Arxiv
O‘zbekistonning jahon xayriya indeksi bo‘yicha reytingi deyarli ikki baravarga oshdi
2020 yilda O‘zbekiston xayriya indeksi (World Giving Index) jahon reytingida 53-o‘rindan 29-o‘ringa ko‘tarildi. Pandemiya sharoitida odatda birinchi o‘ntalikka kiradigan mamlakatlar (AQSh, Buyuk Britaniya, Irlandiya, Kanada, Niderlandiya) o‘rniga Indoneziya, Keniya va Nigeriya yuqori o‘rinlarni egalladi. Mutaxassislar ushbu mamlakatlarda xayriya yordamining ko‘payishini kambag‘al aholi qatlamlarining ahvoli yomonlashayotgani, shuningdek, fuqarolik jamiyati va ko‘ngillilar harakati faollashgani bilan izohlashmoqda.
Saudiya taraqqiyot jamg‘armasi O‘zbekiston maktabgacha ta’lim sohasi uchun qariyb $11 mln ajratadi
O‘zbekiston hukumati va Saudiya taraqqiyot jamg‘armasi o‘rtasida maktabgacha ta’lim sohasini qo‘llab-quvvatlash uchun 10,9 mln AQSh dollar ekvivalentidagi kredit bitimi imzolandi.
Dam olish kunlari salqin havo bo‘lishi kutilmoqda
Juma kuni Toshkent viloyatida kechga tomon qisqa muddatli yomg‘ir yog‘ishi, momaqaldiroq bo‘lishi mumkin. Dam olish kunlarida salqin havo oqimlari barcha hududlarini qamrab oladi. Havo harorati +39 darajadan yuqori bo‘lmaydi.
Namanganda 6 dona «aviatsion» bomba topildi
Namangan viloyati Davlatobod tumanidan 4 ta butun va 2 ta yarim yemirilgan bomba topildi. Topilgan bombalarni zararsizlantirish maqsadida yo‘q qilish ishlari olib borilmoqda.
Xonadonida pilla yetishtiruvchilarga subsidiya ajratiladi
2022 yil 1 yanvardan ho‘l pilla hosilining 1 kg uchun 5 ming so‘m miqdorida xonadonlarda pilla yetishtiruvchilarga subsidiya ajratiladi. Suv resurslaridan foydalanganlik uchun soliq stavkasi 50 foiz miqdorda qo‘llaniladi. Bundan tashqari, qorako‘lchilikni yanada rivojlantirishga 200 mlrd so‘m mablag‘ yo‘naltiriladi.
Davlat bojxona qo‘mitasi raisiga yangi o‘rinbosar tayinlandi
Nodir Musamuxamedov Davlat bojxona qo‘mitasi raisi o‘rinbosari lavozimiga tayinlandi.
8 iyul kuni 221 kishida pnevmoniya aniqlandi
Payshanba kuni O‘zbekistonda 482 nafar fuqaroda koronavirus, 221 nafar kishida pnevmoniya aniqlandi. Shuningdek, so‘nggi kun ichida 4 nafar koronavirus bemori vafot etdi.
«Tolibon» Markaziy Osiyo mamlakatlari chegarasini buzmasligini kafolatladi
Moskvada Rossiya prezidentining Afg‘oniston bo‘yicha maxsus vakili va «Tolibon» harakati delegatsiyasi bilan muzokaralar o‘tkazildi. «Tolibon» Markaziy Osiyo davlatlari chegarasi buzilmasligiga, Afg‘oniston hududida xorij davlatlarining diplomatik va konsullik vakolatxonalari xavfsizligi bo‘yicha kafolat berdi.
Davlat mulkini 1 so‘m qiymatda sotish amaliyoti bekor qilindi
Prezident farmoni bilan davlat mulkini 1 so‘m qiymatda sotish amaliyoti bekor qilindi. obyektlar savdolarga bozor narxlarida chiqariladi. Mol-mulk sotilganidan keyin hududlar va davlat byudjeti ixtiyorida qoladigan mablag‘lar ulushi 73 foizdan 87 foizgacha oshirildi.
Elektr ta’minotidagi uzilishlar biznesga qanday ta’sir ko‘rsatmoqda?
Sifati buzilgan mahsulotlar, och qolgan mijozlar va ishlab chiqarishda yo‘qotilgan kunlar. «Gazeta.uz» tadbirkorlardan elektr ta’minotidagi uzilishlar ish faoliyatiga qanday ta’sir ko‘rsatayotganini so‘radi.
Toshkent markazidagi Geologiya muzeyi binosi auksionga qo‘yildi
Toshkent markazidagi Geologiya muzeyi binosi auksionga qo‘yildi. Obyektning boshlang‘ich narxi — 27,6 mlrd so‘m.
Samarqandda yoqilg‘i quyish shoxobchasidagi portlash natijasida bir kishi halok bo‘ldi
Samarqandda yoqilg‘i quyish shoxobchasi hududida payvandlash ishlari olib borilayotgan vaqtda portlash sodir bo‘ldi. Bir kishi hayotdan ko‘z yumdi.
Qonunchilik palatasi deputati 47 yoshida koronavirus asoratlaridan vafot etdi
Oliy Majlis Qonunchilik palatasi deputati Abdurahim Qurbonov 47 yoshida koronavirus infeksiyasi asoratlari oqibatida vafot etdi.
J. P. Morgan O‘zbekiston iqtisodiyoti 2021 yilda 8,1 foizga o‘sishini prognoz qildi
J. P. Morgan investitsiya banki 2021 yilda O‘zbekiston iqtisodiyotining 8,1 foizga o‘sishini prognoz qilmoqda. Mamlakat bozorlarni liberallashtirish, keng miqyosli xususiylashtirish orqali iqtisodiyotdagi davlat ulushni qisqartirish kabi islohotlar arafasida turibdi. Shu bilan birga, xususiylashtirishning xatarlardan kafolatlanmagani qayd etildi.
Suriyadagi jangarilar safiga qo‘shilishga uringanlikda gumonlanayotgan bir guruh shaxslar qo‘lga olindi
Huquq-tartibot idoralari xodimlari tomonidan Samarqand viloyatida Suriyadagi terroristik tashkilotlar jangarilariga qo‘shilishga uringanlikda gumon qilinayotgan bir guruh shaxslar qo‘lga olindi.
Yunusobodda 1000 dan ortiq peshlavha va e’lonlar davlat tiliga tarjima qilindi
Toshkent shahrining Yunusobod tumanida besh oy ichida 1000 dan ortiq peshlavha, reklama va e’lonlar davlat tiliga tarjima qilindi. Bu «Reklama to‘g‘risida"gi qonun talablarini buzishi mumkin.
Toshkentda IIB xodimi va aholi o‘rtasida janjal chiqdi — video
Toshkent shahrida uyida mast holatda janjal qilayotgan fuqaroni IIBga olib bormoqchi bo‘lgan inspektor va aholi o‘rtasida janjal chiqdi. Poytaxt IIBBning ta’kidlashicha, «vaziyatdan to‘liq xabardor bo‘lmagan qo‘shnilar noto‘g‘ri xulosa chiqarib, inpsektorning xizmat faoliyatiga to‘sqinlik qilishgan».
«Reklama to‘g‘risida"gi qonun loyihasi biznes-ombudsman bilan kelishilmagan
Biznes-ombudsman «Reklama to‘g‘risida"gi qonun loyihasi kelishish uchun taqdim etilmaganini ma’lum qildi. Qonun loyihasi tarkibida shakar, tuz va yog‘ yuqori bo‘lgan mahsulotlar reklamasiga cheklovlarni ko‘zda tutmoqda, biroq hujjat ko‘plab savollarni tug‘dirmoqda. Ilhom Abdullayev 1998 yildan buyon qonunga tahririy tusdagi yoki har safar reklama bozorini cheklagan 15 ta tuzatish kiritilganini ma’lum qildi.
O‘zbekistonda deyarli 2,5% aholi koronavirusga qarshi to‘liq emlandi
Uch oydan ko‘proq vaqt ichida O‘zbekistonda 850 mingdan ortiq kishi koronavirusga qarshi to‘liq emlanganligi ma’lum qilindi. Bu doimiy aholining (34,8 million) 2,44 foizini yoki 19 yoshdan katta bo‘lganlarning deyarli 4 foizini tashkil etadi. Avvalroq iyunga qadar aholining 60 foizi emlanishi kutilgan edi.
O‘zbekiston navbatdagi xalqaro obligatsiyalarini London fond birjasida joylashtiradi
Moliya vazirligi navbatdagi suveren xalqaro obligatsiyalarini London fond birjasida joylashtirilishini e’lon qildi. Obligatsiyalardan kelib tushgan mablag‘lar Barqaror rivojlanish maqsadlarini moliyalashtirishga yo‘naltiriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting