Arxiv
Dollarning rasmiy kursi ko‘tarildi
Dollarning rasmiy kursi 25,95 so‘mga ko‘tarildi va jami 10 613,54 so‘m etib belgilandi. Yevro va rubl kurslari ham biroz pasaydi.
O‘zbekistonda bir nechta ijtimoiy tarmoqlar faoliyati vaqtinchalik cheklandi
“Fuqarolarning shaxsga doir ma’lumotlariga ishlov berishning qonuniy talablari” buzilganligi uchun O‘zbekistonda ayrim ijtimoiy tarmoqlardan foydalanish cheklandi, deya ta’kidlamoqda “O‘zkomnazorat”. Faoliyati cheklangan ijtimoiy tarmoqlar nomi ko‘rsatilmagan, ammo ijtimoiy tarmoq foydalanuvchilari Twitter, TikTok va VKontakte faoliyatida uzilishlar bo‘layotganini aytmoqda.
Toshkentda deyarli 900 mln so‘m kredit mablag‘larini noqonuniy qo‘lga kiritgan shaxs aniqlandi
Toshkent shahrida 34 nafar fuqarolarning nomidan 897 mln so‘m onlayn-kredit mablag‘larini noqonuniy tarzda qo‘lga kiritgan shaxs aniqlandi. Firibgarlik va hujjatlarni qalbakilashtirish moddalari bilan jinoyat ishi qo‘zg‘atildi.
Toshkentda bog‘lar, yashil hududlar va xiyobonlar soni ko‘paytiriladi
Prezident topshirig‘iga muvofiq, 2021−2022 yillarda poytaxtimizning 130 km piyodalar va 117 km velosiped yo‘laklarini qurish, 12 ta bog‘, 25 ta yashil hudud va saylgohlarni tashkil qilish rejalashtirilgan. Shuningdek, 140 gektar maydonga ega bo‘lgan attraksionlarsiz bog‘larni va har bir tumanda kichik yashil bog‘larni tashkil qilinishi kutilmoqda.
Abdulaziz Kamilov va Pentagon rahbari Markaziy Osiyodagi xavfsizlik bilan bog‘liq vaziyatni muhokama qildilar
O‘zbekiston tashqi ishlar vaziri Abdulaziz Kamilov va AQSh mudofaa vaziri Lloyd Ostin Markaziy Osiyodagi xavfsizlik bilan bog‘liq vaziyatni muhokama qildilar. Tomonlar terrorizmga qarshi kurashish va mudofaa vazirliklarining salohiyatini oshirish bo‘yicha hamkorlikni davom ettirishga kelishib oldilar.
Yoshlar forumida qatnashganlarning barchasi koronavirusga test topshirgan — Yoshlar ishlari agentligi
Yoshlar ishlari agentligi Toshkentdagi Yoshlar va talabalar forumining barcha ishtirokchilari koronavirusga test topshirganligini ta’kidladi. «Ishtirokchilar vaksina qilinishi rejalashtirilgan edi, lekin emlashdan keyin tana harorati ko‘tarilish sababli vaksinatsiya o‘tkazilmagan», — deyiladi agentlik bayonotida.
Tanzila Narbayeva Parijdagi «Tenglik avlodi» xalqaro forumida nutq so‘zladi
Oliy Majlis Senati raisi Tanzila Narbayeva Parij shahrida bo‘lib o‘tayotgan gender tenglik masalalariga bag‘ishlangan «Tenglik avlodi» xalqaro forumida ishtirok etdi. Forumda 2030 yilgacha O‘zbekistonda gender tenglikka erishish strategiyasi tasdiqlangani ta’kidlandi. Tadbir doirasida 100 dan ortiq virtual tadbirlar o‘tkaziladi va yakunida gender tenglikni tezlashtirish dasturi qabul qilinadi.
Dam olish kunlari issiq ob-havo davom etishi kutilmoqda
Dam olish kunlarida O‘zbekistonda issiq va quruq ob-havo sharoiti saqlanib qolishi kutilmoqda. Havo harorati kunduz kunlari +38…+41 daraja, shimolda, janubda va cho‘l hududlarda ba’zi joylarda +44 darajagacha atrofida bo‘ladi.
Pandemiya tufayli turizm $4 trln yo‘qotishi mumkin — BMT
COVID-19 pandemiyasi tufayli xalqaro turizm to‘rt trln dollar zarar ko‘rishi mumkin. Turizm sohasining tiklanishi ko‘p jihatdan vaksinalardan foydalanish imkoniyatining mavjudligiga bog‘liq, deya hisoblaydi BMT ekspertlari.
Yarim yilda qariyb 500 ta davlat mulki 1,1 trln so‘mga sotildi
O‘zbekistonda shu yilning birinchi yarmida 478 ta davlat mulki 1,1 trln so‘mga sotildi. Prezident videoselektorda sotilishi belgilangan 288 ta mulk savdolarga chiqarilmaganini tanqid qildi. Qolaversa, davlat korxonalari va banklari ixtiyoridagi ularning faoliyatiga xos bo‘lmagan 511 ta obyekt haligacha sotilmasdan turgani aytildi.
1 iyul kuni O‘zbekistonda 2 nafar koronavirus bemori vafot etdi, 495 ta yangi kasallanish holatlari qayd etildi
Kecha O‘zbekistonda 495 nafar fuqaroda koronavirus aniqlandi. Shuningdek, so‘nggi kun ichida 313 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
Xalq ta’limi vaziri koronavirusga qarshi emlandi
Xalq ta’limi vaziri Sherzod Shermatov COVID-19 ga qarshi xitoy-o‘zbek ZF-UZ-VAC2001 vaksinasi bilan emlandi.
Abdulaziz Kamilov AQSh davlat kotibi bilan uchrashdi
O‘zbekiston tashqi ishlar vaziri Abdulaziz Kamilovning AQSh davlat kotibi Entoni J. Blinken bilan uchrashuvi bo‘lib o‘tdi. Davlat kotibi AQShning O‘zbekiston bilan strategik sherikligini chuqurlashtirish istagini bildirib, O‘zbekistonning Afg‘onistonda adolatli va uzoq muddatli tinchlik o‘rnatilishini doimiy qo‘llab-quvvatlashi uchun minnatdorlik bildirdi.
Toshkentda koronavirus bemorlari uchun taqsimlash markazlari qayta ochilmoqda
Toshkentdagi «Yoshlik» va «Universal» sport majmualari hamda «O‘zekspomarkaz»da joylashgan koronavirus bemorlari uchun taqsimlash markazlari faoliyati qaytadan yo‘lga qo‘yilmoqda. Poytaxt hokimi Jahongir Ortiqxo‘jayev markazlarni dushanba kuniga qadar to‘liq ochishni topshirdi. Prezident bir necha oy ichida ilk bor masofaviy formatda yig‘ilish o‘tkazdi.
Davlat mulklarini «1 so‘m» qiymatda savdoga chiqarish amaliyoti bekor qilinadi
Prezident davlat korxonalari hamda banklarning asosiy faoliyatga xos bo‘lmagan va bo‘sh turgan obyektlarini to‘liq qaytadan xatlovdan o‘tkazib, ularni xususiylashtirishga tayyorlash bo‘yicha topshiriq berdi. Davlat mulklarini «1 so‘m» qiymatda savdoga chiqarish amaliyoti bekor qilinadi. obyektlar bozor bahosida elektron savdolarga chiqariladi.
Jahon yangiliklari dayjesti
Xitoyning 100 yillik maqsadiga erishgani, AQShda 80 ga yaqin kishining issiqlik tufayli vafot etgani, 2020 yilda dunyodagi millionerlarning umumiy boyligi 79,6 trln dollarni tashkil etgani va boshqa yangiliklar — «Gazeta.uz»ning jahon yangiliklari dayjestida.
Pirogov nomidagi RMTTUning Toshkentdagi filiali ta’lim faoliyatini 2022/2023 o‘quv yilidan boshlaydi
N.I.Pirogov nomidagi Rossiya milliy tadqiqot tibbiyot universitetining Toshkentdagi filiali eski ToshMI binolariga joylashtiriladi va ta’lim faoliyatini 2022/2023 o‘quv yilidan boshlaydi.
1 iyul kuni O‘zbekistonda sodir bo‘lgan eng muhim xabarlar dayjesti
Prezident bilan yoshlar bilan uchrashuvi, YTHlarga oid o‘tgan 5 oydagi statistika, Andijon viloyati hokimining qizining to‘yi, Bosh prokuratura tomonidan yangi ishga tushirilgan telegram-bot — “Gazeta.uz"ning 1 iyuldagi eng muhim xabarlari dayjestida.
Andijon viloyati hokimligi hokimning qizining to‘yi haqidagi xabarlarga izoh berdi
Andijon viloyati hokimligi ijtimoiy tarmoqlarda paydo bo‘lgan, go‘yo hokim Shuhrat Abdurahmonovning qizining to‘yida olinganligi tasvirlangan foto va video lavhalarga munosabat bildirdi. Hokimlikning so‘zlariga ko‘ra, chindan ham viloyat hokimi qizining to‘yi bo‘lgan, ammo tarmoqlarda tarqalgan aksariyat fotosuratlar hokimga aloqador emas.
«Agrobank» fermerlar maktabiga ikkinchi o‘quv mavsumi uchun qabul boshlandi
«Agrobank» yo‘lga qo‘ygan fermerlar maktabidagi ikkinchi mavsum avgustdan sentyabrgacha bo‘lib o‘tadi. Arizalar 15 iyulgacha qabul qilinadi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting