Жаҳон
Дональд Трамп махфий ҳужжатлар бўйича жиноий ишда айбланмоқда
АҚШнинг собиқ президенти Дональд Трамп махфий ҳужжатларни ноқонуний сақлашда айбланмоқда. Бу президентликка қайтишга уринаётган Трампга нисбатан иккинчи жиноий иш ҳисобланади.
Бишкекда ўткир ичимлик суви танқислиги кузатилмоқда. Вазият ҳақида нималар маълум?
Май ўрталаридан Бишкекда, айниқса шаҳар чети ва жанубий қисмида ичимлик суви таъминоти билан боғлиқ вазият оғирлашди. Мавзелардан бирида аҳоли норозилик намойиши уюштирди. Мэрия тақчилликни истеъмол ҳажми ортгани ҳамда томорқаларни суғоришда ичимлик сувидан фойдаланилаётгани билан боғлади.
Қозоғистон ва Арманистон банклари Россия компанияларининг электроника учун тўловларини блоклашни бошлади
Қозоғистон ва Арманистон банклари Россия компанияларининг параллел импорт орқали етказиб берилаётган электроника учун тўловларини блоклашни бошлади. «Коммерсанть»нинг хабар беришича, етказиб берувчилар электроникани бошқа товар кодлари остида импорт қилишга ҳаракат қилмоқда.
Қирғизистонда давлат тўнтаришига тайёргарлик кўришда гумонланган ўнлаб одамлар ҳибсга олинди
Қирғизистон махсус хизматлари эҳтимолий давлат тўнтаришига тайёргарлик кўришда гумон қилинган 30 дан ортиқ кишидан иборат гуруҳни қўлга олди. Гуруҳ ташкилотчилари, расмийларга кўра, айбига иқрор бўлган.
Майк Пенс АҚШ президентлиги учун курашга киришди
АҚШнинг собиқ вице-президенти Майк Пенс 2024 йилги президентлик сайловларида номзод бўлиш учун ариза топширди.
«Укргидроэнерго»: Каховка ГЭСи бутунлай вайрон бўлган ва уни қайта тиклаб бўлмайди
«Укргидроэнерго»нинг хабар беришича, Каховка ГЭСи бутунлай вайрон бўлган. Сув омбори сатҳининг назоратсиз пасайиши Запороже атом электр станцияси учун қўшимча хавф ҳисобланади.
Херсоннинг Россия назоратидаги қисмида ГЭС тўғони вайрон қилинди, аҳоли пунктларини сув босиши мумкин
Херсон вилоятининг Россия назоратидаги қисмида жойлашган Каховка ГЭСи тўғони қисман вайрон бўлди. Томонлар бир-бирини тўғонни портлатишда айбламоқда. Қуйи оқимдаги сув сатҳи 2,5 метрга кўтарилган, 80 та аҳоли пунктини сув босиши мумкин.
Байден АҚШ давлат қарзи чегарасини вақтинча бекор қилиш тўғрисидаги қонунни имзолади
Жо Байден АҚШ давлат қарзи чегарасини вақтинча бекор қилувчи қонунни имзолади. Бу АҚШ тарихидаги биринчи дефолтдан қутулиб қолиш имконини беради. Агар давлат қарзи чегараси бекор қилинмаганида ёки оширилмаганида, АҚШ Ғазначилиги ҳукумат фаолиятини молиялаштириш имкониятини йўқотган бўларди.
Ҳиндистонда поездлар тўқнашиб, 290 га яқин киши ҳалок бўлди, юзлаб одамлар жароҳатланди
Ҳиндистон шарқидаги Одиша штатида поездлар тўқнашуви оқибатида камида 288 киши ҳалок бўлди, 900 га яқин киши жароҳат олди. Қурбонлар сони ортиши мумкин, дейди расмийлар.
«Шум бола» BBC томонидан барча даврларнинг энг яхши болалар китоблари 100 талик рўйхатига киритилди
Ғафур Ғуломнинг «Шум бола» асари BBC’нинг «Барча даврларнинг 100 та энг буюк болалар китоблари» рўйхатига киритилди. Ушбу рўйхатни шакллантириш учун 56 мамлакатдан 177 эксперт, жумладан Ўзбекистондан икки вакил қатнашган.
Қозоғистонда Оналар куни ва Оталар куни байрам сифатида нишонланади
Қозоғистонда иккита янги — дунёнинг кўплаб мамлакатларида нишонланадиган Оналар куни ва Оталар куни байрамлар рўйхатига киритилди.
Россия армиясининг зарбаси оқибатида Киевда 3 киши ҳалок бўлди
Россия армиясининг Киевга уюштирган навбатдаги ҳаво ҳужумида 3 киши, жумладан бир бола қурбон бўлди. Бу сўнгги бир ой ичида Украина пойтахтининг камида 18-марта ўққа тутилиши ҳисобланади.
АҚШ Вакиллар палатаси давлат қарзи чегарасини ошириш бўйича қонун лойиҳасини маъқуллади
АҚШ Конгрессининг Вакиллар палатаси дефолтга йўл қўймаслик учун давлат қарзига қўйилган юқори чегарани ошириш бўйича қонун лойиҳасини маъқуллади. Қонун 2025 йилнинг 1 январигача федерал ҳукуматга қўйилган чегарадан кўпроқ миқдорда қарз олиш имконини беради.
Июль ойида Ҳиндистонда бўладиган ШҲТ саммити виртуал тарзда ўтказилади
Ҳиндистон июль ойида бўладиган ШҲТ саммитини виртуал форматда ўтказади. Дастлаб тадбир Нью-Деҳлида ўтказилиши керак эди. The Hindu нашрининг ёзишича, формат ўзгаришига бир қатор етакчиларнинг вақт жадвалидаги қийинчиликлар сабаб бўлган бўлиши мумкин.
Қозоғистонда Назарбоевни ҳақорат қилганлик учун жиноий жавобгарликни бекор қилиш режалаштирилмоқда
Қозоғистон Жиноят кодексидан мамлакат биринчи президенти Нурсултон Назарбоевни ҳақорат қилганлик учун жавобгарликни назарда тутувчи моддаларни чиқариб ташлаш режалаштирилмоқда.
Сунъий интеллект яратувчилари ўз технологиялари хавфлилиги ҳақида огоҳлантирди
OpenAI ва Google DeepMind каби технологик компанияларнинг бир гуруҳ олимлари ва раҳбарлари ўз технологиялари хавфини пандемия ҳамда ядро урушига қиёсладилар ва инсониятнинг «йўқ бўлиб кетиш хавфи» ҳақида огоҳлантирдилар.
Киев ва Москвага уюштирилган дронлар ҳужумлари ҳақида нималар маълум?
30 майга ўтар кечаси Киев ой бошидан буён 17-марта оммавий ҳаво ҳужумига учради. Бир киши ҳалок бўлди, яна 13 киши яраланди. Ўша куни эрталаб Москвага ҳам учувчисиз учиш аппаратлари ҳужуми уюштирилди, бир нечта бинолар зарар кўрди.
Косоводаги тўқнашувларда ўнлаб одамлар яраланди
Косово шимолида серб аҳолиси ва НАТО тинчликпарвар кучлари ўртасида муниципал сайловлар натижалари ортидан тўқнашувлар юз берди. Тўполонларда камида 50 нафар намойишчи ва 25 га яқин тинчликпарвар кучлар вакили жароҳатланди.
Эрон-Афғонистон чегарасида отишма юз берди, қурбонлар бор
Эрон-Афғонистон чегарасида содир бўлган отишмада камида 3 киши ҳалок бўлди. Мамлакатлар ўртасидаги зиддият Ҳилманд дарёси сувидан фойдаланишдаги низо сабабли кескинлашган.
Байден АҚШ қарзи чегараси бўйича келишувни эълон қилди
Оқ уй ва Республикачилар партияси АҚШ давлат қарзи чегарасини ошириш бўйича келишиб олди, бу эса жаҳон иқтисодиётига таҳдид соладиган дефолтнинг олдини олиши кутилмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг