«газ» тегли мақолалар
Россия Ўзбекистон сўровига асосан газ етказиб беришни икки баравар оширди — «Газпром» раҳбари
«Газпром» компанияси кучли совуқ фонида Тошкент сўровига кўра Ўзбекистонга Россия газини етказиб бериш ҳажмини икки баравар оширди, деди холдинг раҳбари Алексей Миллер. Унинг сўзларига кўра, «Марказий Осиё — Марказ» газ қувури орқали «техник имконият жиҳатидан максимал ҳажм» етказиб берилмоқда.
Ўзбекистонда йил бошидан буён 1,05 трлн сўмлик газ ва электр энергияси талон-торож қилинди
Йил бошидан буён 1 трлн 500 млн сўмлик газ ва электр энергияси талон-торож қилингани маълум бўлди. Шунингдек, Тошкентдаги «заправка»ларда 2,8 млн литрь нефть маҳсулотларининг сифатсизлиги аниқланиб, сотувга чиқарилиши олди олинган.
Ўзбекистон ноябрда Хитойга газ экспортини оширди
Ноябрь ойида Ўзбекистон Хитойга газ экспортини ошириб, 54,59 млн долларлик газ сотди. Шу билан бирга, йил бошидан буён экспорт ҳажми 509,03 млн долларни ташкил этди, бу ўтган йилги кўрсаткичдан икки баравар кам.
Газ, нефть ва газ конденсатини қазиб олиш пасайишда давом этмоқда
Ўзбекистон газ, нефть ва газ конденсатини қазиб олишни қисқартиришда давом этмоқда. Ноябрь ойида бу ҳажм 3,79 млрд куб метрни ташкил этди (2022 йил ноябрига нисбатан 10,2 фоизга кам), йил бошидан буён эса пасайиш 4,5 млрд куб метрдан ошди. Ўтган ойда бензин ишлаб чиқариш ҳам камайган.
«Аҳвол Ғазо сектори ва Украинада жиддий, қолган жойда бартараф қилса бўлади» — Тошкент вилояти ҳокими
Тошкент вилояти ҳокими газ ва электр энергияси бўйича муаммоларни «бугун-эрта» ҳал этиш топшириғини берди. Унинг сўзларига кўра, баъзи раҳбарлар вазиятнинг жиддийлиги ҳақида гапирганда «пашшадан фил ясамоқда». «Аҳвол Ғазо сектори ва Украинада жиддий. Қолган жойда бартараф қилса бўлади», — деди у.
«Истеъмолчиларга газ тўлиқ етказиб бериляпти, етишмовчилик йўқ» — «Ҳудудгазтаъминот»
Ўзбекистонда истеъмолчиларга газ тўлиқ етказиб бериляпти, етишмовчиликлар йўқ, дея таъкидлади «Ҳудудгазтаъминот». Компания фуқаролардан газ жиҳозларини фақат зарурат туғилганда ишлатишни, уйдан чиқаётганда имкон қадар иситиш мосламаларини ўчиришни сўради.
Сурхондарёда ҳам метан газ қуйиш шохобчалари иш вақтига чеклов киритилди
Андижон ва Қорақалпоғистон ортидан Сурхондарё ҳам метан газ қуйиш шохобчалари иш вақтига чеклов киритилди. Вилоятдаги АГТКШлар 2023 йил 7 декабрдан бошлаб соат 8:00 дан 17:00 гача ишлайди.
Ўзбекистонга газ етказиб берилиши Россиядаги газ қувурларига босимни оширди
Ўзбекистонга газ етказиб бериш бошланиши билан «Газпром» Россия газ транспорти тизимидаги оқимларни қайта конфигурация қилиш, шунингдек, мамлакатдаги ерости газ сақлаш тизими ишини қайта кўриб чиқишга мажбур бўлди, деди «Газпром ПХГ» бош директори Игорь Сафонов.
Туркманистон Ироққа газ етказиб беради
Туркманистон Ироқ билан газни Эрон орқали етказиб бериш борасида келишиб олди. Протокол йилига 9 миллиард куб метр газ етказиб бериш бўйича 5 йиллик шартномани назарда тутади.
Ўзбекистон сентябрда Хитойга 41,6 млн долларлик газ экспорт қилди
Сентябрь ойида Ўзбекистон Хитойга 41,6 млн долларлик газ етказиб берди — бу апрелдан бери етказиб беришнинг минимал ҳажми бўлди. Йил бошидан буён Хитойга газ экспорти 412,2 млн долларни ташкил этди, бу ўтган йилнинг шу даврига нисбатан деярли 1,9 баробар кам.
«Газдан воз кечмаймиз» — Ўзбекистон энергетика вазири
Электр энергияси ишлаб чиқаришда қуёш, шамол ва гидроэнергетика улушини ошириш режаларига қарамай, Ўзбекистон «газдан воз кечмайди», деди Энергетика вазири Жўрабек Мирзамаҳмудов. Унга кўра, мамлакат газдан фойдаланган ҳолда электр энергияси ишлаб чиқаришни деярли 2 баравар оширишни режалаштирмоқда.
Ўзбекистон Россиядан 300 млн куб метрга яқин газ импорт қилди
«Газпром» билан тузилган шартномага кўра, 7 октябрдан бери Ўзбекистон Россиядан 300 млн куб метрга яқин газ импорт қилди, деди энергетика вазири Жўрабек Мирзамаҳмудов. У импорт қилинган «мовий ёқилғи» нархини яна ошкор қилмади.
Россия, Қозоғистон, Қирғизистон ва Ўзбекистон 15 йиллик газ шартномаси тузиши мумкин
2024 йил ўрталарига қадар Россия, Қозоғистон, Қирғизистон ва Ўзбекистон 15 йил давомида газ етказиб бериш ва транзит бўйича ҳамкорлик мажбуриятларини белгилашни режалаштирмоқда, деди «Газпром» раҳбари Алексей Миллер. Компания улардаги бошқа газ қувурлари тизимидан фойдаланишга тайёрлигини билдирди.
Газ, электр ва бошқа соҳаларга субсидиялар учун давлат бюджетидан қанча маблағ ажратилади?
2023 йилда давлат бюджетидан аҳолига газ, электр, иссиқлик таъминоти ва жамоат транспорти нархларини субсидиялаш учун 31 трлн сўмдан ортиқ (2,53 млрд доллар) ажратиш режалаштирилган. Бу нафақа, моддий ёрдам, илм-фан, спорт ва маданият учун ажратилган жами маблағдан кўпроқ.
Самарқанддаги 9 та кўп қаватли уй жами 9,5 млрд сўмлик газдан ноқонуний фойдалангани аниқланди
Самарқанддаги 9 та кўп қаватли уй қарийб 9 млрд 535 млн сўмлик табиий газдан, 2 та кўп қаватли уй эса 64 млн 800 минг сўмлик электр энергиясидан ноқонуний фойдалангани аниқланди.
Ўзбекистон Россия билан газ етказиб бериш бўйича ўрта ва узоқ муддатли шартномаларни муҳокама қилмоқда
Ўзбекистон Энергетика вазирлиги «Газпром» (Россия) билан газ етказиб бериш бўйича ўрта ва узоқ муддатли шартномалар музокарасини бошлади, дея маълум қилди энергетика вазири Жўрабек Мирзамаҳмудов.
Ўзбекистонда саккиз ойда қанча газ, электр энергияси, кўмир ва бензин ишлаб чиқарилди?
Ўзбекистонда дастлабки саккиз ойда газ қазиб олиш ўтган йилнинг шу даврига нисбатан 9,5 фоизга ёки 3,26 млрд куб метрга камайган. Августда ишлаб чиқариш 3,92 млрд куб метрни ташкил этди (ўтган йилнинг августига нисбатан -9 фоиз). Электр энергияси ишлаб чиқариш 5,7 фоизга, кўмир — 10,4 фоизга ўсди.
Уч давлат президентлари Россиядан Қозоғистон орқали Ўзбекистонга газ етказишга старт берди
Шавкат Мирзиёев Москвада Қосим-Жомарт Тоқаев ва Владимир Путин билан биргаликда Россия табиий газини Қозоғистон ҳудуди орқали Ўзбекистонга етказиб беришни бошлаб берди. Икки йиллик шартнома йилига 2,8 млрд куб метр газ етказишни назарда тутади.
Путин — Ўзбекистонга Россия газини етказиб беришни бошлаш муддати ҳақида
Россия президенти Владимир Путин Россия газининг Ўзбекистонга етказиб берилиши кутилаётган муддатга изоҳ берди. Унинг айтишича, тўлиқ етказиб бериш октябрь ойидан ҳозирча «кичик ҳажмда» бошланади. «Биз йилига 3 млрд кубометр етказиб берамиз, кейин эса кўпайтиришимиз мумкин», — дея қўшимча қилди у.
Қозоғистон Россия газини Ўзбекистонга етказиб бериш нега ортга сурилганини тушунтирди
Қозоғистон Россиядан Ўзбекистонга газ транзитини режалаштирилганидек 1 октябрдан эмас, октябрь охирида бошлашни режалаштирмоқда. Қозоғистон энергетика вазирининг маълум қилишича, газ қувурида таъмирлаш ишлари давом этмоқда, етказиладиган газ ҳажми ҳам келишиб олинмоқда.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг