«адлия вазирлиги» тегли мақолалар
Имзолар камлиги сабаб «Ҳақиқат, тараққиёт ва бирдамлик» партиясини рўйхатдан ўтказиш рад этилди — Адлия вазирлиги
Адлия вазирлиги янги — «Ҳақиқат, тараққиёт ва бирдамлик» партиясини рўйхатдан ўтказиш имзолар етарли бўлмагани сабабли рад этилганини билдирди. Партияга бирлашмоқчи бўлган фуқаролар рўйхатига вафот этганлар, вояга етмаганлар ва хорижда яшаётганларнинг ҳам имзолари киритилгани маълум бўлди.
Адлия вазирлиги йўл белгиларининг онлайн реестрини жорий этишни таклиф қилмоқда
Адлия вазирлиги йўл белгиларининг онлайн реестрини жорий этишни таклиф қилди. Тақиқловчи белгиларни фақат ҳокимлар қарори билан ўрнатиш таклиф этилмоқда. Улар реестрда бўлмаса, ҳеч қандай ҳуқуқий оқибатлар бўлмайди. Йўлларни қуриш ва таъмирлашда эса ногиронлар ҳуқуқлари ҳисобга олинади.
Адлия вазирлигининг туҳмат қилишда гумонланган собиқ ходими тергов ҳибсхонасидан озод этилди
Адлия вазирлигининг собиқ ходими туҳмат қилишда гумонланиб, ҳибсга олинганди. Унинг аёли тергов тугаган бўлса-да, эри озодликка чиқмагани сабабли бош прокурорга мурожаат қилган. Суд ажримига кўра, 3 ойга яқин ҳибсда ўтирган фуқаро қўйиб юборилди.
Бўкадаги сайёр қабулда аёл бош прокурор қабулига киритмагани учун Светлана Артикова билан жанжаллашди
Бош прокурор ўринбосари Светлана Артикова сайёр қабулда эри билан боғлиқ ишни ҳал қилиш учун келган аёл билан жанжаллашди. Аниқланишича, у аёлни бош прокурор билан учрашишга қўймаган. Якунда бош прокурор аёлни қабул қилиб, мурожаатни назоратга олди.
Тўловларни амалга оширишда воситачилик ҳақининг чегаравий миқдори белгиланди
Ўзбекистонда аҳолидан чипталар, барча турдаги коммунал хизматлар, давлат божи ва бошқа хизматлар учун тўловларни амалга оширишда олинадиган комиссияларнинг энг юқори миқдори БҲМнинг 20 фоизидан кўп бўлмаслиги белгиланди.
Адлия вазирлигининг собиқ ходими ҳибсга олингани айтилмоқда
Тармоқларда Адлия вазирлигининг бўлим бош маслаҳатчиси ҳибсга олингани айтилган хабар тарқалди. Вазирлик ходимга нисбатан тергов ҳаракатлари олиб борилаётганини билдириб, у ҳамкасблари шаънини камситувчи маълумотларни тарқатиб келганини маълум қилди.
Митинглар тўғрисидаги қонун лойиҳаси президент Администрациясида кўриб чиқилмоқда — Адлия вазирлиги
«Митинглар тўғрисида»ги қонун лойиҳаси ишлаб чиқилган ҳамда ҳозирда президент Администрациясида кўриб чиқилмоқда, дея маълум қилди Адлия вазирлиги департамент бошлиғи. Митингларни ташкил этиш тартиби ҳали ҳам қонунларда белгиланмаган, бироқ уни бузганлик учун жавобгарлик бор.
«Партияни рўйхатдан ўтказиш учун 20 минг имзо кўп эмас» — Ўзбекистон адлия вазири
Ўзбекистон адлия вазири Акбар Тошқуловнинг айтишича, партияни рўйхатдан ўтказиш учун 20 минг имзо унчалик кўп эмас. «Агар ҳар 5 ёки 10 минг киши партия очаверса, улар сони қанча бўлади?» — деди у. Сиёсатшунос Камолиддин Раббимов эса вазирнинг позициясини «тўлиқ авторитар» деб атади.
Адлия вазири Ўзбекистонда p2p ўтказмалари учун электрон ҳисоб-варақа жорий этиш тўғрисида изоҳ берди
1 майдан бошлаб тўлов ташкилотлари жисмоний шахслар ўртасидаги пул ўтказмалари учун электрон ҳисоб-варақаларни расмийлаштириши керак. Адлия экспертизаси вақтида қарор лойиҳасида бу банд бўлмаган. Адлия вазири Акбар Тошқулов вазиятга изоҳ берди.
Адлия вазирлиги қоидаларни бузган абитуриентлар 5−7 йилгача тестдан четлатилиши бўйича таклифни рад этди
2022 йилда ДТМ томонидан қоидаларни бузган абитуриентлар 5−7 йилгача тестдан четлатилиши бўйича таклиф киритилганди. Адлия вазирлиги бу таклифни «инсон ҳуқуқларига тўғри келмагани» учун рад этган.
«Энди амалдорлар ногиронларни навбатсиз қабул қилади» — адлия вазири ўринбосари
Президентнинг 27 февраль кунги қарорига асосан, эндиликда ногиронлар амалдорлар қабулига навбатсиз киради. Адлия вазирлиги расмийсининг айтишича, ногиронлар уларни қабул қилмаган мансабдор шахслар устидан Вазирлар Маҳкамаси, судлар, прокуратура ва адлия органларига мурожаат қилиши мумкин.
«Сўз эркинлигининг чегарасини Адлия вазирлиги белгиламайди». Тармоқ фаоллари вазирлик эслатмасини қоралади
Адлия вазирлиги ОАВ ва блогерларни «жамиятдаги муаммоларни фақат ҳуқуқий воситалар асосида ҳал қилиш»га чақириб, ОАВдаги туҳмат ва ҳақорат учун жазоларни эслатди. Фаоллар эса бу каби эслатмалардан «сўз эркинлиги ютқазаётгани», «эркин матбуот ҳали адлиянинг ўзига ҳам керак бўлиши»ни таъкидлади.
Мактаб таълими вазирлиги президент фармони лойиҳасига эътироз билдирди
Мактабгача ва мактаб таълими вазирлиги президент фармони лойиҳасида келтирилган бандлар бўйича эътироз билдирди. Лойиҳада вазирликнинг ҳудудий бўлинмалари маҳаллий ҳокимликларга ўтказилиши қайд этилганди. «Хавотирга ўрин йўқ, Адлия вазирлиги билан музокаралар ўтказилган», дейилди баёнотда.
200 та давлат хизмати анъанавий шаклдан онлайнга ўтказилиши кутилмоқда
Жамоатчилик муҳокамасига қўйилган 2023 йилги давлат дастурига кўра, ҳозирда анъанавий шаклда тақдим этилаётган 200 та давлат хизмати ДХМлар ҳамда ЯИДХП орқали кўрсатила бошлайди. Электр, газ ва сув ҳисоблагичларини қиёслаш проактив тарзда амалга оширилиши кутилмоқда.
Давлат хизматчиларининг даромадини декларациялаш тўғрисидаги қонун лойиҳаси атрофида нималар бўлмоқда?
Ўзбекистонда давлат хизматчиларининг даромадлари ва мол-мулкини декларациялаш тизими 2022 йил 1 январдан ишга тушиши керак эди, бироқ қонун ҳалигача қабул қилинмади. Ноябрда қонун лойиҳаси Вазирлар Маҳкамасига кўриб чиқиш учун берилган, лекин ҳукумат ҳужжатни ҳалигача парламентга тақдим этмади.
Хотин-қизлар ва болалар ҳуқуқларини ҳимоя қилишда жавобгарликлар кучайтирилмоқда
Ўзбекистонда хотин-қизлар, болалар ва кекса ёшдаги ота-оналар ҳуқуқларини ҳимоя қилувчи қонун лойиҳаси ишлаб чиқилди. Унга кўра, 18 ёшга тўлмаганларнинг номусига тегиш, зўрлик ишлатиб, жинсий эҳтиёжни қондириш учун жавобгарлик кучайтирилмоқда. Хусусан, уларга нисбатан амнистия қўлланмайди.
Адлия вазирлиги «Газета.uz»нинг Нукус воқеалари бўйича репортажини «ОАВда ҳуқуқ» танловида энг яхши деб топди
Адлия вазирлиги «Газета.uz»нинг Нукус воқеаларига оид «Нукусдаги вазият: тинч, аммо хавотирли» репортажини ҳуқуқни тарғиб қилувчи материаллар ўртасида ўтказилган танловда биринчи ўринга лойиқ кўрди.
Давлат хизматига ўтган тадбиркорлар фаолиятини тўхтатиш бўйича тартиб ишлаб чиқилди
Давлат хизматига қабул қилинган тадбиркорлар фаолиятини тўхтатиб туришнинг ҳуқуқий асослари яратилмоқда. Бу бўйича Адлия вазирлиги томонидан Вазирлар Маҳкамаси қарори лойиҳаси ишлаб чиқилди ва жамоатчилик муҳокамасига қўйилди.
ННТлар бекор қилишни сўраган ҳукумат қарори қайта ишланадиган бўлди
Адлия вазирлиги раҳбарияти ННТларни халқаро грант лойиҳаларни амалга оширишда давлат органлари билан ҳамкорлик қилишга чорловчи ҳукумат қарорини бекор қилишга чақирган ННТ ва фаоллар билан учрашди. Томонлар ҳужжат қайта ишланиши кераклиги борасида бир тўхтамга келди.
Қимор ўйинларини реклама қилганлар 3 йилгача озодликдан маҳрум этилиши мумкин
Адлия вазирлиги тақдим этган қонун лойиҳасига кўра, қимор ва таваккалчиликка асосланган бошқа ўйинларни реклама қилиш, намойиш этиш ҳамда тарқатиш учун жавобгарлик белгиланмоқда. Ушбу ҳаракатларни содир этганлар уч йилгача озодликдан маҳрум қилиш билан жазоланиши мумкин.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг