«мактаблар» тегли мақолалар
Спорт зали йўқ мактабларда жисмоний тарбия дарсларини ўқитиш тикланди
Спорт зали йўқ мактабларда қиш ойларида жисмоний тарбия дарслари ўтган ўқув йилидан бошлаб қисқартирилганди. Мазкур буйруқ бекор қилинди ва эндиликда барча мактабларда ҳафтада икки марта жисмоний тарбия ўқитилади.
2025 йилда барча мактаблар тўлиқ миллий ўқув дастурига ўтади
Республика таълим маркази мутахассислари янги миллий ўқув дастури учун дарсликлар тайёрлаш жараёни қандай кетаётгани ҳақида сўзлаб беришди. Cambridge`нинг АКТ бўйича дарсликлари маҳаллийлаштирилди, Франция ва Германиянинг француз ва немис тиллари дарсликларини маҳаллийлаштириш режа қилинган. Миллий муаллифларнинг янги дарсликларида танқидий ва ижодий фикрлашни ривожлантиришга эътибор қаратилмоқда, бироқ, муаллифлар мактаби ҳали шаклланмаган.
Тошкентда мактабларда жой етишмаслигини биноларни ижарага бериш орқали ҳал қилиш режалаштирилмоқда
Прогнозларга кўра, 2025 йилда Тошкент мактабларида 550 минг ўқувчи таҳсил олади. Беш йил ичида шаҳарда 30 та мактаб қуриш режалаштирилмоқда, бироқ бу синфларда жой етишмаслиги муаммосини ҳал учун етарли эмас. Ҳоким Жаҳонгир Ортиқхўжаев давлат ҳар йили 20−30 тадан мактаб қура оладиган даражага етгунича вақтинчалик ечим сифатида бўш биноларни ишбилармонлардан ижарага олиш кўриб чиқилаётганини маълум қилди.
Таълим сифати билан боғлиқ аҳвол қониқарли эмас — халқ таълими вазири
Халқ таълими вазири Бахтиёр Саидов учта вилоятга ташрифдан сўнг, мактаблардаги аҳволни қониқарли эмас деб атади. «Афсуски, ҳатто ўз фани бўйича оддий саволга ҳам жавобни билмайдиган ўқитувчилар бор экан», — деди у. У ўқитувчилар қўлида инсон тақдири ётганини айтиб, «жонкуярлик бўлмаса нима қилади бу касбни танлаб?» деган саволни ўртага ташлади. Вазир таълим сифатини яхшилаш учун катта ва кўп ишлар қилиш кераклигини маълум қилди.
2022 йилда 40 та мактаб қуриш режалаштирилган. Бу жуда ҳам кам
2022 йилда давлат томонидан 410 млрд сўмлик 40 та мактаб қуриш режалаштирилган. Бу ўтган йилгидан деярли икки баравар кўп, аммо мактабларда жой етишмаслиги муаммосини ҳал қилиш учун ҳали ҳам ҳалокатли даражада етарли эмас.
ХМК мактаблар қуриш учун инвестиция жалб қилишга ёрдам беради
Халқаро молия корпорацияси Ўзбекистон ҳукуматига мамлакат вилоятларида замонавий ва энергия жиҳатидан тежамкор 15 тагача мактабларни молиялаштириш, лойиҳалаштириш, қуриш ва хизмат кўрсатиш учун хусусий операторни танлашда тендер ўтказишга ёрдам беради.
Хорижий тилларни ўқитиш бўйича энг яхши мактаблар Президент соврини билан мукофотланади
Ҳар йили инглиз, немис, француз тиллари (хорижий тиллар) ўқитиладиган мактаблар ўртасида хорижий тилларни ўқитиш бўйича энг яхши мактаб танлови ўтказилади. Республика босқичида биринчи ўринни эгаллаган мактабга 500 млн сўм мукофот берилади.
«Қишлоқлардаги мактаблар аҳволи қандай эканини биламан». Шавкат Мирзиёев таълимда амалга ошириладиган ислоҳотлар ҳақида
Шавкат Мирзиёев ўзининг сайловолди дастури доирасида келгуси беш йилда амалга ошириладиган ишларга тўхталиб ўтди. Жумладан, 7 мингдан зиёд янги боғча қуриш орқали мактабгача таълимдаги қамровни 80 фоизга етказиш, мактабларни ривожлантириш давлат дастурини ишлаб чиқиш, 1,2 млн ўқувчи ўрнини яратиш, қолаверса, олий таълим қамровини 50 фоизга, хусусий олийгоҳлар сонини эса 50 тага етказиш, 100 минг ўринли талабалар ётоқхоналарини барпо этиш режалари маълум қилинди.
Мактабларда янги ўқув йили тўлиқ анъанавий шаклда бошланади
Ўзбекистон мактабларида янги ўқув йили тўлиқ анъанавий шаклда бошланади. Вақтинча ёпилган мактаблар учун теледарслар йўлга қўйилади. Ўқувчининг ўзи ёки оила аъзолари коронавирусга чалинган бўлса ёки мактаб ўқитувчилари орасида инфекция аниқланган бўлсагина, масофавий (онлайн) тарзда ўқув жараёнлари олиб борилади.
Янги ўқув йилида мактабларда дарслар гибрид шаклда давом эттирилади
Халқ таълими вазирлиги янги 2021−2022 ўқув йилида мактабларда дарс жараёни гибрид шаклда давом эттирилишига тайёргарлик кўраётганини маълум қилди. Бунда мактабда юзага келадиган вазиятга қараб айрим мактаблар карантинга ёпилиб масофавий тизимга ўтказилиши мумкин.
«Мактабдаги аҳволларни кўрса, одам тавба деб юборади» — Шавкат Мирзиёев
Президент республикадаги мактаблар шароитининг ёмон аҳволдалиги масаласи долзарблигича қолаётганини таъкидлади. «Мактабдаги аҳволларни кўрса, одам тавба деб юборади. Камчиликларни 27 йил кўриб-кўрмасликка олганмиз. Сурхондарё, Қашқадарё, Самарқанддаги мактабларнинг аҳволини яхши биламан», — деди у.
Ўқувчиларни мактабда бўлиш вақти Face ID тизими орқали назорат қилинади
Республика бўйлаб барча мактабларда ўқувчиларнинг муассасада бўлиш вақти Face ID тизими орқали назорат қилиниши режалаштирилмоқда. Бундан ташқари, синф хоналарига овозли камералар ўрнатиш ва уларни ички ишлар органлари томонидан назорат қилинишини йўлга қўйиш кўзда тутилган. Сиёсатшунос Камолиддин Раббимовнинг фикрига кўра, ўқувчилар камералар остида фикрлашга мажбурланса, бу мамлакатни тўлақонли тоталитар давлатга айланиши учун мустаҳкам асос бўлиб хизмат қилади.
Шерзод Шерматов — мактабларда жой етишмаслигини келтириб чиқарган сабаблар ҳақида
Бугун Ўзбекистонда ўқувчилар сони (6,24 млн) мактабларнинг лойиҳавий қувватидан (5,06 млн) сезиларли даражада ортиб кетган. Вазият шу ҳолда ривожланиб борса, ўртадаги фарқ 2 млнтага етади, дея маълум қилди халқ таълими вазири Шерзод Шерматов. У мактабларда жой етишмаётганининг икки асосий сабабини айтиб, муаммони ҳал этиш бўйича бир қанча таклифларни илгари сурди.
Тошкентдаги 107 та мактабда таълим онлайн шаклга ўтказилди
Тошкентдаги 107 та мактабда таълим онлайн шаклга ўтказилди. Ҳозирги кунда Тошкент мактабларида 234 967 нафар ўқувчи анъанавий тарзда, 214 077 нафар ўқувчи масофадан туриб таълим олмоқда.
Тошкент вилоятидаги 14 та мактаб ва 15 та синф карантинга олинди
Тошкент вилоятида 18 та умумий ўрта таълим мактабининг ўқитувчи ва ўқувчилари орасида коронавирус юқтириш ҳолатлари аниқланди. Шу сабабдан туманлардаги бир қатор мактабларда ўқув жараёнлари масофавий шаклга ўтказилди.
Мактаблардаги муаммоларни юзимизга солиш ўрнига, ёрдам берадиган раҳбарлар кўпаяверсин — халқ таълими вазири
Шерзод Шерматовнинг таъкидлашича, мактаблардаги муаммоларни ҳал этиш ўрнига, «баъзилар ўзини кўрсатишга ҳаракат қилишдан нарига ўта олмаяпти». У президент топшириқларини тўғри тушунган раҳбарлар бюджетдан ташқари маблағларни топиб, мактабларга ёрдам беришга ҳаракат қилишини айтди.
Пойтахтнинг учта туманидаги мактабларда ўқиш масофавий шаклга ўтказилади
16 мартдан Мирзо Улуғбек, Чилонзор ва Юнусобод туманларидаги мактаблар онлайн ўқиш режимига ўтказилади. Бунга ўқувчи ва ўқитувчилар орасида коронавирус инфекциясига чалиниш ҳолатининг кескин ошгани сабаб бўлган. Ўқиш жараёнлари бир марталик карантин муддатига масофавий тарзда амалга оширилади.
СЭС раҳбари мактабларда коронавирус билан касалланиш сони кўпайганлигини маълум қилди
Санитария ва эпидемиология Тошкент шаҳар бошқармаси раҳбари пойтахтда коронавирус билан касалланиш сони, айниқса мактаб ўқувчилари, талабалар, ташкилот ва муассасалар ходимлари орасида кўпайганлигини маълум қилди. Туман бўлимларига пандемия бошланганидан буён 106 ўқувчида аниқланган мактабларда карантин талабларига мувофиқлигини текшириш бўйича кўрсатма берилди.
Мактабларда баҳорги таътиллар 20 мартдан бошланади
Баҳорги таътил 20 дан-28 мартгача давом этади. 29 мартдан ўқув йилининг 4-чораги бошланади.
Мактаб таълимини такомиллаштириш бўйича ғоялар портали очилди
ХТВ мактаб таълимини ривожлантириш бўйича ғоялар ва таклифлар порталини ишга туширди. Порталда таълим сифатини ошириш, инклюзия, инновация, мактаб инфратузилмаси ва бошқаларга оид ғояларини тақдим этиш мумкин.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг