«ақш» тегли мақолалар
АҚШ суди Трампнинг федерал грантлар ва кредитларни музлатиш қарорини тўхтатди
АҚШ суди Дональд Трамп маъмуриятининг федерал грантлар ва кредитларни музлатиш ҳақидаги буйруғини тўхтатди. Оқ уй ўз қарорида молиявий ёрдам дастурларининг президент сиёсатига мувофиқлигини текширишни талаб қилганди.
Трампнинг савдо тарифларини жорий этиш таҳдидидан сўнг Колумбия АҚШдан депортацион рейсларни қабул қилишга рози бўлди
Богота депорт қилинган колумбияликларни ҳарбий самолётларда қабул қилишдан бош тортгач, АҚШ ва Колумбия савдо урушини бошлашига бир бахя қолди. Трамп жавобан мамлакатга тарифлар ва санкциялар билан таҳдид қилди. Кейинроқ Оқ уй Колумбия мигрантларни «чекловларсиз» қабул қилишга рози бўлганини айтди.
АҚШ округ судьяси Трампнинг мамлакатда туғилиш орқали фуқаролик олишни тақиқлаш фармонини тўхтатиб қўйди
Сиэтл судьяси Дональд Трампнинг мамлакатда туғилиш орқали АҚШ фуқаролигини олиш ҳуқуқини чеклаш ҳақидаги фармонини тўхтатиб қўйди. У фармонни «конституцияга яққол зид» деб атади. Президент қарорга қарши чиқишини айтди.
«Американинг олтин асри ҳозирнинг ўзидаёқ бошланади». Трамп инаугурацияда нималар деди?
Президентликка киришган Дональд Трамп «Американинг олтин асри» бошланганини таъкидлади, аввалги ҳукуматни танқид қилди, инфляцияни енгишга, «сўз эркинлиги va қонунни қайтаришга», «тинчликпарвар ва бирлаштирувчи мерос» қолдиришга, фақат икки: эркак ва аёл жинсини мустаҳкамлашга ваъда берди.
Дональд Трамп АҚШ президенти лавозимига киришди
Дональд Трамп АҚШнинг 47-президенти лавозимига киришди. Аввал вице-президент Жей Ди Вэнс, кейин Трампнинг ўзи қасамёд қилди. Қасамёддан олдин эса Оқ уйни тарк этаётган Жо Байденнинг оиласи билан чойхўрлик ташкил этилди.
TikTok АҚШда блоклангач, бир неча соатдан сўнг яна ишлай бошлади
Юклатилган талабни бажармагач, TikTok АҚШда блокланди ва App Store ҳамда Google Play`дан олиб ташланди. Бироқ Трампнинг платформани сақлаб қолиш ҳақидаги баёнотидан сўнг компания ишини қайта тиклади. Фойдаланувчиларга эса «Трампнинг ҳаракатлари туфайли TikTok АҚШга қайтди!» деган хабар йўлланди.
«Ўтмиш сарқити». АҚШ давлат котиблигига номзод — Ўзбекистон ва МОнинг бошқа давлатларига қарши «Жексон-Вэник» тузатиши ҳақида
АҚШ давлат котиби лавозимига номзод Марко Рубио Жексон-Вэникнинг Марказий Осиё мамлакатлари, жумладан, Ўзбекистонга киритган тузатишини «ўтмиш сарқити» деб атади. Сенаторнинг тузатишларни бекор қилиш ҳақидаги саволига жавобан у ҳам буни муҳим деб ҳисоблашини таъкидлади.
АҚШ Қирғизистон банкига қарши санкциялар киритди
Россияга нисбатан савдо чекловларини четлаб ўтишга ёрдам бергани учун АҚШ ҳукумати Қирғизистоннинг «Керемет Банк»ига қарши санкциялар киритди. Бу Америка санкциялари остида қолган Марказий Осиёдаги биринчи банкдир.
«АҚШда демократияга таҳдид солувчи олигархия шаклланмоқда». Байден миллатга хайрлашув мурожаати билан чиқди
АҚШ президенти Жо Байден хайрлашув нутқида мамлакатда Америка демократиясига таҳдид солаётган олигархия шаклланаётганини маълум қилди. У, шунингдек, «ҳеч бир президент» лавозимда содир этилган жиноятларда жавобгарликдан соқит бўлмаслиги учун АҚШ конституциясини ўзгартиришга чақирди.
Арманистон ва АҚШ стратегик шериклик тўғрисидаги хартияни имзолади
Арманистон ва АҚШ стратегик шериклик тўғрисидаги хартияни имзолади. Ҳужжат доирасида хавфсизлик ва мудофаа, иқтисодиёт ва демократия соҳаларида ҳамкорликни кенгайтирадиган махсус комиссия тузилади. Арманистон ИШИДга қарши коалицияга қўшилади.
Агар сайловда ғалаба қозонмаганида, Трампни ҳокимиятни ушлаб қолишга уринишда айблашлари мумкин эди — махсус прокурор
2020 йилда ҳокимиятни ушлаб қолишга уриниш бўйича АҚШ сайланган президенти Дональд Трампга қарши далиллар судда айблов ҳукми чиқариш учун етарли бўларди, дейилади терговни олиб борган махсус прокурор ҳисоботида. У, шунингдек, Капитолийга бостириб кириш учун жавобгарликни Трампга юклади.
«АҚШ глобал рақобатда ғалаба қозонмоқда». Байден ўз ташқи сиёсатининг якунларини сарҳисоб қилди
Сўнгги тўрт йил ичида АҚШ ва унинг иттифоқчилари кучлироқ бўлди, мамлакат рақиблари эса заифлашди, деди президент Жо Байден ўз маъмуриятининг ташқи сиёсатини сарҳисоб қилар экан. «Айни пайтда Қўшма Штатлар глобал рақобатда ғолиб келмоқда», — деди у.
Калифорниядаги ўрмон ёнғинлари: ҳалок бўлганлар сони 16 кишига етди
Калифорния штатида ўрмон ёнғинлари оқибатида камида 16 киши ҳалок бўлди. 180 мингга яқин одам ўз уйларини тарк этди. Аҳоли пунктлари ва 12 мингдан ортиқ бино ёниб кетди. Ёнғинлардан кўрилган зарар 135−150 млрд долларга етди. Табиий офатга оид суратлар ва янгиланган маълумотлар.
Дания Трампнинг Гренландия билан боғлиқ ниятлари жиддийлиги ҳақида огоҳлантирилди — CNN
Дональд Трампнинг жамоаси Данияни бўлажак президентнинг Гренландия билан боғлиқ ниятлари жиддийлигидан огоҳлантирди. Трамп оролни сотиб олиш ҳақида 2019 йилда ўйлаган эди, бироқ ҳозирда, Дания расмийларининг фикрига кўра, вазият «мутлақо бошқача».
Ўзбекистон АҚШнинг янги маъмурияти билан яқин ҳамкорликни йўлга қўймоқчи
Ўзбекистон АҚШнинг янги маъмурияти вакиллари билан яқин ҳамкорлик ўрнатиш ва олий даражадаги ташрифни ташкил этишни режалаштирмоқда, дейилади 2025 йилга мўлжалланган давлат дастури лойиҳасида. Мамлакат АҚШ билан хавфсизлик соҳасида ҳамкорликни кенгайтиришни ҳам кўриб чиқмоқда.
Дания, Гренландия ва Канада Дональд Трампнинг ҳудудий даъволарига жавоб берди
Дания, Гренландия ва Канада бош вазирлари АҚШнинг сайланган президенти Дональд Трампнинг ушбу ҳудудлар устидан назорат ўрнатиш истагини билдирган баёнотларига изоҳ берди. «Гренландия Гренландия халқига тегишли», — деб жавоб берди гренланд ҳукумати раҳбари.
«Гренландия ва Панама канали АҚШ назоратига ўтиши, Канада Америка штатига айланиши керак». Трампнинг нутқидаги асосий гаплар
Дональд Трамп Гренландия ва Панама канали АҚШ назоратига ўтиши кераклиги, бунинг учун ҳарбий куч ишлатишни истисно қилмаслигини айтди. У, шунингдек, Канадани Қўшма Штатларга қўшиш учун «иқтисодий куч» билан таҳдид қилди. АҚШнинг сайланган президенти яна нималар деди — «Газета.uz» обзорида.
Суд Трампга ноқонуний тўловлар бўйича 10 январь куни ҳукм чиқаради
АҚШнинг сайланган президенти Дональд Трампнинг порноактрисага қилган тўловларини яшириш учун ҳужжатларни қалбакилаштиргани бўйича суд ҳукми 10 январь куни — унинг инаугурациясидан 10 кун олдин эълон қилинади. Судья сиёсатчига нисбатан қамоқ ёки жарима тайинлаш нияти йўқлигидан огоҳлантирди.
Шавкат Мирзиёев Янги Орлеандаги теракт муносабати билан таъзия йўллади
Шавкат Мирзиёев АҚШнинг Янги Орлеан шаҳрида машина одамлар орасига кириб боргани билан боғлиқ «террорчилик ҳаракати» муносабати билан Жо Байденга таъзия мактуби юборди. Ҳодиса оқибатида 14 киши ҳалок бўлган, ўнлаб одамлар жароҳат олган.
АҚШда машина одамлар орасига кириб борди, камида 15 киши ҳалок бўлди. Асосий маълумотлар
АҚШнинг Янги Орлеан шаҳрида машина одамлар тўпланиб турган жойга кириб борди ва камида 15 киши ҳалок бўлди, 35 киши жароҳатланди. Ҳужумда АҚШ фуқароси, армия собиқ хизматчиси гумонланмоқда. Унинг машинасидан ИШИД байроғи топилган ва ҳодиса «террорчилик ҳаракати» сифатида текширилмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг