«омбудсман» тегли мақолалар
Омбудсман Навоийдаги колонияда Даулетмурат Тажимуратов билан учрашди
Омбудсман Навоийдаги 11-колонияда Нукус воқеалари бўйича қамалган Даулетмурат Тажимуратов билан учрашди. Колония раҳбарияти унга алоҳида имтиёз ёки чекловлар берилмагани ва белгиланган тартибда жазо ўтаётганини, Тажимуратов эса қийноқ ёки тазйиқ ўтказиш ҳолатлари мавжуд эмаслигини билдирди.
Омбудсман БМТ экспертларининг Даулетмурат Тажимуратов ҳақидаги баёнотига жавоб берди
БМТ мустақил экспертлари ҳуқуқ ҳимоячиси Даулетмурат Тажимуратов 2022 йил июлида Қорақалпоғистонда содир бўлган воқеалар юзасидан Урганчдаги 11-тергов изоляторида жисмоний ва руҳий босимга учраганини маълум қилди. Ўзбекистон Омбудсман идораси Тажимуратов қийноқлар ҳақида хабар бермаганини билдирди.
Омбудсман Тошкент шаҳри ИИББда гумонланувчи ўлган ҳолатни назоратга олди
Ўзбекистон қийноққа қарши ўзининг мустаҳкам позициясига эга, деди омбудсман Тошкент шаҳри ИИББда гумонланувчининг ўлганига муносабат билдираркан. Унинг сўзларига кўра, жиноят учун жазо муқаррар, лекин бу жазо суд орқали тайинланиши керак.
Тадбиркор Дилшод Тўрахўжаев уни қийноққа солган ИИО ходимларига чора кўрилмаётганидан шикоят қилди
Тошкент ИИББда қийноққа солинган тадбиркор Дилшод Тўрахўжаев президентга мурожаат йўллади. Шундан сўнг омбудсман ва унинг ҳузуридаги жамоатчилик гуруҳлари аъзолари у билан учрашди. Тадбиркор уни қийноққа солган ходимларга нисбатан чора кўрилмаётганидан шикоят қилди.
«Шаффофлик — қийноқларни барвақт олдини олишнинг таъсирчан воситаларидан бири» — Омбудсман
Омбудсман Бўкада содир бўлган ҳолатга муносабат билдириб, айбдорлар ҳибсга олинганини ижобий баҳолашини қайд этди. Муносабатда таъкидланишича, қийноқларни олдини олиш учун шаффофлик таъминланиши керак.
Омбудсман вакиллари тергов ҳибсхонасидаги Даулетмурат Тажимуратов билан учрашди
Омбудсман ва жамоатчилик гуруҳлари вакиллари 1-сонли тергов ҳибсхонаси («Тоштурма»)да бўлиб, Нукус воқеалари юзасидан жиноят иши бўйича судланганлар, жумладан, Даулетмурат Тажимуратов билан учрашди. Судда у омбудсманни танқид қилганди.
Омбудсман қийноққа солинган тадбиркорлар билан якка тартибда холи суҳбатлар ўтказди
Омбудсман ва унинг ҳузуридаги жамоатчилик гуруҳлари вакиллари қийноққа солинган тадбиркорлар Дилшод Тўрахўжаев ва Ҳасанбой Абдунабиев сақланаётган «Тоштурма»да бўлди. Ўтказилган холи суҳбатларда улар руҳий ва жисмоний қийноқларга солинганини тасдиқлаб, бунга асосли далиллар борлигини айтишган.
Омбудсман тадбиркорлар қийноққа солингани ҳақидаги хабарларни алоҳида назоратга олди
Омбудсман идораси тадбиркорлар Дилшод Тўрахўжаев ва Хасанбой Абдунабиевнинг қийноққа солингани ҳақидаги хабарларни алоҳида назоратга олди. «Ўзбекистон инсон қадр-қимматини ерга урадиган, инсонийликка зид бўлган қийноқларнинг ҳар қандай кўринишига қарши кураш йўлини танлаган», — дейилади баёнотда.
Хорижда ота-она қарамоғисиз қолиб кетган 43 нафар бола Ўзбекистонга қайтарилди
2022 йилда чет элда ота-она қарамоғисиз қолиб кетган 43 нафар бола Ўзбекистонга қайтарилди. Хусусан, улар Россия, Қозоғистон ва Туркиядан олиб келинган.
Самарқандда ИИО ходимлари маҳбусни калтаклагани рад этилди
Самарқандда ИИО ходимлари маҳбусни калтаклагани айтилган хабарлар рад этилди. Вилоят бошқармаси маҳбус қўлга олинган вақтда жароҳати бўлганини маълум қилди. ИИВ матбуот котиби Шоҳруҳ Ғиёсов Омбудсман ахборот хизматини ҳуқуқий баҳо берилмаган мурожаатни бир томонлама ёритганини таъкидлади.
Самарқандда ИИО ходимлари маҳбусни калтаклагани айтилмоқда
Самарқандда ИИО ходимлари маҳбусга қийноқлар қўллагани оқибатида унинг учта қовурғаси сингани ва тана қисмида жароҳат излари борлиги айтилмоқда. Омбудсман вакили маҳбус билан учрашиб, вазиятни ўрганди. Ҳолат юзасидан Бош прокуратурага мурожаат қилинди.
Омбудсман Андижонда беш йигит тергов вақтида қийноққа солингани айтилган ҳолатни ўз назоратига олди
Андижонда 5 нафар йигит иши апелляция судида кўрилаётгани ва тергов жараёнларида улар қийноққа солинаётгани айтилмоқда. Айбланувчиларнинг яқинлари уларни 8−10 йиллаб озодликдан маҳрум қилишмоқчилиги, тергов вақтида эса калтаклаганини қайд этишди. Омбудсман вазиятни ўз назоратига олди.
Парламент комиссияси Даулетмурат Тажимуратов билан учрашди
Қорақалпоғистондаги намойишлар бўйича асосий айбланувчилардан бири Даулетмурат Тажимуратов Урганчдаги тергов ҳибсхонасида омбудсман ва парламент комиссияси аъзолари билан учрашувда тергов ҳаракатлари пайтида қийноққа солинмагани ва босим ўтказилмаганини маълум қилди.
Омбудсман идораси қийноқлар эҳтимоли ҳақидаги хабарга раддия берди
Омбудсман идораси «Газета.uz»нинг Қорақалпоғистондаги маҳбусларнинг адвокатлари қийноқлар тўғрисида маълум қилгани ҳақидаги хабарига раддия берди. Хабарда адвокатлардан қийноққа солиш ҳолатлари кузатилдими, деган саволга жавоб олинган, дея аниқлик киритди омбудсман матбуот хизмати.
Россияда ота-она қарамоғисиз қолган 19 бола Ўзбекистонга қайтарилди
Россиянинг турли шаҳарларида ота-она қарамоғисиз, қаровсиз ва назоратсиз қолиб кетган 19 бола Ўзбекистонга олиб келинди. Уларнинг ҳар бири ССВ ходимлари томонидан тиббий кўрикдан ўтказилган.
Марказий Осиё омбудсманлари инсон ҳуқуқлари бўйича иккита ҳужжатни имзолашди
Марказий Осиёнинг бешта давлати омбудсманлари минтақада инсон ҳуқуқларини ҳимоя қилишга қаратилган иккита ҳужжатни имзолади.
Тадбиркорларнинг ҳуқуқларини бузганлик бўйича мингдан ортиқ ҳолат аниқланди
Бизнес омбудсман ўрганишлари натижасида Қурилиш вазирлиги тизимида 1326 та ҳолатда тадбиркорларнинг ҳуқуқлари бузилгани маълум бўлди. Камчиликлар учун вазирлик ва унинг ҳудудий бош бошқармаларининг 143 нафар ходимига нисбатан баённома тузилди.
Косондаги 10-сонли колонияда тиббиёт ходимлари етишмаяпти — Омбудсман
Қашқадарё вилояти Косон туманидаги 10-сонли колонияда тиббиёт ходимлари етишмайди. У ерда ҳар куни 70−80 нафар маҳкумга тиббий ёрдам кўрсатилмоқда. Омбудсман офиси муассасадаги маҳкумларни сақлаш ва қариндошлари билан учрашиш учун яратилган шароитларни ўрганди.
Омбудсман онанинг ўғли ҳибсхонада калтаклангани ҳақидаги баёнотига муносабат билдирди
Омбудсман Фарғонанинг 10-сон тергов ҳибсхонасида ўғлини калтаклашгани ҳақида арз қилган онанинг мурожаатини ўз назоратига олди. Ҳибсхона ходимлари гумонланувчиларнинг шаъни ва қадр-қимматини ҳурмат қилишни сўраганда маҳбусни «терпила» деб, калтаклаган ва «бу ердан ўлигинг чиқади» деб жавоб берган.
Урганчда тергов изоляторидаги маҳкумларга истеъмолга яроқсиз сув берилди
Урганчда тергов изоляторидаги маҳбуслар Омбудсман вакилига ичишга яроқсиз сув берилаётгани юзасидан шикоят қилишди. Ҳолат тасдиқланди. Маҳкумларга кечаси электр ўчгунига қадар сув қайнатиб олиш тавсия қилинди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг