Arxiv
COVID-19: Kun davomida ikki rekord qayd etildi — kasallanish va sog‘ayish bo‘yicha
28 iyul kuni O‘zbekistonda koronavirusga chalinish va undan sog‘ayish bo‘yicha rekord qayd etildi. Umumiy ko‘rsatkich esa 21893 taga yetdi. 91 bemorning ahvoli o‘ta og‘ir.
«Kasallarni davolashga ham, iqtisodiyotni ishlatishga ham majbur va mas’ulmiz» — prezident
Prezident ishtirokidagi yig‘ilishda Buxoro, Farg‘ona, Samarqand va boshqa viloyatlarda pnevmoniya holatlari ko‘paygani ta’kidlandi. Respublika maxsus komissiyasiga malakali mutaxassislardan iborat guruhlar tuzib, har bir hududga yuborish hamda bemorlarni davolash bo‘yicha ko‘rsatmalar berildi.
Bosh prokuror o‘rinbosari Qoraqalpog‘iston prokuroriga jurnalistlar voqeasi yuzasidan tanbeh berdi
Bosh prokuror o‘rinbosari Svetlana Ortiqova Qoraqalpog‘iston prokuroriga tunda prokuraturaga chaqirilgan hamda telefonlari va noutbuklari tortib olingan jurnalistlar bilan bo‘lgan voqea yuzasidan tanbeh berdi. Uning so‘zlariga ko‘ra, prokurorlarning harakatlarini o‘rganish ishlari boshlangan.
Xonanda Ruslan Sharipov vafot etdi
O‘zbekistonda xizmat ko‘rsatgan artist, xonanda Ruslan Sharipov 53 yoshda hayotdan ko‘z yumdi.
Qoraqalpog‘istonda yana uch nafar blogerning texnikasini olib qo‘yishdi. AOKA vaziyatga izoh berdi
Jo‘qorg‘i Kenges raisining o‘limi haqidagi yolg‘on xabarlarni tarqatish ishi bo‘yicha Nukus IIBga uchta bloger chaqirilib, ularning telefonlari va kompyuterlari tortib olindi. Oldinroq uchta nashrning bosh muharrirlari prokuraturaga chaqirilgan edi. AOKA huquqni muhofaza qilish idoralari xodimlari qonunni buzishganini, ammo jurnalistlar ma’lumotni tekshirishlari kerakligini ta’kidladi.
Yarim yilda YAIM o‘sishi 0,2 foizgacha pasaydi
2020 yilning yanvar-iyun oylarida O‘zbekistonning yalpi ichki mahsulotining nominal hajmi 255,2 trln so‘mni ($26 mlrd) tashkil etdi, iqtisodiy o‘sish esa 0,2% gacha pasaygan. Aholi jon boshiga hisoblangan YAIM 1,8 foizga tushib, 7,4 million so‘mga (766 dollar) teng bo‘ldi.
Koronavirus holatlari 21,7 mingga yaqinlashdi
Koronavirus bemorlari soni 193 nafarga ortib, jami 21699 kishini tashkil etmoqda. Yangi holatlarning 122 nafari Toshkent shahrida, 32 nafari Toshkent viloyatida, 21 nafari Surxondaryo viloyatida hamda 18 nafari Qashqadaryo viloyatida aniqlandi. Shu bilan birga, yana ikki nafar koronavirus bemori vafot etdi.
Qo‘ng‘irotdagi YTH oqibatida ikkita yuk avtomashinasi yonib ketdi, bir kishi halok bo‘ldi
Qoraqalpog‘istondagi «Jasliq» posyolkasi hududidan o‘tuvchi A-380 avtomobil yo‘lida DAF va VOLVO rusumli ikkita yuk avtomashinasi ishtirokida YTH sodir etildi. Oqibatda bir kishi vafot etdi va kelib chiqqan yong‘in tufayli har ikkala yuk avtomashinasi butunlay yonib ketdi.
Cobalt va tez yordam mashinalari to‘qnashuvi oqibatida bir kishi vafot etdi
Namanganda Cobalt va tez yordam mashinalari to‘qnashuvi natijasida bir nafar fuqaro vafot etdi va yana ikki fuqaro turli darajalardagi tan jarohatlari olishdi.
Straus House bo‘yicha sud hukmi e’lon qilindi
O‘zbekiston Oliy sudi Straus House ta’sischisi va rahbariyatini Jinoyat kodeksining bir qator moddalari bilan aybdor deb topib, ularga ozodlikdan mahrum etish jazosini tayinladi. Jabrlanuvchilarga yetkazilgan moddiy zararlarni undirish ham belgilandi.
O‘zbekistonda PZR-testlar ishlab chiqarilishi yo‘lga qo‘yildi
O‘zbekistonda koronavirusni aniqlovchi test tizimi ishlab chiqarilishi yo‘lga qo‘yildi. Hozirda 100 ming dona test tizimini o‘z ichiga olgan navbatdagi partiya ishlab chiqarildi. Ushbu startap haftasiga 100 000 ta test-sistemasi ishlab chiqarish quvvatiga ega.
Telegram iOS foydalanuvchilari endi videoqo‘ng‘iroqlardan foydalanishi mumkin
Telegram messenjerining yangi versiyasida videoqo‘ng‘iroqlar, videoavatarlar, foto va videoni tahrirlash va boshqa o‘zgarishlar kiritildi. Ulardan qanday foydalanish mumkinligi haqida «Gazeta.uz» qo‘llanmasida o‘qing.
«Biz biror bir fermer manfaatini buzganimiz yo‘q» — Sulton Tex Group
Sulton Tex Group klaster atrofidagi voqealarga munosabat bildirgan qishloq xo‘jaligi vaziriga javob qaytardi — «Klasterlar uchun huquqiy me’yoriy hujjat bo‘lmasa, bizning aybimiz nima?»
Tadbirkorlarga sanitariya-epidemiologik osoyishtalik belgisi beriladi
1 oktyabrdan boshlab tadbirkorlarga «Sanitariya-epidemiologik osoyishtalik belgisi»ni berish amaliyoti joriy qilinadi. Belgilar «yashil», «sariq» va «qizil» toifalar bo‘yicha 12 oy muddatgacha beriladi. Bunda «yashil» belgiga ega tadbirkorning faoliyati Sanitariya-epidemiologiya xizmati organlari tomonidan o‘rganilishi va tekshirilishiga yo‘l qo‘yilmaydi.
Tibbiyot OTM bitiruvchilari COVID-19 ga qarshi kurashga jalb qilinadi
Tibbiyot ta’lim muassasalari bitiruvchilari, pensionerlar va boshqa tibbiyot mutaxassisligiga ega bo‘lgan shaxslar koronavirus pandemiyasiga qarshi kurashish uchun qishloq vrachlik punktlari, oilaviy poliklinikalar va ko‘p tarmoqli markaziy poliklinikalarga jalb qilinadi.
Sanitariya-epidemiologik osoyishtalik va jamoat salomatligi xizmati tashkil etildi
Sanitariya-epidemiologik osoyishtalik agentligi faoliyati tugatilib, uning o‘rniga Sanitariya-epidemiologik osoyishtalik va jamoat salomatligi xizmati tashkil etildi. Xizmatga tibbiy majburlov chorasi qo‘llash huquqi berildi va uning vakolatlari barcha davlat organlari va tashkilotlari, ularning mansabdor shaxslaridan mustaqil ravishda amalga oshirilishi belgilandi.
Koronavirusga test natijalari 3 kunda telefon orqali xabar beriladi
Prezident farmoniga ko‘ra, koronavirusga test natijalari haqida 3 kunda xabardor qilinadi. Bundan tashqari, uy sharoitida davolanayotganlarga yordam ko‘rsatish tartibi belgilandi.
Koronavirus holatlari 21,5 mingdan oshdi
Koronavirus bemorlari soni 297 nafarga ortib, jami 21506 kishini tashkil etmoqda. Yangi holatlar Toshkent shahrida, Qoraqalpog‘istonda, Toshkent, Buxoro, Sirdaryo, Namangan, Navoiy, Farg‘ona va Andijon viloyatlarida qayd etildi. Shu bilan birga, yana bir koronavirus bemori vafot etdi.
Kun davomida rekord darajada — 678 ta koronavirus holati aniqlandi
27 iyul kuni O‘zbekistonda rekord darajada 678 ta koronavirus holati aniqlanib, umumiy ko‘rsatkich 21209 taga yetdi.
«Karkidon» suv ombori hududidagi yer maydonlari savdoga qo‘yildi
Farg‘ona viloyatida joylashgan «Karkidon» suv ombori hududagi yer maydonlari turistik ob’ektlar tashkil etish uchun savdoga qo‘yildi. Bu yerda mehmonxona, motel, dam olish maskanlari, ko‘ngilochar ob’ektlar, restoran, suv sport ob’ektlari, plyaj zonasi va pirs qurilishi ko‘zda tutilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting