Arxiv
Eronning O‘zbekistondagi yangi elchisi ish boshladi
Eronning O‘zbekistondagi yangi tayinlangan elchisi Muhammad Ali Iskandariy O‘zbekiston tashqi ishlar vaziri Baxtiyor Saidovga ishonch yorliqlari nusxalarini topshirdi.
Qashqadaryoda dalasini ichimlik suvi bilan sug‘orib kelgan fermer 3 yilga qamaldi
Qashqadaryo viloyatida fermer 13 yil davomida noqonuniy ravishda dalasini ichimlik suvi bilan sug‘orib kelgani aniqlandi. Yetkazilgan zarar miqdori 282,7 mln so‘mni tashkil etdi. U 3 yillik qamoq jazosiga hukm qilindi. Shuningdek, davlatga yetkazilgan zararni ham qoplaydi.
Odam savdosiga qarshi kurashish milliy komissiyasi Qozog‘istonda o‘zbekistonliklar mehnat qulligida saqlangani holatini nazoratga oldi
Qozog‘istonda g‘isht zavodlarida mehnat qulligida saqlangan o‘zbekistonliklar bilan bog‘liq holat Odam savdosiga va majburiy mehnatga qarshi kurashish milliy komissiyasi tomonidan nazoratga olindi. Ushbu fuqarolar vatanga qaytarilishi, zarur yordamlar ko‘rsatilib, O‘zbekistonda ish bilan ta’minlanishi bildirildi.
“O‘zbekneftgaz” 1-noyabrdan AI-80 benzini narxi oshishi haqidagi xabarlarni rad etdi
“O‘zbekneftgaz” kompaniyasi ijtimoiy tarmoqlarda 1-noyabrdan O‘zbekistonda Ai-80 benzini narxi oshishi haqidagi xabarlarni rad etdi. Ai-80 benzinini aksiz solig‘idan ozod qilish muddati 2023-yil 31-dekabrda yakuniga yetadi.
Qozog‘iston urushda ishlatilishi mumkin bo‘lgan 106 turdagi tovarni Rossiyaga eksport qilishni taqiqladi
Qozog‘iston 106 turdagi tovarning Rossiyaga eksportiga taqiq qo‘ydi. Ular urushda ishlatilishi ehtimoli bo‘lgan tovarlar guruhi hisoblanadi. Ro‘yxatda dronlar, mikroelektronika va boshqalar bor. Ukraina prezidenti ofisi mamlakatning bu qaroriga munosabat bildirdi.
“Aybdor xodimni topish imkoni bo‘lmadi” — O‘TY turk sayyohining joy almashtirish uchun vagon kuzatuvchisiga pul bergani videosi haqida
Toshkent-Andijon yo‘lovchi poyezdida turk sayyohi joyini almashtirish uchun vagon kuzatuvchisiga 100 ming so‘m bergani haqida video tarqaldi. “O‘zbekiston temir yo‘llari” holatni o‘rgandi, biroq aybdor xodimni aniqlay olmaganini ma’lum qildi.
O‘zbekiston va Ozarbayjon mudofaa vazirlari harbiy hamkorlik bo‘yicha memorandum imzoladi
O‘zbekiston mudofaa vaziri Bahodir Qurbonov Buxoroda Ozarbayjon mudofaa vaziri Zokir Gasanovni qabul qildi. Tomonlar 2024-yilga mo‘ljallangan harbiy hamkorlik memorandumini imzoladi.
Navoiydagi Sentob qishlog‘i UNWTO`ning eng yaxshi turizm qishloqlari ro‘yxatiga kiritildi
Navoiydagi Sentob qishlog‘i UNWTO`ning eng yaxshi turizm qishloqlari ro‘yxatiga kiritildi. Nomzodlar ro‘yxatiga O‘zbekistondan yana 4 ta turizm qishlog‘i ham kiritilgandi.
Samarqanddagi maktablarda turizm soatlari yo‘lga qo‘yilishi mumkin
Samarqand shahridagi 20 ta maktabda turizm soatlari yo‘lga qo‘yilishi mumkin. Ular tajriba tariqasida maktabdan tashqari ta’lim sifatida joriy qilinadi. Keyinchalik soatlar Buxoro, Xiva va Shahrisabzda o‘quv dasturlariga kiritilishi rejalashtirilmoqda.
Eron va O‘zbekiston viza rejimini bekor qilishni rejalashtirmoqda
Eron turizm vaziri Ezzatollah Zarg‘amiy O‘zbekiston Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov bilan uchrashuvda ikki davlat o‘rtasidagi sayyohlik vizalarini bekor qilish yo‘llari izlanayotganini ma’lum qildi.
Xorazmda o‘quvchilarni sholi o‘rimiga jalb qilgan fermer jarimaga tortildi
Qo‘shko‘pir tumanida 19-maktab o‘quvchilarini sholi o‘rimiga jalb qilgan fermer sud qarori bilan 3,3 mln so‘m jarimaga tortildi. Avvalroq bolalarni maktab direktori majburiy mehnatga jalb qilgani aytilgandi, biroq holat o‘z tasdig‘ini topmagan.
Xorazm viloyatida sovuq suv uchun tariflar oshiriladi
Xorazm viloyatida 3-noyabrdan sovuq suv va oqova xizmatlari narxi oshadi. Yil oxirigacha viloyat aholisini markazlashtirilgan suv ta’minoti bilan qamrab olishni 90 foizga yetkazish, mavjud suv tozalash inshootlarini rekonstruksiya qilish va yangilarini qurish rejalashtirilgan.
Dilshod Raximov Korrupsiyaga qarshi kurashish agentligi direktorining birinchi o‘rinbosari bo‘ldi
O‘zbekiston Korrupsiyaga qarshi kurashish agentligi direktorining birinchi o‘rinbosari lavozimiga Dilshod Raximov tayinlandi.
Migratsiya agentligi Qozog‘istonda 60 dan ortiq O‘zbekiston fuqarosi mehnat qulligida saqlangani bo‘yicha bayonot berdi
Qozog‘istonda 60 dan ortiq o‘zbekistonlik mehnat qulligidan qutqarilib, vaqtinchalik saqlash markazi va hostelga joylashtirildi. O‘zbekiston Migratsiya agentligi vakillari ular bilan uchrashdi. Fuqarolar pasporti qaytarib berilsa, vatanga qaytishi va ish beruvchiga e’tirozi yo‘qligini bildirdi, deyiladi xabarda.
Toshkent viloyatida xitoy kompaniyasi hamkorligida quvvati 600 MVt bo‘lgan GTES quriladi
“Bir makon, bir yo‘l” uchinchi xalqaro forumi doirasida “O‘zbekgidroenergo” va China Southern Power Grid International kompaniyasi o‘rtasida Bo‘stonliq tumanida quvvati 600 MVtga teng “Yuqori Pskem” gidro to‘plash elektr stansiyasi qurish bo‘yicha shartnoma imzolandi.
Oradan 20 kun o‘tib: Sergelidagi portlashdan jabrlanganlar hozir qanday sharoitda yashamoqda? Videoreportaj
Sergeli tumani “Quruvchilar” mavzesidagi portlashda xonadonlarga shikast yetgan ko‘plab fuqarolarga zarar haligacha to‘liq qoplab berilgani yo‘q. “Gazeta.uz” aholi, jumladan, portlashda halok bo‘lgan bolaning yaqinlari bilan suhbatlashdi. Tuman hokimligi keltirilgan noqulayliklar uchun fuqarolardan uzr so‘radi.
Isroil — Falastin urushining 13-kuni. Asosiy yangiliklar
Bayden HAMASning Isroilga hujumini 11-sentabr voqealariga qiyosladi. AQSh va Isroil razvedkasi “Al-Ahli” kasalxonasidagi portlashda “ko‘pi bilan bir necha o‘n nafar” odam o‘lgan deb hisoblamoqda. Misr va AQSh rahbarlari gumanitar yordam koridorini ochish bo‘yicha kelishib oldi.
Yolg‘iz keksalar va nogironligi bo‘lgan shaxslar bir yilda kamida bir marta tibbiy ko‘rikdan o‘tkaziladi
Vazirlar Mahkamasi qarori bilan 15-oktabrdan parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar bir yilda kamida bir marotaba chuqurlashtirilgan tibbiy ko‘rikdan o‘tkaziladi. Shuningdek, muhtoj aholi murojaatlarini ko‘rib chiqadigan “ishonch telefoni” ishga tushiriladi.
O‘zbekistonning Polshadagi elchisi Bahrom Babayev missiyasini yakunladi
O‘zbekistonning Polshadagi elchisi Bahrom Babayev sakkiz yillik missiyasini yakunlamoqda. U Eurogospodarka nashriga intervyu berib, Polshaning qaysi investorlari O‘zbekistonga kelishga tayyorligini, shuningdek, to‘g‘ridan-to‘g‘ri aviatashuvni boshlash rejalari haqida gapirdi.
O‘zbekiston velosportning shosse yo‘nalishi bo‘yicha 2024-yilgi Olimpiadaga 4 ta yo‘llanmani qo‘lga kiritdi
O‘zbekiston velosport bo‘yicha 2024-yilgi Olimpiadada ishtirok etish uchun to‘rtta — ayollar terma jamoasi uchta, erkaklar jamoasi esa bitta yo‘llanmani qo‘lga kiritdi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting