Arxiv
O‘zbekistonda har 10 boladan bir nafari ovqatlanishdagi muammo sabab rivojlanishdan ortda qolgan — Global Nutrition Report
O‘zbekistonda har o‘n nafar boladan biri ovqatlanishdagi muammo sabab rivojlanishdan ortda qolgan. “Bu raqam butun O‘zbekiston bo‘yicha o‘rtacha olingan. Viloyatlar o‘rtasida farq ikki xonali raqamgacha yetadi” deydi Xalqaro oziq-ovqat siyosati ilmiy tadqiqot instituti katta ilmiy xodimi Komiljon Akramov.
O‘zbekistonda minimal iste’mol xarajatlari miqdori 568 ming so‘m etib belgilandi
O‘zbekistonda 2023-yil uchun hisoblangan minimal iste’mol xarajatlari qiymati bir oyda kishi boshiga 568 ming so‘mni tashkil etdi. Ko‘rsatkich pensiyalar va nafaqalarning eng kam miqdori, shuningdek, kambag‘al oilalarga beriladigan boshqa turdagi moddiy ko‘maklar summasini belgilashda mezon sifatida ishlatiladi.
14 ta hududda Ijtimoiy himoya agentligining boshqarma boshliqlari tayinlandi
Shavkat Mirziyoyevning 1-iyundagi farmoni bilan Ijtimoiy himoya milliy agentligi tashkil etilgandi. Agentlikning 14 ta hududiy boshqarmasiga boshliqlar tayinlandi. Ro‘yxat.
O‘zbekiston terma jamoasi Counter-Strike kibersporti bo‘yicha Osiyo chempioni bo‘ldi
Saudiya Arabistonida o‘tgan Counter-Strike:Global Offensive on Steam (CS:GO) kibersporti bo‘yicha Osiyo chempionatida O‘zbekiston terma jamoasi 1-o‘rinni egalladi. Sportchilar Jahon chempionatida qatnashadi. Shuningdek, jamoaga 7000 dollar pul mukofoti beriladi.
Hisob palatasiga ma’muriy huquqbuzarliklar to‘g‘risida bayonnoma tuzish vakolatlari berildi
Hisob palatasiga oz miqdorda talon-toroj qilinganligi va davlat xaridlari to‘g‘risidagi qonunchilik buzilgani, Iqtisodiyot va moliya vazirligining davlat moliyaviy nazorati organlariga esa oz miqdorda talon-toroj qilingani uchun ma’muriy huquqbuzarliklar to‘g‘risida bayonnoma tuzish vakolatlari berildi.
Nukusda FVV xodimlari devor orasiga tiqilib qolgan mushukni qutqarib oldi
Nukusda Favqulodda vaziyatlar vazirligi xodimlari uy devorlari orasiga tiqilib qolgan mushukni chiqarib oldi.
Xorazmda bankka to‘pponcha bilan kirishga uringan shaxs ushlandi
Urganch shahrida bankka pnevmatik to‘pponcha bilan kirmoqchi bo‘lgan fuqaro qo‘lga olindi. Holat yuzasidan viloyat “Qo‘riqlash” boshqarmasi tomonidan tekshiruv ishlari boshlandi.
Qozog‘iston O‘zbekistonga ko‘mir tashish tariflarini oshirmoqchi, biroq un tranziti uchun tariflarni kamaytirishni so‘ramoqda
Qozog‘iston O‘zbekistonga ko‘mir tashish tariflarini oshirishni rejalashtirmoqda, biroq ayni paytda O‘zbekistondan Afg‘onistonga un mahsulotlari tranziti uchun tariflarni kamaytirishni so‘ramoqda. Mamlakatlar bosh vazirlari o‘rinbosarlari Qarag‘andada maishiy texnika ishlab chiqarishni yo‘lga qo‘yishni ham muhokama qildi.
Rossiyada pasportini oldirib qo‘yib, maoshsiz ishlagan 12 nafar o‘zbekistonlik vatanga qaytarildi
Chuvashiya Respublikasida hujjatlarini oldirib qo‘yib, oylik maoshsiz ishlagan o‘zbekistonliklarning 12 nafariga vatanga qaytish sertifikati rasmiylashtirildi. Ular O‘zbekistonda yangi pasport oladi.
O‘zbekistonda ozodlikdan mahrum qilinganlar soni 4 yilda qariyb 3 baravarga oshdi
O‘zbekistonda sudlanganlar va ozodlikdan mahrum qilinganlar soni 4 yilda karrasiga oshgan. Sudlangan voyaga yetmaganlarning soni 3 baravardan ko‘proqqa oshgan. Bu Oliy sud ochiqlagan statistik ma’lumotlarda aks etadi.
Termizda 316 mln so‘m qalbaki pullar va alkogol mahsulotlari yoqib yuborildi
Surxondaryo viloyati Termiz shahrida soxta pullar yasovchi shaxsdan olib qo‘yilgan 50 ming so‘mlik kupyuradagi jami 316 mln so‘m qalbaki pullar va noqonuniy alkogol mahsulotlari yoqib yuborildi.
Foto: Xorazm va Qoraqalpog‘istonda kuchli shamol ortidan elektr ta’minotida uzilish bo‘ldi
Dushanba kuni kuchli shamol Xorazm viloyati va Qoraqalpog‘istonda daraxt va uy tomlarining qulashi hamda elektr tarmoqlariga shikast yetishiga sabab bo‘ldi. Foto.
2023-yilning dastlabki 6 oyida tez yordamga 6,3 milliondan ortiq murojaat kelib tushdi
O‘zbekistonda 2023-yil yanvar-iyun oylarida tez tibbiy yordam xizmatiga 6 mln 337 mingta chaqiriq kelib tushdi. Ularning eng ko‘pi vodiy viloyatlari va poytaxtda qayd etilgan. 2022-yil davomida chaqiriqlar soni 13 milliondan oshgandi.
Sanjar Obidov Toshkent shahri hokimi o‘rinbosari etib tayinlandi
Sanjar Obidov Toshkent shahri hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari bo‘ldi. U avval Ta’lim sifatini nazorat qilish davlat inspeksiyasida faoliyat yuritgan. Xorijiy tillarni o‘rganishni ommalashtirish agentligi direktori v.v.b. bo‘lib ham ishlagan.
Banklarda dollar kursi 11 665 so‘mgacha ko‘tarildi
Tijorat banklari 18-iyul kuni aholidan 1 AQSh dollarini 11 520−11 590 so‘mdan sotib olmoqda, sotuv kursi esa 11 640−11 665 so‘m.
Farg‘ona viloyatida 2−3 balli zilzila sodir bo‘ldi
Farg‘ona viloyatining Quvasoy shahrida 3,9 magnitudali zilzila qayd etildi. Bu shaharga yaqin boshqa hududlarga 2−3 ball ko‘rinishida sezildi.
O‘zbekistonlik kurashchilar Osiyo chempionatida 8 ta medalni qo‘lga kiritdi
Yunon-rum kurashi bo‘yicha O‘zbekiston yoshlar terma jamoasi Iordaniyada o‘tkazilgan Osiyo chempionatida sakkizta medalni qo‘lga kiritib, umumjamoa hisobida ikkinchi o‘rinni egalladi.
Samarqand viloyati bosh imom-xatibi Makkada YTHga uchragan
Samarqand viloyati bosh imom-xatibi Zayniddin Eshonqulov Makka shahrida avtohalokatga uchragani haqida xabarlar tarqaldi. Buni tasdiqlagan imomning farzandi videomurojaat yo‘llab, otasini mashina turtib yuborgani, hozir uning ahvoli yaxshi ekani va har bir muolaja bepul amalga oshirilayotganini ma’lum qildi.
17-iyul kuni O‘zbekistonda sodir bo‘lgan eng muhim voqealar dayjesti
Jizzaxda YTH sabab vafot etgan ikki futzalchi, Toshkentda TAPOiCh ko‘prigidagi beton to‘siqqa urilgan Nexia-3, Gruziya portida logistika markazi ochishni rejalashtirayotgan O‘zbekiston, iyun oyida inflyatsiya minimal darajaga yetgani va boshqalar — “Gazeta.uz”ning kun dayjestida.
UzAuto Motors Qozog‘istonda Onix avtomobilini kichik uzelli yig‘ishni boshlashni rejalashtirmoqda
UzAuto Motors 2024-yilning birinchi choragida Qozog‘istonda Chevrolet Onix avtomobillarini kichik hajmda yig‘ishni yo‘lga qo‘yishni rejalashtirmoqda. Ushbu modelni yirik uzelli yig‘ish ishlari joriy yilning may oyidan boshlangan.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting