«экология» тегли мақолалар
ИИВ ва Миллий гвардия ходимлари экологик ҳуқуқбузарликлар учун жарима солиши ва ҳибсга олиши мумкин бўлади
Сенаторлар Ички ишлар вазирлиги ва Миллий гвардия ходимларига экология соҳасидаги ҳуқуқбузарликлар учун, жумладан, дарахтларни кесиш, атмосфера ҳавосини муҳофаза қилиш талабларига риоя қилмаслик учун жарима солиш ва қамоққа олиш имкониятини берувчи қонунни маъқуллади.
Тошкентдаги мактабда чиқиндилардан тайёрланган либослар танлови ўтказилди
Мирободдаги 147-мактабда пластик идишлар, полиэтилен пакетлар, конфет ўрамлари ва бошқа материаллардан тайёрланган либослар танлови бўлиб ўтди. Тадбирдан мақсад болалар ва катталар эътиборини экологик муаммоларга қаратиш, дейди мактаб директори.
Ўзбекистонда чиқиндихоналар хавфсизлиги бўйича ишчи гуруҳ тузилади
Ўзбекистонда радиоактив ва бошқа зарарли чиқиндилар сақланадиган жойлар (ҳозирда 41 та) хавфсизлиги ва сувнинг фавқулодда ифлосланишининг олдини олиш бўйича ишчи гуруҳ тузилади. Бу БМТнинг Европа иқтисодий комиссияси ва Швейцария ҳукумати томонидан қўллаб-қувватланади.
Кичик лойиҳалар Ўзбекистон табиати ва тараққиётига қандай ёрдам беради?
Чорва молларининг ҳаддан зиёд кўп боқилиши, суғориш қудуқларининг бурғуланиши, ўғитлар, дарахт таналарини бетонлаш — барчаси табиий экотизимларга катта хавф туғдиради. ГЭФ Кичик грантлар дастури 15 йилдан бери кичик лойиҳалар атроф-муҳитни қандай яхшилаши мумкинлигини кўрсатиб келмоқда.
Тошкентда «Яшил макон» лойиҳасининг баҳорги мавсумида 625 минг дона дарахт ва бута экилади
«Яшил макон» лойиҳасининг баҳорги мавсуми бошланди. Бу даврда пойтахтда 625 минг дона манзарали, мевали ва бошқа турдаги дарахт ҳамда бута кўчатларини экиш белгиланган. Шунингдек, йил давомида 100 гектар майдонда янги боғ ташкил қилинади.
ОКМК Тошкентдаги чанг манбаси унинг карьери эканини рад этди
ОКМК Тошкентда чанг пайдо бўлишининг асосий сабаби «Ёшлик I» конининг янги участкасида олиб борилаётган тозалаш ишлари экани ҳақидаги маълумотни рад этди.
2022 йилда дарахтларни ноқонуний кесишдан кўрилган зарар 10 млрд сўмни ташкил этди
Ўзбекистонда 2022 йилда дарахт ва буталарни ноқонуний кесиш бўйича 4599 та ҳолат аниқланган. Таққослаш учун, 2021 йилда 8243 та қоидабузарлик қайд этилган. Табиатга етказилган зарар 10 млрд сўмга баҳоланмоқда. Қурилиш майдончаларида тўсиқлар билан ўралган 24 минг дарахт хавф остида қолмоқда.
Боксчи Фазлиддин Ғоибназаровнинг қуш овлагани танқидларга сабаб бўлди
Рио Олимпиадаси чемпиони Фазлиддин Ғоибназаровнинг қуш овлагани акс этган видео ва суратлар ижтимоий тармоқларда муҳокамаларни келтириб чиқарди. Боксчи ҳолат юзасидан «Газета.uz»га изоҳ берди. «[Қушлар] Қизил китобга киритилмаган-ку. Одамлар гапираверади, эътибор қилманглар», — деди спортчи.
«Ўзбекистон қишлоқ хўжалигини ривожлантиришнинг экстенсив йўлидан воз кечиши керак» — Япониядаги ўзбек олими Азиз Омонов билан суҳбат
Ер кимларнингдир нафси учун увол қилинмай, ишлайдиган одамга берилиши керак; «чинакам инновациялар» сув танқислиги оқибатларини юмшатади, аммо улар жорий этилмаса, минтақадаги бўлажак аграр муаммолардан энг кўп ўзбекистонликлар азият чекади, деб ҳисоблайди япон университети докторанти Азиз Омонов.
Яшнободда 16 та дарахт ноқонуний кесиб ташланди, етказилган зарар 3,5 млрд сўмга баҳоланмоқда
Тошкентда Assalom Havo турар жой мажмуаси қурилиши режалаштирилган майдонда 16 та дарахт ноқонуний кесиб ташланган. Объект қурувчиси сифатида Yangi Zamon Bino компанияси кўрсатилган, унинг ҳаммуассисларидан бири — «Ўзбекистон темир йўллари»дир. Етказилган зарар 3,5 млрд сўмга баҳоланмоқда.
Нобель мукофоти совриндори Тошкентни жамоат транспортига сармоя киритишга чақирди
Тошкентда ҳақиқатан ҳавонинг ифлослиги, нафас олиб бўлмаслигини сездим, деди Нобель мукофоти совриндори Рае Квон Чунг «Газета.uz» мухбири билан суҳбатда. Профессорнинг фикрича, жамоат транспортини кўпайтириш, автомобилда шаҳар ичига кирмаслик зарур. Акс ҳолда вазият бундан ҳам ёмонлашади.
Ангренда 60 дона саъвани тўр ёрдамида ноқонуний овлаган 8 киши жаримага тортилди
Тошкент вилоятида Экология бошқармаси ва ИИБ ходимлари рейд тадбири ўтказиб, 8 нафар фуқаро 60 дона саъвани тўр ёрдамида ноқонуний овлаётганини аниқлади. Уларнинг ҳар бирига 3 млн сўм жарима қўлланди. Қушлар табиатга учириб юборилди.
Тошкент шаҳар Экология бошқармаси бошлиғи озод этилди
Пойтахтда дарахтлар нобуд бўлишига шароит яратиб берганликда айбланиб ҳибсга олинган Тошкент Экология бошқармаси бошлиғи Фарҳод Деҳқонов озод этилди, бироқ жиноий ишда гумонланувчи сифатида қолмоқда. Депутат Расул Кушербаев унинг озодликка чиқишига Ўзбекистон бош прокурори ҳисса қўшганини айтди.
Чилонзор прокуратураси рўпарасида 60 га яқин дарахт кесиб ташланди
Яқинда 100 дан ортиқ дарахт шикастланган Чилонзор кўчасида бир кечанинг ўзидаёқ 58 туп дарахт кесиб ташланди. Ҳар икки воқеа туман прокуратураси яқинида содир этилди. Биринчи ҳолатдан сўнг туман ҳокими ва прокурор ишдан олинди. Туман ҳокимлиги эрталаб кесилган дарахтлар ўрнига 69 туп кўчат экди.
Ижтимоий соҳа объектларида 19 мингга яқин замонавий чиқинди контейнерлари ўрнатилади
Ўзбекистонда 2023−2024 йилларда ижтимоий соҳа объектларида 19 мингга яқин замонавий кўринишдаги чиқинди контейнерлари ўрнатилади. Бунда жиҳозлаш ишлари маҳаллий бюджетларнинг қўшимча манбалари ва вазирликларнинг бюджетдан ташқари маблағлари ҳисобидан молиялаштирилади.
Ўзбекистонда экологияни муҳофаза қилишга 6 ойда бюджетдан 1,9 трлн сўм ажратилди
6 ой давомида Ўзбекистонда экологияни муҳофаза қилиш учун давлат бюджетидан 1,9 трлн сўм йўналтирилди. Шунга қарамасдан депутатлар маблағлар ўзлаштирилмай қолаётгани, масъул вазирлик ва идоралар уларни самарали сарфламаётгани ва ишлар бажарилмаётганини танқид қилди.
Экологлар қайта очилган Миллий боғдаги дарахтларга зарар етганини тасдиқлади
Тошкент шаҳар Экология бошқармаси беш йиллик реконструкциядан сўнг, қайта очилган Миллий боғдаги дарахтларга зарар етказилгани ҳақидаги хабарларни тасдиқлади. Кейинроқ эса хабар ўчириб ташланди.
Атроф-муҳит ва табиатни муҳофаза қилиш технологиялари илмий-тадқиқот институти ташкил этилади
Ҳукуматнинг тегишли қарори билан Экоқўмита ҳузурида ҳаво ифлосланишини камайтириш, оқова сувларни тозалаш ва маиший чиқиндиларни қайта ишлаш, шунингдек, атроф-муҳитнинг бугунги ҳолатини ўрганишнинг янги усулларини ишлаб чиқадиган илмий-тадқиқот институти ташкил этилади.
Германия МОда иқлим ўзгариши бўйича лойиҳани амалга оширишга 10 млн евро ажратади
Германия ва Ўзбекистон иқлим ўзгариши соҳасидаги минтақавий лойиҳаларни амалга ошириш бўйича келишувни имзолади. Лойиҳанинг умумий қиймати 10 млн евро бўлиб, 2022−2026 йилларда Марказий Осиёнинг барча мамлакатларида амалга оширилиши режалаштирилган.
Экоқўмита 831 та ҳолатда тадбиркорлар ҳуқуқларини бузган — Бизнес-омбудсман
Давлат экология қўмитаси корхоналарда текшириш ўтказиш, давлат хизматини кўрсатиш ва мурожаатларни кўриб чиқиш бўйича жами 831 та ҳолатда тадбиркорларнинг ҳуқуқларини бузгани аниқланди. Бизнес-омбудсман қўмитанинг 99 нафар мансабдорига нисбатан маъмурий баённома расмийлаштирди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг