Arxiv
Shavkat Mirziyoyev Afg‘oniston hukumatini terroristik tashkilotlar bilan aloqalarni uzishga chaqirdi
O‘zbekiston prezidenti Afg‘oniston muvaqqat hukumatini xalqaro terrorchilik tashkilotlari bilan aloqalarni uzishga chaqirdi. Bu haqda u Afg‘oniston TIV rahbari v.b. Amirxon Muttaqiy ishtirok etayotgan xalqaro konferensiya ishtirokchilariga yo‘llagan murojaatida ta’kidladi.
Afg‘on aktivlariga qo‘yilgan cheklovlarni olib tashlash muammolarni hal etishning asosiy omillaridan biri — TIV
Tashqi ishlar vaziri v.b. Vladimir Norov Afg‘onistonning xorijdagi moliyaviy aktivlariga qo‘yilgan cheklovlarni olib tashlash mamlakatdagi ijtimoiy muammolarni hal etishning asosiy omillaridan biri ekanligini ta’kidladi. Avvalroq, Shavkat Mirziyoyev ham xalqaro hamjamiyatga aktivlarni qaytarishni taklif qilgandi.
«Inklyuziv hukumat tuzilishi — afg‘on xalqi uchun tinch kelajak kafolatidir» — Vladimir Norov
Tashqi ishlar vaziri v.b. Vladimir Norov xalqaro konferensiyada Afg‘oniston hukumati oldida turgan muhim vazifalarni sanab o‘tdi. Uning so‘zlariga ko‘ra, «inklyuziv hukumat tuzilishi, xotin-qizlar huquqlari ta’minlanishi, afg‘onlar maktab ta’limiga qabul qilinishi — afg‘on xalqi uchun tinch kelajak kafolatidir».
25 iyul kuni O‘zbekistonda sodir bo‘lgan eng muhim xabarlar dayjesti
sentabrda ochiladigan G‘afur G‘ulom bog‘i, Shavkat Mirziyoyevning tug‘ilgan kuniga 2 ta ot sovg‘a qilgan Checheniston prezidenti, arzon mobil internetli O‘zbekiston, 100 dan ortiq hayvonlarning jasadini ko‘mib yuborgan nukuslik obodonlashtirish xodimlari, kelajak kasblari va boshqalar — «Gazeta.uz» da kun dayjesti.
Ukrainadagi urush sababli Markaziy Osiyoda tadbirkorlar muammolarga duch kelmoqda — Jahon banki
Ukrainadagi urush oqibatida O‘zbekiston, Qirg‘iziston va Tojikistonda korxonalar xarajatlarning oshishi va kreditlash imkoniyatlarining qisqarishi kabi muammolarga duch kelmoqda. Jahon bankiga ko‘ra, bu biznesning yopilishi, ish joylarining yo‘qotilishi va iqtisodiy o‘sishning sekinlashishiga olib kelishi mumkin.
Toshkentda Food Fest gastronomik festivali bo‘lib o‘tadi
10 kun davomida gastronomik festival mehmonlarini mazali taomlar, mashhur yulduzlar chiqishi va ko‘ngilochar shou-dastur kutmoqda.
Nukusda 100 dan ortiq it va mushuklarning jasadini obodonlashtirish xodimlari ko‘mib tashlagani ma’lum bo‘ldi
Nukus yaqinida 100 dan ortiq it va mushuklar jasadini shahar obodonlashtirish boshqarmasi mas’ul shaxslari noqonuniy ravishda ko‘mib ketgani aniqlandi. Mansabdorlardan tushuntirish xatlari olinib, hujjatlar ko‘rib chiqish uchun Qoraqalpog‘iston prokuraturasiga yuborildi.
Respublika tez tibbiy yordam markaziga direktor vazifasini bajaruvchi tayinlandi
Abduvoitjon G‘afurov Respublika tez tibbiy yordam markazi direktori vazifasini bajaruvchi etib tayinlandi.
MB hukumatdan imtiyozli va direktiv kreditlar hajmini kamaytirishni so‘ramoqda
Jahondagi iqtisodiy va geosiyosiy vaziyat oqibatida qashshoqlik darajasi o‘sib borayotgani uchun imtiyozli kreditlarni bekor qilishni keyinga qoldirishga to‘g‘ri keldi, dedi MB raisi Mamarizo Nurmuratov. Shunga qaramasdan regulyator hukumatdan imtiyozli va direktiv kreditlar hajmini kamaytirishni so‘ramoqda.
Dollarning rasmiy kursi yana ko‘tarildi
AQSh dollarining so‘mga nisbatan rasmiy kursi 47,08 so‘mga qimmatlab, 10 967,06 so‘m etib belgilandi. Shuningdek, yevro kursi ham ko‘tarildi, rubl esa pasaydi.
Diplomatiya universiteti «Smart universitet» tizimiga o‘tadi
Prezident qarori bilan, JIDU «Smart universitet»ga aylantiriladi. Oliygoh 2022/2023 o‘quv yilida O‘zbekistonning to‘rtta universiteti bilan talaba almashinuvini yo‘lga qo‘yadi. Qolaversa, universitetning iqtidorli talabalariga xorijdagi diplomatik vakolatxonalarda amaliyot o‘tash imkoniyati beriladi.
«Humo va Uzcard integratsiyasi ma’lum qiyinchiliklar bilan ketyapti» — MB rahbari
Humo va Uzcard to‘lov tizimlari o‘zaro integratsiya asosida ishlamoqda, biroq jarayon ma’lum qiyinchiliklar bilan ketyapti, deya ta’kidladi MB rahbari Mamarizo Nurmuratov. Uning so‘zlariga ko‘ra, ayrim Uzcard shartlari Humo`ga tushmaydi.
Suzish federatsiyasi mansabdorlari 1 mlrd so‘mdan ortiq mablag‘ni talon-toroj qilgani aniqlandi
Suzish federatsiyasi mansabdorlari terma jamoa tarkibida bo‘lmagan fuqaroni xalqaro yig‘inga yuborib, 71 mln so‘mni asossiz ishlatgani, 287 nafar sportchi mehmonxona xizmatidan foydalangani haqida soxta hujjat tayyorlab, 1 mlrd so‘mni talon-toroj qilgani aniqlandi. Holat yuzasidan jinoyat ishi qo‘zg‘atildi.
Hozirga qadar O‘zbekistonda vaboga chalingan bemor aniqlanmagan — SES
Ijtimoiy tarmoqlarda O‘zbekistonda vabo kasalligi aniqlangani haqida xabarlar tarqaldi. SES boshlig‘i o‘rinbosari Nurmat Otabekov buni rad etib, hozirgacha mamlakatda umuman vabo aniqlanmaganini ma’lum qildi. SES ochiq suv hafzalari va ichimlik suvini vaboga qarshi muntazam tekshirib turgani qo‘shimcha qilindi.
«Tartibga soluvchi gilotina» usuli orqali hukumatning 422 ta qarori bekor qilindi
Vazirlar Mahkamasi bitta qarori bilan o‘zining 422 ta qarorini bekor qildi. Bunda «tartibga soluvchi gilotina» usulidan foydalanildi.
Ramzan Qodirov Shavkat Mirziyoyevga ikkita ot sovg‘a qildi
24 iyul kuni O‘zbekiston prezidenti Shavkat Mirziyoyevni tug‘ilgan kuni bilan qo‘shni davlatlar rahbarlari, shuningdek, Ozarbayjon, Belarus, Rossiya va Turkiya rahbarlari tabrikladi. Checheniston rahbari Ramzan Qodirov unga ikkita ot sovg‘a qildi.
Energetika vazirligi: cheklovlar keng ko‘lamli muammolarning oldini oladi
Energetika vazirligining xabar berishicha, yuqori harorat va elektr uzatish liniyalarining haddan tashqari qizib ketishi sharoitida dispetcherlar ayrim hududlar va sanoat obyektlarini elektr ta’minotidan vaqtincha uzishga majbur bo‘lmoqda. Agar shunday qilinmasa, katta hajmda baxtsiz hodisalar yuz berishi mumkin.
O‘zbekiston mobil internet narxi arzon bo‘lgan 20 ta davlat qatoriga kirdi
O‘zbekiston mobil internet narxining arzonligi bo‘yicha dunyoda 15-o‘ringa chiqdi. Mamlakatda 1 GB mobil internetning o‘rtacha narxi yil davomida deyarli 40 foizga, uch yil ichida esa qariyb 9 martaga arzonlashgan.
Nigora Suvonova — og‘ir atletika bo‘yicha Osiyo chempioni
O‘zbekistonlik og‘ir atletikachi Nigora Suvonova (-81 kg) Osiyo chempionatining barcha turdagi dasturlari bo‘yicha 6 ta oltin medalni qo‘lga kiritdi. Terma jamoa hisobiga yana 19 ta medalni Madina Fayzullayeva, Sharofiddin Amriddinov, Qudratbek Salimjonov, Nurbol Abdurashidov va Xushnoza Xoliqovalar olib kelishdi.
Haftaning ikkinchi yarmida harorat pasayishi kutilmoqda — O‘zgidromet
Hafta boshida O‘zbekistonning shimoli-g‘arbiy viloyatlarida jazirama pasaya boshlaydi. Qoraqalpog‘iston va Xorazmda 25−26 iyul kunlari vaqti-vaqti bilan yomg‘ir yog‘ib, momaqaldiroq bo‘lishi mumkin. Hafta oxiriga kelib, nisbatan salqin havo butun mamlakatga tarqaladi, havo harorati +33…+36 darajagacha tushadi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting