Тошкент шаҳри ИИББ ходимлар савдо мажмуалари, кўнгилочар масканлари, бозорлар ва бошқа жамоат жойларида кучайтирилган тартибда хизмат олиб бораётганини маълум қилди.
Пайшанба тонгида бошланган кучли шамол чанг бўронларини келтириб чиқарди. Жойларда дарахтлар қулаб, машина ва объектлар устига тушмоқда, электр симларига зарар етяпти. ФВВ кучли шамол вақтида кўрилиши керак бўлган хавфсизлик чораларини эслатиб ўтди. Видео, фото.
Учтепа туманида тенгдоши билан уришаётган ўғлини жанжални давом эттиришга мажбурлаган ота 10 суткага қамалди. Шунингдек, у 3,4 млн сўм жаримага ҳам тортилди. Аввалроқ ҳолатни туман ҳокими шахсий назоратига олганди.
ИИББ Учтепа туманида 26 нафар тиланчилик билан шуғулланиб юрган аёлни аниқланди. Уларнинг 13 нафар ёш фарзанди ижтимоий-ҳуқуқий ёрдам марказига жойлаштирилди. Аёлларнинг айримлари пул топиш учун ўзгаларнинг ёш фарзандини ижарага олгани аниқланди. Фуқароларга профилактик тушунтириш берилди.
Ҳукумат қарори билан Тошкент шаҳри ва вилоятлар биноларидаги 160 га яқин мозаик паннолар Моддий маданий мероснинг кўчмас мулк объектлари миллий рўйхатига киритилди. Бунгача кўплаб мозаикалар бўяб ташланган, қолганлари реклама баннерлари билан қопланган эди.
Тошкентда суд вояга етмаган ўқувчи қизни зўрламоқчи бўлган 67 ёшли мусиқа ўқитувчисини 8 йилга озодликдан маҳрум қилди.
Тошкентда 18 ёшли Toyota Camry ҳайдовчиси катта тезликда қарама-қарши йўлакка чиқиб кетиб, Nexia билан тўқнашди. Ҳодиса оқибатида ҳайдовчи ва тўрт нафар йўловчи — Хитой фуқаролари жароҳат олди. Суд йигитни 1 йил муддатга ҳайдовчилик гувоҳномасидан маҳрум қилиб, 3 млн 300 минг сўм жаримага тортди.
Ўртача суткалик ҳарорат +10 даражадан юқори бўлаётгани сабабли 26 мартдан Тошкент шаҳрида иситиш мавсуми якунланади.
Шарқда: «Халқнинг ҳаёт тарзини кўрмоқчимисан, бозорга бор», дейдилар. Шу боис «Газета.uz» Наврўзни кутиб олгани Тошкентнинг бош бозори Чорсуга борди. Байрам баҳона бу ерга бутун Ўзбекистондан сотувчилар тўпланган. Байрам қандай кутиб олинганини ва сотувчиларнинг байрамона фикрларини сизга етказамиз.
Жума куни эрталаб Тожикистонда содир бўлган зилзила Тошкент шаҳри, Сирдарё (2 балл) ва водий вилоятларида ҳам сезилди (2−3 балл).
Сергели туманида 75 гектар майдонда 92 млн долларли Ёшлар боғи қурилмоқда. У ҳудуд жиҳатдан «Янги Ўзбекистон» боғидан сўнг иккинчи ўринда туради. Унда хиёбонлар, амфитеатр, дам олиш жойлари, экстремал спорт майдончалари ва ижарага бериладиган томорқалар бўлади. Лойиҳани якунлаш муддати — 2026 йил.
Тошкент 2023 йилда дунёнинг ҳавоси энг ифлос пойтахтлари рейтингида 22-ўринни эгаллади. IQAir маълумотларига кўра, шаҳарда PM2,5`нинг ўртача йиллик даражаси ЖССТ тавсияларидан 5−7 баравар юқори бўлган.
«Газета.uz» мақоласидан бир неча соат ўтиб, Тошкентнинг Амир Темур хиёбони ёнидаги реклама конструкцияси демонтаж қилинди. Аввалроқ у ерда реклама жойлаштириш ноқонуний экани, сабаби яқин атрофда маданий мерос объектлари борлиги ҳақида ёзгандик. Ҳолатга расмий изоҳ берилганича йўқ. Фото.
Тошкентдаги Амир Темур хиёбони олдидаги ажратувчи оролчаларга реклама конструкциялари ўрнатилмоқда, ҳолбуки маданий мерос объектлари ёнида бундай қурилмаларни ўрнатиш тақиқланган (хиёбонда еттита маданий мерос объекти бор). Конструкциялар бинолар манзарасини тўсади ва ҳайдовчиларга халал беради.
Ўзбек бизнеси ташқи рекламани севади: қичқириқ баннер ва кўзни қамаштирувчи LED-мониторсиз ишлаб бўладими?! Афсуски, Тошкент ўз архитектураси, дарахтлари ва аҳолисининг рекламага ем бўлишига қўйиб берган. Пойтахт қандай қилиб афиша ва мониторларга таслим бўлгани — бизнинг фотошарҳимизда.
Эрталаб Тошкент аҳолиси шаҳарнинг айрим ҳудудларида қуюқ тутуннинг гувоҳи бўлди. IQAir рейтингида Ўзбекистон пойтахти яна ҳаво ифлосланиши бўйича жаҳон етакчилари қаторига кирди. 1 мартдан аҳолини ҳаво ифлосланиши ҳақида хабардор қилиш тизими ишга тушиши керак эди, бироқ у ҳозирча эълон қилинмади.
Пайшанба куни эрталаб кучли қор бўрони Тошкент аҳолисини ҳайратда қолдирди. Ярим соат ичида шаҳар қор билан қопланди. Кўриш даражаси бироз вақтга ёмонлашди. Светофорнинг ишламай қолгани сабаб айрим чорраҳаларда тирбандлик юзага келди. Баъзи жойларда дарахтлар қулаб тушди. «Газета.uz» фоторепортажи.
Хитойлик инвесторлар Тошкентнинг Оқтепа массивидаги эски икки қаватли турар жойлар ўрнида кўп қаватли уйлар қурадиган реновация дастурини амалга оширади. Бунинг учун бюджет маблағларидан фойдаланмаган ҳолда 360 млн долларлик тўғридан-тўғри хорижий инвестиция жалб этилади.
Рақамли ривожланиш департаменти Тошкентдаги ташқи рекламани назоратга олмоқчи. Минглаб реклама конструкцияларининг эгалари тўлов қилмаяпти. Муаммо нимада, реклама дизайн-коди қандай бўлиши ва Тошкентни қай тариқа кўзни қувонтирувчи шаҳарга айлантириш мумкин — «Газета.uz» шу саволларга жавоб излади.
Энди Янгиҳаёт туманидан Қўйлиққа метро орқали бориш мумкин, бунга 20 дақиқа вақт кетади. Янги очилган «Қипчоқ», «Турон» метро бекатларида зина, эскалатор ва лифт ишлаб турибди. Сергели линиясидан бошқа метро йўналишига алмашиш учун йўловчилар алоҳида йўлкира тўлайди. (Янги бекатлардан фоторепортаж)
Қўшимча имкониятларга эга булиш учун сайтда рўйхатдан ўтинг