Arxiv
Toshkent viloyatida 3 kishi kanalizatsiyada zaharlanib vafot etdi
Nurafshon shahrida 57 yoshli ishchi kanalizatsiya qudug‘iga tushib, tozalash ishlarini olib borayotganda gazdan zaharlandi. Uni qutqarish uchun tushgan yana 3 kishi ham hushidan ketgan. Oqibatda 3 kishi voqea joyida vafot etdi. 1 kishi jonlantirish bo‘limida qolmoqda.
Markaziy bank banklar va qarzdorlar o‘rtasidagi munosabatlarni tartibga soluvchi tavsiyalarni ishlab chiqdi
Markaziy bank jismoniy shaxslarning muddati o‘tgan qarzdorliklarini undirishda ularning manfaatlarini himoya qilish bo‘yicha tavsiyalar ishlab chiqdi. Unga ko‘ra, qarzdorga soat 20:00 dan 8:00 gacha vaqtda va haftada bir martadan ko‘p uchrashish, kuniga bir martadan ortiq telefon qilishga yo‘l qo‘yilmaydi.
O‘zbekistonlik aksiyadori bo‘lgan Ural KMK AQSh sanksiyalariga uchradi
Ural kon-metallurgiya kompaniyasi AQSh sanksiyalari ro‘yxatiga kiritildi. Avvalroq Forbes O‘zbekiston sobiq tashqi ishlar vazirining o‘g‘li Doniyor Komilov kompaniyaning yangi benefitsiar egasiga aylangani haqida xabar bergandi.
Qashqadaryoda Qizil kitobga kiritilgan 2532 tup kavrakka zarar yetkazildi
Dehqonobod tumanida O‘zbekiston Qizil kitobiga kiritilgan 2532 tup tojik kavragining ildizi kesildi. Zarar miqdori 1,2 mlrd so‘mdan ortiqni tashkil etgan. Bu yaqin orada Ekologiya vazirligi tomonidan qayd etilgan uchinchi holatdir.
O‘zbekiston gaz qazib olish hajmi kamayganiga qaramay, Xitoyga gaz eksportini oshirmoqda
O‘zbekiston iyun oyida Xitoyga tabiiy gaz eksportini oshirdi. Qiymat jihatidan yetkazib berish 85,3 million dollarga oshgan, bu may oyiga nisbatan 9,1 foizga ko‘p. Avvalroq mamlakatda gaz qazib olish 2,51 milliard kub metrga kamayganini yozgandik.
Uzbekistan Airways Toshkentdan Rossiyaning Blagoveshchensk shahriga muntazam parvozlarni yo‘lga qo‘yadi
19-avgustdan Toshkent-Blagoveshchensk-Toshkent yo‘nalishi bo‘yicha to‘g‘ridan-to‘g‘ri muntazam aviaqatnovlar amalga oshiriladi. Parvozlar har hafta shanba kunlari amalga oshiriladi.
O‘zbekistonlik yosh kurashchilar Osiyo chempionatini 20 ta medal bilan yakunladi
Iordaniyada o‘tgan sport kurashlari bo‘yicha U-20 yosh toifasidagi Osiyo chempionatida O‘zbekiston terma jamoasi jami 20 ta — 4 ta oltin, 6 ta kumush va 10 ta bronza medalini qo‘lga kiritdi.
AQSh Qirg‘izistonning 4 ta kompaniyasiga qarshi sanksiyalar kiritdi
AQSh Moliya vazirligi Qirg‘izistonning to‘rtta kompaniyasini sanksiyalar ro‘yxatiga kiritdi. Ma’lumotlarga ko‘ra, ular Rossiya mudofaa sanoati uchun Rossiyaga elektronika va sanksiya ostidagi boshqa mahsulotlarni yetkazib bergan. Ukraina TIV Qirg‘iziston elchisini chaqirtirdi.
Nyu-Yorkda otib o‘ldirilgan 15 yoshli o‘zbekistonlik yigit janozasida shahar meri qatnashib, nutq so‘zladi
Nyu-York shahrida sodir bo‘lgan otishmada og‘ir yaralanib, shifoxonada vafot etgan 15 yoshli o‘zbekistonlik yigit janozasi bo‘lib o‘tdi. Unda shahar meri Erik Adams ham qatnashdi va nutq so‘zladi.
Gaz qazib olish o‘tgan yilgi ko‘rsatkichdan pastligicha qolmoqda, oy davomida elektr ishlab chiqarish kamaygan
Yilning birinchi yarmida O‘zbekistonda gaz qazib olish o‘tgan yilning shu davriga nisbatan 9,6 foizga yoki 2,51 mlrd kub metrga qisqardi. Elektr energiyasi ishlab chiqarish esa o‘sdi, lekin iyun oyida pasayish qayd etildi. Neft ishlab chiqarish pasayishda davom etmoqda, benzin ishlab chiqarish keskin oshgan.
Xitoy kompaniyasi Qashqadaryoda osma dor yo‘li qurishni rejalashtirmoqda
Xitoyning CAMC Engineering kompaniyasi Qashqadaryo viloyatidagi loyihalarga sarmoya kiritishni rejalashtirmoqda. Ular orasida Kitobda sayyohlik zonasi tashkil etish, osma dor yo‘li qurish va boshqalar bor.
Statistika agentligi kambag‘allik chegarasini belgilash borasidagi tanqidlarga javob berdi
Statistika agentligi O‘zbekistonda kambag‘allik chegarasini aniqlash uchun foydalaniladigan minimal iste’mol xarajatlarining kech e’lon qilinishini izohladi va bu ko‘rsatkichni hisoblash usuli borasidagi tanqidlarga javob qaytardi.
Oliy sud ko‘chma radardan kelgan jarimani haydovchi foydasiga hal qildi
Samarqand viloyatida ko‘chma radar orqali aniqlangan tezlikni oshirish bo‘yicha belgilangan jarima Oliy sud tomonidan bekor qilindi. Chunki YPX xodimi radardagi tezlik ko‘rsatkichi bilan haydovchini tanishtirmagan va uning talabi bilan moslamaning sertifikati ko‘rsatmagan.
Prezident “Toshkent-Sharqiy” aeroporti loyihasini “juda jiddiy va tanqidiy” qayta ko‘rib chiqishni buyurdi
Shavkat Mirziyoyev qariyb 6 yildan beri qurilishi ketayotgan “Toshkent-Sharqiy” biznes aviatsiyasi aeroportiga tashrif buyurdi. Hozir uning uchish-qo‘nish yo‘lagi va VIP-terminal binosi qurib bo‘lingan. Prezident hududda yana bir terminal qurishni va aerovokzal loyihasini qayta ko‘rib chiqishni buyurdi.
Dam olish kunlari harorat biroz ko‘tariladi
O‘zbekistonda dam olish kunlari havo kam bulutli bo‘ladi, yog‘ingarchilik kutilmaydi. Harorat biroz ko‘tarilib, janubda va cho‘l hududlarda +41…+43 darajagacha yetadi. Keyingi hafta esa issiq havo kirib kelishi kuchayib, harorat yana 1−2 darajaga ko‘tariladi.
Yangi Toshkent shahridagi yer uchastkalari “E-auksion” orqali sotiladi
Prezident qarori bilan Yangi Toshkent shahridagi yer uchastkalari “E-auksion” elektron savdo platformasi orqali sotiladi yoki ijaraga beriladi.
QazaqGaz oktabrdan O‘zbekistonga Rossiya gazini yetkazib berishni boshlamoqchi
Qozog‘istonning QazaqGaz kompaniyasi oktabr oyidan O‘zbekistonga Rossiya gazi tranzitini boshlashni rejalashtirmoqda. Kompaniya barcha texnik tadbirlar tasdiqlangan jadvalga muvofiq to‘liq hajmda amalga oshirilayotganini ma’lum qildi.
1 mln 18 ming: 2023-yilda shuncha abituriyent o‘qishga hujjat topshirdi
2023−2024 o‘quv yili uchun davlat OTMlariga o‘qishga hujjat topshirgan abituriyentlar soni 1 mln 18 ming nafarni tashkil etdi. Bu o‘tgan yilgi ko‘rsatkichdan qariyb 200 mingtaga kam. Talabgorlarning eng ko‘pi Milliy universitetni tanlagan — 36 782 nafar.
O‘zbekistonda “yashil vodorod” loyihasi avgust oyida boshlanishi rejalashtirilmoqda — energetika vaziri
Prezident avgust oyida O‘zbekistonda “yashil vodorod” ishlab chiqarish majmuasini qurishni boshlash bo‘yicha topshiriq berdi, deya ma’lum qildi energetika vaziri Jo‘rabek Mirzamahmudov. Inshoot Saudiyaning ACWA Power kompaniyasi tomonidan Chirchiq shahridagi ammiak zavodi negizida quriladi.
Banklarda dollar kursi biroz tushdi
Tijorat banklari 21-iyul kuni aholidan 1 AQSh dollarini 11 535−11 600 so‘mdan sotib olmoqda, sotuv kursi esa 11 650−11 670 so‘m.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting