Спорт
Элдор Шомуродов Ўзбекистонда йилнинг энг яхши футболчиси бўлди
Ўзбек футболининг йил якунига бағишланган «Uz Football Awards-2021» маросимида Элдор Шомуродов «Йилнинг энг яхши футболчиси», Дилшод Раҳматов «Йилнинг энг яхши футзалчиси» ва Дилдора Нозимова эса «Йилнинг энг яхши аёл футболчиси» деб эътироф этилди. Тақдирлаш маросими тафсилотлари ва совриндорлар билан суҳбат — «Газета.uz» репортажида.
Одил Аҳмедов ЎФА вице-президенти лавозимига сайланди
Ўзбекистон миллий терма жамоасининг собиқ футболчиси Одил Аҳмедов Ўзбекистон футбол ассоциацияси вице-президенти этиб сайланди. Шунингдек, у ЎФА Ижроия қўмитасининг аъзолигига ҳам тасдиқланди.
Элдор Шомуродов захирадан тушиб, «Сампдория» дарвозасига гол урди
Италия чемпионатининг 19-тур баҳсларида «Рома» «Сампдория»ни қабул қилди. Моуриньо ўзбек ҳужумчиси Элдор Шомуродовни захирадан ўйинга туширди, 5 дақиқадан сўнг у рақиб дарвозасига гол киритди.
Бокс. Исроил Мадримов рақиби Мишель Сорони мағлуб этди
Тошкентда ўтказилган профессионал бокс кечасида Исроил Мадримов франциялик рақиби Мишель Сорони техник нокаутга учратди, бироқ ҳакамнинг ҳаракатлари туфайли жанг якуни бахсларга сабаб бўлди. Бундан ташқари, кечада Иқболжон Холдоров, Ҳасанбой Дўсматов ва Элнур Абдураимов ўз рақибларини нокаутга учратган бўлса, Шаҳрам Ғиёсов, Бектемир Мелиқўзиев ва Дилшодбек Рўзметов очколар ҳисобига ғалабага эришди.
Одил Аҳмедов футболдаги фаолиятини якунлади
Ўзбекистон миллий терма жамоасида 108 та ўйин ўтказиб, 21 та гол уришга муваффақ бўлган Одил Аҳмедов футболдаги фаолиятига якун ясади. «Сизларнинг кўз олдиларингизда бутсиларимни михга илиб, футболчилик фаолиятимни тугатганимни эълон қиламан», — деди у.
Акбар Жўраев жаҳон чемпиони бўлди
Оғир атлетика бўйича Жаҳон чемпионатида Акбар Жўраев олтин медални қўлга киритиб, жаҳон чемпиони бўлди. Руслан Нурудинов эса кумуш медалга эга чиқди. Икки оғир атлетикачи чемпионатда жами 6та медал соҳибига айланишди.
Янги қуръа ташлашдан сўнг ЕЧЛ нимчорак финал жуфтликлари маълум бўлди (янгиланди)
Месси тўп сураётган «ПСЖ» «Реал Мадрид» билан ўйнайди, «Атлетико» ўз уйида «Манчестер Юнайтед»ни қабул қилади. ЕЧЛнинг 1/8 финал баҳсларига қуръа ташланди. Орадан бироз вақт ўтиб, қуръа натижалари бекор қилинди. Бунга қуръа давомида йўл қўйилган хатолик сабаб бўлган.
Бокс: Баҳодир Жалолов рақибини 46 сонида нокаутга учратди
Ўзбекистонлик профессионал боксчи Баҳодир Жалолов рақиби Хулио Калименони биринчи раунддаёқ нокаутга учратди. У жаҳон чемпионлиги учун жанг қилиш ҳамда оғирвазн тоифасида барча камарларни Ўзбекистонга олиб келиш ниятида эканлигини маълум қилди. «Ким билан бўлса ҳам рингга чиқишга тайёрман. Энтони Жошуа, Александр Усик, Тайсон Фьюри… Менга фарқи йўқ», — деди Баҳодир Жалолов.
Андрей Канчельскис «Навбаҳор» тўлаши керак бўлган компенсация туфайли унга таҳдид бўлганини айтмоқда
«Навбаҳор»нинг собиқ мураббийи Андрей Канчельскис номаълум шахслар унга таҳдид қилиб, клуб тўлаши керак бўлган 1,6 млн евро компенсацияни камайтиришни сўрашганини маълум қилди. Клуб бу «уйдирма ва бўҳтон» бўлиши мумкинлигини таъкидлаб, ҳолатни Халқаро Спорт арбитраж судида «ўзини оқлаш учун қилинаётган бўлиши мумкин» дея таърифлади.
Месси еттинчи марта «Олтин тўп»ни қўлга киритди
«ПСЖ» ва Аргентина терма жамоаси ҳужумчиси Лионел Месси еттинчи «Олтин тўп»ни қўлга киритди. «Бавария» ва Польша терма жамоаси ҳужумчиси Роберт Левандовски эса йилнинг энг яхши ҳужумчиси сифатида эътироф этилди.
«Бунёдкор» ўз ходимларига 1,5 млрд сўмдан кўпроқ маошларни тўлаб беришни кечиктирган
«Бунёдкор» футбол клуби 393 нафар ходимларининг октябрь ойи учун 1 млрд 532 млн сўмдан кўпроқ ойликларини тўлаб беришни кечиктирган. Клуб айни вақтда ҳомийси ҳисобланган «Ўзбекнефтгаз» АЖ томонидан маблағлар ажратилаётганлигини маълум қилган.
Алишер Усмонов Халқаро қиличбозлик федерацияси раҳбарлигига қайта сайланди
Алишер Усмонов учинчи маротаба Халқаро қиличбозлик федерацияси президентлигига сайланди. У ташкилотга 2008 йилда раҳбарлик қила бошлаган, 2012 ва 2016 йилларда қайта сайланган эди.
Ўзбекистонлик каратэчи илк бор жаҳон чемпиони бўлди
Достон Отаболаев каратэ WKF бўйича жаҳон чемпиони унвонини қўлга киритган биринчи ўзбекистонлик бўлди. У Дубайдаги жаҳон чемпионати финалида мисрлик Абдулла Абдулазизни мағлуб этди (видео).
Тошкентда ёшлар ўртасида 2025 йилги Параосиё ўйинлари ўтказилади
Тошкентда ёшлар ўртасида 2025 йилги Параосиё ўйинлари ўтказилади. Аввалроқ Ўзбекистон 2025 йили ёшлар ўртасида бўлиб ўтадиган IV ёзги Осиё ўйинларига мезбонлик қилиши ҳақида хабар берилган. Президент матбуот котибининг маълум қилишича, «шу пайтгача ҳеч қайси давлатда ёшлар ўртасидаги Осиё ва Параосиё ўйинлари кетма-кет ўтказилмаган».
Футбол: Ўзбекистон терма жамоаси Грузияга мағлуб бўлди
Футбол бўйича Ўзбекистон миллий терма жамоаси ўртоқлик учрашувида Грузия терма жамоасига кичик ҳисобда мағлуб бўлди.
Ўзбекистонда скейт ассоциацияси ташкил этилмоқда
Скейтбординг, роллер ва скутерда учиш спорт турларини ўз ичига олган «Скейт Ўзбекистон» ассоциациясини тузиш режалаштирилмоқда. Эндиликда ўзбекистонлик скейтбордчилар учун Париж-2024 олимпиадасига 12 та лицензия олиш имконияти мавжуд.
Париждаги Олимпиада ва Паралимпиадага тайёргарлик бўйича мақсадли кўрсаткичлар тасдиқланди
2024 йилги Париж Олимпиадаси ва Паралимпия ўйинларига тайёргарлик кўриш бўйича мақсадли кўрсаткичларда ўзбекистонлик спортчилар учун 26 спорт тури бўйича 103 та лицензия олиш кўзда тутилган. Ушбу ўйинларда биринчи марта эркаклар ва аёллар ўртасида тенг миқдордаги лицензиялар тақсимланади. МОҚга Олимпиадада иштирок этиш учун ариза топширадиган спортчи аёллар сонини кўпайтириш топширилди.
Фото: Учинчи Samarkand Half Marathon қандай ўтди?
Ўзбекистонда учинчи марта Samarkand Half Marathon хайрия марафони бўлиб ўтди. 21 км масофада энг яхши натижани эркаклар ўртасида сурхондарёлик Шоҳрух Давлатов, аёллар орасида эса қирғизистонлик Гулшаной Сатторова қайд этди. Марафонда жами 2175 спортчи иштирок этди, бу 2019 йилдаги яриммарафонга қараганда қарийб икки бараварга кўп дегани.
Ўзбекистон ҳудудларидаги маҳаллаларда 1164 та спорт майдончаси қурилади
2021−2025 йиллар давомида бутун мамлакатда бадминтон, стритбол ва «Workоut» спорт турлари бўйича 1164 та спорт майдончаси қурилади. Ҳар йили ушбу спорт турлари ҳамда юриш, югуриш ва мини-футбол бўйича 18 та мусобақа ўтказиш режалаштирилмоқда. Қарордаги дастур ва параметрлар тўлиқ бажарилгунга қадар бюджетдан ҳар йили 104 млрд сўмдан ажратилади.
Олимпия ва паралимпия захиралари коллежлари ташкил этилади
Президент қарори билан Олимпия захиралари коллежлари негизида Олимпия ва паралимпия захиралари коллежлари ташкил этилади. Ундаги контингент фақат олимпия ва паралимпия спорт турлари бўйича шакллантирилади. Қолаверса, 3 йиллик «специалитет» дастурни амалга оширадиган Олий спорт маҳорати институти ҳам очилади.
Энг кўп ўқилган хабарлар | Сўнгги янгиликлар
- Зелимхон Ҳайдаров Теннис федерацияси раҳбарига ўринбосар бўлди
- Футбол: Ўзбекистон U-20 Осиё кубогида Эрондан учралган мағлубиятга қарамай, чорак финалга чиқди (видео, фото)
- Ўзбекистонлик шахматчилар биринчи Freestyle Chess Grand Slam Tour турнирида қанча даромад топди?
- Чемпионлар лигаси нимчорак финали: «Ливерпуль» «ПСЖ» билан, «Реал» «Атлетико» билан ўйнайди
Қўшимча имкониятлардан фойдаланиш учун сайтда рўйхатдан ўтинг