Arxiv
O‘zbekistonda «Gazprombank» vakolatxonasi akkreditatsiya qilindi
Markaziy bank «Gazprombank» (Rossiya Federatsiyasi) vakolatxonasini akkreditatsiya qildi. Vakolatxona bankning O‘zbekistonda xalqaro biznesini rivojlantirishga ko‘maklashish, amalga oshirilayotgan tashabbus va loyihalarini qo‘llab-quvvatlash maqsadida tashkil etilgani aytildi.
Termizda «hijrat» va «jihod» g‘oyalarini targ‘ib qilgan ikki kishi uzoq muddatga qamaldi
Termizdagi masjidlar atrofida «hijrat» va «jihod» g‘oyalarini targ‘ib qilgan hamda kelgusida Suriya va Falastindagi janglarda qatnashishni rejalashtirgan ikki erkak uzoq muddatga qamaldi.
Alisher Usmonovning USM holdingi sho‘ba korxonasi «Ohangaronsement» aksiyalarining 98,6 foizini sotib oldi
Alisher Usmonovning USM holdingiga qarashli kompaniya tomonidan tashkil etilgan Akkermann Cement CA «Ohangaronsement» aksiyalarining 98,6 foizini sotib oldi. «Bu yerda olinadigan barcha foyda O‘zbekistonda qoladi va respublikani ijtimoiy-iqtisodiy rivojlantirishga yo‘naltiriladi», — dedi Akkermann Cement kompaniyasi direktorlar kengashi raisi Anton Selyavko.
«Bozorga katta miqdorda soxta valyuta chiqib ketgan» — MB raisi
Markaziy bank raisi Mamarizo Nurmuratov O‘zbekiston bozoriga «katta miqdorda soxta valyuta chiqib ketgani» haqida xabar berdi. Bankomatlar soxta kupyuralarni farqlamagani bois, ularning faoliyati vaqtincha cheklangan. Nurmuratov, shuningdek, xususiy valyuta ayriboshlash shoxobchalariga doir o‘z qarashlarini ham bildirib o‘tgan.
Helvetas Swiss Intercooperation filiali O‘zbekistonda ro‘yxatdan o‘tdi
Shveysariyaning Helvetas Swiss Intercooperation mustaqil tashkiloti Adliya vazirligidan ro‘yxatdan o‘tib, O‘zbekistonda o‘zining filialini ochdi. Tashkilot allaqachon, 4,8 mln franklik loyihani amalga oshirishni boshlab yuborgan.
Afg‘oniston transafg‘on temir yo‘lining yo‘nalishini tasdiqladi
«Tolibon» hukumati O‘zbekistonni Pokiston portlari bilan bog‘laydigan Mozori Sharif — Kobul — Peshovar temir yo‘l yo‘nalishi Bag‘lon va Bomiyon orqali o‘tishini ma’lum qildi.
O‘zbekistonga kirishda koronavirusga ekspress test olish tartibi bekor qilindi
Respublika maxsus komissiyasi 25 yanvardan xalqaro aeroportlar, temir yo‘l vokzallari va avtomobil o‘tkazish chegara punktlarida fuqarolardan koronavirus infeksiyasiga ekspress test olish tartibini bekor qildi. Bunda tashrif buyuruvchilar kamida 48 soat oldin topshirgan manfiy PZR-test ma’lumotnomasini taqdim etishi lozim.
Kinematografiya agentligi va Sevimli TV rahbarlari o‘rtasidagi manfaatlar to‘qnashuvi tasdiqlandi
Antikorrupsiya agentligi Kinematografiya agentligi rahbari Firdavs Abduxoliqov va uning turmush o‘rtog‘i, qizi hamda o‘g‘li ta’sischilari bo‘lgan Sevimli TV o‘rtasida shartnomalar tuzish va subsidiyalar ajratishda manfaatlar to‘qnashuviga yo‘l qo‘yilganini aniqladi.
Shavkat Mirziyoyev «Markaziy Osiyo davlatlari — Xitoy» onlayn sammitida qatnashadi
25 yanvar kuni «Markaziy Osiyo davlatlari — Xitoy» onlayn sammiti bo‘lib o‘tadi, unda O‘zbekiston prezidenti Shavkat Mirziyoyev ham ishtirok etadi.
2026-yilgacha dori ishlab chiqarish hajmi 3 barobarga oshiriladi
Farmasevtika tarmog‘ini rivojlantirish bo‘yicha prezident farmoniga ko‘ra, 2026-yilgacha dori vositalarini ishlab chiqarishni 3 barobarga oshirish vazifasi belgilandi. Shuningdek, mahalliy mahsulotlar ichki bozorning 80 foizini egallashi ko‘zda tutilmoqda. Farmasevtika sohasida rejalashtirilgan muhim o‘zgarishlar haqida.
Dollarning rasmiy kursi pasaydi
Dollarning so‘mga nisbatan rasmiy kursi 20,02 so‘mga pasayib, 10 825 so‘mni tashkil qildi. Shuningdek, yevro va rubl kurslari ham pastladi. Ushbu o‘zgarishlar 25 yanvardan kuchga kiradi.
AQSh Davlat departamenti o‘z xodimlarining Ukrainani ixtiyoriy ravishda tark etishiga ruxsat berdi
AQSh Davlat departamenti AQShning Kiyevdagi elchixonasi xodimlari va ularning yaqinlariga «Rossiya harbiy harakatlari tahdidi saqlanib qolayotganligi tufayli» Ukrainani ixtiyoriy ravishda tark etishga ruxsat berdi. Ularga tijoriy transportda mamlakatni tark etish tavsiya etildi.
Tajribalar maydonchasi
O‘tgan haftada OTMlarga kirish test sinovlari tartibini yana o‘zgartiruvchi yangi qarorlar qabul qilindi. «Gazeta.uz» kolumnisti Komil Jalilov taklif etilayotgan yangiliklarni umumxalq muhokamasidan o‘tkazish hamda o‘zgarishlarni ilmiy asoslash zarurligi to‘g‘risida yozadi.
Qarshi davlat universitetida 40 ga yaqin daraxt kesib tashlandi
Ekologiya davlat qo‘mitasi Qarshi davlat universiteti hududida 40 ga yaqin daraxt noqonuniy ravishda kesilganini ma’lum qildi. Universitet bunga qadar uch marta daraxtlarni kesish uchun ruxsat so‘rab murojaat qilgan, ammo har gal rad javobini olgan.
Farg‘ona shahri va Bag‘dod tumaniga hokimlar tayinlandi
Farg‘ona viloyatining Bag‘dod tumani hokimi Vosiljon Nazarov Farg‘ona shahriga hokimi lavozimiga tasdiqlandi. Uning o‘rnini esa viloyat iqtisodiy taraqqiyot va kambag‘allikni qisqartirish bosh boshqarmasi boshlig‘ining birinchi o‘rinbosari Yusufjon Xusainov egalladi.
DXX kiberxavfsizlik sohasida vakolatli organ etib belgilanishi mumkin
Qonunchilik palatasida deputatlar «Kiberxavfsizlik to‘g‘risida»gi qonun loyihasini muhokama qilmoqda. Hujjatda kiberxavfsizlik sohasidagi vakolatli davlat organi etib Davlat xavfsizlik xizmatini belgilash ko‘zda tutilgan.
Kelgusi 3 yilda ijtimoiy infratuzilmani rivojlantirishga qariyb 77 trln so‘m ajratiladi
Prezident qarori bilan 2022−2024 yillarda O‘zbekistonning ijtimoiy va ishlab chiqarish infratuzilmasini rivojlantirish dasturi qabul qilindi. Uni amalga oshirishga esa jami 76,8 trln so‘m, shu jumladan, 2022 yilda — 23,8 trln so‘m ajratiladi. Joriy yilda eng ko‘p mablag‘ ijtimoiy sohalar (5,9 trln so‘m), mudofaa organlari va yopiq qism (4,5 trln so‘m), muhim obyektlarni qurish (3,9 trln so‘m), yo‘l-transport infratuzilmasiga (2,7 trln so‘m) yo‘naltiriladi.
Chilonzor tumanidagi omborxonada yong‘in sodir bo‘ldi
Toshkent shahri Bunyod ko‘chasidagi omborxonada yong‘in yuzaga keldi. FVV hozirda yong‘inni bartaraf etish ishlari olib borilayotganligini ma’lum qildi. Dastlabki ma’lumotlarga ko‘ra, hodisa oqibatida jabrlangan va halok bo‘lganlar yo‘q.
Hafta davomida quruq va iliq ob-havo kuzatiladi
O‘zgidromet ma’lumotlariga ko‘ra, hafta davomida iliq va quruq ob-havo kuzatiladi. Juma kuni esa O‘zbekistonning barcha hududlarida (Farg‘ona vodiysidan tashqari) yomg‘ir yog‘adi, shimoliy hududlarda va respublikaning tog‘li hududlarida qor yog‘ishi mumkin.
Bohadir Abduvaliyev Yunusobod tumani hokimi bo‘ldi
Toshkent shahar prokurorining o‘rinbosari sifatida 2019 yildan beri ishlab kelayotgan Bohadir Abduvaliyev Yunusobod tumani hokimi etib tayinlandi. U mazkur lavozimda Jahongir Ibrohimovning o‘rnini egalladi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting