«адлия вазирлиги» тегли мақолалар
Адлия вазирлиги ўз тизимидаги раҳбар ва ходимларни штат қисқаришидан огоҳлантирди
Адлия вазирлиги ўз тизимидаги раҳбар ва ходимларни эҳтимолий ишдан бўшатилиш ҳақида огоҳлантирди. 207 нафар туман ва шаҳар адлия бўлими бошлиқлари, 207 нафар ДХМ директорлари билан меҳнат шартномаси бекор қилиниши мумкин. «Мақбуллаштириш ва штат қисқариши асосан раҳбар лавозимлар ҳисобига тўғри келмоқда, тумандаги ва хизмат кўрсатувчи биронта штат қисқармади», — дейилади хабарда.
Давлат хизматлари ҳамда Интеллектуал мулк агентликлари Адлия вазирлигига қўшиб юборилди
Президент фармонига асосан Давлат хизматлари агентлиги ва Интеллектуал мулк агентлиги Адлия вазирлиги таркибида департамент сифатида қайта ташкил этилади. Вазирликда бошқарув тузилмалари 666 тадан 222 тага, бир-бирини такрорловчи вазифалар 34 фоизга, функциялар 46 фоизга, ҳаражатлар эса 84,5 млрд сўмга қисқаради. Аввалроқ, вазир Русланбек Давлетов ДХА тизимидаги ходимлар сони қисқаришини эмас, аксинча ортишини айтганди.
Адлия вазирлиги 2021 йилда қонун бузилгани учун ҳокимликларга 2,6 мингта тақдимнома киритди
Адлия вазирлиги 2021 йилда қонун бузилиш ҳолатларини бартараф этиш бўйича таълим муассасаларига 8,2 мингта, ҳокимликларга 2,6 мингта, соғлиқни сақлаш муассасаларига 1,5 мингта тақдимнома киритди. Ўрганишлар давомида Андижон вилоятида ишсизлик нафақаси бўйича жами 1,3 млрд сўм қарздорлик мавжудлиги аниқланган.
Гулнора Каримованинг хориждаги активларини қайтариш учун траст жамғарма ташкил этилади
Гулнора Каримовага нисбатан жиноят иши доирасида мусодара қилинган активларни қайтариш учун БМТнинг кўптомонлама траст жамғармаси ташкил этилади. Адлия вазирлиги маблағлар Ўзбекистон аҳолиси фаровонлигини яхшилаш учун ижтимоий соҳага сарфланишини маълум қилди. Шунингдек, Франциядан яна 10 млн доллар қайтарилди, қолаверса, 131 млн долларлик активлар Ўзбекистонга қайтарилишга тайёр.
ДХА тугатилиб, Адлия вазирлиги таркибидаги бошқарма сифатида қайта ташкил этилиши мумкин
Адлия вазирлиги ҳузуридаги Давлат хизматлари агентлиги тугатилиб, вазирлик таркибида алоҳида бошқарма сифатида қайта ташкил этилиши мумкин. Русланбек Давлетов вазирлик тегишли таклифларни ишлаб чиқаётганини айтди. «Бу президентимизнинг ғояси… Бу соҳани ўзгартиришни президент ҳал қилади», — деди вазир. ДХМлар орқали ҳозирги кунда 170 турдаги давлат хизмати кўрсатилмоқда, шундан 120 таси пуллик. 4 йилдан кўпроқ вақт ичида агентлик хизматлари бўйича жами 40 млнга яқин мурожаат келиб тушган.
Мактабларда кадр хизмати ходимларига 16 млрд сўм кам ойлик тўлангани аниқланди
Адлия вазирлиги мактаблардаги кадр хизмати ходимининг лавозим разрядларини пасайтириб кўрсатиш оқибатида ойлик маош 16 млрд сўмга камроқ тўлаб берилганини аниқлади. Ҳозирга қадар кўрилган таъсир чоралари натижасида эса фақатгина 3 млрд сўм маош тўланишига эришилган.
8 февраль куни Ўзбекистонда содир бўлган энг муҳим хабарлар дайжести
Лукашенконинг Ўзбекистон ҳақидаги фантазияларини муносабат билдирган сиёсатчилар ва жамоатчилик фаоллари, президентни ҳақорат қилгани учун 3 йилга қамалган блогер, сўм рамзини яратиш бўйича танлов эълон қилган Марказий банк, Республика махсус комиссияси фаолияти юзасидан изоҳ берган Русланбек Давлетов, «шакар заводлари бизга керакми?» деган саволни ўртага ташлаган Миркомил Холбоев ва бошқалар — «Газета.uz» нинг 8 февралдаги энг муҳим хабарлари дайжестида.
«Қайси ҳудудда тадбиркор кириб келса, давлат ўз функциясини тугатади». Адлия вазири Ягона имтиҳон маркази ҳақида
Адлия вазири Русланбек Давлетов Тошкентдаги ҳайдовчилик гувоҳномасини берувчи Ягона имтиҳон маркази «Автотест» сингари монополия эмаслигини, қолаверса, лицензияни қурилиш битганидан кейин олиш ҳам мумкинлигини айтди. «Агарда қайси ҳудудда шу талабларга мос равишда хусусий сектордан тадбиркор кириб келса, давлат ўзининг шу функциясини тугатади», — деди у.
31 январь куни Ўзбекистонда содир бўлган энг муҳим хабарлар дайжести
Пекин қишги Олимпиадаси очилишида қатнашадиган Шавкат Мирзиёев, UZIMEI`ни «бюрократик ва ноқулай», деб атаган Жаҳон банки эксперти, 100 мақсадни жамлаган Тараққиёт стратегияси, 2021 йилда импорт қилинган $588 млнлик «иномарка» лар, шовқинга қарши курашни тартибга солишни таклиф қилган Адлия вазирлиги, янги тайинланган ҳокимлар ва бошқалар — «Газета.uz» нинг 31 январдаги энг муҳим хабарлари дайжестида.
Зарарли ва ёқимсиз ҳидларни ҳуқуқий тартибга солиш таклиф этилмоқда
Адлия вазирлигининг қайд этишича, қонунчиликда ёқимсиз ҳидлар ва уларни тартибга солувчи нормалар ўз аксини топмаган, шу сабабли атроф-муҳитни ифлослантирувчи чиқиндилар билан бир қаторда, ҳид таъсирининг рухсат этилган максимал даражасини ҳуқуқий тартибга солиш зарурияти мавжуд. Вазирлик ушбу масала юзасидан таклифларни ишлаб чиқиб, уларни маъсул идораларга киритди.
Адлия вазирлиги шовқинга қарши курашни тартибга солишни таклиф қилди
Бугунги кунда Ўзбекистонда шовқиннинг салбий таъсирига қарши курашиш масалаларини тартибга солувчи ягона ҳуқуқий ҳужжат мавжуд эмас. Адлия вазирлиги шовқинга қарши таклифлар ишлаб чиқди. Қолаверса, вазирлик автомобиль йўлларида овоз баландлигини ўлчаш асбобларини ўрнатиш имкониятларини ўрганишни ҳам таклиф қилмоқда.
Helvetas Swiss Intercooperation филиали Ўзбекистонда рўйхатдан ўтди
Швейцариянинг Helvetas Swiss Intercooperation мустақил ташкилоти Адлия вазирлигидан рўйхатдан ўтиб, Ўзбекистонда ўзининг филиалини очди. Ташкилот аллақачон, 4,8 млн франклик лойиҳани амалга оширишни бошлаб юборган.
Қарийб 10% фермерлар билан узоқ муддатли ижара шартномаси тузилмаган — Адлия вазирлиги
Адлия вазирлиги «Фермерга мадад» ҳуқуқий акцияси доирасида қарийб 10 фоиз фермер хўжаликлари билан ер участкасининг узоқ муддатли ижара шартномаси тузилмаганини аниқланди. Шундан келиб чиқиб, Қорақалпоғистон адлия вазири ҳамда вилоятлар адлия бошқармалари бошлиқларига фермерлар ва туман ҳокимлари ўртасида ижара шартномасини тузилишини таъминлаш вазифаси топширилди.
Актам Мухаммадиев Адлия вазирининг ўринбосари этиб тайинланди
Президент қарори билан Актам Мухаммадиев адлия вазирининг ўринбосари лавозимига тайинланди. У тайинловга қадар Тошкент вилоят адлия бошқармаси бошлиғи сифатида фаолият юритган.
Илк бор нотариал ҳаракат тўлиқ онлайн тарзда амалга оширилди
Ўзбекистонда илк бор нотариал ҳаракат тўлиқ онлайн равишда амалга оширилди. Видеоконференцалоқа орқали вояга етмаган болани хорижга олиб чиқишга розилик аризаси расмийлаштирилди.
Адлия вазирлиги чет эл валютасида қарз беришни нотариал тасдиқлаш бўйича механизмни ишлаб чиқди
Адлия вазирлиги жамоатчилик муҳокамаси учун эълон қилган қонун лойиҳасига кўра, қарз суммаси чет эл валютасида белгиланганда шартнома ёзма шаклда тузилиши ва нотариал тартибда тасдиқланиши шарт бўлади. Вазирлик бу фуқаролар «ўзининг қонуний манфаатларини судда тўлиқ ҳимоя қилишига ҳуқуқий асос бўлади» деб ҳисобламоқда.
Хотин-қизларни таъқиб қилганлик учун жавобгарлик жорий этиш таклиф қилинди
Адлия вазирлиги хотин-қизларни ҳимоя қилишни кучайтириш, жумладан уларни таъқиб қилиш, гап отиш, шахсий ҳаётига дахл қилувчи турли фото-видеоларни тарқатиш ҳолатлари учун жавобгарлик жорий этиш, шунингдек, хусусий сектор ҳисобига аёлларни қўллаб-қувватловчи ташкилотлар сонини оширишни таклиф қилди.
Адлия вазири ўринбосари Акбар Ташкулов лавозимидан озод этилди
2017 йилдан бери адлия вазирининг ўринбосари сифатида ишлаб келаётган Акбар Ташкулов лавозимидан озод этилди. У Тошкент давлат юридик университети ректори лавозимига тайинланиши кутилмоқда.
Автомобилда қулоқчин ва гарнитураларсиз телефонда гаплаша олмайсиз — Адлия вазирлиги
Адлия вазирлиги бугун эълон қилинган қонунга тушунтириш берди. Унда айтилишича, ҳайдовчилар телефонда фақат bluetooth, қулоқчин ва бошқа гарнитуралар орқали гаплаша олади, лекин телефоннинг ўзидан фойдалана олмайди.
Адлия вазирлиги Расул Кушербаевни «қора бозор»дан валюта айирбошлаганини қоралади
Адлия вазирлиги депутат Расул Кушербаевнинг валютани била туриб «қора бозор»дан айирбошлаганини амалдаги қонунларни бузишга қаратилган намойишкорона ҳаракат деб баҳолади. «Расул Кушербаевнинг шахсий ўрнак сифатида қонунларни бузиш орқали муаммони ҳал этиш усулини танлагани, шу орқали ҳуқуқий нигилизмни тарғиб қилишга олиб келаётганини оқлаб бўлмайди», — дейилади хабарда. Вазирлик ушбу муаммо мавжудлигини тан олган, бироқ уни биргаликда ҳал қилишга чорлаган.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг