Arxiv
«Bu yerda gaplarimiz bor-da bizning, ruxsat hammalaringizga» — Kasaba uyushmalaridagi yig‘ilishdan OAV vakillari chiqarib yuborildi
Kasaba uyushmalari federatsiyasida bo‘lib o‘tgan videoselektordan OAV vakillari chiqarib yuborildi. «‘Televizorchik'lar ketsin, bo‘ldi. Bu yerda gaplarimiz bor-da bizning, iltimos sizlardan, ruxsat hammalaringizga. Bo‘ldi ketaversin», — dedi federatsiya raisi Qudratilla Rafiqov. Shundan so‘ng, federatsiya matbuot xizmati rahbari jurnalistlarga «material efirga berilishi oldidan ularga ko‘rsatilib, ruxsat olish kerakligini uqtirgan». Yig‘ilishda Senat raisi va prezident maslahatchisi ham qatnashgan.
Dollarning rasmiy kursi yana ko‘tarildi
Dollarning rasmiy kursi 7 so‘mga qimmatladi va jami 10 497 so‘m etib belgilandi. Shuningdek, rubl kursi ham biroz ko‘tarildi, yevro esa arzonladi.
Toshkentda 10 yoshli bolani zo‘rlaganlikda gumon qilinayotgan taksi haydovchisi ushlandi
Toshkentda 10 yoshli bolani zo‘rlaganlikda gumon qilinayotgan taksi haydovchisi qo‘lga olindi. Unga nisbatan «jinsiy ehtiyojni zo‘rlik ishlatib g‘ayritabiiy usulda qondirish» moddasi bilan jinoyat ishi qo‘zg‘atildi.
AQSHda koronavirusga qarshi emlanganlar niqobsiz muloqot qilishiga ruxsat berildi
AQSHda COVID-19ga qarshi to‘liq emlangan fuqarolarga yopiq joylarda niqob taqmasdan va jismoniy masofani saqlamagan holda muloqot qilishlariga ruxsat berildi.
Qirg‘iziston prezidenti 11 mart kuni O‘zbekistonga tashrif buyuradi
Shavkat Mirziyoyevning taklifiga binoan Qirg‘iziston prezidenti Sadir Japarov davlat tashrifi bilan O‘zbekistonga keladi. Kun tartibidan — konstruktiv siyosiy muloqotni davom ettirish, savdo, sanoat, transport, energetika, qishloq va suv xo‘jaligi sohalarida ko‘p qirrali hamkorlikni kengaytirish, parlamentlararo va hududlararo aloqalarni faollashtirish masalalari o‘rin olgan.
Mahkumlarning Ombudsman va Biznes ombudsmanga yo‘llagan shikoyatini ko‘zdan kechirish taqiqlanishi mumkin
Mahkumlarning Ombudsman va Biznes ombudsmanga yo‘llagan shikoyatini qamoqxona rahbariyati ko‘zdan kechirishi taqiqlanishi mumkin. Qolaversa, oluvchiga yigirma to‘rt soatdan kechiktirmay yuborilishi belgilanmoqda. IIV tegishli buyruqqa o‘zgartish va qo‘shimchalar kiritishni taklif etmoqda.
Hafta davomida ob-havo o‘zgaruvchan bo‘ladi
Haftaning o‘rtalaridan boshlab mamlakat bo‘ylab yomg‘ir yog‘ishi kutilmoqda, ammo juma kuni aksariyat hududlarda ob-havo quruq va iliq bo‘ladi.
Toshkentda sodir bo‘lgan YTHda 4 nafar fuqaro jabrlandi
Toshkent shahrida «Cobalt» yo‘lning qarama-qarshi qatnov qismiga chiqib ketgan yana bir «Cobalt» avtomobili bilan to‘qnashdi. YTH natijasida 4 nafar fuqaro tan jarohatlari bilan shifoxonaga yotqizildi.
O‘zbekiston va Turkiya strategik hamkorlik kengashining ikkinchi yig‘ilishiga tayyorgarlik ko‘rmoqda
O‘zbekiston va Turkiya TIV rahbarlari strategik hamkorlik kengashining ikkinchi yig‘ilishiga tayyorgarlik masalalari muhokama qilindi va vazirliklar o‘rtasida 2022−2023 yillarga mo‘ljallangan hamkorlik dasturi va Tarjima xizmatlari sohasida o‘zaro anglashuv memorandumi imzolandi.
Qizlar ta’limiga sarmoya kiritish iqtisodiyotni mustahkamlaydi — YUNISEF
Qizlar ta’limi va ayollarning ish bilan ta’minlanishiga sarmoya kiritish iqtisodiyotni mustahkamlaydi va imkoniyatlardagi farqni kamaytiradi, deyiladi YUNISEF bayonotida.
«Muruntov» dunyodagi eng yirik oltin qazib olish koni deya tan olindi
«Muruntov» oltin konida 2020 yilda 56,7 tonnaga yaqin oltin qazib olingan. Konning resurs-zaxiralari 4 ming tonna deya baholanmoqda.
O‘zbekiston Yaponiyadan ¥15 mlrd va $195 mln miqdorida kreditlar olishni rejalashtirmoqda
Yaponiya xalqaro hamkorlik agentligi O‘zbekistonga 15 mlrd yapon yenasi va 195 mln dollarga ikkita kredit ajratishga tayyor. Ushbu mablag‘lar koronavirus pandemiyasining salbiy oqibatlariga qarshi kurashish va shaffof bozor iqtisodiyotiga o‘tishni qo‘llab-quvvatlash uchun ishlatilishi rejalashtirilgan.
Artashes Davtyan «Beeline Uzbekistan» rahbari etib tayinlandi
«Yandeks.Lavka»da bo‘lim boshlig‘i sifatida faoliyat yuritgan Artashes Davtyan 15 martdan boshlab «Beeline Uzbekistan» bosh direktori sifatida ish boshlaydi.
Qibraydagi «Qonli ariq» bo‘yicha rasmiy bayonot berildi
Qibray tumanidagi «Qonli ariq» voqeasi bo‘yicha rasmiy bayonot berildi. Mazkur holatga yo‘l qo‘ygan «Obod Savdo Biznes» MCHJga qarashli qushxona rahbariyati fevralda ogohlantirilgan bo‘lgan. Ular bir qator qonunni buzgani aniqlanib, qonni ariqqa oqizish to‘xtatildi. Muammoni hal etish uchun esa korxona rahbariga 5 kun muddat berildi.
O‘zbekiston hududlari Mirzohid Shavkatov kamerasida
Mirzohid Shavkatov bir necha yil davomida mamlakatning turli xil hududlarida o‘zbekistonliklarning hayotini suratga olgan. Shaharlar uning yodida qanday qolganligi va Toshkent, Navoiy va Nukus shaharlarining umumiy jihatlari haqida “Gazeta.uz” uchun fotolar jamlanmasida.
Elektromobillar 2025 yilga kelib ishlab chiqarilishi mumkin — «O‘zavtosanoat»
«O‘zavtosanoat» elektromobillarni 2025 yilga kelib ishlab chiqarishni reja qilmoqda. Biroq, bu hali tahmin. Kompaniya mutaxassisining fikricha, «elektromobilni ekologiyaga ham foydasi bor, lekin ekologiyaning buzilishiga 80 foiz sabab gaz bilan ko‘mirni yoqishdan kelib chiqadi».
Xalqaro xotin-qizlar kuniga bag‘ishlab o‘tkazilgan bayram tadbiridan — niqobsiz reportaj
Prezidentga o‘zbek tilida minnatdorchilik bildirib, O‘zbekiston madhiyasini aytib bergan Xitoy elchisi, farzandlari mehnati uchun mukofot olgan ona, sabrsiz Gulsanem, 3 oylik chaqalog‘i bilan prezidentdan duo olgani kelgan ayol, «Shuhrat» olgan Yulduz Rajabova va Aziza Qurbonova. 8 mart — Xalqaro xotin-qizlar kuniga bag‘ishlab o‘tkazilgan bayram tadbiridan — niqobsiz reportaj (foto, video).
COVID-19, ayollar va pandemiyadan keyin O‘zbekistonning tiklanishida ularning o‘rni
O‘zbekiston koronavirus pandemiyasi oqibatida yuzaga kelgan jiddiy iqtisodiy inqirozni boshdan kechirmoqda. Ayollar va erkaklar orasidagi tenglik pandemiya tugaganidan keyin iqtisodiyotni tezlik bilan tiklash hamda kuchli va farovon jamiyat qurish uchun asosiy omildir, deb yozishadi Jahon bankining ekspertlari Odri Saks va Uilyam Zeyts o‘z maqolalarida.
1920−1990-yillarda O‘zbekistonda 8-mart bayramining nishonlanishi
XX asrning boshida ayollar erkaklar bilan teng ish haqi to‘lanishi va ovoz berish huquqiga ega bo‘lish uchun kurashni boshlashdi. Vaqt o‘tishi bilan ko‘p davlatlarda Xalqaro xotin-qizlar kuni ayollarni tabriklash kuni bo‘lib qolgan bo‘lsa-da, ayollar huquqlari va imkoniyatlari masalasi aktualligicha qolmoqda. “Gazeta.uz” kinofotofonohujjatlar arxividan 1920−1990-yillarda 8-martning nishonlanishiga oid suratlarni taqdim etadi.
Qoraqalpog‘istonda 5 kishi gazdan zaharlanib, vafot etdi
To‘rtko‘l tumanida to‘rt kishidan iborat oila va ularnikiga kelgan mehmon is gazidan zaharlanish natijasida vafot etdi. Voqea yuzasidan jinoyat ishi qo‘zg‘atildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting