«дональд трамп» тегли мақолалар
АҚШ ва Украина фойдали қазилмалар бўйича янги битим лойиҳасини муҳокама қилмоқда — Axios
Трамп маъмурияти Владимир Зеленский дастлабки вариантни рад этганидан кейин Украинага фойдали қазилмалар бўйича янгиланган келишув лойиҳасини тақдим этди. Янги версияда Киевнинг шартнома хавфсизлик кафолатларини ўз ичига олиши кераклиги ҳақидаги хавотирлари инобатга олинган.
Трамп маъмурияти тирбандликни камайтириш учун жорий қилинган Нью Йорк марказига кириш тўловини бекор қилишни буюрди
Дональд Трамп маъмурияти тиғиз соатларда Нью Йорк шаҳри марказига кириш учун тўловни бекор қилишни буюрди. АҚШ президентининг норозилигига сабаб бўлган дастур йил бошида тирбандликка қарши курашиш ва жамоат транспорти учун пул йиғиш мақсадида жорий қилинганди. Шаҳар расмийлари судга мурожаат қилди.
Трамп Зеленскийни «сайловларсиз диктатор» деб атади
Дональд Трамп Владимир Зеленскийни «сайловларсиз диктатор» ва «кичик муваффақиятга эришган комедиячи» деб атади, шунингдек, уни урушдан молиявий фойда олишда айблади. Трампга кўра, Зеленский АҚШни «ғалаба қозониб бўлмайдиган ва бошланиши керак бўлмаган» урушга 350 млрд доллар сарфлашга «кўндирган».
Трамп Россия дезинформацияси пуфагида қолиб кетди — Зеленский
Украина президентига кўра, Трампнинг Зеленскийнинг рейтинги 4 фоизгача тушиб кетгани ҳақидаги маълумоти «Россия дезинформацияси»дир (Киев социология институтига кўра, бу — 57%). У, шунингдек, сайлов ўтказишга чақириқларга жавобан: «Мени ҳозироқ алмаштирмоқчи бўлишса, бунинг иложи йўқ», — деди.
«Зеленскийнинг рейтинги — 4%». Трамп Украинада сайловлар ўтказишга чақирди
Дональд Трамп Украина президенти Зеленскийнинг қўллаб-қувватланиш рейтинги 4% га тушиб кетганини айтиб, мамлакатда сайловлар ўтказишга чақирди. У, шунингдек, уруш бошланишида Украинанинг ўзини айблади ва февраль охиригача Путин билан учрашиши мумкинлигини қўшимча қилди.
Зеленский АҚШ билан фойдали қазилмалар бўйича шартнома имзолашдан бош тортди — WP
Владимир Зеленский АҚШга Украина минерал ресурсларининг 50 фоизига эгалик қилиш ҳуқуқини берувчи ҳужжатни имзолашдан «хушмуомалалик билан» бош тортди. Трамп аввалроқ АҚШ тинчлик келишуви муваффақиятли бўлишидан қатъи назар, Украина табиий ресурсларидан фойдалана олиши кераклигини айтганди.
«Америка учун кўпроқ бизнес». Трамп хорижлик амалдорларга пора беришни тақиқловчи қонунни қўллашни тўхтатди
Дональд Трамп Хорижда коррупцияга қарши курашиш тўғрисидаги қонуннинг амал қилишини тўхтатиш бўйича топшириқ берди. Ҳужжат америкаликлар ўз бизнеси йўлида хорижлик давлат хизматчиларига пора беришни тақиқлашни назарда тутади. «Бу Америка учун анча кўпроқ бизнесни англатади», — деди Трамп.
Путин билан учрашув Саудия Арабистонида ўтиши мумкин, Киевнинг НАТОга аъзолиги «эҳтимолдан йироқ». Трамп — Украинадаги уруш тугаши ҳақида
Дональд Трамп Россия президенти Владимир Путин билан Саудия Арабистонида учрашиш режалаштирилаётганини маълум қилди. Шунингдек, у Украинанинг НАТОга аъзо бўлишини «реал» деб ҳисобламаслигини айтди ва мамлакатнинг 2014 йилги чегараларига қайтишини «эҳтимолдан йироқ» дея атади.
Дональд Трамп ва Владимир Путин телефон орқали гаплашди. Асосийлар
АҚШ президенти Дональд Трамп ва Россия президенти Владимир Путин қарийб бир ярим соат давом этган телефон суҳбатида Россиянинг Украинага қарши урушини муҳокама қилди. Томонлар жамоаларига зудлик билан музокараларни бошлашни буюрди. Шундан сўнг Трамп Украина президентига қўнғироқ қилди.
Трамп пўлат ва алюминий импортига 25 фоизли божлар жорий этмоқчи
Дональд Трамп АҚШга пўлат ва алюминийнинг барча импортига 25 фоизли божлар жорий этилишини эълон қилди. Инвесторларнинг Трамп сиёсатининг оқибатларидан хавотирлари ва хавфсиз активларга бўлган талаб фонида олтин нархи рекорд даражага етди.
Трамп Путин билан Украинадаги урушни тугатиш ҳақида гаплашди — NYP
Трампнинг айтишича, у Путин билан Украинадаги урушни тугатиш ҳақида телефон орқали гаплашди, деб ёзди NYP. «Путин одамлар ортиқ ўлмаслигини хоҳлайди», — дейди АҚШ президенти. Трампга кўра, АҚШ 500 млн долларли нодир ер қазилмалари ва газ эвазига келишувда Украинага хавфсизлик кафолатларини бермоқчи.
АҚШ Халқаро жиноий судга қарши санкциялар киритди
Дональд Трамп АҚШ фуқаролари ва Исроил каби иттифоқчиларга нисбатан кетаётган терговлар туфайли Халқаро жиноий суд (ХЖС) мансабдорларига нисбатан санкция киритди. Бунда суднинг АҚШдаги вакилларига тегишли мол-мулклар блокланади, ХЖС ходимлари ва уларнинг оила аъзоларига АҚШга кириш тақиқланади.
АҚШ почта хизмати 12 соатлик танаффусдан сўнг Хитой ва Гонконгдан почта жўнатмаларини қабул қилишни тиклади
АҚШ почта хизмати (USPS) Хитой ва Гонконгдан почта жўнатмаларини қабул қилишни тўсатдан тўхтатиб қўйгач, 12 соатдан сўнг қайта тиклади. Аввалроқ Дональд Трамп АҚШга арзон нархдаги посилкаларни солиқ тўламасдан жўнатиш қоидасини бекор қилувчи фармонни имзолаганди.
Трамп АҚШнинг БМТ Инсон ҳуқуқлари кенгаши ва UNRWA билан алоқаларини тўхтатди
Дональд Трамп АҚШнинг БМТ Инсон ҳуқуқлари бўйича кенгаши ва Фаластин қочқинларига ёрдам бериш бўйича Яқин Шарқ агентлиги (UNRWA)дан чиқиши тўғрисида фармон имзолади. У, шунингдек, БМТни «яхши бошқарилмаётгани» учун танқид қилди.
АҚШ Ғазони эгаллайди, у ерда узоқ муддатли эгалик позициясини кўряпман — Трамп
АҚШ Ғазо секторини эгаллайди ва фаластинликлар бошқа жойга кўчирилгандан сўнг уни иқтисодий жиҳатдан ривожлантиради, деди Трамп Исроил бош вазири Нетаньяҳу билан учрашуви доирасида. Президент Ғазога АҚШ қўшинлари юборилишини истисно қилмади.
АҚШ ёрдам эвазига Украинадан ноёб металларни олмоқчи
Дональд Трампнинг айтишича, АҚШ ўз ёрдами эвазига Украинадан нодир ер металларини олишни хоҳлайди. Агар хавфсизлик кафолатлари тақдим этилса, Киев Вашингтон билан ишлашга тайёр, деб ёзмоқда NYT.
Канада ҳам АҚШ билан ўзаро божлар жорий этишни кечиктирди
Канада бош вазири Жастин Трюдо Трамп билан божлар жорий этилишини кечиктиришга келишиб олди. Бунда Канада чегарани мустаҳкамлашда 10 мингга яқин одамни сафарбар қилади, фентанил моддаси оқимини тўхтатиш учун ресурсларни кўпайтиради. Бир кун аввал Мексика ҳам божларни кечиктиришга келишиб олганди.
АҚШ Мексика товарлари импортига нисбатан бож жорий этишни бир ойга кечиктирди
Дональд Трамп Мексика «ноқонуний гиёҳванд моддалар, хусусан, фентанил оқимини тўхтатиш учун 10 минг нафар Миллий гвардия аъзоси билан шимолий чегарасини мустаҳкамлашга рози бўлганидан кейин» Мексикага янги тариф жорий этишни бир ойга тўхтатди.
Трамп USAID`ни Давлат департаменти назоратига ўтказмоқчи. Нималар маълум?
АҚШ Халқаро тараққиёт агентлиги (USAID) веб сайти ишламаяпти. Бу Трамп агентликни Давлат департаменти назоратига ўтказмоқчи экани ҳақидаги хабарлардан сўнг рўй берди. Бундай ҳаракат глобал гуманитар ёрдам, жумладан, ОИВ/ОИТСни даволашдан то тоза сувгача таҳдид солиши мумкин. Асосий маълумотлар.
Трамп жуда кўп гапираётгани учун Оқ уй қўшимча стенографистларни ёлламоқчи
Дональд Трампнинг нутқларини қайд этиб улгурилмаётгани учун Оқ уй қўшимча стенографистларни ёллашни режа қилмоқда. Трамп, хусусан, лавозимининг биринчи ҳафтасида омма олдида салкам 8 соат гапирди ва 81,2 мингта сўз ишлатди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Ўзбекистонликлар 8 март муносабати билан неча кун дам олади?
- Журналист Рухсора Ғофурова иши судга оширилди
Қўшимча имкониятлардан фойдаланиш учун сайтда рўйхатдан ўтинг