Иқтисодиёт
Ўзбекистонда тадбиркорлик субъектлари имтиёзларини мақбуллаштириш ва самарадорлигини таъминлаш бўйича комиссия тузилди
Президент фармони билан субсидиялар, имтиёзлар ва преференцияларни мақбуллаштириш ҳамда уларнинг самарадорлигини таъминлаш бўйича республика комиссияси тузилди. У имтиёзларнинг иқтисодиётга ва соғлом рақобат муҳитига таъсирини таҳлил қилиб, таклифлар тайёрлаши керак.
Россия Ўзбекистон кўлларида иккита гидро тўплаш электр станцияси қурмоқчи
Россия президенти Владимир Путин кун тартибида Ўзбекистон кўлларида қуввати 1 ГВт бўлган гидро тўплаш электр станцияларини (ГТЭС) қуриш бўйича иккита йирик лойиҳа турганини маълум қилди.
Россия Ўзбекистонга газ етказиб беришни сезиларли даражада оширмоқчи
2025 йилда Қозоғистон орқали Ўзбекистонга Россия гази етказиб бериш ҳажмини 11 млрд куб метргача ошириш режалаштирилмоқда, деди Россия президенти Владимир Путин Тошкентда. Россия энергетика вазирининг сўзларига кўра, нафақат газ, балки электр етказиб бериш масаласи ҳам муҳокама қилинмоқда.
Апрелда «Ўзтрансгаз»нинг солиқ тушумлари 6,6 бараварга камайди
Ўзбекистоннинг энг йирик солиқ тўловчиларидан бўлган «Ўзтрансгаз» компаниясининг солиқ тушумлари апрелда 6,6 бараварга камайди. Компания мартда 127 млрд сўм солиқ тўлаган бўлса, апрелда тушумлар 19 млрд сўмгача пасайди. Шунингдек, 2024 йил 1-чорагидаги тушум кутилганидан 87 млрд сўм кам бўлди.
Тошкентдаги International меҳмонхонасини хусусийлаштириш бошланди
Давактив Тошкентдаги International меҳмонхонасини хусусийлаштириш бошланганини эълон қилди. Меҳмонхона «очиқ музокараларга оммавий равишда таклиф қилиш» усулида сотилиши режалаштирилмоқда. Президент қарорида эса давлат улуши халқаро бозорда оммавий савдоларга чиқарилиши белгиланганди.
2023 йилда давлат ташкилотлари жами 6,6 млрд сўмлик 3400 дан ортиқ смартфон сотиб олди
Ўзбекистонда 2023 йилда давлат ташкилотлари жами 6,6 млрд сўмлик 3400 дан ортиқ смартфон сотиб олди. Улар орасида энг сўнгги русумдаги iPhone 15 Pro Max смартфонлари ҳам бор. Бюджет ташкилотларининг бу харидлари бош вазирнинг 2023 йил 5 январдаги топшириғига зид равишда рўй берган.
Президент Россия билан ҳудудлараро ҳамкорликнинг устувор йўналишларини белгилаб берди
Тошкентда президентлар раислигида Ўзбекистон ва РФ ҳудудлари кенгашининг биринчи мажлиси бўлиб ўтди. Шавкат Мирзиёев «ҳудудлар ўртасидаги ҳамкорлик салоҳияти ва имкониятларининг ярмидан ҳам фойдаланилмаётганини» қайд этиб, ҳудудлараро ҳамкорликнинг олтита устувор йўналишини белгилаб берди.
Ёзда Жиззахда кичик АЭС қурилиши бошланади
Ёзда Жиззах вилоятида Россия лойиҳаси бўйича кам қувватли (330 МВт) АЭС қурилиши бошланади. «Росатом» учун бу шу турдаги станция қуриш бўйича биринчи экспорт шартномаси ҳисобланади. «Танланган майдон аллақачон текширилган, яроқлилиги ва хавфсизлиги тасдиқланган», — дейилади расмий хабарда.
EastFruit: Минимал экспорт нархлари — мева ва сабзавотлар экспортига берилган навбатдаги зарба
EastFruit портали таҳлилчилари сабзавот ва мевалар экспортига минимал нархлар жорий этилиши Ўзбекистон экспортига зарар етказади, деб ҳисобламоқда. ССП раҳбари буни тадбиркорлар экспорт нархларини пасайтириш орқали даромадларини яширишга уринаётгани билан изоҳлаганди.
«Ўзавтосаноат» — нега ҳали ҳам Lacetti ишлаб чиқариш давом этаётгани ҳақида
Chevrolet Lacetti автомобилларини ишлаб чиқариш давом этмоқда, деб хабар берди «Ўзавтосаноат». Таъкидланишича, бунга сабаб ишлаб чиқариш учун зарур эҳтиёт қисмлари ҳали ҳам мавжуд экани.
Тадбиркорларга субсидия, имтиёз ва преференцилар уларнинг рейтинг даражасига қараб тақдим этилади
Тадбиркорларга субсидиялар, солиқ ва божхона имтиёзлари ҳамда преференциялар уларнинг рейтинг даражасидан келиб чиққан ҳолда тақдим этилади. Тадбиркорларнинг рейтинг даражаси пасайган тақдирда, қўллаб-қувватлаш чораларини тақдим этиш 3 ой давомида сақлаб қолинади.
Уй-жой олиш қийинлашди, нархлар иш ҳақига қараганда тезроқ ўсмоқда — Марказий банк шарҳи
Уй-жой нархлари кескин ошиши туфайли аҳолининг харид қобилияти пасайиб, кўчмас мулкнинг бозор ва фундаментал нархлари ўртасидаги тафовут 24 фоизга етди, дея қайд этди Марказий банк. Квартиралар асосий эҳтиёжларни қондириш учун эмас, балки инвестиция объекти сифатида кўпроқ сотиб олина бошлаган.
«Ўзатом» агентлиги қайта ташкил этилиб, Вазирлар Маҳкамаси таркибига ўтказилмоқда
Атом энергетикасини ривожлантириш агентлиги негизида Атом энергияси агентлиги ташкил этилмоқда, у Энергетика вазирлигидан Вазирлар Маҳкамасига ўтади. Агентлик компаниялар билан тўғридан-тўғри шартномалар тузиш, хўжалик жамиятлари ташкил этиш, иқтисодиётдаги лойиҳаларни молиялаштириш ҳуқуқини олади.
Иқтисодчи Ботир Қобилов Гарвард бизнес мактабида докторлик даражасини олган биринчи ўзбекистонлик бўлди
Иқтисодчи Ботир Қобилов АҚШдаги Гарвард бизнес мактабида докторлик даражасини олган биринчи ўзбекистонлик бўлди. «Газета.uz» колумнисти сифатида у иқтисодиёт, экология ва бошқа ижтимоий аҳамиятга эга мавзуларда 10 дан ортиқ мақолалар ёзган.
Ўзбекистон банклари валюта курсининг ўзгарувчанлигини молия тизими учун асосий хавф деб ҳисобламоқда
Марказий банк томонидан банклар ўртасида ўтказилган сўровнома натижаларига кўра, валюта курсининг ўзгарувчанлиги Ўзбекистон молия тизими учун асосий тизимли хавф ҳисобланади. Бундан ташқари, инфляциянинг тезлашиши, геосиёсий вазиятнинг кескинлашиши ва бошқалар ҳам келтирилган.
Ўзбекистоннинг Россия билан савдоси ўсиши тезлашди, қўшни давлатлар билан савдо ҳажми пасайишда давом этмоқда
Январь-апрель оралиғида Ўзбекистоннинг Россия билан савдоси ҳажми 29,3 фоизга ошди, бунинг натижасида Россия мамлакатнинг яна асосий савдо ҳамкорига айланиши мумкин. Қўшни давлатлар, шунингдек, Туркия, Жанубий Корея ва Германия билан товар айланмаси камаймоқда. Францияга экспорт 2,2 баробар ошди.
Ўзбекистонга нефть маҳсулотлари, газ, кўмир ва электр импорти кескин ошди
Ўзбекистонда импорт кетма-кет иккинчи ой пасайиб, 2023 йил июль ойидан бери минимум даражага тушди. Шунга қарамай, январь-апрель оралиғида нефть маҳсулотлари, газ, кўмир, электр энергияси, сабзавот ва мевалар, шунингдек, автомобиллар импорти ошди.
Тошкентдан Будапештга мунтазам авиарейслар қўйилади
Qanot Sharq компанияси 30 июндан Ўзбекистон ва Венгрия пойтахтлари ўртасида ҳафтасига бир марта тўғридан-тўғри авиақатновларни йўлга қўймоқчи. Сентябрдан эса қатнов ҳафтада икки мартагача оширилиши мумкин.
Фармацевтика соҳасини рақамлаштириш орқали дорилар нархини 20 фоизга арзонлаштириш режалаштирилмоқда
Шавкат Мирзиёевга тақдим этилган фармацевтика тармоғига оид режалардан экспортни ошириш, шу билан бирга, ички бозорнинг маҳаллий маҳсулотларга талабини қондириш ўрин олган. Соҳани рақамлаштириш орқали нархларни 20 фоизга арзонлаштириш, ишлаб чиқаришни халқаро стандартларга ўтказиш кўзда тутилган.
Қирғизистон-Ўзбекистон автомобиль заводи 28 майдан синов режимида ишлашга тайёр бўлади
28 майдан Қирғизистон-Ўзбекистон автомобиль заводи синов режимида ишлашга тайёр бўлади. Чуй вилояти Сокулук туманида жойлашган заводда Chevrolet, Daewoo ва Isuzu автомобилларини ишлаб чиқариш режалаштирилган.
Энг кўп ўқилган хабарлар | Сўнгги янгиликлар
- Истеъмол лимитдан 10 фоиздан кўпроққа ошса, бизнес газ ва электр учун 2 бараварлик тарифда тўлайди — энергетика вазири
- Икки тадбиркорга газ бўйича асоссиз ҳисобланган 15 млрд сўм қарздорлик бекор қилинди (1)
- Биринчи чоракда газни субсидиялаш учун 8,1 трлн сўм йўналтирилди. Бу йиллик умумий ҳажмнинг 85 фоизини ташкил этади
- Давлат харидларидаги тўғридан-тўғри шартномаларда нархларни мажбурий очиқлаш тизимини жорий этиш режалаштирилмоқда
Қўшимча имкониятларга эга булиш учун сайтда рўйхатдан ўтинг