«ўзбекистон» тегли мақолалар
Ўзбекистон қаерда жойлашган? — Украинада уруш бошланганидан сўнг Россия ва Беларусь интернет фойдаланувчиларининг Ўзбекистонга бўлган қизиқиши қандай ўзгарди
24 февраль куни Россиянинг Украина ҳудудида ҳарбий операция бошлаши ортидан Россия ва Беларусь интернет фойдаланувчилари орасида Ўзбекистонга бўлган қизиқиш кескин ортиб кетди. Google`да 1000 рубль ўзбек сўмида қанча бўлиши, Москвадан Ўзбекистонгача бўлган билетлар, Ўзбекистонга кириш қоидалари ва бошқа сўровлар кескин ортган.
Ўзбекистон февраль ойида дунёдаги энг кўп олтин сотган давлат бўлди
Бутунжаҳон олтин кенгашининг ойлик ҳисоботига кўра, Ўзбекистон февраль ойида 22 тонна олтин сотган ҳолда дунё мамлакатлари орасида биринчи ўринни эгаллади. 1 март ҳолатида Ўзбекистоннинг олтин захиралари 339 тонна ёки 20,72 млрд долларни ташкил қилмоқда.
«Кутганимизчалик арзон эмас экан» — Беларусдан Ўзбекистонга келган IT-мутахассисларининг дастлабки таассуротлари
Украинада уруш бошланганидан сўнг Ўзбекистонга кўчиб келган бир нечта IT-мутахассислар ўзларининг дастлабки таассуротлари билан бўлишди. Дастурчилар, нега айнан Ўзбекистонни танлашгани, яшаш шароити, ижара нархининг қимматлиги ҳақида фикр билдиришган.
ТИВ ўзбекистонлик ҳайдовчилар Украинада ушлаб турилганига изоҳ берди
Ижтимоий тармоқларда ўзбекистонлик юк ташувчи ҳайдовчиларнинг Мариуполь металлургия комбинатида ушлаб турилгани ҳақидаги мурожаати тарқалди. Ўзбекистон ТИВ улар ҳарбий ҳаракатлар ҳудудидан эвакуация қилингани ва ватанга қайтаётганини маълум қилди.
Ўзбекистон Қозоғистондан 100 минг тонна буғдой ва қисман ун импорт қилади
Ҳукумат қарори билан Ўзбекистон апрель-июль ойларида Қозоғистондан 100 минг тонна 3-синф буғдойини (бир қисми ун) мақбул нархларда импорт қилади. Ички ва ташқи бозорлардаги вазиятдан келиб чиқиб, яна 500 минг тонна буғдой харид қилиш режалаштирилмоқда.
«Эришган ютуқларимизни сақлаб қолишимиз керак». Нозим Хусанов — болалар ва мажбурий меҳнатга чек қўйилгани ҳақида
Меҳнат вазири Нозим Хусанов мамлакат ютуғининг 50 фоизи болалар ва мажбурий меҳнатга чек қўйишга эришилганида бўлса, қолган 50 фоизи уни сақлаб қолишга боғлиқлигини айтди. Сенат раиси Танзила Нарбаева эса «одамлар яратилган шароитлар, меҳнатга ҳақ тўлаш, ижтимоий ҳимоя тизимидан қониқиши кераклигини» таъкидлади. Бунга эришиш учун Ўзбекистон халқаро Better Work дастуридан фойдаланишни режалаштирмоқда. Шунингдек, айрим соҳалар босқичма-босқич 5 кунлик иш ҳафтасига ўтказилиши ҳам мумкин.
Қозоғистонда Ўзбекистон орқали 6 та «иномарка»ни ноқонуний олиб кирмоқчи бўлганлар ушланди
Қозоғистонда Ўзбекистон ҳудуди орқали 1,6 млрд сўмлик 6 та «иномарка"ларни ноқонуний олиб кирмоқчи бўлганлар аниқланди. Машиналарнинг тегишли ҳужжати бўлмаганлиги айтилди. Ўзбекистон Давлат божхона қўмитаси машиналар Тожикистондан олиб кирилганлиги ва мамлакат ҳудудидан ўтаётганда барча ҳужжатларга эга бўлганлигини таъкидлади.
Ўзбекистон бахтли мамлакатлар рейтингида 11 поғона пастлади
2022 йил учун бахтли мамлакатлар рейтингида (World Happiness Report) Ўзбекистон 11 поғона пастлаб, 53 ўринни эгаллади. Натижада Марказий Осиё ва МДҲ мамлакатлари орасида рейтингдаги етакчилик 40 ўринни қайд этган Қозоғистонга ўтди.
Қозоғистон ҳам Ўзбекистоннинг ковид-сертификатларини тан олди
Ўзбекистон ва Қозоғистон коронавирусга қарши эмланганлик тўғрисидаги сертификатларни тан олиш борасида келишувга эришди. Бундан буён сертификатга эга фуқаролардан мамлакатлар чегарасини кесиб ўтишда ПЗР-тести натижаси талаб этилмайди. Аввалроқ, Тожикистон, Туркия ва Буюк Британия ҳам Ўзбекистон ковид-сертификатларини тан олганди.
Ўзбекистонликларни Украинадан Польша орқали эвакуация қилиш якунланди
Ўзбекистон фуқароларини Польша орқали Украинадан эвакуация қилиш жараёни ниҳоясига етди. Польшадан жами 25 авиарейс воситасида 5786 нафар фуқаро ватанга олиб келинди. «Бошқа давлатлар орасида Ўзбекистон Украинадан ўз фуқароларини биринчи бўлиб эвакуация қилди», — деди Ўзбекистоннинг Польшадаги элчиси Баҳром Бобоев.
Афғонистон орқали Ҳиндистондан Ўзбекистонга биринчи транзит юклари жўнатилди
Ҳиндистонлик трейдер Покистон ва Афғонистон орқали биринчи транзит жўнатмани Ўзбекистонга жўнатди. 16 март куни 140 тонна юк — асосан шакар ортилган юк машиналари карвони Кобулдан Тошкентга йўл олган. Бунгача жўнатма Мумбай, Карачи ва Торхам шаҳарларидан ўтган. Ушбу жўнатма «тўртта давлатнинг ҳеч бирида ҳукумат иштирокисиз амалга оширилган"и айтилди.
17 март куни Ўзбекистонда содир бўлган энг муҳим хабарлар дайжести
Ўзбекистон Украинанинг мустақиллигини тан олишини айтган Абдулазиз Камилов, Қашқадарёда янги ташкил этилган Кўкдала тумани, дори воситаларини реклама қилиши тақиқланган машҳурлар ва шифокорлар, қийноқ қурбонларига етказилган зарарнинг қоплаб берилиши, асосий ставкани 17 фоизгача кўтарган Марказий банк ва бошқалар — «Газета.uz» нинг 17 мартдаги энг муҳим хабарлари дайжестида.
Ўзбекистон Қозоғистон ва Тожикистон билан чегараларни очди
16 мартдан бошлаб Ўзбекистоннинг Қозоғистон ва Тожикистон билан ўтказиш пунктлари орқали фуқаролар ҳаракатига чекловлар бекор қилинади. Барча божхона постлари фаолияти қайта тикланади. Қолаверса, мамлакатга киришда вакцина олган хорижликлардан ПЗР-тест натижаси талаб этилмайди.
Қозоғистондан 10 минг доллардан ортиқ нақд пул олиб чиқиш тақиқланди
Қозоғистон президенти мамлакатдан 10 минг доллардан ортиқ миқдорда нақд валюта олиб чиқишни тақиқлади. Шунингдек, олтин қуймалар ҳамда олтин-кумуш тангаларни олиб чиқиш бўйича тақиқ ўрнатилди. Украинадаги уруш бошланганидан бери тенге 16,8 фоизга қадрсизланди.
Ўзбекистонга қарийб 2 млн доза Pfizer вакцинаси олиб келинди
Душанба куни Ўзбекистонга COVAX дастури доирасида салкам 2 млн доза Pfizer вакцинаси келтирилди. Мамлакатга олиб келинган вакциналар сони 61 млн дозадан ошди. Айни вақтда 14,2 млн дозадан кўпроқ вакцина захираси мавжуд.
Украина элчихонаси Ўзбекистонда Россия телеканалларини блоклашни сўради
Украина элчихонаси 1 март куни Ўзбекистон ТИВга мамлакатда Россия телеканаллари эфирини тақиқлашни сўраб нота юборди. Хатда қайд этилишича, Россия ОАВлари олиб бораётган «ахборот уруши ҳарбий кампаниянинг ажралмас қисми» ва «жаҳон ҳамжамиятини дезинформациялашга қаратилган». Элчи Николай Дорошенко «Озодлик» радиосига берган интервьюсида шунингдек, 28 тонналик гуманитар ёрдамни юборгани учун Ўзбекистонга миннатдорчилик билдирди.
Ўзбекистоннинг Россия ва Украина билан савдо алоқалари қандай эди?
Россия 2021 йилда Ўзбекистоннинг энг йирик савдо шериги мақомини қайтариб олди. Бу мамлакатдан озиқ-овқат, нефть маҳсулотлари, ёғоч ва бошқа товарлар катта ҳажмда келтирилади. Украина эса Ўзбекистоннинг дори воситалари, ярим тайёр металл буюмлари ва бошқаларни экспорт қиладиган тўққизинчи йирик савдо ҳамкори ҳисобланади. «Газета.uz» Ўзбекистоннинг ушбу икки давлат билан савдо-иқтисодий муносабатлари қандай йўлга қўйилгани, ҳарбий можаро ва санкциялар фонида қандай хавф-хатарлар борлигини ўрганиб чиқди.
Ҳафта давомида ёмғир ёғиши кутилмоқда
Ўзбекистонга Эрон ва Каспий денгизи ҳудудларидан бир қатор нам ҳаво массалари кириб келиши ҳисобига мамлакатда беқарор об-ҳаво сақланиб туради. 10 март санасидан ташқари ҳафта давомида турли жадалликда ва танаффус билан ёмғир ёғиши кутилмоқда.
10 кун ичида Украинани 1,5 млн қочқин тарк этди — БМТ
Россиянинг Украинадаги 10 кунлик ҳарбий ҳаракатлари давомида мамлакатни 1,5 млн қочқин тарк этди. БМТнинг Қочқинлар бўйича олий комиссари бу иккинчи Жаҳон урушидан бери Европада энг тез ўсаётган миграция инқирози эканлигини маълум қилди.
5 нафар ўзбекистонлик юк ташувчи Украина-Россия чегарасида қолиб кетди
Ўзбекистоннинг Москвадаги элчихонаси Украинанинг Суми, Харьков вилоятлари ҳамда «Нехотеевка» нейтрал ҳудудида бўлган 12 нафар юк ташувчини Россияга киришида ёрдам кўрсатди. Яна 5 нафар Ўзбекистон фуқароси 4 та юк машинасида Украина чегараси чизиғидан узоқроқ масофада қолиб кетди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг