Arxiv
“Yunistrim” O‘zbekistonda odatdagidek ishlashda davom etishini ma’lum qildi
“Yunistrim” O‘zbekistonda odatdagidek ishlashda davom etishini ma’lum qildi. Shuningdek, kompaniya O‘zbekistonga pul o‘tkazmalari limitini oshirdi. 20-iyul kuni AQSh bu to‘lov tizimiga xizmat ko‘rsatuvchi bankka qarshi sanksiya joriy qilgandi va keyin O‘zbekistonning 5 ta banki “Yunistrim” bilan ishlashni to‘xtatgandi.
Ruxsat olish qiyinligi sabab O‘zbekistonda agrodronlardan foydalanish keng tarqalmagan — MHTI
MHTI mutaxassislari O‘zbekistonda agrodronlarni olib kirish va foydalanish uchun ruxsat olish tartibi ancha murakkabligi tufayli ulardan foydalanish keng tarqalmaganini ma’lum qildi. Ular xorij tajribasini inobatga olib, bu bo‘yicha me’yoriy-huquqiy bazani qayta ko‘rib chiqish zarurligini aytgan.
Abduqodir Mo‘minov sudi: jabrlanuvchilarning ko‘rsatmalari eshitildi
Jurnalist Abduqodir Mo‘minovning sud ishi boshlandi. Dastlabki kunda jabrlanuvchilarning ko‘rsatmalari eshitildi. Eshituv mobaynida sudlanuvchi va uning advokati o‘z e’tiroz va fikrlarini bildirdi.
O‘zbekistonning 7 ta viloyatida sel-suv toshqini xavfi e’lon qilindi
27−30-iyul kunlari kutilayotgan kuchli yomg‘irlar yog‘ishi sababli O‘zbekistonning 7 ta viloyatida sel-suv toshqini xavfi yuzaga kelishi mumkin.
Fitch boshqaruv va iqtisodiyot sohalarini isloh qilishni O‘zbekiston uchun asosiy vazifalar deb atadi
Fitch Ratings O‘zbekiston kredit reytingini oshirishning asosiy omili sifatida boshqaruv standartlarini takomillashtirish va tuzilmaviy islohotlarni qayd etdi. Agentlik institutlar mustaqilligi va byurokratik apparatni qisqartirish muhimligini ta’kidladi.
O‘zbekistonlik o‘quvchilar Xalqaro kimyo olimpiadasida 4 ta medal oldi
Shveysariyada o‘tgan Xalqaro kimyo olimpiadasida o‘zbekistonliklar 2 ta oltin, 1 ta kumush va 1 ta bronza medalini qo‘lga kiritdi. Sovrindorlar umumta’lim, ixtisoslashtirilgan va Prezident maktabi o‘quvchilari hisoblanadi.
Yangi Toshkent qurilishi bo‘yicha direksiya va kengash tuzildi
Prezident Yangi Toshkent qurilishi bo‘yicha direksiya va muvofiqlashtiruvchi kengash tashkil etilishini ma’qulladi. Birinchisiga qurilish vaziri o‘rinbosari, ikkinchisiga bosh vazir rahbarlik qiladi. Direksiya shaharni rivojlantirish rejalarini ishlab chiqadi, investorlar bilan shartnoma tuzadi va boshqa ishlarni bajaradi.
Qonliko‘l tumaniga hokim tayinlandi
Bahram Sultonov Qoraqalpog‘iston Respublikasi Qonliko‘l tumani hokimi etib tayinlandi.
O‘zbekiston hududlarida suv narxlarini oshirish boshlandi
1-avgustdan Surxondaryo va Qashqadaryo viloyatlarida, 20-avgustdan Toshkent viloyatida ichimlik va oqova suv xizmatlari tariflari oshiriladi.
Banklarda dollar kursi 11 655−11 670 so‘m etib belgilandi
Tijorat banklari 26-iyul kuni aholidan 1 AQSh dollarini 11 555−11 615 so‘mdan sotib olmoqda, sotuv kursi esa 11 655−11 670 so‘m.
Polsha Qoraqalpog‘iston va Xorazmdagi shifoxonalar uchun maxsus apparatlar taqdim etdi
Polsha O‘zbekistonga jami 4,5 mln dollarlik o‘pkani sun’iy ventilyatsiya qiluvchi apparatlarni beg‘araz yordam sifatida taqdim etdi. Ular Qoraqalpog‘iston va Xorazmdagi tibbiyot muassasalarida foydalaniladi.
Fotojurnalist Yuriy Korsunsev vafot etdi
Taniqli fotojurnalist Yuriy Korsunsev og‘ir xastalikdan so‘ng olamdan o‘tdi. U ko‘plab nashrlar, jumladan, bir necha yil davomida “Gazeta.uz” va Afisha.uz bilan hamkorlik qilgan.
Xitoy tashqi ishlar vaziri Sin Gan ishdan bo‘shatildi, uning o‘rnini Van I egalladi
Xitoy tashqi ishlar vaziri Sin Gan bir oy davomida omma oldida ko‘rinish bermagani ortidan lavozimidan chetlatildi. Van I XXR Tashqi ishlar vazirligining yangi rahbari bo‘ldi.
25-iyul kuni O‘zbekistonda sodir bo‘lgan eng muhim voqealar dayjesti
Urush hududlariga ishga bormaslikka chaqirilgan Rossiyadagi o‘zbekistonliklar, guruch narxiga oid xabarlar, qizamiq kasalligiga chalinayotgan bemorlar, Fransiyaning “Lans” klubiga o‘tgan futbolchi Abduqodir Husanov, bloger Abduqodir Mo‘minov ishi bo‘yicha sud jarayoni va boshqalar — “Gazeta.uz”ning kun dayjestida.
Bloger Abduqodir Mo‘minov ishi bo‘yicha sud jarayoni boshlandi
Jinoyat kodeksining 5 ta moddasi bilan ayblanayotgan bloger Abduqodir Mo‘minov ishi bo‘yicha sud jarayoni boshlandi. 25-iyul kuni bo‘lib o‘tgan ilk ochiq sud majlisida OAV vakillari ishtirok etdi. Ishda 14 nafar jabrlanuvchi mavjudligi va ularga jami 903 mln so‘m moddiy zarar yetkazilgani aniqlangan.
Olmaliqda ikki nafar o‘quvchi qizni urib yuborgan Damas haydovchisiga hukm chiqarildi
May oyida Damas haydovchisi svetoforning qizil chirog‘iga o‘tib ketib, ikki o‘quvchi qizni urib yuborgan, ulardan biri 9 kundan keyin shifoxonada vafot etgan edi. Sud haydovchiga nisbatan 6 yil muddatga ozodlikdan mahrum etish hamda 2 yil transport boshqarish huquqini cheklash jazosini tayinladi.
Tadqiqot: Haddan tashqari issiqlik to‘lqinlari — iqlim inqirozi natijasi
So‘nggi haftalarda Shimoliy Amerika, Yevropa va Osiyoni qamrab olgan haddan tashqari issiqlik to‘lqinlari issiqxona gazlari emissiyasi natijasida yuzaga kelgan global isish tufayli paydo bo‘lgan, deyiladi World Weather Attribution tadqiqotida.
Sanepidqo‘mita yil boshidan buyon 164 kishida qizamiq aniqlanganini ma’lum qildi
Sanepidqo‘mita xorijdan kelgan qizamiq bilan og‘riganlar bilan aloqada bo‘lgan fuqarolarda qizamiq kasalligi aniqlanayotganini ma’lum qildi. 2023-yil boshidan buyon 306 kishidan qizamiq shubhasi bilan qon namunalari olinib, ulardan 164 nafarida kasallik qayd etilganini ma’lum qildi.
Buxoroda balandligi 100 metr bo‘lgan ilk yirik quvvatli shamol turbinasi o‘rnatildi
Buxoro viloyatida shamol elektr stansiyasi qurilishi doirasida balandligi 100 metr, parraklari 84 metr bo‘lgan ilk turbina o‘rnatildi. Bu qurilmadan yana 157 ta o‘rnatilishi kerak. Stansiyalarning ilk quvvatlari 2024-yilda ishga tushiriladi.
Toshkent metropoliteni vagonida kiyim namoyishini o‘tkazgan modellardan tushuntirish xati olindi
Model va dizayner Madina Maxmudova (Rixdinas) Toshkent metropoliteni vagonida kiyimlar namoyishini o‘tkazib, videosini tarmoqqa joyladi. Metropolitenda xavfsizlikni ta’minlash boshqarmasi video metropoliten bilan kelishilmay olingani uchun modellar bilan tushuntirish ishlari olib bordi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting