Россия манфаатларини ёритувчи «Вести.uz» сайти Ўзбекистонда РФ томонидан мактаблар қурилиши ҳақидаги таклифни савол остига олган тармоқ фаолларини «Ғарб элчихоналарига сотилган блогерлар» деб атади. Сайтнинг ёзишича, Россия мактабларида «Украинани нацизмдан тозалаш ҳақидаги ҳақиқат» ўргатилади.
Бош вазир матбуот котиби Бекзод Ҳидоятов Россиянинг Ўзбекистонда мактаб қуриш таклифи интернетда нотўғри талқин қилинаётганини билдирди. Унинг айтишича, давлатлар бир-бирининг ҳудудида мактаб қуриши жаҳон тажрибасида бор ва шундай мактаб қурилса ҳам, унинг дастури ҳар томонлама ўрганиб чиқилади.
Қозоғистон депутатлари яқин атрофида мактаб, болалар боғчаси ёки бошқа ижтимоий инфратузилма бўлмаса, кўп қаватли уйлар қуришни тақиқлашни таклиф қилишди. Қонун лойиҳаси бир қанча мактабларда болалар сони ортиб кетиши ҳолатларидан кейин ишлаб чиқилган.
«Ўзбекистон — 2030» стратегиясига кўра, энди мактабларда компьютер саводхонлиги дарслари 1-синфдан жорий этилади. Шунингдек, 5 минг нафаргача профессор-ўқитувчиларни тажриба алмашиш учун, 200 нафаргача ёш олимларни илмий даража олиш учун танлов асосида хорижий илмий ташкилотларга юборилади.
4 сентябрдан мактабларда ўқув йили бошланади. Шу боис айни кунларда бозорлар харидорларга тўла, кимдир мактаб формасини, яна кимдир ўқув қуролларини сотиб оляпти. «Газета.uz» ота-оналар мактаб бозорига қанча пул сарфлаётгани ва уларнинг нарх-наво борасидаги фикрлари билан қизиқди. Видео.
Ўзбекистон ва Озарбайжон президентлари ҳамда уларнинг рафиқалари Фузулий шаҳрида Ўзбекистон томонидан қурилган мактабнинг очилиш маросимида иштирок этди. «Бу Қорабоғни тиклашда хорижий давлатнинг илк совғасидир», — деди Илҳом Алиев. Мактаб ҳақида нималар маълум?
Қозоғистонда 76 минг ўринли 62 мактаб қурилиши коррупция ишлари бўйича қўлга киритилган ва махсус жамғармага тушадиган маблағлар ҳисобидан молиялаштирилди. Бугунги кунда жамғарма ҳисобида 328 миллион долларга яқин маблағ мавжуд.
Ўзбекистон мактабларида 2023/2024 ўқув йили 4 сентябрь, душанбадан бошланади, дея хабар бермоқда Мактабгача ва мактаб таълими вазирлиги.
USAID`нинг 2019−2023 йилларга мўлжалланган «Ўзбекистон баркамоллик учун таълим дастури» якунига етди. 29,5 млн долларлик лойиҳа доирасида тўртта фандан дарсликлар ва ўқитувчилар учун қўлланмалар ишлаб чиқилди. Дарсликлар 4 йил давомида Сирдарё ва Наманган вилоятларида тажрибадан ўтказилди.
Вазирлар Маҳкамаси қарори лойиҳасига кўра, умумтаълим мактаблари учун юқори тезликда ва чекловларсиз кириш имконини берадиган «New Education» тариф режаси ишлаб чиқилади. Тариф бўйича интернет тезлиги камида 40 Мбит/с, ўқувчилар сони 400 нафардан кўп бўлганларда — камида 100 Мбит/с бўлади.
Учтепа туманидаги мактабда ўқувчи ва ўқитувчи жанжаллашди. Оқибатда ўқувчининг 17 ёшли акаси устозни калтаклади. Текширув ишлари кетмоқда. Ҳолатни вазир назоратга олган.
2023/2024 ўқув йилидан мактабларда билимни баҳолашнинг янги тартиби жорий этилади: ўқитувчи ўқувчилар ўтилган мавзуларни амалиётда қўллаши, уларнинг танқидий фикрлаши ва материални таҳлил қилишини баҳолайди. Бошланғич синфларда Информатика, ўрта синфларда эса молиявий саводхонлик ўргатилади.
2024 йилдан бола туғилганидан сўнг доимий яшаш манзилига бириктирилган мактабда онлайн ҳисобга қўйиш тизими жорий қилинади. Мактабларнинг ҳар ўқув йили учун қабул режаси my.maktab.uz платформасида шакллантирилади. Шунингдек, директорлар очиқ танлов асосида лавозимга тайинланадиган бўлади.
Сўнгги қўнғироқ бу нафақат мактаб таълимининг охирги куни, балки битирувчилар учун жиддий ва муҳим қарор қабул қилиш вақтидир. 25 май куни «Газета.uz» мухбирлари Тошкентдаги мактаблар битирувчиларидан уларнинг режалари, 5−10 йилдан сўнг ўзларини қаерда ва қандай лавозимда кўришлари ҳақида сўради.
2023 йил сентябрь ойидан 1−4-синф ўқувчиларига хорижий тажриба асосида, 5−9-синфларга эса умумтаълим фанларидан таянч билимлар берилади. 10−11-синфлар қизиқиш ва қобилиятига мос бўлган ихтисослашган дастурлар асосида ўқитилади.
Тошкентдаги 348-сонли мактаб (собиқ Тошкент вилоятига қарашли, коллектор ёнида жойлашган) биносида 6-синф ўқувчисини сув илони тишлаб олди. Унга биринчи тиббий ёрдам кўрсатилиб, шифохонага етказилган, шундан сўнг у ўқишга қайтган.
Мактабгача ва мактаб таълими вазирлиги 2023 йилдан нодавлат таълим ташкилотлари фаолиятини ҳам баҳолашни режалаштирмоқда.
Жамият ва давлат тараққиёти, эртасининг қандай бўлиши сифатли таълимга боғлиқ. Ўттиз йилдан ошди — нега ҳамон ўзимиз истаган таълим тизимини ярата олмаймиз? Қачон ва қай тариқа мақсадга эришиш мумкин? «Газета.uz» жавобни таълим эксперти, масъул ходим ва ўқитувчидан эшитишга қарор қилди.
Мария хонимни жамият ва педагогикадаги стереотипларни парчалаган аёл деб билишади. Унинг мактаби алоҳида мавзу. Габриэл Маркес, Билл Гейтс, Жефф Безос каби машҳурлар ҳам шундай даргоҳ таълимини олганлардан. Италиядаги илк дипломли шифокор аёлнинг ҳаёти ўзи ёзганидек — «ўта сокин, аммо шиддатли».
Тошкентдаги барча мактабларга ички ишлар ходимлари бириктирилади. Улар кун давомида муассаса ҳудуди ва унинг атрофидаги кўчаларда патруллик қилади. Пойтахт ИИББнинг қайд этишича, бу ота-оналарнинг бола ўғирлаш ҳақидаги миш-мишлар бўйича хавотирларига жавобан профилактик чора ҳисобланади.
Қўшимча имкониятларга эга булиш учун сайтда рўйхатдан ўтинг