«омбудсман» тегли мақолалар
Омбудсман 2024 йилда фуқароларга жами 1,8 млрд сўмлик иш ҳақини ундириб берди
Инсон ҳуқуқлари бўйича вакил (омбудсман) 2024 йилда фуқароларнинг иш ҳақи ва меҳнат муносабатлари билан боғлиқ 1 млрд 832,9 млн сўм маблағни ундириб берди. Йил давомида омбудсманга 23 мингдан зиёд мурожаат тушган.
Қатор камчиликлар сабаб Қарши тумани ИИБ вақтинча сақлаш ҳибсхонаси фаолияти тўхтатилди
Омбудсман томонидан аниқланган қатор камчиликлар сабабли Қарши туман ИИБнинг вақтинча сақлаш ҳибсхонаси фаолияти тўхтатилди. Унда сақланаётган шахслар таъмирланган Касби туманидаги вақтинча сақлаш ҳибсхонасига кўчирилди. Хатоларни бартараф этиш бўйича ИИВга тақдимнома киритилди.
Омбудсманга маҳкумлардан 10 ой давомида тазйиқ ҳолатлари юзасидан 158 та шикоят келиб тушган
10 ой давомида омбудсманга озодликдан маҳрум этиш жойларида ҳуқуқ-тартибот идоралари томонидан турли тазйиқлар юзасидан 158 та шикоят келиб тушган. 14 та шикоят бўйича терговга қадар текширув тайинланган, 3 таси бўйича жиноят ишлари қўзғатилган ва 10 нафар ходим интизомий жавобгарликка тортилган.
Инсон ҳуқуқлари бўйича вакил тўғрисидаги қонуннинг янги таҳрири унинг ваколатларини кенгайтирди
Омбудсман тўғрисидаги қонуннинг янги таҳрири унинг ваколатларини кенгайтирди: энди у таъсир чоралари — огоҳлантириш, тақдимнома, илтимоснома ва талабнома қўллаши мумкин. Омбудсман ва унинг жамоаси маҳкумлар сақланадиган жойларга исталган вақтда олдиндан огоҳлантирмасдан ташриф буюра олади.
Омбудсманга фуқаролар шикояти асосида текширув ўтказиш ҳуқуқи берилмоқда
Инсон ҳуқуқлари бўйича вакил фаолиятини тартибга солувчи қонун имзоланди. Ҳужжат билан омбудсманнинг ҳуқуқ ва мажбуриятлари белгиланди, хусусан, у 5 йилга сайланади ва инсон ҳуқуқлари бўйича қонунларга риоя этилишини назорат қилади. У фуқароларнинг шикоятлари асосида текширув ўтказиш ҳуқуқига эга.
Омбудсманга президент, ҳукумат ва парламентга махсус маъруза тақдим этиш ҳуқуқи берилмоқда
Сенат омбудсман тўғрисидаги янги таҳрирдаги қонунни маъқуллади. Энди омбудсман президент, ҳукумат ва парламентга махсус маъруза тақдим этиш ҳуқуқига эга бўлади. Шунингдек, ушбу лавозимга қўйилган олий маълумот ва инсон ҳуқуқларини ҳимоя қилиш соҳасида тажрибага эга бўлиш талаби бекор қилинмоқда
Омбудсманга қўйилган олий маълумот ва инсон ҳуқуқларини ҳимоя қилиш соҳасида тажрибага эга бўлиш талаби бекор қилинмоқда
Омбудсман лавозими номзодига қўйиладиган юксак ахлоқий сифатларга, олий маълумотга, инсон ҳуқуқлари, эркинликлари ва қонуний манфаатларини ҳимоя қилиш соҳасида зарур тажрибага эга бўлиш ҳақидаги талаблар бекор қилинмоқда. Депутатлар ушбу норма акс этган қонунни қабул қилди.
Шерободдаги ҳибсхонада маҳбуслар учун етарли шароитлар яратилмагани аниқланди
Сурхондарё вилояти Шеробод туманидаги вақтинча сақлаш ҳибсхонасида маҳбусларга етарли шароитлар яратилмаган, дея омбудсман мониторинг натижаларини эълон қилди. Камераларда қатор жиҳозлар етишмайди, чойшаб ва ёстиқ жилдлари ҳам мониторинг куни алмаштирилган, ювиниш хоналари гигиенага жавоб бермайди.
Бухородаги 4-тергов ҳибсхонасида узоқ муддатли учрашув хоналари ташкил этилди
Бухоро шаҳридаги 4-тергов ҳибсхонасида маҳкумлар учун узоқ муддатли учрашув хоналари йўқлиги аниқланди ва улар омбудсман тавсиясига кўра ташкил этилди. Қонунчиликда маҳкумлар яқин қариндошлари билан йилига 6 марта қисқа ва 6 марта узоқ муддатли учрашувлардан фойдаланиши мумкинлиги белгиланган.
Омбудсман меҳнат қуллигидан қочган аёлни Россиядан қайтаришга ёрдам берди
Омбудсман идораси меҳнат қуллигидан қочган аёлнинг Ўзбекистонга қайтишига ёрдам берди. Йил бошида уни алдов йўли билан Россияга олиб кетишган, паспортини олиб қўйишган ва далада мажбурлаб ишлатишган.
Омбудсман ҳаракатланиш эркинлиги чекланган шахслар сақланадиган жойлардан ярим йиллик мониторинг натижаларини эълон қилди
Омбудсман ярим йил ичида 452 маротаба жазони ижро этиш колониялари, тергов ҳибсхоналари, реабилитация маркази, «Саховат» ва «Мурувват» уйлари ва бошқа жойларга бориб, мониторинг ўтказди. Шунингдек, жойларда сақланаётганлар ва уларнинг яқинларидан келган 1271 та мурожаатни ўрганиб чиқди. Ҳисобот
Фарғонада соғлом фуқаро мажбуран руҳий касалликлар шифохонасига ётқизилгани аниқланди
Қўқон шаҳрида фуқаро ИИБ ходимлари ва маҳалла вакиллари иштирокида қонунга зид равишда руҳий касалликлар шифохонасига жойлаштирилгани аниқланди. У уч кун кўрикдан ўтказилгач, соғлом экани маълум бўлган ва уйига жавоб берилган.
Омбудсман ИИБ биносига олиб кетилган эркакнинг вафоти очиқ ва адолатли суриштирилишини сўрамоқда
Инсон ҳуқуқлари бўйича вакил (омбудсман) Бекободда «ИИБ биносига мажбурий олиб кетилган» ака-укага нисбатан куч ишлатилганлиги, улардан бирининг вафоти ҳолатини ўрганмоқда. Вакил воқеанинг барча жиҳатлари қонун талаблари доирасида очиқ ва адолатли суриштирилишини сўрамоқда.
Сирдарёдаги интернат уйида руҳий носоғлом беморни мазах қилган ходимлар ишдан олинди
Сирдарё вилоятидаги «Мурувват» уйида аутсорсинг асосида ишлаётган ходимлар муассасада даволанаётган ақли заиф бемор аёлни мазах қилиб, буни видеотасвирга олгани аниқланди. Улар билан тузилган меҳнат шартномаси бекор қилинди, ИИБ суриштирув ишларини бошлади.
Марғилон аҳолиси омбудсманга мурожаат қилиб, гавжум чорраҳага светофор ўрнатишга эришди
Марғилон шаҳридаги «Хўжа порсо» МФЙ аҳолиси автоҳалокат хавфи юқори бўлган чорраҳага светофор ўрнатишга кўмак беришни сўраб омбудсманга мурожаат қилди. Омбудсманнинг «тегишли ташкилотлар»га мурожаатидан сўнг масала ижобий ҳал этилди.
Жиззахда 8 ёшли ўғлига пичоқ тираган эркакка нисбатан жиноят иши қўзғатилди
Жиззах вилоятида яшовчи фуқаро Кореяда ишлаётган рафиқаси билан телефон орқали жанжаллашиб, 8 ёшли ўғлининг бўғзига пичоқ тиради. Маълум бўлишича, у олдин ҳам хотинига нисбатан зўравонлик қилган. Ҳолат юзасидан жиноий иш очилди. Болага унинг бувиси вақтинчалик васий этиб тайинланди.
Наманганда мастлиги сабаб шифохонага ётқизилган эркак ўзини осиб қўйди
Наманганнинг Чортоқ туманида шифохонанинг ҳушёрлантириш бўлимига ётқизилган эркак темир панжарага ўзини осиб, вафот этди. У бир кун аввал турмуш ўртоғининг чақирувига асосан мастлиги сабабли ИИБ ходими томонидан шифохонага олиб борилган. Ҳолат назоратга олинди, деб ёзди омбудсман матбуот хизмати.
Қорақалпоғистондаги колонияда 47 нафар маҳкумнинг жарроҳлик амалиётига эҳтиёжи борлиги аниқланди — омбудсман
Омбудсманнинг Қорақалпоғистондаги вакили 27-сонли манзил колонияда мониторинг ўтказди. Барча маҳкумлар тиббий текширувдан ўтказилганда уларнинг 47 нафарига «Остеомиелит», «Остеохондроз» ташҳислари қўйилди. Уларга стационар даво муолажалари буюрилди.
Маҳаллалардаги эълон тахталарига айбдор деб топилганларнинг сурати ва маълумотини жойлаштириш инсон ҳуқуқларига зид — омбудсман
Навоий вилоятидаги маҳаллаларда «Шарманда доскаси» жорий этилиб, уларда жиноят содир этганларнинг суратлари илиниши ҳақида хабарлар тарқалди. Ҳукумат қарорида бу турдаги эълонларни жойлаштириш белгиланган. Инсон ҳуқуқлари бўйича омбудсман бундай амалиёт инсон ҳуқуқларига зид эканини таъкидлади.
Омбудсман россиялик ҳамкасбига мигрантларга нисбатан зўравонлик ҳолатлари юзасидан мурожаат юборди
Ўзбекистон омбудсмани Екатеринбургда ўрдаксимон юришга мажбурланган меҳнат мигрантларининг камситилгани юзасидан Россия омбудсманига мурожаат қилди. Улардан қанчаси Ўзбекистон фуқаролари бўлганига аниқлик киритилмаган. Қирғизистон ТИВ эса «Россия федерал органлари даражасида» иш қўзғатган.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг