«андижон вилояти» тегли мақолалар
Андижонда ИИБ ва МИБнинг 4 нафар ходими 5,6 млрд сўмни талон-торож қилганликда айбланмоқда
Андижон вилояти ИИБнинг 3 нафар ва МИБ Андижон шаҳри бўлимининг 1 нафар ходими талон-торожликлар ва мансаб сохтакорлиги бўйича судланмоқда. Дастлабки айблов хулосасига кўра, жиноят оқибатида 5,6 млрд сўмдан зиёд маблағ ўзлаштирилган.
Андижонда дарёда чўкиб кетган 12 ёшли бола олти кундан бери қидирилмоқда
13 июнь куни Олтинкўл туманидаги Қорадарёга 13 ва 12 яшар қариндош болалар чўкиб кетди. Улардан бирининг жасади топилган. Болаларнинг яқинларига кўра, воқеа улар балиқ тутишга борганида содир бўлган. Олти кундан буён 12 яшар бола қидирилмоқда.
Андижонда шифокор беморнинг эри ва шериклари томонидан калтакланди
Асака туманида 30 яшар шошилинч тиббий ёрдам шифокори беморнинг эри ва шериклари томонидан калтакланди. Бунга эрнинг рашк қилиши сабаб бўлгани айтилмоқда. Ҳолат ҳуқуқни муҳофаза қилиш органлари томонидан назоратга олинган.
Андижонда пичоқланган шахс ҳокимиятда эмас, Республикадаги қўмиталарнинг бирида ишлайди — Бош прокуратура
Тармоқларда Хонобод шаҳар ҳокимлиги ходими пичоқлангани ҳақида хабарлар тарқалди. Бош прокуратурага кўра, жабрланган шахс ҳокимиятда эмас, Республикадаги қўмиталарнинг бирида ишлайди. Пичоқланган фуқаро тирик қолган. Ҳолат юзасидан жиноят иши қўзғатилиб, 1 нафар шахс гумонланувчи сифатида ушланган.
Андижонда ички ишлар ходимлари ва фуқаролар муштлашди
Тармоқларда Шаҳрихон туманида ИИО ходимлари фуқаролар билан муштлашаётгани акс этган видео тарқалди. Уч фуқарога ЖКнинг 3 та моддаси билан ҳужжат расмийлаштирилди. Ходимларнинг ҳаракатларига ҳуқуқий баҳо бериш мақсадида хизмат текшируви тайинланди.
ОАВлар Андижон вилояти ҳокими ишдан бўшатилгани ҳақида ёзди, бироқ хабар расман тасдиқланмади
Қатор интернет нашрлари, жумладан, давлат ОАВлари Андижон вилоятини қарийб 10 йил бошқарган Шуҳрат Абдураҳмоновнинг ишдан бўшатилгани ҳақида хабар берди. Аввалроқ унга тегишли дея тахмин қилинган интим видео тарқалганди. Ишдан олингани расман тасдиқланмади. Нашрлар ўз хабарларини рад эта бошлади.
Андижонда қурилиши якунланмаган бинонинг плиталари қулаб, деворлари бузилиб кетди
Андижон шаҳрида қурилаётган 5 қаватли бинонинг плиталари қулаб, деворлари бузилди. Ушбу ҳолатда тегишли ҳужжатларсиз объектда қўшимча 2 қават қўшиб, қурилиш ишлари олиб борилгани ва жараёнда қоидаларга амал қилинмагани аниқланди.
Андижонда ҳоким ёрдамчиси президентга маҳаллада 25 нафар ишсиз борлигини айтди. Улар юздан ортиқ бўлиши мумкин
Президент Андижон вилоятига ташрифи чоғида ҳоким ёрдамчиси билан маҳалладаги ишсизлик даражасини муҳокама қилди. Маҳалла аҳолисини иш билан таъминлаш бўйича маълумотлар айтилди, бироқ ишсизлар бўйича келтирилган рақамлар банд аҳоли сонига тўғри келмаяпти.
Андижонда эҳтиёжманд оилаларга қуёш панеллари топширилади
Андижон вилояти ҳокими Шуҳрат Абдураҳмонов кам таъминланган оилаларга телевизор ёки бошқа техникалар совға қилиш уларнинг электр учун харажатларини ошираётгани, ёрдам сўраётганларнинг аксарияти электрдан қарздорлигини маълум қилди. У техникалар ўрнига қуёш панеллари беришни таклиф қилди.
Андижон вилоятида зилзила содир бўлди
5 декабрь куни 07:07 да Андижон вилоятида ер қимирлаши содир бўлди. Зилзила эпицентри Асака туманида бўлиб, 3,4 магнитудани ташкил этди.
Андижонда автобус билан содир бўлган ЙТҲда яна бир жабрланувчи ҳалок бўлди
Тошкент-Ўш-Андижон йўлида Isuzu автобуси ва юк машинаси тўқнашуви оқибатида ҳалок бўлганлар сони 3 нафардан 4 нафарга етди. 33 киши шифохоналарда қолмоқда, улардан 1 нафарининг аҳволи ўта оғир, 5 нафарининг аҳволи оғир.
Андижонда автобус ва юк машинаси тўқнашди: 3 киши ҳалок бўлди, 38 киши жароҳатланди
А-373 Тошкент-Ўш-Андижон автомагистралида «Исузу» автобуси ва «Фура» юк машинаси тўқнашиб кетди. ССВ тўқнашув натижасида жами 41 нафар фуқаро жароҳат олгани, шулардан 3 нафари воқеа жойида вафот этганини маълум қилди.
Андижонда ўқувчиларга вилоят ҳокими саволларига «шукроналик ҳисси билан жавоб бериш» буюрилди
Жалақудуқ туманидаги мактабда «Ҳоким ва ёшлар» учрашувида устозлардан ўқувчилари ҳоким саволларига «шукроналик ҳисси билан жавоб бериши» сўралган хабар тарқалди. ХТВ матбуот котиби ўқитувчилардан бундай нарсаларни талаб қилмасликни сўради. Туман ҳокимлиги эса бундай топшириқ берилмаганини айтди.
Андижон вилоятидаги 52 та кўчада тезликни 60 км/соатгача пасайтириш режалаштирилмоқда
Халқ депутатлари Андижон вилояти Кенгаши пойтахт кенгашидан сўнг вилоятдаги транспорт воситаларининг ҳаракат тезлигини 70 км/соатдан 60 км/соатгача камайтиришни маъқуллади. Бу тезликни меъёридан ошириш оқибатида авариялар кўп содир этилаётган 52 та кўчада амалга ошириш режалаштирилмоқда.
Андижонда собиқ «Комсомол кўли» тиклана бошлади
Жамоатчилик танқидидан сўнг Андижондаги ташландиқ Нодирабегим боғи ва ундаги қуриган кўлни (собиқ Комсомол) тиклашга киришилди. Уч йил муқаддам вилоят раҳбари шаҳар ҳокимини танқид қилиб, боғни реконструкция қилишга ажратилган маблағларни талон-торож қилиб, Туркияга қочиб кетганини айтган эди.
Андижонда мактабга ўқувчиларни оёқ кийимсиз киргизган директор ва унинг ўринбосари огоҳлантирилди
Андижоннинг Пахтаобод туманидаги 38 мактабда ўқувчиларнинг йўлакда оёқ кийимсиз юргани акс этган видеолар ижтимоий тармоқларда тарқалди. Вилоят ХТБ баёнотига кўра, ушбу ҳолатнинг таълим сифатига умуман таъсири йўқ. Воқеа сабаб мактаб директори ва ўринбосарига интизомий чора қўлланди.
Андижонда психотроп дори воситалари савдосига чек қўйилди
Андижон шаҳрида психотроп дори воситалари олди-сотдиси билан шуғулланаётган шахслар ушланди. Гумондорларга тегишли автоуловда 100 дона «Тропикамид» ва 16 дона конвалютада жами 224 дона «Регапен» дори воситалари борлиги аниқланган.
Ўзбекистонга катта миқдорда совуқ қурол олиб кирилишига чек қўйилди
Андижон вилоятидаги «Дўстлик» чегара постида умумий қиймати 862,8 млн сўм бўлган қарийб 6000 дона совуқ қуролнинг олиб кирилишига чек қўйилди.
Ўз жонига қасд қилган тадбиркорнинг синглиси акаси вафотининг эҳтимолий сабаблари ҳақида гапирди
Андижон вилоятида «Бўз Иқбол чорваси» компанияси раҳбари дарахтга осилган ҳолда топилди. Синглисининг айтишича, у боғчаларга озиқ-овқат етказиб бериш билан шуғулланган ва муассасалар қарзларини тўламагани учун ўз жонига қасд қилган бўлиши мумкин. Мактабгача таълим вазирлиги ҳолатга изоҳ берди.
Тадбиркор Раҳмиддин Мирзаев ўз жонига қасд қилди — Бош прокуратура
Андижонлик тадбиркор, Rash Milk компанияси асосчиси Раҳмиддин Мирзаев 46 ёшида вафот этди. Бош прокуратура маълумотларига кўра, у ўз уйининг боғида осилган ҳолда топилган.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг