Arxiv
O‘zbekistonda havo hafta davomida salqinroq bo‘ladi
Dushanbadan boshlab O‘zbekistonda kunduzgi havo harorati +33…+36 darajagacha pasayadi va bu harorat foni hafta oxirigacha saqlanib qoladi. Ayrim hududlarda vaqti-vaqti bilan yomg‘ir yog‘ishi, shamol tezligi 20−22 m/s gacha kuchayishi mumkin.
Banklarda dollarning sotuv kursi 11 580 so‘mgacha ko‘tarildi
Tijorat banklari 3-iyul kuni aholidan 1 AQSh dollarini 11 465−11 510 so‘mdan sotib olmoqda, sotuv kursi esa 11 540−11 580 so‘m.
Poytaxtning 2 tumanidagi ayrim ko‘chalarda elektr vaqtincha o‘chirildi
Dushanba kuni Yakkasaroy va Mirobod tumanlarining ayrim hududlari elektr energiyasidan vaqtincha uzildi.
Karimovning AQShga tabrigi, Toshkent-Moskva havo yo‘li, Rossiya matbuotining O‘zbekiston haqidagi yolg‘onlari. O‘zbek matbuoti 3-iyulda nimalar haqida yozgan?
90 yil avval nega Akmal Ikromov suvdan oqilona foydalanishni talab qilgan? 60 yil avval O‘zbekistonda qancha paxta terib olinishi kerak edi? 30 yil avval Rossiya matbuoti nega O‘zbekiston haqida yolg‘on axborot tarqatgan? Bu haqda “Gazeta.uz”ning “Eski gazetalar sharhi” ruknida o‘qing.
Samarqanddagi oltin koni shaxtasidan ikki yigitning jasadi topildi
Qo‘shrabot tumanidagi Zarmitan oltin koni shaxtasidan 20 va 24 yoshli yigitlarning jasadlari topildi. Ular konga ma’danli toshlarni talon-toroj qilish uchun noqonuniy kirgani aytilmoqda. Yigitlarni yerosti o‘ziyurar mashina operatori bosib o‘tgan bo‘lishi mumkin.
1-iyuldan 2010−2012-yillarda berilgan haydovchilik guvohnomalari o‘z kuchini yo‘qotdi
30-iyun kuni O‘zbekistonda 2010−2012-yillarda berilgan haydovchilik guvohnomalari va “texpasport”larning amal qilish muddati tugadi. Shu bois 1-iyuldan eski hujjatlar haqiqiy emas deb hisoblanadi. Ularni YHXB bo‘linmalari, Davlat xizmatlari markazlari yoki internet orqali yangisiga almashtirish mumkin.
Iyunda yillik inflyatsiya 2016-yil avgustidan buyon birinchi marta 9 foizga tushdi
Iyunda O‘zbekistonda deflyatsiya qayd etildi va yillik inflyatsiya 2016-yil avgust oyidan buyon birinchi marta 9 foizga tushdi. Oxirgi oyda guruch, go‘sht va sut qimmatlashdi, deyarli barcha sabzavot va mevalar, shuningdek, un, tuxum, sariyog‘ va shakar arzonlashdi. Benzin ham qimmatlashdi. Hududlarda palov narxi oshdi.
“O‘zbekneftgaz” benzin ishlab chiqarish keskin kamayganiga izoh berdi
Buxoro neftni qayta ishlash zavodida rejali ta’mirlash ishlari tufayli “O‘zbekneftgaz” korxonalarida benzin ishlab chiqarish 71,3 foizga qamaydi. Kompaniya ishlab chiqarish hajmini o‘tgan yilga nisbatan oshirishini qayd etdi. “Gazeta.uz” yil boshidan buyon benzin ishlab chiqarish bir necha bor pasayganini yozgandi.
Prezidentlikka nomzodlar vakillarining ikkinchi teledebati 2-iyul kuni o‘tkaziladi
2-iyul kuni soat 18:00 da prezidentlikka nomzodlar vakillarining ikkinchi teledebati bo‘lib o‘tadi. U davlat boshqaruvi tizimi va sud-huquq sohasini rivojlantirishga bag‘ishlanadi.
Alisher Bahodirov Uzbekistan GTL direktori lavozimiga tayinlandi
“O‘zbekneftgaz” kompaniyasining gazni qayta ishlash va gaz-kimyo departamentini boshqarib kelayotgan Alisher Bahodirov Uzbekistan GTL sintetik suyuq yoqilg‘i ishlab chiqarish zavodiga direktor etib tayinlandi.
Asakadagi UzAuto Motors zavodi faoliyati modernizatsiya ishlari sabab vaqtincha to‘xtatildi
Asakadagi avtomobil zavodi rejali modernizatsiya ishlari sababli faoliyatini vaqtincha to‘xtatdi. Ma’lum qilinishicha, zavod Cobalt modelini ishlab chiqarishni yiliga 30 mingtaga oshiradi. UzAuto Motors bu ish avtomobillarni yetkazib berish jadvaliga ta’sir qilmasligiga ishonch bildirdi.
Prezident 50 yilligini nishonlayotgan “Yalla” ansamblini taqdirladi
Prezident farmoni bilan 50 yilligini nishonlayotgan “Yalla” ansambli a’zolari Farrux Zokirov, Abbos Aliyev, Javlon Toxtayev, Timur Xalikov va Igor Xalikov ordenlar bilan taqdirlandi.
Jurnalist-tadqiqotchi Mavlon Shukurzoda vafot etdi
Taniqli jurnalist va yozuvchi Mavlon Shukurzoda 69 yoshida vafot etdi. U 20 dan ortiq kitob, jumladan, “Amerikalik o‘zbeklar”, “Paxtakor-79” va boshqalarni yozgan. Yuzlab maqolalari chop etilgan.
Bolalar o‘limiga sabab bo‘lgan Marion Biotech siroplariga sanoat propilenglikoli qo‘shilgan bo‘lishi mumkin
Hindistonning Marion Biotech kompaniyasi o‘z mahsulotlarida yuvish vositalari, antifriz, bo‘yoqlar va boshqa mahsulotlarda qo‘llanadigan zaharli modda — sanoat propilenglikolidan foydalangan bo‘lishi mumkin. Mazkur kompaniya dorilari avvalroq O‘zbekistonda kamida 19 nafar bolaning vafotiga sabab bo‘lgandi.
Rasmiylar Germaniyada og‘ir ahvolga tushib qolgan o‘zbekistonliklar bilan bog‘liq vaziyatga izoh berdi
Turon World Cooperation orqali Germaniyaga borgan o‘zbekistonlik 100 nafar atrofidagi talaba ish topa olmay, og‘ir ahvolga tushib qoldi. Bandlik vazirligi vaziyatga huquqiy baho berish uchun huquqni muhofaza qiluvchi organlarga murojaat qilgan. Bosh konsullik va elchixona vaziyatni nazoratga oldi.
Toshkentda DUK xodimi tadbirkordan 300 ming dollar olganlikda gumonlanib ushlandi
Poytaxtdagi qurilish korxonasi xodimi ko‘p qavatli turar joy binolarini qurishga ruxsat beruvchi hujjatlarni rasmiylashtirib berish evaziga tadbirkordan 300 ming dollar olganlikda gumonlanib qo‘lga olindi.
O‘zbekiston 5 oy ichida 3811 ta elektromobil xarid qildi
O‘zbekiston yildan yilga elektromobillar importini oshirmoqda. 2023-yil yanvar-may oylarining o‘zidayoq 3811 ta elektromobil olib kelindi. Ko‘rsatkich 2022-yil davomida 2180 tani, 2021-yilda esa 809 tani tashkil etgandi. Eng ko‘p yetkazib beruvchi Xitoy bo‘lib turibdi.
1-iyuldan nimalar o‘zgaradi?
2010−2012-yillarda berilgan “prava”lar o‘z kuchini yo‘qotadi, ayrim tadbirkorlar ishchilarining daromad solig‘i qaytariladi, vazirlik stipendiyasi joriy etiladi, ba’zi hujjatlar loyihalarini ishlab chiqish taqiqlanadi, ayrim dorilar sertifikatlashtirilmaydi — 1-iyuldan nimalar o‘zgaradi?
Jizzaxda yuk avtomobili va Epica to‘qnashishi oqibatida 2 kishi vafot etdi
Sharof Rashidov tumanida Shacman yuk mashinasi Epica avtomobiliga urilib, 2 yo‘lovchi ayol vafot etdi. Shuningdek, ushbu YTH ortidan yana 5 ta transport vositasi to‘qnashib ketdi.
Davlat OTMlarining magistratura bosqichiga qabul boshlandi
O‘zbekistonda 1-iyuldan davlat OTMlari magistratura mutaxassisliklariga onlayn hujjat topshirish boshlandi. Jarayon 30-iyulga qadar davom etadi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting