Брянск (Россия) шаҳрида 8-синфда ўқувчи қиз гимназиядаги синфдошларига қарата ўт очди. Беш киши яраланди, икки қиз ҳалок бўлди, жумладан, ҳужум қилган қиз ўз жонига қасд қилди.
Қозоғистоннинг магистрал нефть қувури миллий оператори «Казтрансойл» 2024 йилда Россия нефтини Ўзбекистонга транзит қилишни уч бараварга оширмоқчи. Етказиб бериш ҳажмини 154 минг тоннадан 500 минг тоннагача кўпайтириш режалаштирилган.
Россиянинг «Росатом» давлат корпорацияси бош директори Алексей Лихачев Ўзбекистонда атом электр станциясини қуриш юзасидан шартнома бўйича ишлар якуний босқичда эканини таъкидлади. «Шартнома юзасидан ишлар анча қизғин давом этмоқда, умуман олганда, биз шартнома имзолашдан йироқда эмасмиз», — деди у.
Энергетика вазири Жўрабек Мирзамаҳмудов Ўзбекистон Туркманистондан газ импорт қилиш билан параллель равишда узоқроқда бўлган Россиядан ҳам газ импорт қилаётгани ҳақида гапириб, масаланинг сиёсий оқибатларига изоҳ берди. «Сиёсий омилларга боғлаш нотўғри деб ўйлайман, бу тижорий муносабатлар», деди у.
Энергетика вазири Жўрабек Мирзамаҳмудов Россиянинг бензин экспортига қўйган тақиқи Ўзбекистонда ёқилғи билан боғлиқ вазиятга таъсир қилганини айтди. Ҳукуматлараро келишув имзолангандан сўнг Ўзбекистонга ноябрь ойида Россия бензини келди. Жами 371 минг тонна бензин импорт қилиниши режалаштирилган.
Москвадаги кўп қаватли уй қурилиши майдонида 35−40 нафар ишчи иштирокида жанжал юз берди, улар орасида ўзбекистонликлар ҳам бор. Муштлашувга ошхонага киришда навбат талашиш сабаб бўлди. Мигрантлар жиноий ва маъмурий жавобгарликка тортилди.
Ўзбекистон ва Россия ўртасида йўл ҳаракати хавфсизлиги ва темирйўл транспортидан фойдаланиш, рақамлаштириш ва замонавий технологияларни жорий этиш ҳамда ҳуқуқбузарликлар тўғрисида ахборот алмашиш бўйича меморандум имзоланди.
Россия ҳукумати автомобиль бензинини Россиядан олиб чиқишга қўйилган вақтинчалик тақиқни бекор қилди. Тақиқ ички бозордаги нархларни барқарорлаштириш мақсадида 21 сентябрда жорий қилинганди.
Россия давлат думаси раиси ўринбосари Пётр Толстой рус тили давлат тили бўлмаган мамлакат фуқароларини ишга жойлаштиришни чеклашни, шунингдек, Ўзбекистонда мигрантлар пулига рус тили мактаблари қуришни таклиф қилди. Ўзбекистонлик сиёсатчилар депутатга «Ўзбекистон унинг томорқаси эмас»лигини эслатди.
Россиянинг Иркутск вилоятига Зангиотадан экспорт қилинган 3150 дона атиргул тамаки оққаноти ҳашароти билан зарарлангани аниқланди. Тадбиркор уларни фитосанитар рухсатномасисиз жўнатган, «Росселхознадхор» эса олиб киришга рухсат бермаган. Гуллар ўша ерда ёқиш йўли билан йўқ қилинган.
Ўзбекистонга газ етказиб бериш бошланиши билан «Газпром» Россия газ транспорти тизимидаги оқимларни қайта конфигурация қилиш, шунингдек, мамлакатдаги ерости газ сақлаш тизими ишини қайта кўриб чиқишга мажбур бўлди, деди «Газпром ПХГ» бош директори Игорь Сафонов.
Россиянинг Ozon маркетплейси Ўзбекистон ҳудудида фаолият бошлади. Компания 2024 йилда мамлакатда ўзининг логистика инфратузилмасини, жумладан, омбор мажмуалари ва етказиб бериш хизматларини, шунингдек, брендланган топшириш пунктларининг франшиза тармоғини ривожлантириш ниятидалигини маълум қилди.
АҚШ ҳисоб-китобларига кўра, Россия билан урушда 70 минг Украина аскари ҳалок бўлган, яна 120 минг нафари яраланган. The Economist мақоласида Украинада ишсизлик урушдан олдинги даражадан юқорилигича қолаётгани, қурилиш, тоғ-кон саноатида кўпроқ хотин-қизларнинг меҳнатга кириб келаётгани қайд этилган.
Россия ҳукумати келаси ҳафта дизель ва бензин экспортига қўйилган тақиқни бекор қилишни режалаштирмоқда, деб хабар бермоқда Reuters манбаларга таяниб.
«Газпром» билан тузилган шартномага кўра, 7 октябрдан бери Ўзбекистон Россиядан 300 млн куб метрга яқин газ импорт қилди, деди энергетика вазири Жўрабек Мирзамаҳмудов. У импорт қилинган «мовий ёқилғи» нархини яна ошкор қилмади.
2024 йил ўрталарига қадар Россия, Қозоғистон, Қирғизистон ва Ўзбекистон 15 йил давомида газ етказиб бериш ва транзит бўйича ҳамкорлик мажбуриятларини белгилашни режалаштирмоқда, деди «Газпром» раҳбари Алексей Миллер. Компания улардаги бошқа газ қувурлари тизимидан фойдаланишга тайёрлигини билдирди.
Москвада имзоланган уч томонлама ҳужжатга кўра, Россиядан Қозоғистон орқали Ўзбекистонга нефть етказиб бериш ҳажмини 1 миллион тоннага ошириш режалаштирилмоқда.
Юқори Чирчиқ суди Тошкент вилоятида яшовчи фуқарони ёлланма фаолияти учун беш йилга озодликдан маҳрум қилди. ОАВ, терговга кўра, маҳкум 2014−2015 йилларда Украинада ўзини ўзи мустақил деб эълон қилган ДХР томонида жанг қилгани ҳақида хабар берди.
Москва Тергов қўмитаси Россия фуқаролигини олган марказий осиёликларга нисбатан ҳарбий хизматдан бўйин товлаганлик бўйича 22 та жиноят иши қўзғатди. Россия паспортига эга 80 дан ортиқ муҳожир Россия Қуролли кучлари сафларида хизмат қилиш учун юборилган.
Россия Марказий банки асосий ставкани 13 фоиздан 15 фоизга оширди. Ушбу қарор инфляция босимининг сезиларли даражада ошгани ва кредитлашнинг юқори ўсиш суръатлари билан изоҳланди. Россия Марказий банки 2023 йил июлидан бери кетма-кет тўртинчи марта асосий ставкани оширди.
Қўшимча имкониятларга эга булиш учун сайтда рўйхатдан ўтинг