Жамият
Ўзбекистонда «маҳалла еттилиги» ташкил этилди. Тизим эса тўлиқ рақамлаштирилади
Маҳаллаларнинг бошқарув ходимлари сони солиқчи ва ижтимоий ходим қўшилиши ҳисобига 5 тадан 7 тага кўпайди. Маҳалланинг ўзида 70 дан ортиқ масала, жумладан, моддий ёрдам ва кредитлар ҳал этилади. Тизим эса тўлиқ рақамлаштирилади. Шунингдек, маҳалла раисининг ваколатлари кенгаяди.
Ўзбекистон ССВ Samo компаниясидан қарийб 22 млрд сўмлик йод препаратини тендерсиз сотиб олган
Ўзбекистон Соғлиқни сақлаш вазирлиги Samo компаниясидан тендерсиз 3,55 млн қути «Антиструмин» (калий йодид) препаратини қарийб 22 млрд сўмга сотиб олган. 2022 йилда дорининг бир қадоғи 5500 сўмдан харид қилинган бўлса, жорий йилда 6500 сўмдан сотиб олинган. Чакана савдода эса 3000 сўмдан сотилган.
26 сентябрь куни Ўзбекистонда содир бўлган энг муҳим воқеалар дайжести
Йодид ичганидан сўнг хасталанган болаларнинг ота-оналари билан суҳбат, Kompromatuzb иши бўйича суд ҳукми, Фарғонада 83 тошбақани чегарадан олиб чиқишга уринганлар, «гармошка»ли электробус қатнови, кўйлаги учун огоҳлантирилган актриса Нилуфар Ҳамидова ва бошқалар — «Газета.uz»нинг кун дайжестида.
Тошкент вилоятида Тянь-Шань қўнғир айиғи фермернинг икки бош қўйини олиб кетди
Тошкент вилоятининг Паркент туманида Тянь-Шань қўнғир айиғи аниқланди. Айиқ қишлоққа озуқа излаб келиб, фермернинг икки бош қўйини олиб кетди. Экология бошқармаси ходимлари жонивор аниқланган ҳудудни назоратга олди.
ССВ Президент администрацияси интервью беришни тақиқламаганини маълум қилди
Ўзбекистон ССВ Президент администрацияси вазирга «Антиструмин» қабул қилган болаларда ножўя таъсирлар кузатилаётгани билан боғлиқ вазият ҳақида интервью беришни тақиқламаганини маълум қилди. Бу ҳақда аввалроқ журналистларга ўзини вазир ёрдамчиси деб атаган шахс айтган эди.
Ўзбекистон мудофаа вазири Покистон ҳарбий делегацияси билан учрашди
Ўзбекистон мудофаа вазири Баҳодир Қурбонов Покистон Штаб бошлиқлари бирлашган қўмитаси раиси Сахир Шамшад Мирза бошчилигидаги ҳарбий делегацияни қабул қилди.
ФАО Ўзбекистонга чигирткага қарши курашишни яхшилаш учун автомобиллар топширди
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) чигирткага қарши курашишни янада яхшилаш учун Ўзбекистонга Toyota Hilux автомобилларини топширди.
Kompromatuzb иши: Хуршид Далиев ва Сиёвуш Ҳошимов 7 йилга қамалди
Kompromatuzb Telegram каналига алоқадор журналистлар — Human.uz директори Хуршид Далиев ва «Ўзбекнефтгаз» собиқ матбуот котиби Сиёвуш Ҳошимов 7 йилга озодликдан маҳрум қилинди. Бандлик вазирлигининг собиқ матбуот котиби Мавжуда Мирзаевага эса 5 йил муддатга озодликни чеклаш жазоси тайинланди.
Маданий мерос объекти бор ҳудудларга бир марталик пластик маҳсулотларни олиб кириш тақиқланиши мумкин
Моддий маданий мерос объекти жойлашган ҳудудларга бир марталик пластик маҳсулотларни олиб кириш, сотиш ва ишлаб чиқаришни тақиқловчи қонун лойиҳаси муҳокамага қўйилди. Бу ҳуқуқбузарликни кўп миқдорда содир этиш фуқароларга БҲМнинг 25 бараваригача (ҳозирда 8,25 млн сўм) жарима солишга сабаб бўлади.
«Бизни дори ҳақида огоҳлантиришмади» — Тошкентда калий йодид ичганидан сўнг хасталанган болаларнинг ота-оналари
Тошкентда ўнлаб болалар РШТЁИМ токсикология бўлимига заҳарланиш аломатлари, иситма, ошқозон бузилиши билан ётқизилди. Ота-оналар улар йод ичганидан сўнг хасталанганини маълум қилмоқда. Шифокорлар эса ҳолатнинг препарат билан ҳеч қандай алоқаси йўқлигини айтди. «Газета.uz» вазиятни ўрганди.
Сергелида икки юк машинаси ва Cobalt тўқнашиши оқибатида икки киши жароҳатланди
Тошкент шаҳрининг Сергели туманида MAN ва HOWO юкмашиналари ҳамда Cobalt иштирокида йўл-транспорт ҳодисаси содир бўлди. Оқибатда юк машиналари ҳайдовчилари жароҳат олди.
Фарғонада 83 дона камёб тошбақани чегарадан олиб чиқмоқчи бўлган шахс ушланди
Фарғонада «Қизил китоб»га киритилган 83 дона тошбақани чегарадан олиб ўтмоқчи бўлган шахс ушланди. Улардан 5 донаси нотўғри ташилганлиги сабабли зарарланган. Жонзотлар суд қарори чиққунига қадар ҳайвонот боғига топширилди.
«Ўзбекконцерт» актриса Нилуфар Ҳамидовани узун кесмали кўйлаги учун огоҳлантирди
«Ўзбекконцерт» давлат муассасаси актриса ва бошловчи Нилуфар Ҳамидовани узун кесмали либосда саҳнага чиққани лицензия талабларини бузиш деб баҳолангани учун огоҳлантирди. Ташкилот актрисанинг фотосуратларида оёқ ва кўйлакнинг тепа қисмини хиралаштирди.
Учтепа ва Чилонзорнинг баъзи ҳудудларида газ ўчирилади
26 сентябрь куни соат 10:00 дан 18:00 га қадар Чилонзор ва Учтепа туманларининг айрим маҳалла ва кўчаларида газ таъминоти тўхтатилади.
Фарғонада мактаб ўқувчиси 5 ёшли болани отиб қўйди
Қўштепа туманида мактаб ўқувчиси 5 ёшли болани пневматик қурол билан отиб қўйди. 5 соат давом этган жарроҳлик амалиётидан сўнг боланинг аҳволи яхшилиги айтилмоқда. Ҳолат бўйича терговга қадар текширув ишлари ўтказилмоқда.
«Диний бағрикенглик» кўкрак нишони таъсис этилди
Ўзбекистонда «Диний бағрикенглик» кўкрак нишони таъсис этилди. Нишон ҳар йили 16 ноябрь — Халқаро бағрикенглик куни арафасида топширилади. У билан тақдирланганларга БҲМнинг 4 баравари миқдорида пул берилади.
25 сентябрь куни Ўзбекистонда содир бўлган энг муҳим воқеалар дайжести
Навбатдаги «Алифбо ислоҳоти»га жамоатчилик муносабати, CAU (Akfa) университети атрофидаги можаро тафсилотлари, «Антиструмин» ишлаб чиқарувчи Samo заводида текшириш бошлангани, эмланмаганлар орасида тарқалаётган кўкйўтал, Чилонзорда яна дарахткушлик ва бошқалар — «Газета.uz»нинг кун дайжестида.
«Антиструмин» ишлаб чиқарувчи Samo заводида текшириш бошланди
«Антиструмин» йод препаратини ишлаб чиқарувчи Samo компанияси фаолияти текширилмоқда. Ножўя таъсирлар туфайли касалхонага ётқизилган болаларнинг ота-оналари ушбу препаратни қўллаш сабаб бўлган деб тахмин қилишмоқда. Расмийлар эса болаларда ЎРВИ бўлиши мумкин деган фикрда.
«3 йил умримни йўқотдим. Бунга ким жавоб беради?» — Central Asian University талабаси
CAU (Akfa) университетининг 2 йил тайёрлов курсини битирганлар сабабларсиз ОТМ талабалари сафидан четлатилди. Бунга эски ва янги раҳбарият ўртасидаги низо сабаб бўлмоқда. «Газета.uz» талабалар ва уларнинг ота-оналарига микрофон тутди, университет раҳбарияти эса саволларга жавоб беришни истамади.
Тошкентдаги корхона 3,8 млрд сўмлик табиий газдан ноқонуний фойдалангани аниқланди
Шайхонтоҳур туманида 1 та МЧЖ табиий газдан ноқонуний фойдаланиб келгани оқибатида 3 млрд 838 млн сўмлик зарар етди. Бу ҳажмдаги газ 29 мингдан ортиқ хонадоннинг бир ойлик истеъмолини ташкил этади. Корхонанинг, шунингдек, электрдан 3 млрд сўмдан зиёд қарзи борлиги маълум бўлди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг