Жамият
«Бундан кўра уйимни ёқиб юборса яхши эди». Фарғоналик фермер туман ҳокими устидан арз қилиб, президентга мурожаат йўллади
Президентнинг Фарғонага ташрифи арафасида фермер Иқболжон Мелибоев Бувайда тумани ҳокими устидан шикоят қилиб, видеомурожаат йўллади. Буни ёритган фарғоналик журналистга босим ўтказилгани ва ишдан бўшаш ҳақида ариза сўралгани айтилди. Фарғона вилояти ҳокимлиги вазиятни ўрганишни бошлади. Жамоатчилик фаоллари эса мазкур ҳолатни кескин қоралаб, «фермер ва журналистдан қўлларни тортишни» талаб қилмоқда.
Сўх-Риштон йўлида сел туфайли транспорт ҳаракати тўхтатилди
Сўх-Риштон автомобиль йўлига сел натижасида лой ва тошлар оқиб келгани сабабли транспорт воситалари ҳаракати вақтинча тўхтатилди.
15 майдан Қозоғистонга поездлар қатновини тиклаш режалаштирилмоқда
Май ойининг ўрталаридан «Нукус — Бейнеу — Нукус» ва «Олмаота — Тошкент — Олмаота» темир йўл қатновлари қайта тикланмоқда. Уларнинг йўлга қўйилиши олдинроқ режалаштирилганди, бироқ Қозоғистондаги карантин чекловлари туфайли кейинга қолдирилганди.
Шавкат Мирзиёев Фарғонага боради
Президент Шавкат Мирзиёев расмий ташриф билан 12−13 май кунлари Фарғонага боради. Ташриф давомида маҳаллалардаги бунёдкорлик ишлари кўздан кечириш, йиғилиш ўтказиш ҳамда корхоналар фаолияти билан танишиш режалаштирилган.
«IT — аёлларнинг иши эмаслигини кўп айтишган» — Amazon компаниясининг бизнес-таҳлил бўйича муҳандиси Шаҳло Ходжаева
Amazon компаниясининг бизнес-таҳлил бўйича муҳандиси Шаҳло Ходжаева — «Хориждаги ўзбекистонликлар» лойиҳасининг навбатдаги меҳмони. У АҚШда IT-мутахассиси сифатидаги иш тажрибаси, ғарбча ва ўзбекона турмуш тарзи ўртасидаги фарқ ҳамда Америка меҳнат бозорида иш берувчилар томонидан қадрланадиган ходимларнинг шахсий фазилатлари тўғрисида сўзлаб берди.
11 май куни Ўзбекистонда содир бўлган энг муҳим хабарлар дайжести
1 июндан ғаллани сотиб олиш ва сотишда бозор нархларига ўтилаётгани, Сурхондарёдаги селдан кейин топилган икки кишининг жасади, сув тошқинларидан ҳимояланишни кучайтириш бўйича кўрсатма берган президент, ноқонуний қурилиш бўйича онлайн мурожаат юбориш имкони, масофавий тўловлар учун ҳам кешбек қайтарилиши, касалликдан вафот этган Ангрен шаҳар ҳокими ва бошқалар — «Газета.uz»нинг 11 майдаги энг муҳим хабарлари дайжестида.
МБ банкоматларда нақд пул етишмаслиги ҳақидаги хабарларга изоҳ берди
Ижтимоий тармоқларда банкоматлардан нақд пул ечиб олиш билан боғлиқ муаммолар юзага келгани ҳақида хабарлар тарқалмоқда. Марказий банк мазкур узилишни нақд пулга талаб ортиши ва логистика муаммолари билан изоҳлади. Регулятор аҳолининг нақд пулга бўлган эҳтиёжини қондириш учун барча имкониятларга эга эканлигига ишонтирмоқда.
Уй ва автомобиль олди-сотдисида бож тоифалари олиб ташланиб, умумий нархлар белгиланиши кутилмоқда
«Миллий тикланиш» фракцияси йиғилишида депутатлар томонидан уй сотиб олишда ва автомобиль олди-сотдисида тўланадиган давлат божи тоифаларини бекор қилиш ва умумий нарх белгилаш муҳокама қилинди.
Сурхондарёда сел оқизиб кетган икки кишининг жасади топилди
Фавқулодда вазиятлар вазирлиги Сариосиё туманида селда оқиб кетган икки фуқаронинг жасади ва машина «Тўпаланг» дарёси ўзанидан топилганини маълум қилди.
Ноқонуний қурилиш ҳолатлари бўйича онлайн мурожаат юбориш имкони яратилади
Фуқаролар томонидан «Шаффоф қурилиш» миллий ахборот тизимига ноқонуний қурилиш ҳолатлари бўйича онлайн мурожаат юбориш имкони яратилади. Шунингдек, ташқи реклама объектларини жойлаштиришда жамоатчилик назорати кучайтирилади.
Тошкентда фуқаролар қалбаки $2 мингни банкомат орқали айирбошлагани аниқланди
Тошкент шаҳрининг Яшнобод туманида бир нечта фуқаро банкомат орқали қалбаки 2 минг долларни сўмга алмаштириб олганликда гумонланмоқда. Уларга нисбатан жиноят иши қўзғатилди.
Ангрен шаҳри ҳокими Нуритдин Абдураҳимов вафот этди
Тошкент вилояти Ангрен шаҳри ҳокими Нуритдин Абдураҳимов хасталикдан сўнг 44 ёшида вафот этди. У бу лавозимга январь ойида тайинланган эди.
Сурхондарёда тадбиркор қишлоқ хўжалиги майдонига 3 млрд сўмдан кўпроқ зарар етказди
Ангор туманида тадбиркор 3,10 гектар суғориладиган қишлоқ хўжалиги майдонида қурилиш ишлари олиб боргани аниқланди. Бу орқали тадбиркор қишлоқ хўжалиги ери фойдаланишдан чиқишига сабаб бўлгани ва давлат манфаатларига 3,1 млрд сўм зарар етказилгани айтилмоқда.
1 кг опийни Самарқанддан Қорақалпоғистонга олиб кетаётган шахс қўлга олинди
Пахтачи туманида фуқаро бошқарувидаги автомобилда умумий оғирлиги 1 кг бўлган опий гиёҳванд моддаси борлиги аниқланди. Фуқаро моддани Қорақалпоғистонга олиб кетаётганини маълум қилгани айтилмоқда. Гумондорга нисбатан жиноят иши қўзғатилди.
Масофавий электрон тўловлар учун ҳам кешбэк тўлаш бошланди
ДСҚ эндиликда масофавий тўловлар учун ҳам 1 фоизлик кешбэк тўланишини маълум қилди. Тўлов хизматлари орқали тўлов амалга оширилганда QR-кодли чек ҳосил бўлади ва бу Soliq иловасида автоматик тарзда акс этиши керак.
Фото: Чирчиқда ўтган «Дог биатлон» финали
Чирчиқда Кинологлар ва хавфсизлик кучларининг жамоалари ўртасида ўтказилган «Дог биатлони» ўз якунига етди. Хотира ва қадрлаш кунига бағишланган тадбирда Мудофаа вазирлиги жамоалари ғолиб бўлди. Мусобақанинг финал босқичи — «Газета.uz» мухбири Мадина Аъзам фоторепортажида.
10 май куни Ўзбекистонда содир бўлган энг муҳим хабарлар дайжести
SpaceX компаниясига Ўзбекистонда ваколатхона очиш таклиф этилгани, Сурхондарёдаги сел оқибатлари, Тошкентда одамларни яна соқол олишга мажбурлашаётгани, Учтепа туманида ҳайфсан олган 33 нафар ҳоким ёрдамчиси, Ўзбекистоннинг 7 ҳудудида ишга туширилган янги фоторадар ва кузатув камералари ва бошқалар — «Газета.uz»нинг 10 майдаги энг муҳим хабарлари дайжестида.
Сурхондарёда сел 3 кишини оқизиб кетди
Сурхондарё вилоятининг Сариосиё туманида тоғли ҳудудга сел келиши натижасида одамлар ва чорва молларини сув оқизиб кетди. Чорва моллари эгаси табиий офатдан қутилиб қолган. Қолганлари қидирилмоқда.
SpaceX компаниясига Ўзбекистонда ваколатхона очиш таклиф этилди
АКТ вазири Шерзод Шерматов SpaceX вакили Бен Мак Вильямс билан учрашувда компанияга Ўзбекистонда ўз ваколатхонасини очиш таклифини берди. Ўзбеккосмос агентлиги билан эса Starlink лойиҳасини мамлакатга олиб кириш масаласи муҳокама қилинди.
Андижонда собиқ банк ходими ва фермер $50 минглик имтиёзли кредитни ўзлаштиргани айтилмоқда
Избоскан туманида собиқ банк ходими тадбиркор билан бирга иссиқхона қуриш учун ажратилган 50 минг доллар имтиёзли кредитни талон-торож қилганликда айбланмоқда. Текширув давомида етказилган зарарнинг 20 минг доллари ундирилиб, гумондорларга нисбатан жиноят иши қўзғатилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг