«мактаб» тегли мақолалар
Навоий шаҳридаги мактабнинг спорт залида ўқувчилар сочи оммавий калталанди. Болалар омбудсмани «номақбул» ҳаракатни қоралади
Навоий шаҳридаги 2-мактабда ўғил болалар спорт залига олиб кирилиб, сочлари олдирилди, бу директорнинг ташаббуси бўлиши мумкин. ММТБ бошлиғи ва болалар омбудсмани бундай муносабатга йўл қўйиб бўлмаслигини таъкидлади. Миллий гвардия эса уларнинг ходимлари жараённи тўхтатишга уринганини билдирди.
Тошкентда 12 ёшли ўқувчининг тўп тегиб вафот этгани бўйича жиноий иш қўзғатилди
Октябрда Тошкентдаги 259-мактабда жисмоний тарбия дарсида 12 ёшли бола копток тегиб, вафот этгани юзасидан ўз вазифаларини лозим даражада бажармаслик моддаси билан жиноят иши қўзғатилди. Бир неча кун аввал шу мактабнинг футбол майдони олдидан ҳушсиз топилган 3-синф ўқувчиси шифохонада вафот этганди.
Ўзбекистонда таълим муассасаларида газланган ҳамда энергетик ичимликларни ичиш ва сотиш тақиқланиши мумкин
Ўзбекистонда боғча, мактаб, коллеж ҳамда олий ўқув юртларида ширин, газланган ва энергетик ичимликлар ҳамда тузи юқори бўлган қайта ишланган озиқ-овқат маҳсулотларини истеъмол қилишни ва сотишни тақиқлаш режалаштирилмоқда.
Президент мактаб ўрнига ҳужрага қатнаган болалар ҳақида гапирди
Шавкат Мирзиёев Бухорода 12 нафар мактаб ўқувчиси 6 ой давомида ҳужрага қатнаб юргани ва бундан директорнинг хабари бўлганини таъкидлади. «12 та болага ҳам директор 5 баҳо қўйиб келяпти. У ҳужрада топган номаъқул пулини директорга беряпти. Мана, биз қандай иллат билан курашяпмиз», — деди президент.
Тошкентдаги мактабдан ҳушсиз ҳолда топилган 3-синф ўқувчиси вафот этди
Шанба куни Юнусобод туманидаги 259-мактабнинг футбол майдони олдидан ҳушсиз ҳолда топилган 3-синф ўқувчиси шифохонада вафот этди. Ҳолат юзасидан суд-тиббий экспертиза тайинланиб, терговга қадар текширув олиб борилмоқда.
Мактаб ва боғчаларни қуриш ҳамда таъмирлаш бўйича буюртмачи компания ташкил этилди
Ўзбекистонда Инфратузилмани ривожлантириш инжиниринг компанияси ташкил этилди. У мактабгача таълим ташкилотлари, умумтаълим ва ихтисослаштирилган мактабларни қуриш, реконструкция қилиш ва капитал таъмирлаш бўйича буюртмачи вазифасини бажаради.
Ўзбекистонда вояга етмаганлар 2023 йилда 3,5 мингта жиноят содир этди
2023 йилда Ўзбекистонда вояга етмаганлар томонидан 3500 та жиноятчилик қайд этилди. Уларнинг 2280 таси мактаб ўқувчилари ҳисобига тўғри келди. Президент мактабларда болаларни ватанпарварлик руҳида тарбиялаш орқали уларнинг «жиноятга қарши иммунитетини» шакллантириш тизимини яратиш муҳимлигини айтди.
Мактабларда юқори синф ўқувчиларига иккинчи хорижий тил ўргатилади
2024/2025 ўқув йилидан бошлаб 10−11-синфларда иккинчи хорижий тилга ўқитилади. Шунингдек, хорижий тиллар йўналишлари бўйича педагогларни тайёрлайдиган давлат ОТМ талабаларининг мактабларда педагогик амалиёти йўлга қўйилади.
Тошкентда 8-синф ўқувчиси вафот этди
Тармоқларда Мирзо Улуғбек туманидаги 99-мактаб ўқувчиси ток уриши оқибатида вафот этгани ҳақида хабарлар тарқалди. Мактаб бошқармаси буни рад этиб, ўқувчи мактабда ҳушини йўқотгани ва кўрсатилган ёрдамга қарамай, кардиология марказида вафот этганини билдирди.
Тошкентда директор синфдоши билан муштлашган болани урди. Ҳолат ўрганилмоқда
Пойтахтдаги 217-мактабда икки синфдош жанжал оқибатида муштлашди. Директор болаларнинг бирига танбеҳ бераркан, уни тепиб, ҳақорат қилди ва юзига тарсаки туширди. Ҳолатни ҳуқуқ-тартибот идоралари ўрганяпти. Мактаб бошқармаси воқеани қоралаб, бу «педагог обрўсига путур етказишини» таъкидлади.
«Ўзбекистон 24» лавҳасида ўқитувчилар мактабни тозаламагани учун танқид қилинди. Педагогларни меҳнатга мажбурлаш қонунга зид
Президент Қарши туманидаги 12-мактабга бориб, муассаса шароитини танқид қилди. Ташрифни ёритган «Ўзбекистон 24» каналида ўқитувчилар «маоши ошиб, мавқеи юксалса-да, мактаб ҳовлисини гуллатиб, яшнатиб қўймагани» таъкидланди. Жамоатчилик педагогларни меҳнатга мажбурлаш тақиқланганини эслатди.
Тошкентдаги 160-мактаб ўқитувчилари президентга мурожаат қилди
Тошкентдаги 160-мактаб ўқитувчилари асоссиз текширувлар ортидан мактаб директори ишдан бўшатилганини айтиб, президентга мурожаат қилди. Мактаб таълими бошқармаси таълим-тарбия жараёни сифати кескин пасайгани ва текширувлар прокуратура томонидан ўтказилганини қайд этди.
Ўзбек депутатлари россиялик депутатнинг Россияда мигрантларнинг болалари учун мактаблар қурилиши ҳақидаги баёнотига жавоб қайтарди
Россиялик депутат Михаил Делягинга кўра, ўзбекистонлик мигрантларнинг болалари учун хусусий мактаблар қуриш таклифи Россия фуқароларига нисбатан «камситиш» ва бу Россиянинг йўқ бўлишига олиб келиши мумкин. Ўзбекистонлик депутатлар бу айбловлар «муносабатларда ҳушёрликка даъват этишини» таъкидлади.
10−11-синф ўқувчилари учун 4 та йўналишда танлов фанлари белгиланди
Мактабларнинг юқори синф ўқувчилари учун 4 та йўналишда танлов фанлари белгиланди. Улар қайси йўналишни танласа, ўша фанлар чуқурлаштириб ўқитилади. Кейинги ўқув йилидан танлов фанлари кўпаяди.
«Вести.uz» Ўзбекистонда Россия мактаблари қурилишига қарши фикр билдирганларни русофобияда айблади
Россия манфаатларини ёритувчи «Вести.uz» сайти Ўзбекистонда РФ томонидан мактаблар қурилиши ҳақидаги таклифни савол остига олган тармоқ фаолларини «Ғарб элчихоналарига сотилган блогерлар» деб атади. Сайтнинг ёзишича, Россия мактабларида «Украинани нацизмдан тозалаш ҳақидаги ҳақиқат» ўргатилади.
«Нотўғри талқин қилинмоқда». Бош вазир матбуот котиби — РФнинг Ўзбекистонда мактаб қуриш таклифи ҳақида
Бош вазир матбуот котиби Бекзод Ҳидоятов Россиянинг Ўзбекистонда мактаб қуриш таклифи интернетда нотўғри талқин қилинаётганини билдирди. Унинг айтишича, давлатлар бир-бирининг ҳудудида мактаб қуриши жаҳон тажрибасида бор ва шундай мактаб қурилса ҳам, унинг дастури ҳар томонлама ўрганиб чиқилади.
Қозоғистон мактаб ва боғча йўқ ҳудудларда кўп қаватли уйлар қуришни тақиқламоқчи
Қозоғистон депутатлари яқин атрофида мактаб, болалар боғчаси ёки бошқа ижтимоий инфратузилма бўлмаса, кўп қаватли уйлар қуришни тақиқлашни таклиф қилишди. Қонун лойиҳаси бир қанча мактабларда болалар сони ортиб кетиши ҳолатларидан кейин ишлаб чиқилган.
Мактабларда 1-синфдан компьютер саводхонлиги дарслари жорий этилади
«Ўзбекистон — 2030» стратегиясига кўра, энди мактабларда компьютер саводхонлиги дарслари 1-синфдан жорий этилади. Шунингдек, 5 минг нафаргача профессор-ўқитувчиларни тажриба алмашиш учун, 200 нафаргача ёш олимларни илмий даража олиш учун танлов асосида хорижий илмий ташкилотларга юборилади.
Сўровнома: Мактаб бозорига қанча сарфладингиз?
4 сентябрдан мактабларда ўқув йили бошланади. Шу боис айни кунларда бозорлар харидорларга тўла, кимдир мактаб формасини, яна кимдир ўқув қуролларини сотиб оляпти. «Газета.uz» ота-оналар мактаб бозорига қанча пул сарфлаётгани ва уларнинг нарх-наво борасидаги фикрлари билан қизиқди. Видео.
«Ўзбекистондан совға». Шавкат Мирзиёев ва Илҳом Алиев Фузулийда мактаб очилишида иштирок этди (фото)
Ўзбекистон ва Озарбайжон президентлари ҳамда уларнинг рафиқалари Фузулий шаҳрида Ўзбекистон томонидан қурилган мактабнинг очилиш маросимида иштирок этди. «Бу Қорабоғни тиклашда хорижий давлатнинг илк совғасидир», — деди Илҳом Алиев. Мактаб ҳақида нималар маълум?
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг