Arxiv
Hafta boshida havo iliq bo‘ladi, payshanbadan salqinlashadi
Haftaning birinchi yarmida biroz issiq ob-havo saqlanib qoladi, harorat +34…+39 daraja atrofida bo‘ladi. Payshanba kunidan esa havo salqinlasha boshlaydi, harorat +30…+35 darajagacha pasayadi. Hafta davomida faqat Qoraqalpog‘istonda qisqa muddatli yomg‘irlar yog‘ishi kutilmoqda.
Prezidentning shu haftadagi ish rejasi ma’lum qilindi
Shavkat Mirziyoyev bu hafta Parlamentlararo ittifoq bosh kotibi Martin Chungongni qabul qiladi. Qolaversa, sentabr o‘rtasida Samarqandda o‘tkaziladigan SHHT sammitiga tayyorgarlik jarayonlari muhokama qilinadi.
O‘zbekiston Afg‘onistondagi masjidda sodir etilgan terrorchilik harakatini qat’iy qoraladi
O‘zbekiston TIV Afg‘onistonning Hirot shahridagi masjidda sodir bo‘lgan terrorchilik harakatini qat’iy qoraladi. «Bu kabi qabih harakatlar Afg‘onistonda uzoq muddatli va barqaror tinchlik hamda milliy totuvlikning o‘rnatilishiga to‘sqinlik qiladi», — deyiladi bayonotda.
O‘zbekistonda 5 ballik magnit bo‘roni bo‘lishi kutilmoqda
O‘zbekistonda dushanbadan 5 ballik magnit bo‘ronlari kuzatiladi, seshanba kuniga kelib bo‘ron ta’siri kamaya boshlaydi. Mutaxassislarning fikricha, bu vaqtda arterial gipertoniya va bronxial astmasi borlar aziyat chekadi, ko‘pchilikda orqa bosh miyada og‘riq turadi, shu bois kamroq harakat qilish tavsiya etiladi.
«Turistlar oldida sharmanda bo‘lamiz». Toshkentdagi mehmonxonalarda tong sahardan hujjatlar tekshirildi
Toshkent shahar IIBB xodimlari poytaxtdagi mehmonxonalarda tongi soat 5:00 dan boshlab dam olayotganlarni uyg‘otib, hujjatlarini tekshirmoqda. IIV bu holatni «dunyoda odatiy va to‘g‘ri qabul qilinadi», deya izohladi. Turizm vazirligi esa IIVdan tekshiruv nega o‘tkazilganini tushuntirishni so‘rab, xat kiritdi.
«Maktab darsliklari ijarasi uchun to‘lov Konstitutsiyaga zid» — deputat
Deputat Rasul Kusherbayev davlat umumiy o‘rta ta’lim davlat tomonidan kafolatlangani uchun maktab darsliklari ijarasi uchun to‘lovning mavjudligini Konstitutsiyaga zid, deb hisoblaydi. Parlament a’zosi tushuntirish berishi uchun Konstitutsiyaviy sudga murojaat qilishni rejalashtirmoqda.
SHHT sammiti sababli Samarqandga kirish taqiqlanadi, 16 ta ko‘chada transport harakati cheklanadi (xarita)
14−17-sentabr kunlari bo‘lib o‘tadigan SHHT sammiti munosabati bilan Samarqandning 16 ta ko‘chasi, shu jumladan, jamoat transporti harakati uchun yopiladi. Bu kunlarda shaharga kirish ham yopiladi, tranzitchilar uchun aylanma yo‘llar tashkil etiladi (xarita).
O‘zbekiston Rossiyaga qarshi sanksiyalarga rioya qilmoqchi — AQSh elchisi
O‘zbekiston rasmiylari Rossiyaga qarshi sanksiyalarga rioya qilish istagi borligini va ularni chetlab o‘tuvchi davlatga aylanish niyatida emasligini tasdiqladi, dedi AQShning Toshkentdagi elchisi Deniyel Rozenblyum. Uning so‘zlariga ko‘ra, mamlakat hukumati AQSh bilan sanksiyalar rejimi bo‘yicha maslahatlashgan.
USM Alisher Usmonov nomidan foydalanilgan soxta reklamalardan ogohlantirdi
Ijtimoiy tarmoqlarda O‘zbekiston aholisini USM xoldingiga aloqadorligi aytilayotgan loyihalarga sarmoya kiritishga, shuningdek, sherik bo‘lishga yoki Alisher Usmonovdan yordam olishga chaqiruvchi reklamalar tarqalmoqda. Kompaniya buni foydalanuvchilarni aldash uchun yaratilgan firibgarlik loyihalari deb atadi.
XTV maktab darsliklari ijarasi narxlari oshganiga izoh berdi
Joriy o‘quv yilida maktablarda o‘quv darsliklarining o‘rtacha ijara narxi ikki baravarga oshdi. XTV buni qog‘oz narxlari va transport xarajatlari oshgani bilan izohladi.
Roza Otunbayeva BMT bosh kotibining Afg‘oniston bo‘yicha maxsus vakili bo‘ldi
Qirg‘izistonning sobiq prezidenti Roza Otunbayeva BMT bosh kotibining Afg‘oniston bo‘yicha maxsus vakili etib tayinlandi.
O‘zbekiston Yangiobod va Chorkesardagi uran maydonlarini rekultivatsiya qilish uchun 7 mln yevro oladi
YeTTB O‘zbekistonga Yangiobod va Chorkesardagi uran maydonlarini rekultivatsiya qilish uchun 7 mln yevro grant ajratadi. 2023 yilda boshlanishi rejalashtirilgan ishlar eski uran konlarini yopish, ifloslangan sanoat inshootlarini demontaj qilish, drenaj kanallarini rekonstruksiya qilish va boshqalarni o‘z ichiga oladi.
«Bu shov-shuvli siyosiylashtirish va populistik vahima uchun sababmi?» Senator — Shavkat Mirziyoyev nutqiga Rossiya OAVlari va deputat munosabati haqida
Prezident Qatag‘on qurbonlarini xotirlash kunida mamlakatni ozod qilishga uringani uchun totalitar tuzum repressiyasiga uchragan o‘zbeklarni tilga oldi. Uning so‘zlarini Rossiya OAVlari «SSSRni o‘zbek millatining gultojlarini yo‘q qilishda ayblash» deb talqin qildi, Duma deputati esa buni spekulyatsiya deb atadi.
OTMlarda «superkontrakt» miqdorlari 10 foizga kamaytirildi
2022/2023 o‘quv yili uchun faqat bakalavriat ta’lim yo‘nalishlarining tabaqalashtirilgan (super) to‘lov-kontrakt summasi 10 foizga kamaytirildi.
Foto: Shavkat Mirziyoyev Islom Karimov xotirasiga hurmat bajo keltirdi
Shavkat Mirziyoyev bundan 6 yil avval vafot etgan Islom Karimov haykali poyiga gulchambar qo‘ydi. «Birinchi prezidentimizga hurmat o‘z tariximizga hurmat ifodasidir», — deyiladi prezident matbuot xizmati xabarida.
«Kuniga 200−300 nafar ziyoratchi keladi». Islom Karimov tug‘ilgan uy va u o‘qigan maktabdan fotoreportaj
2016 yilning 2 sentabr sanasi. Aynan shu kuni O‘zbekistonning birinchi prezidenti 78 yoshida vafot etdi. «Gazeta.uz» Islom Karimov ulg‘aygan xonadon va tahsil olgan maktabdan fotoreportaj tayyorladi.
Oddiy fuqaro qanday qilib ildizlari shikastlangan daraxtlarni qutqarib qolishi mumkin?
O‘zbekistonda obodonlashtirish ishlari ko‘pincha daraxtlar shikastlanishi va nobud bo‘lishiga olib keladi. Chilonzor ko‘chasini ta’mirlashda zarar yetgan emanlarni davolashni tavsiya qilgan dendrolog Atirgul Xolmurzayeva oddiy fuqarolar qanday qilib ildizi shikastlangan daraxtlarni qutqarishi mumkinligini so‘zlab berdi.
O‘zbekiston Pokistonga insonparvarlik yordami jo‘natdi
Aholisi kuchli suv toshqinlaridan aziyat chekkan Pokistonga O‘zbekistondan insonparvarlik yordami jo‘natildi. Og‘irligi salkam 40 tonna bo‘lgan yuk tarkibida o‘simlik yog‘i, un, guruch, go‘sht konservalari va boshqalar bor.
Qasim-Jomart Toqayev muddatidan oldin prezidentlik saylovlari o‘tkazilishini e’lon qildi
Qozog‘istonda muddatidan oldin prezidentlik va parlament saylovlari o‘tkaziladi, yanvar oyidagi namoyishlar ishtirokchilarining bir qismi amnistiya qilinadi, deya ma’lum qildi prezident Qasim-Jomart Toqayev. U prezidentlik vakolatini qayta saylanish huquqisiz 7 yillik muddat bilan cheklashni taklif qildi.
1-sentabr kuni “Yangi O‘zbekiston” bog‘ida mushakbozlik bo‘ladi
Mustaqillik bayrami sharafiga payshanba kuni soat 21:00 da “Yangi O‘zbekiston” bog‘ida mushakbozlik bo‘ladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting