишонлаш тавсия қилинди.
Алишер Усмонов сув тошқини оқибатларини бартараф этишга 10 млн доллар ажратди
Алишер Усмонов Ўзбекистонга Сирдарё вилоятидаги сув тошқини оқибатларини бартараф этиш ва жабрланганларга ёрдам учун 10 млн доллар тақдим этди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг