«ииб» тегли мақолалар
«Дарё» нашрининг «Бахти Ташкентский» судини ёритаётган журналисти ИИБга чақирилди
«Бахти Ташкентский» ва 36 нафар айбланувчи бўйича бошланган суд мажлисини ёритаётган «Дарё» журналисти Отабек Қўлдошев ИИБга чақирилди. Журналист шикоят аризаси билан таништирилмай, тушунтириш хати ёздириб олинган. Унинг устидан судга раислик қилаётган судья шикоят қилгани айтилмоқда.
«Бу маълумотларнинг чиқарилишига йўл қўйилмайди». Навоий ИИБ — «шарманда доскаси» ҳақида
Навоий вилояти ИИБ жиноят содир этганларнинг суратлари туширилган «шарманда доскаси» маҳаллаларда жорий этилишига йўл қўйилмаслигини билдирди. Аввалроқ омбудсман бу амалиёт инсон ҳуқуқларига зид эканини баён қилганди. Бундай суратларни жойлаштириш 2021 йилда ҳукумат томонидан тасдиқланган.
«Айбсизлик презумпцияси бузилгани йўқ». Марғилонда қора Gentra ҳайдовчилари билан профилактик суҳбат ўтказилди
Марғилон шаҳрида қора рангдаги ўнлаб Gentra машиналари ҳайдовчилари билан профилактик суҳбат ўтказилди. Бу айнан шу рангдаги Gentra автомобилларининг давлат рақами белгисини ечиб ҳаракатланиш кўпайгани билан изоҳланди. Фарғона вилояти ИИБ жараён профилактик ишларнинг бир қисми эканини таъкидлади.
Самарқандда профилактика инспекторини уриб, машинаси ойналарини синдирган фуқаролар қамоққа олинди
Самарқанд шаҳрида жанжал бўлаётгани юзасидан келиб тушган чақириққа кўра хонадонга борган профилактика инспектори уй эгалари томонидан калтакланди. Шунингдек, унга тегишли машина ойналари синдирилди. Ҳолат юзасидан жиноят иши қўзғатилиб, 2 фуқаро қамоққа олинди.
Тошкентда одам ўғирлашда гумонланган 2 шахс ушланди, улардан бири вафот этди
Ижтимоий тармоқларда Тошкент шаҳридаги ички ишлар бўлимида қўлга олинган шахс вафот этгани ҳақида хабарлар тарқалди. ИИББ маълумотига кўра, ўта оғир жиноятларда гумон қилинган эркак баённома расмийлаштириш чоғида ҳушини йўқотган ва вафот этган.
ДХХ фуқароларнинг пулларини ўзлаштиришда гумонланган ИИБ, Миллий гвардия ва солиқ ходимларини ушлади
Навоийда фуқарога $30 минг эвазига олтин қазиб олиш учун шароит яратиб берган ИИБ инспектори, Наманганда $3 минг эвазига фирманинг 383 млн сўмлик солиғини бартараф этмоқчи бўлган солиқ инспектори, Андижонда $5 минг эвазига фуқарони ишга киритиб қўйишни ваъда қилган Миллий гвардия ходими ушланди.
Президент 15 нафар ИИБ бошлиғи ва 5 нафар прокурорни ишдан олди
Президент 15 та туман (3 таси пойтахтда) ИИБ бошлиқлари ва 5 та туман прокурорларини лавозимидан озод қилди. Бош прокурор биринчи ўринбосари ва ИИВ раҳбарининг икки ўринбосарига ҳайфсан берилди, рақамлаштириш учун масъул ўринбосар Нажмиддин Тўрахожаев эгаллаб турган лавозимидан озод қилинди.
Самарқандда ҳокимият захирасидаги ерни $75 мингга сотмоқчи бўлган шахс ушланди
Тойлоқ туманида ҳокимият захирасидаги 18 сотих ерни 75 минг долларга сотмоқчи бўлган шахс қўлга олинди. Ҳозирда ҳолат бўйича терговга қадар текширув ҳаракатлари ўтказилмоқда.
Андижонда маҳкумнинг уриб ўлдирилгани юзасидан 12 нафар ИИО ходимига ҳукм ўқилди
Андижондаги тергов ҳибсхонасида маҳкумнинг калтакланиб, ўлдириб қўйилгани бўйича 12 нафар ИИО ходимига суд ҳукми ўқилди. Улардан 6 нафари қамалди, қолгани уй қамоғига ҳукм қилинди. Марҳумни камерада калтаклаган бир нафар маҳбуснинг жазо муддати узайди.
Қашқадарёда 3 нафар блогер 5 суткага қамалди. Жамоатчилик бунинг қонунийлигига шубҳа қилмоқда
Қашқадарё вилоятида 3 нафар блогерга майда безорилик, ички ишлар ходимларининг қонуний талабларини бажармаслик ва бошқа моддалар бўйича 5 суткадан маъмурий қамоқ жазоси тайинланди. Жамоатчилик буни «мантиқсиз ва ноқонуний» дея атаб, Олий суддан асослантирилган изоҳ беришни сўради.
Тошкентда терговдан қочиш учун 4-қаватдан сакрагани айтилган 21 ёшли йигит вафот этди
Чилонзор тумани ИИБ биносида 21 ёшли йигит терговдан қочиш мақсадида 4-қаватдаги ҳожатхонадан сакрагани айтилмоқда. У шифохонада вафот этган. Йигит машинасидан гиёҳванд модда топилгани учун қўлга олинганди. Марҳумнинг яқинлари унинг ўлими сабабига шубҳа билдирмоқда.
Байроқ рангидаги тасма таққан йигит иши бўйича ИИБ ходимларига хизмат текшируви тайинланди
Қашқадарёда байроқ рангидаги тасма таққан йигит иши бўйича ИИБ ходимларига хизмат текшируви тайинланди. Аввалроқ «Юксалиш» ходимлар ва ноқонуний қарор қабул қилган суд ҳаракатларига қандай баҳо берилганига қизиқиб, иш тафсилотларини очиқлашга чақирганди.
Фарғонада бир қиз ва икки йигит психотроп модда билан ушлангани ҳақидаги хабарга муносабат билдирилди
Тармоқларда 15−18 ёшлардаги қиз ва икки йигитнинг психотроп модда билан ушлангани айтилган видео тарқалди. Фарғона вилояти ИИБга кўра, уларда психотроп модда ёки совуқ қурол аниқланмаган. Аммо улардан иккиси ва видеони тарқатган шахс жаримага тортилган.
Самарқандда фуқароларни $24 минг эвазига Канадага юборишда гумонланган аёл ушланди
ДХХ ва ИИБ Самарқандда фуқароларни $24 минг эвазига Канадага жўнатишда гумонланган аёлни ушлади. У келишилган пулдан 4 минг доллар олган вақтда қўлга тушгани айтилмоқда.
Қашқадарёда ҳокимлик биноси олдига мол ҳайдаб борган фуқаро етти суткага қамалди
Ғузор туманида фуқаро акаси терговга жалб қилинганига норозилик сифатида чорва молларини туман ҳокимлиги биноси олдига ҳайдаб борди. Суд қарори билан у 7 суткага қамалди.
Наманган вилояти ИИБга янги раҳбар тайинланди
Шухрат Алиев Наманган вилояти ИИБ бошлиғи лавозимига тайинланди. У бунгача Бухоро вилояти ИИБ бошлиғи бўлиб ишлаган.
Қашқадарё ва Сирдарёда ноқонуний ер сотмоқчи бўлганлар ушланди
ДХХ тезкор тадбир ўтказиб, Қашқадарёда жами 99 гектар ерни ноқонуний сотмоқчи бўлган фермер хўжалиги раҳбарлари ва ходимини қўлга олди. Сирдарёда ҳам муқаддам судланган шахс боғ яратиш учун берилган ерни 30 минг долларга сотмоқчилиги маълум бўлди. Ҳозир ушбу шахсларга жиноят иши очилди.
Самарқандда шифохона бош шифокорининг ўғли ва келини икки ҳамширани калтаклагани айтилмоқда
Пайариқ туманидаги Челак шифохонаси ходимлари ўртасида жанжал содир бўлди. Тармоқларда шифохона бош шифокорининг ўғли ва келини икки ҳамширани уриб, жароҳат етказгани айтилмоқда. Жанжалда тан жароҳати етказишда гумонланаётган фуқарога жиноят иши очилди.
Андижонда ИИБ ходимлари фуқароларни калтаклаб, кейин видео орқали узр сўраттирди
Асакада ички ишлар ходимлари жамоат тартибини бузганликда айблаб, фуқароларга куч ишлатди. Туман ИИБга олиб кетилган фуқаролар узр сўраб, ходимларга совуқда тартибни сақлаётгани учун миннатдорлик билдирди. Уларнинг калтаклангани акс этган видеони тарқатиш эса яхши иш бўлмаганини айтди.
Фарғонада аёл киши ИИБ биноси олдида ўзини ёқиб юбормоқчи бўлди
Тармоқларда Фарғонада аёл киши ИИБ биноси олдида ўзини ёқиб юбормоқчи бўлгани ҳақидаги хабар тарқалди. Вилоят ИИБ аёлнинг қизи 4 нафар шахсга жинсий алоқа қилишга шароит яратиб бергани ва 2 нафар вояга етмаган қизни тутқунликда сақлаб, фоҳишаликка мажбурлаб келгани учун ушланганини маълум қилди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг