«президент» тегли мақолалар
Президент ҳудудлар раҳбарларига озиқ-овқат захираларини шакллантиришни буюрди
Шавкат Мирзиёев глобал бозорлардаги нархларнинг кескин тебранишини ҳисобга олиб, ички бозорда нархлар барқарорлигини сақлаш, аҳолини етарли миқдорда озиқ-овқат маҳсулотлари билан таъминлаш лозимлигини таъкидлади. Ҳудудлар раҳбарларига озиқ-овқат маҳсулотлари захираларини шакллантириш вазифаси қўйилди. Шунингдек, товарларни экспортга етказишда логистика масалаларини тезкор ҳал қилиш бўйича кўрсатмалар берилди.
Президент Халқаро хотин-қизлар куни муносабати билан бир гуруҳ аёл-қизларни мукофотлади
Президент Шавкат Мирзиёев давлат ва жамият ҳаётида фаол бўлган бир гуруҳ аёл-қизларни турли унвон, орден ва медаллар билан мукофотлади. Улар орасида тадбиркор, ўқитувчи, санъат соҳаси вакиллари, ҳоким ва прокурор лавозимида фаолият юритаётган аёллар бор. Шунингдек, 28 нафар аёл-қизлар Зулфия номидаги Давлат мукофоти билан тақдирланди.
4 март куни Ўзбекистонда содир бўлган энг муҳим хабарлар дайжести
Украинадан эвакуация қилинган талабалар ўқишини Ўзбекистонда давом эттириши, рублнинг сўмга нисбатан курсини мустақил белгилаётган тижорат банклари, давлат ташкилотларида ишлашига рухсат берилган талабалар, Японияга 5 йилдан кейин оиласини ҳам олиб кетиши мумкин бўлган махсус мақомдаги мигрантлар ва бошқалар — «Газета.uz» нинг 4 мартдаги энг муҳим хабарлари дайжестида.
Энди тадбиркорлар ўз товарларида ишлаб чиқарилган жой номини кўрсатиши мумкин
Президент «Географик кўрсаткичлар тўғрисида»ги қонунни имзолади. Унга кўра, тадбиркорлар ўз товарларида ишлаб чиқарилган жой номини кўрсатиши мумкин. Талабгорлар географик кўрсаткичдан фойдаланиш ҳуқуқини рўйхатдан ўтказиш учун Интеллектуал мулк агентлигига мурожаат қилиши лозим. Ҳуқуқ 10 йил давомида амал қилади, географик кўрсаткични бошқа давлатларда ҳам рўйхатдан ўтказиш мумкин.
3 март куни Ўзбекистонда содир бўлган энг муҳим хабарлар дайжести
Покистонга ташриф буюрган Шавкат Мирзиёев, Украинадан эвакуация қилинган 1859 нафар ўзбекистонлик, Ўзбекистонда 2050 йилда табиий газ, кўмир ва нефтдан ёқилғи сифатида фойдаланишдан воз кечиши, дам олиш кунида кутилаётган чанг тўзони, янги таҳдид ва хавфларни бартараф этиш юзасидан фикр алмашган Ўзбекистон ва Қозоғистон, спорт вазирига тайинланган ўринбосарлар ва бошқалар — «Газета.uz» нинг 3 мартдаги энг муҳим хабарлари дайжестида.
Шавкат Мирзиёев Покистонга жўнаб кетди
Пайшанба куни Шавкат Мирзиёев Покистонга жўнаб кетди. Ташриф давомида Покистон бош вазири Имрон Хон билан савдо, инвестиция, саноат кооперацияси, транспорт, логистика, инфратузилма ва туризма соҳалари юзасидан фикр алмашилади. Қолаверса, учрашувда халқаро ва минтақавий маслалалар муҳокама қилиниши кутилмоқда.
2 март куни Ўзбекистонда содир бўлган энг муҳим хабарлар дайжести
Украинадаги вазият оқибатларини юмшатиш бўйича чора-тадбирлар режасини тайёрлашни буюрган Шавкат Мирзиёев, Украинадан ўзбекистонликлар эвакуация қилиниши давом этаётгани, ўзбек пахтаси болалар меҳнатидан ҳоли бўлганини қайд этган ХМТ, «Давлат фуқаролик хизмати тўғрисида»ги қонунни маъқуллаган депутатлар, қайта ташкил этилган Маҳалла вазирлиги ва бошқалар — «Газета.uz» нинг 2 мартдаги энг муҳим хабарлари дайжестида.
1 март куни Ўзбекистонда содир бўлган энг муҳим хабарлар дайжести
Фавқулодда вазиятлар вазири бўлган Абдулла Қўлдошев, янги ташкил этилган Хотин-қизлар ва оила ишлари қўмитаси, маҳалла вазири в.б. лавозимига маъқулланган Турсинхан Худайбергенов, Ўзбекистоннинг 2021 йилдаги давлат қарзи қарийб 3 млрд долларга кўпайгани, янги ўқув йилидан бюджетдан тўлаб берилаётган 23 минг магистр қизнинг контракти ва бошқалар — «Газета.uz» нинг 1 мартдаги энг муҳим хабарлари дайжестида.
Шавкат Мирзиёев Туркия президентини туғилган куни билан табриклади
Шавкат Мирзиёев туркиялик ҳамкасби Режеп Таййип Эрдоған билан телефон орқали мулоқоти давомида уни туғилган куни билан табриклади. Қолаверса, президентлар Тошкентда ўтадиган Стратегик ҳамкорлик бўйича олий даражадаги кенгашнинг навбатдаги йиғилишига тайёргарлик кўриш масалаларини ҳам муҳокама қилди.
Ўзбекистон ҳамда Покистон ўртасида транзит савдо тўғрисидаги битим тасдиқланди
Президент қарори билан Ўзбекистон ҳамда Покистон ҳукуматлари ўртасида транзит савдо тўғрисидаги битим тасдиқланди. Мазкур ҳужжат 2021 йилнинг 15 июлида Покистон бош вазири Имрон Хоннинг Тошкентга ташрифи доирасида имзоланганди.
23 февраль куни Ўзбекистонда содир бўлган энг муҳим хабарлар дайжести
Қорақалпоғистонга 3 кунга кетган президент, 1 мартдан Ўзбекистонда ниқоб тақиш мажбурияти бекор қилиниши, Тошкентдан Қорақалпоғистонга бориб ишлагани учун шифокорлар маошига тўланадиган 100% устама, Ўзбекистонда автомобиль йўлларини таъмирлаш учун $273,8 млн ажратган ОТБ, Тошкентда Афғонистондаги вазиятни муҳокама қилган МО ва ЕИ махсус вакиллари ва бошқалар — «Газета.uz» нинг 23 февралдаги энг муҳим хабарлари дайжестида.
22 февраль куни Ўзбекистонда содир бўлган энг муҳим хабарлар дайжести
Давлатга 1,7 млрд сўм зарар етказганликда айбланаётган Андижон шаҳри ҳокими Баҳром Ҳайдаров, Қозоғистондаги митинглар сабаб ҳибсга олинган 14 нафар ўзбекистонлик, Қозоғистонга нота юборган Ўзбекистон, мартда Покистонга бориши кутилаётган Шавкат Мирзиёев, ваколатхонаси очилган Глобал яшил ўсиш институти ва бошқалар — «Газета.uz» нинг 22 февралдаги энг муҳим хабарлари дайжестида.
21 февраль куни Ўзбекистонда содир бўлган энг муҳим хабарлар дайжести
Швейцария банкидаги маблағлари очиқланган 4 нафар ўзбекистонлик, ички ишлар ходимларининг видеосини рухсатсиз тарқатиш тақиқланиши мумкинлиги, қадимий қўлёзмалар сабаб ЎзМУ мансабдорларига нисбатан очилган жиноий иши, автомобиль учун навбатларни сотиш схемасини ошкор қилган «Ўзавтосаноат» раҳбари, жаримага тортилган Фирдавс Абдухолиқов ва бошқалар — «Газета.uz» нинг 21 февралдаги энг муҳим хабарлари дайжестида.
18 февраль куни Ўзбекистонда содир бўлган энг муҳим хабарлар дайжести
Сергелидаги бузиладиган 409 та ёғоч уй, иккига ажратилган Туризм ва спорт вазирлиги, 1 ноябргача Тошкентда ишга тушадиган пуллик йўл бўйи «парковкалари», «Етти ўлчаб бир кесиб» трамвайлар маршрутлари аниқланиши, пойтахтга олиб келинадиган 18 метрли «гармошкали автобуслар», Наврўзда кетма-кет 5 кун дам оладиган ўзбекистонликлар ва бошқалар — «Газета.uz» нинг 18 февралдаги энг муҳим хабарлари дайжестида.
Президент: «Қийинчиликсиз оила бўлмаганидек, қийинчиликсиз давлатнинг ўзи йўқ»
Шавкат Мирзиёев Янгиҳаёт туманига ташрифи чоғида маҳалла давлатнинг асоси экани, у обод бўлса, мамлакат обод бўлишини таъкидлади. «Кўраяпсизлар, замон таҳликали бўлиб турибди. Қийинчиликсиз оила бўлмаганидек, қийинчиликсиз давлатнинг ўзи йўқ. Биз ҳам сабр билан, илм билан, меҳнат ва ҳаракатимиз билан режаларимизни амалга ошираяпмиз», — деди у.
17 февраль куни Ўзбекистонда содир бўлган энг муҳим хабарлар дайжести
ЙТҲлар сони йил давомида 43 фоизга, ўлим эса 24 фоизга кўпайгани, 3 йил бир постда ишлаган божхоначиларнинг ротация қилиниши, $100 минг пора билан ушлангани айтилган Жиззах пединститут ходими, Марказий Осиёнинг энг қиммат футболчисига айланган Шомуродов, реконструкция қилинадиган Бобур кўчаси, МОҚ раислигидан кетган Рустам Шоабдураҳмонов ва бошқалар — «Газета.uz» нинг 17 февралдаги энг муҳим хабарлари дайжестида.
ИИВ раҳбари ўринбосари ЙҲХ муаммоларини кўрсатгани учун президентга миннатдорлик билдирди
Ички ишлар вазири ўринбосари Бекмурод Абдуллаев «Ички ишлар вазирлиги ходимларига йўл ҳаракати хавфсизлиги соҳасидаги барча муаммоларнинг сабабларини тушунтириб бергани ва уларнинг олдини олиш чораларини ўзи белгилаб бергани» учун президентга миннатдорлик билдирди.
11 февраль куни Ўзбекистонда содир бўлган энг муҳим хабарлар дайжести
Йўл ҳаракати хавфсизлиги соҳасидаги муаммолар билан шахсан ўзи шуғулланишини айтган Шавкат Мирзиёев, мактаб ва боғчалар олдида тезлик 30 км/соатдан ошмаслиги, Андижондаги тиббиёт марказидаги портлаш тафсилотлари, Демократия индекси рейтингида 150-ўринни эгаллаган Ўзбекистон, меҳрибонлик уйи тарбияланувчисига зўравонлик қилган ҳодим, йўл белгиларини ишлаб чиқаришда «Ўзавтойўлбелги»нинг монополияси тугатилиши ва бошқалар — «Газета.uz» нинг 11 февралдаги энг муҳим хабарлари дайжестида.
Йўл ҳаракати қоидалари янгидан ишлаб чиқилади
Президент Шавкат Мирзиёев йўл ҳаракати қоидалари халқаро стандартлар асосида янгидан ишлаб чиқилишини маълум қилди. Қоидабузар ҳайдовчиларга балл ҳисоблаб борилади, бир йилда қоидабузарликлари 12 баллдан ошган ҳайдовчи автомобиль бошқариш ҳуқуқидан маҳрум бўлади. «Ҳар йили 500 минг киши ҳайдовчилик гувоҳномасини олса, улардан 25 фоизи машғулотларга қатнашмайди» деди президент ва ҳайдовчиликка ўқитиш ва гувоҳнома бериш бўйича янги тизим жорий этилишини таъкидлади.
2021 йилда авария сабаб 2,5 мингга яқин одам вафот этди — президент
2021 йилда Ўзбекистонда 10 мингдан ортиқ йўл транспорт ҳодисаси содир бўлди, унда 9 мингдан ортиқ фуқаро жароҳат олган. Авариялар оқибатида 2,5 мингга яқин инсон ҳалок бўлган, шундан 263 нафар ёш бола ҳисобланади. Президент видеоселекторда Наманган вилояти ИИБ бошлиғи, Андижон ва Самарқанд вилоятлари ЙХҲБ бошлиқларини ишдан олишга кўрсатма берди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг