Arxiv
Sud Sof.uz nashridan Anorbank foydasiga 3,7 mlrd so‘m undirish to‘g‘risida qaror chiqardi
Anorbank “ishchanlik obro‘siga putur yetkazuvchi ma’lumotlar tarqatilgani uchun” Sof.uz nashri ustidan sudga da’vo kiritgan edi. 2022-yilning noyabridan beri ko‘rilayotgan iqtisodiy nizo yakuniga yetdi. Sud sof.uz nashriga Anorbank foydasiga 3,7 mlrd so‘m miqdorida zarar to‘lashga qaror chiqardi.
Qashqadaryodagi qishloqda yurgan ayiqni harakatsiz holga keltirib, tabiatga qaytarish rejalashtirilmoqda
Chiroqchi tumanidagi qishloqlardan biriga ayiq kelib qoldi, tarmoqlarda uning yurgani aks etgan videolar tarqaldi. Mahalliy aholi uni mashinada urib yubormoqchi ham bo‘ldi. Tabiat resurslari vazirligi va Toshkent hayvonot bog‘i xodimlari poytaxtdan voqea joyiga jo‘nab ketdi.
Yog‘och va oyna importi 2025-yilgacha bojxona bojidan ozod etiladi
O‘zbekistonda 2025-yilga qadar yog‘och, fanera, yog‘ochli opalubka va oynani import qilishda bojxona boji bekor qilinadi. Shuningdek, yuqori markali sement bo‘yicha bojxona boji imtiyozi yana 1 yilga uzaytiriladi.
Qashqadaryoda erkak asrab olgan 13 yoshli qizini zo‘rlagani aytilmoqda
Chiroqchi tumanida 52 yoshli erkak mehribonlik uyidan asrab olgan 13 yoshli qizni zo‘rlab, homilador qilib qo‘ygani aytilmoqda. Oliy sud holat bo‘yicha jinoyat ishi 7-aprel kuni yopiq sud majlisida ko‘rilishini ma’lum qildi.
Referendumda qatnashish uchun hozirgacha xorijdan 26 nafar kuzatuvchi akkreditatsiyadan o‘tgan — MSK
Markaziy saylov komissiyasi referendum uchun xorijdan 26 nafar, jumladan, Gruziyadan 3 nafar, Ozarbayjondan 2 nafar, Indoneziya va Niderlandiyadan 1 nafardan kuzatuvchi akkreditatsiyadan o‘tganini ma’lum qildi.
Toshkent aeroportida mehmonxona ochiladi. Foto
Toshkent aeroportida sharqona ko‘rinishdagi mehmonxona ochiladi. Unga tashrif buyuruvchilar uchun ma’lumot tablosi, hammom va dush xonasi taqdim etiladi, qabulxona kechayu kunduz ishlaydi va har bir yo‘lovchiga samolyotga chiqish uchun individual taklifnoma taqdim etiladi.
O‘zbekistonda 1-maydan daromadi yetarli bo‘lmagan aholiga ham ipoteka kreditlari beriladi
1-maydan daromadi yetarli bo‘lmagan aholi ham ipoteka krediti olishi mumkin bo‘ladi. To‘lov qobiliyatini aniqlashda bank kartasidagi aylanma, ijara, kommunal va boshqa xarajatlarga to‘langan pullar hisobga olinadi. Aholiga hovlisini kengaytirish va uy sotib olish uchun 3,2 trln so‘m kredit ajratiladi.
Buyuk Britaniya O‘zbekistonda o‘tkaziladigan boks bo‘yicha jahon chempionatini boykot qildi
Buyuk Britaniya boks federatsiyasi may oyida Toshkentda bo‘lib o‘tadigan erkaklar o‘rtasidagi jahon chempionatiga boykot e’lon qildi. Bunday qarorga Rossiya va Belarus sportchilarining o‘z mamlakat bayroqlari ostida musobaqada qatnashishi sabab bo‘lgan.
9 ta viloyatda qurilishga mas’ul “zamhokimlar” va MBning hududiy rahbarlari hayfsan oldi
Prezident “Yangi O‘zbekiston” massivlari bo‘yicha uylarni topshirish ishlari cho‘zilib ketgani uchun 9 ta viloyatda hokimlarning qurilishga mas’ul o‘rinbosarlari va Markaziy bankning viloyat bo‘linmalari rahbarlariga hayfsan e’lon qildi.
Konstitutsiya bo‘yicha o‘tkaziladigan referendum byulleteni tasdiqlandi
30-aprelda bo‘ladigan referendumda ovoz berish byulletenining shakli va tavsifi tasdiqladi. Unda yangi “Konstitutsiyani qabul qilasizmi?” degan savolga “ha” yoki “yo‘q” javoblari aks etgan. Byulletenlarni ko‘zi ojiz ovoz beruvchilar tomonidan to‘ldirish uchun Brayl alifbosi asosida trafaretlar ham tayyorlanadi.
“Dmitriy Rilov O‘zbekiston chegarasini kesib o‘tmagan” — Bosh prokuratura
O‘zbekiston Bosh prokuraturasi Sankt-Peterburgdagi kafeda “harbiy ofitser” Maksim Fomin (Vladlen Tatarskiy) halok bo‘lgan portlashga aloqadorlikda gumonlangan Darya Trepovaning turmush o‘rtog‘i Dmitriy Rilov O‘zbekiston chegarasini kesib o‘tmagani va shunga ko‘ra mamlakatda bo‘lishi mumkin emasligini ma’lum qildi.
Ispaniyalik opera xonandasi Plasido Domingo Toshkentda konsert beradi
26-aprel kuni Toshkentda afsonaviy Plasido Domingoning Alessandro Safina va boshqalar ishtirokidagi fusunkor opera kechasi bo‘lib o‘tadi.
Tramp moliyaviy hisobotlarni soxtalashtirishda ayblanmoqda
AQShning sobiq prezidenti Donald Tramp 4-aprel kuni Nyu-York sudiga keldi va u yerda hibsga olindi. Unga hisob-kitoblarni soxtalashtirish bo‘yicha 34 ta band bo‘yicha ayblov qo‘yildi. Tinglovdan keyin Tramp Floridaga qaytdi.
Indoneziyada to‘rt nafar o‘zbekistonlik terror tashkilotga aloqadorlikda gumonlanib qo‘lga olindi
Indoneziyada 4 nafar o‘zbekistonlik “Tavhid va jihod katibasi” terror tashkilotining tashviqotini ijtimoiy tarmoqlarda tarqatganlikda gumonlanib, qo‘lga olindi. Gumonlanuvchilarning buyumlari dalil sifatida olingan.
Qoraqalpog‘iston Vazirlar Kengashi raisiga o‘rinbosar tayinlandi
Shuxrat Dauletiyarov Qoraqalpog‘iston Vazirlar Kengashi raisining o‘rinbosari lavozimiga tayinlandi. U bunga qadar qurilish sohasida bir qator lavozimlarda faoliyat yuritgan.
Muddati o‘tgan, kontrafakt va yaroqsiz tovarlar haqida xabar berganlar rag‘batlantiriladi
Prezident qaroriga ko‘ra, saqlash muddati o‘tib ketgan, kontrafakt va iste’molga yaroqsiz tovarlar haqida xabar berganlar rag‘batlantiriladi. Shuningdek, o‘zganing tovar, xizmat ko‘rsatish belgisidan yoki firma nomidan qonunga xilof ravishda foydalanganlik uchun javobgarlik kuchaytiriladi.
O‘zbekiston Hyundai, Kia, Toyota kompaniyalari uchun tayyor charm yetkazib berishi mumkin
Janubiy Koreyadagi avtomobilsozlik korxonalariga charm yetkazib beruvchi JM kompaniyasi Toshkent viloyatida qo‘shma korxona ochishi mumkin. U yerdagi charm Koreya kompaniyalariga yetkaziladi. Shuningdek, kompaniya O‘zbekistondan tayyor va yarimtayyor charmni xarid qilishni boshlaydi.
BAA vaziri al-Gargaviyga “Do‘stlik” ordeni topshirildi
O‘zbekiston prezidenti BAA hukumat ishlari bo‘yicha vaziri Muhammad al-Gargaviy bilan texnologiyalar, sun’iy intellekt, raqamlashtirish, shahar infratuzilmasini modernizatsiya qilish, kadrlar tayyorlash bo‘yicha loyihalarni muhokama qildi. Vazirga “Do‘stlik” ordeni topshirildi.
O‘zbekistonda qizlar ko‘proq shifokor, yigitlar esa IT mutaxassisi bo‘lmoqchi — tadqiqot
Makroiqtisodiy va hududiy tadqiqotlar instituti o‘rganishlariga ko‘ra, 86 foiz ota-onalar farzandlarining kasb bo‘yicha tanlovini ma’qullamoqda. Qizlar ko‘proq shifokor va o‘qituvchi kasbini tanlagan bo‘lsa, yigitlar IT mutaxassisligi, shifokor va iqtisodchi kasblarini afzal ko‘rgan.
Banklarda dollarning sotuv kursi 11 395 so‘mgacha tushdi
Tijorat banklari 5-aprel kuni aholidan 1 AQSh dollarini 11 325 — 11 370 so‘mdan sotib olmoqda, sotish kursi esa 11 395 — 11 460 so‘m.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting