Iqtisodiyot
Global uglerod chiqindilarining taxminan 20−30 foizi savdo va ta’minot zanjirlari bilan bog‘liq — OTB
Savdo Markaziy Osiyoda iqtisodiy o‘sishga sezilarli hissa qo‘shgan bo‘lsa-da, karbonat angidrid chiqindilarini ham oshirdi, deydi OTB. MO davlatlari dekarbonizatsiya va uglerod narxini belgilash bo‘yicha mintaqaviy siyosatni muvofiqlashtirishi kerak, — deb ta’kidladi bank ekspertlari.
Shavkat Mirziyoyev Xorijiy investorlar kengashining 4 ta ustuvor yo‘nalishini belgilab berdi
Shavkat Mirziyoyev Xorijiy investorlar kengashi doirasida kapital bozorini rivojlantirish, mas’uliyatli biznes yuritish, muqobil investitsiyalarni rag‘batlantirish va investorlar bilan ishlashni raqamlashtirish bo‘yicha ishchi guruhlarni tashkil etishni taklif qildi.
OPEK O‘zbekistonda xususiy bog‘chalarni rivojlantirishga 20 mln dollar ajratdi
OPEK xalqaro taraqqiyot jamg‘armasi O‘zbekistonda xususiy maktabgacha ta’lim muassasalari tarmog‘ini rivojlantirish uchun 20 mln dollar ajratdi. Bu mablag‘lar bog‘chalarni qurish, modernizatsiya qilish va o‘rinlar sonini oshirish imkonini beradi.
Energetika vaziri — O‘zbekistonning gaz transport tizimini modernizatsiya qilish zarurati haqida
Energetika vazirligi rahbari Jo‘rabek Mirzamahmudov “Gazeta. uz”ga mamlakatning magistral gaz tizimini modernizatsiya qilishga bo‘lgan zarurat yuzasidan izoh berdi. Avvalroq Rossiyadan gaz importini oshirish uchun modernizatsiya ishlariga 500 mln dollar sarflash reja qilinayotgani haqida xabar berilgandi.
“Hali hech narsa aniq emas”. “O‘zatom” direktori — AES qurilishi bo‘yicha Rossiya bilan muzokaralar haqida
“O‘zatom” direktori Azim Axmedxadjayev O‘zbekistonda AES qurilishi bo‘yicha Rossiya bilan muzokaralar haqida gapirib, hali hech narsa aniq emasligini ta’kidladi. “Faqat gaplashyapmiz, umumiy gaplar bo‘lyapti. Qaysi yo‘nalishda qanday imkoniyatlar borligini ko‘rib chiqyapmiz”, — dedi u.
YTTB Xorazm viloyatidagi yo‘lni modernizatsiya qilish uchun 238 mln dollar kredit ajratdi
Yevropa tiklanish va taraqqiyot banki O‘zbekistonga “Urganch — Xonqa — Hazorasp — Toshsoqa — Amudaryo — A380 avtomobil yo‘li"ni rekonstruksiya qilish va Amudaryo ustidan ko‘prik qurish uchun 238 million dollargacha kredit ajratdi. Rekonstruksiyadan so‘ng bir qatorli yo‘l ikki qatorli avtomobil yo‘liga aylanadi.
YTTB “Asakabank"ni xususiylashtirishga tayyorlashda ko‘maklashadi
O‘zbekiston va YTTB o‘rtasida Toshkent investitsiya forumida imzolangan kelishuvga ko‘ra, tomonlar “Asakabank"ni xususiylashtirishga tayyorgarlik ko‘rish jarayonida institutsional transformatsiyalar va korporativ boshqaruv tizimini isloh qilish bo‘yicha ish olib boradi.
O‘zbekiston investorlarni xalqaro loyihalarga qo‘shilishga chaqirmoqda
O‘zbekiston prezidenti xorijiy investorlarni qo‘shni Qirg‘iziston va Tojikistonda gidroelektr stansiyalari, shuningdek, Xitoy-Qirg‘iziston-O‘zbekiston va O‘zbekiston-Afg‘oniston-Pokiston temiryo‘llarini hamkorlikda qurish loyihalariga qo‘shilishga chaqirdi.
O‘zbekiston AQSh va Britaniya bilan muhim xomashyo sohasida hamkorlik qilmoqchi
Shavkat Mirziyoyev investorlarga hamkorlik imkoniyatlari haqida gapirarkan, mamlakatda 30 dan ortiq noyob metallar konlari mavjudligini alohida ta’kidladi. Prezident O‘zbekiston AQSh va Buyuk Britaniya bilan muhim xomashyo sohasida hamkorlik bo‘yicha kelishuvlar ustida ish olib borayotganini aytdi.
“Davlat bozor munosabatlarini rivojlantirish va investorlar huquqlari ishonchli himoya qilinishini o‘z zimmasiga oladi” — prezident
Shavkat Mirziyoyev O‘zbekistonda investorlar huquqlarini himoya qilishni kuchaytirishga qaratilgan chora-tadbirlarni sanab o‘tdi: “Investitsiyalar to‘g‘risida”gi qonun qabul qilinadi, mamlakatda Xalqaro tijorat sudi ish boshlaydi va xorijiy sarmoyadorlarga yerlarni ijaraga berish muddati ikki barobar uzaytiriladi.
O‘zbekiston YeTTB bilan “Asakabank”ni xususiylashtirish bitimini imzoladi
Toshkentda o‘tayotgan III xalqaro investitsiya forumida Yevropa tiklanish va taraqqiyot banki (YeTTB) bilan “Asakabank”ni xususiylashtirish bo‘yicha bitim imzolandi. Forumda so‘zga chiqqan Shavkat Mirziyoyev xorijiy investorlarni bank va energetika sohalarida ishtirok etishga taklif qildi.
O‘zbekiston, jumladan, Toshkentda quruvchi tashkilotlar uy-joy sotuvi shartnomalarida qanday narxlarni ko‘rsatmoqda?
Soliq qo‘mitasi “Gazeta.uz” so‘roviga javoban quruvchi tashkilotlar yangi uy-joylarni sotishda shartnomalarda ko‘rsatadigan narxlar bo‘yicha ma’lumotlar bilan bo‘lishdi. Unga ko‘ra, ayrim quruvchilar hujjatlarda har kv.m uchun narxni 1 mln so‘mdan ko‘rsatgan. Maqsad soliq solinadigan bazani kamaytirish bo‘lishi mumkin.
O‘zbekistonda xorijiy sarmoyadorlar dividendlar bo‘yicha soliqlardan 3 yil muddatga ozod etiladi
O‘zbekistonda xorijiy sarmoyadorlar aksiyalardan olinayotgan dividendlar bo‘yicha soliqlardan 3 yil muddatga ozod etiladi. Shuningdek, sarmoyadorlar uchun yerlarni ijaraga berish muddati 25 yildan 49 yilgacha uzaytiriladi. Mamlakatda Xalqaro tijorat sudi ish boshlaydi.
“Muammo tadbirkorlar kamligida emas, mavjud korxonalar juda kichikligida” — Behzod Hoshimov
“Rivojlanayotgan dunyoda hukumatlar muammo tadbirkorlar kamligida deb o‘ylaydi, lekin muammo bor korxonalarning juda kichikligida”, — dedi Behzod Hoshimov. Iqtisodchiga ko‘ra, firmalarning hajmi oshishi kerak, ammo davlat xarajatlari orqali tadbirkorlarni rag‘batlantirish siyosati buning teskarisini qiladi.
7 ta davlat kompaniyasi aksiyalarini xalqaro bozorda sotish rejalashtirilmoqda
Prezident 2025-yilda NKMK, OKMK va “O‘zbektelekom"ning 5 foizgacha aksiyalarini xalqaro fond bozoriga joylashtirish to‘g‘risida topshiriq berdi. Shuningdek, 7 ta davlat kompaniyasi aksiyalarini xalqaro investorlarga sotish rejalashtirilmoqda.
Budjet defitsiti inflyatsiyaga bevosita ta’sir qiladi — MB raisi Mamarizo Nurmuratov
Markaziy bank raisi Mamarizo Nurmuratov budjet taqchilligining inflyatsiyaga bevosita ta’sirini ta’kidladi, biroq regulyatorda bu ko‘rsatkichni pasaytirish vositalari yo‘qligini tan oldi.
YTTB O‘zbekistonda suv ta’minoti, energetika va yo‘l infratuzilmasi loyihalarida ishtirok etadi
Shavkat Mirziyoyev YTTB prezidenti Odil Reno-Basso boshchiligidagi delegatsiyani qabul qildi. Davlat rahbari mazkur bank bilan hamkorlikda suv ta’minoti, energetika, yo‘l infratuzilmasi va “yashil” shaharlarni rivojlantirish bo‘yicha yangi loyihalarni tez fursatda tayyorlash va amalga oshirish muhimligini ta’kidladi.
UzAuto Motors`ning foydasi birinchi chorakda qariyb 5 barobar oshdi
Birinchi chorak yakunlariga ko‘ra, UzAuto Motors kompaniyasining sof foydasi o‘tgan yilning shu davriga nisbatan qariyb 5 baravar — 1,29 trillion so‘mgacha ko‘paydi.
O‘zbekistonda eng ko‘p ish beruvchi 10 ta kompaniya nomi e’lon qilindi
Bandlik vazirligi O‘zbekistondagi 10 ta eng ko‘p ish beruvchi kompaniya ro‘yxatini e’lon qildi. Yuqori o‘rinni NKMK va OKMK egalladi.
Turkmaniston O‘zbekistonni Tojikistonning issiqxona pomidori bozoridan siqib chiqarmoqda — EastFruit
Turkmanistonning issiqxona pomidorlari Tojikiston bozoridagi o‘zbek pomidorini butunlay chiqarib yubordi, deb yozmoqda EastFruit. Moldova va Tojikistonda pomidor narxi O‘zbekistondagiga qaraganda arzonroq, Polshada esa deyarli teng. Portal O‘zbekistonning issiqxona xo‘jaligidagi muammolariga ham to‘xtaldi.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- “Hozir Yangi Toshkent ustuvorlikda turibdi”. Alstom vitse-prezidenti — poytaxtda tramvay qurilishi haqida
- Suez bosh direktori — Toshkent suv ta’minoti tizimini modernizatsiya qilish va O‘zbekistondagi loyihalar haqida
- Toshkentda Binance kriptobirjasiga doir sud jarayoni davom etmoqda
Qo‘shimcha imkoniyatlarga ega bulish uchun saytda ro‘yxatdan o‘ting