Коронавирус тарқалиши сабабли Италия ҳукумати бутун мамлакат бўйлаб комендантлик соати жорий қилди. Музей ва кўргазмалар ёпилиб, юқори мактаб ўқувчилари масофавий таълимга ўтказилади.
Туркиянинг Измир провинциясида 6,6 баллик зилзиладан кейин бошланган қидирув-қутқарув ишлари якунига етди. Табиий офатдан вафот этганлар сони 114 нафар, жароҳатланганлар 1035 нафарга етди.
Қирғизистон парламенти спикери Канат Исаев яқинлашиб келаётган президентлик сайловларида қатнашиш мақсадида истеъфога чиққанини эълон қилди.
Европанинг бир қатор мамлакатларида COVID-19 билан боғлиқ вазият кескин тус олмоқда. Франция, Германия, Буюк Британия ҳукуматлари карантин чораларини кучайтиришга қарор қилди. Испанияда ва Германияда ушбу чораларга қарши бир қатор намойишлар бўлиб ўтди.
Қозоғистонда мамлакат чегарасини кесиб ўтиш тартибига ўзгартиришлар киритилди. Жумладан, Қозоғистонга келиш ва транзит ўтиш бўйича визасиз режим бекор қилинди, Туркиядан қатновчи авиарейслар сони камайтирилди.
Номаълум шахслар гуруҳи Австрия пойтахти Венада ҳужум уюштирди. Ҳозирги маълумотларга кўра, 4 киши вафот этган, 18 киши жиддий жароҳат олган. Ҳужумчилардан бири қўлга олиш пайтида ўлдирилди, қолганлари қочишга муваффақ бўлди. Мамлакат канцлери ушбу ҳужумларни «теракт» деб атади.
3 ноябрь куни АҚШда президент сайловлари бўлиб ўтади. Президентлик учун республикачилар партиясидан бўлган амалдаги президент Дональд Трамп ва демократлар номзоди Жо Байден курашади. Сайлов жараёни қандай кечади, кимнинг овозлари аҳамиятга эга, ким ғолиб бўлади ва қайси штатлар қандай номзодларга овоз беради — ушбу саволларга Иллинойс университети докторанти Икромжон Тўхтасунов ойдинлик киритади.
Молдовада президентлик сайловларининг ўтказилиши, Германияда карантин чораларининг кучайтирилиши, Black Star компанияси банк ҳисобларининг блокланиши ва бошқа янгиликлар — «Газета.uz»нинг жаҳон янгиликлари дайжестида.
Туркиянинг Измир провинциясида содир бўлган зилзила қурбонлари сони 79 кишига етди, 962 дан ортиқ киши жабр кўрди.
Туркиянинг Измир провинциясида бир қанча уйларнинг қулашига олиб келган 6,6 магнитудали зилзила содир бўлди.
Apple компаниясининг акциялари 4,21% га арзонлади. Сармоядорларнинг ҳисоблашича, Apple Осиё смартфон ишлаб чиқарувчи компанияларига рақобатни бой бермоқда.
Тожикистонда бешинчи маротаба Эмомали Раҳмоннинг инаугурацияси ўтказилди. Сўнгги президентлик сайловларида қатнашиш кўрсаткичи 85,39% ни ташкил қилди ва Эмомали Раҳмон 90,92% овоз билан ғолиб бўлди.
Тайвань оролида 200 кун мобайнида коронавирусга чалиниш янги ҳолатлари кузатилмаганлиги, NASA ва ЕSA Ой яқинида орбитал станцияни яратиши, Кипрда карантинга қарши намойишлар ва бошқа янгиликлар — «Газета.uz»нинг жаҳон янгиликлари дайжестида.
Ницца шаҳридаги Нотр-Дам черковида номаълум шахс одамларга ҳужум қилди. Уч киши ҳалок бўлди, қурбонлардан бирининг боши олинган.
Франция ва Германия COVID-19 га чалинган беморлар сони ортгани сабабли шу ойнинг ўзида яна такроран карантин эълон қилди. Болалар боғчалари ва мактаблардан ташқари, барча ресторан, бар, кинотеатр ва фитнесс-марказлари ёпилади.
Туркия президентининг Charlie Hebdo’ни судга бергани, АҚШ қочоқларни қабул қилиш квоталарини 15 мингга туширгани, коронавирусга қарши эмланганлар орасида касалланиш ҳолатларининг кузатилиши ва бошқа янгиликлар — «Газета.uz»нинг жаҳон янгиликлари дайжестида.
Беларусда оммавий тартибсизликларни ташкиллаштириш ва унда иштирок этиш бўйича 500 дан ортиқ жиноий ишлар очилган, уларнинг аксарияти Минскдаги норозилик намойишлари билан боғлиқ. Президент Александр Лукашенконинг сўзларига кўра, «халқ ультиматуми» тугаган куни митинг пайтида намойишчиларни тарқатиш тўғрисида шахсан ўзи буйруқ берган.
Эми Кони Баррет сентябрь ойида вафот этган Рут Бейдер Гинзбург ўрнига АҚШ Олий суди судьяси этиб тасдиқланди. Президентлик сайловларидан бир ҳафта олдин амалга оширилган ушбу тайинлов Дональд Трамп учун муҳим сиёсий ғалаба деб айтилмоқда.
Рамзан Қодировнинг Франция президенти ҳақидаги фикри, Япониянинг АҚШ туфайли жабрланганларга моддий ёрдам кўрсатиши, АҚШда 65 млн фуқаронинг муддатидан аввал овоз бериши ва бошқа янгиликлар — «Газета.uz»нинг жаҳон янгиликлари дайжестида.
Россияда аҳолига жамоат транспортида, одамлар кўп бўлган жойларда, лифтларда ниқоб тақиш тавсия этилди. Кўнгилочар масканларнинг фаолияти тўхтатилиши кераклиги хақида айтилган бўлса ҳам, Москва мэрияси тунги клублар ва барлар ёпилмаслигини таъкидлади.
Қўшимча имкониятларга эга булиш учун сайтда рўйхатдан ўтинг