Iqtisodiyot
“Poyezd chiptasi narxi xususiy aviakompaniya chiptalaridan qimmatlashdi”. Senator Transport vaziriga murojaat qildi
Senat majlisida “Afrosiyob” poyezdida ayrim yo‘nalish chiptasi aviachiptadan qimmatligi, xizmat ko‘rsatish sifati pastligi aytildi. Transport vaziri poyezdlarda mobillik va xizmat sifatini oshirish bo‘yicha rejalar haqida so‘zladi. Shuningdek, 1-yanvardan tezyurar poyezdlarda dinamik narxlar bo‘lishi ma’lum qilindi.
Sentabr oyida dollar kursi qanday o‘zgardi?
O‘zbekistonda so‘m dollarga nisbatan ketma-ket ikkinchi oy biroz qadrsizlandi. sentabr oxirida dollar milliy valyutaga nisbatan 90 so‘mga (+0,71%) mustahkamlandi. Umuman olganda, yil boshidan buyon milliy valyuta 3,1 foizga qadrsizlandi.
Agrosanoatni rivojlantirish agentligi tashkil etiladi
Qishloq xo‘jaligida xizmatlar ko‘rsatish agentligi negizida Agrosanoatni rivojlantirish agentligi tashkil etiladi. U meva-sabzavotchilik yo‘nalishidagi mahsulot yetishtiruvchi, qayta ishlovchi, issiqxona xo‘jaliklari hamda agentlik manfaatlarini ko‘zlab sudga kiritilgan da’volar va shikoyatlar yuzasidan boj to‘lamaydi.
Sentabr oyida O‘zbekistonda inflyatsiya: propan 15,7 foizga, go‘sht 2,8−3,1 foizga qimmatlashdi
Sentabrda O‘zbekistonda inflyatsiya 1,23 foizni tashkil etdi. Yillik inflyatsiya biroz pasayib, 10,46 foiz bo‘ldi. Propan narxi yuqori sur’atlarda — 15,7 foizga (yil davomida — 52,1 foizga) o‘sishda davom etmoqda. Mol va qo‘y go‘shti yil boshidan buyon 11,3 — 11,9 foizga, dorilar esa qariyb 25 foizga qimmatlashdi.
Komil Allamjonov xususiy sektorga qaytayotganini ma’lum qildi (video)
Prezident administratsiyasi Axborot siyosati departamenti rahbarligidan ketgan Komil Allamjonov xususiy sektorga qaytishini ma’lum qildi. 2022-yilda u administratsiya rahbari o‘rinbosari bo‘lgach, kompaniyalarini boshqa egalariga o‘tkazishini aytgandi: “Chunki men manfaatlar to‘qnashuviga mutlaqo qarshiman”.
2025-yildan maktab ochadigan tadbirkorlarga 20 mlrd so‘mgacha kredit ajratiladi
O‘zbekistonda 2025-yildan boshlab maktab ochadigan tadbirkorlarga 20 mlrd so‘mgacha kredit ajratiladi. Shuningdek, bu kredit foizining asosiy stavkaning 1,5 barobaridan oshgan qismi budjetdan qoplab beriladi.
Issiqxona xo‘jaliklari elektr va gaz uzilishlari haqida oldindan xabardor qilinadi
O‘zbekistonda yaqin uch oy ichida issiqxonalarga gaz uchun joriy 100 foiz emas, 50 foizlik oldindan to‘lovni amalga oshirishga ruxsat beriladi. Shuningdek, ularga elektr va gaz uzilishlari haqida oldindan xabar beriladi.
NKMK sof foydasi yilning birinchi yarmida 882 mln dollarga yetdi
Birinchi yarim yil yakunlariga ko‘ra, Navoiy kon-metallurgiya kombinatining sof foydasi o‘tgan yilning shu davriga nisbatan 14 foizga oshib, 882 mln dollarni tashkil qildi. Daromadi esa 3,35 mlrd dollarga yetdi. Oltinning o‘rtacha sotish narxi 14 foizga oshib, 2206 dollarni tashkil qildi.
O‘zbekistonda elektr energiyasiga bo‘lgan talab yiliga barqaror 7,5 foizga o‘sib boradi — energetika vaziri
O‘zbekistonda 2030-yilgacha elektr energiyasiga bo‘lgan talab har yili 7,5 foizga oshadi, dedi energetika vaziri Jo‘rabek Mirzamahmudov. Uning aytishicha, qayta tiklanadigan energetika loyihalarini amalga oshirish bilan birga, GES qurish, IESlarni modernizatsiya qilish va qurish rejalashtirilmoqda.
2024-yilning birinchi yarmida O‘zbekistonning qaysi kompaniyalari eng ko‘p imtiyozlar oldi?
O‘zbekistonda birinchi yarim yillikda 63,4 trln so‘mlik soliq va bojxona imtiyozlari taqdim etildi (yopiq hujjatlar bilan taqdim etilgan imtiyozlarni hisobga olinmagan). Korrupsiyaga qarshi kurashish agentligi eng ko‘p imtiyoz olgan kompaniyalar ro‘yxatini e’lon qildi.
“Gazprom neft” O‘zbekistonda AYOQSHlar tarmog‘ini qurish masalasini o‘rganmoqda
Rossiyaning “Gazprom neft” kompaniyasi O‘zbekistonda avtomobillarga yoqilg‘i quyish shoxobchalari tarmog‘ini qurish imkoniyatini muhokama qilmoqda, dedi kompaniya rahbari. Energetika vazirligi ushbu kompaniyani O‘zbekistonda yoqilg‘i quyish shoxobchalari qurilishiga jalb qilish rejalari haqida xabar berdi.
Qirg‘izistonda O‘zbekiston sementi importiga taqiq bo‘yicha bahs yuz berdi
Qirg‘iziston parlamenti deputati mahalliy mahsulotlardan arzon bo‘lgan O‘zbekiston sementi importiga taqiqni olib tashlashni talab qildi. Iqtisodiyot vaziri o‘rinbosari o‘zbekistonlik ishlab chiqaruvchilar narxlar dempingiga yo‘l qo‘yganini aytdi va import mahalliy zavodlarni vayron qilishini ta’kidladi.
O‘zbekistonda Ai-80 benzinidan to‘liq voz kechish 2028-yilga qoldirildi
O‘zbekistonda Ai-80 benzinidan foydalanishni taqiqlash 2028-yildan bosqichma-bosqich amalga oshirilishi rejalashtirilmoqda. Avvalroq 2025-yildan boshlab ushbu markadagi yonilg‘idan voz kechilishi xabar qilingan edi.
Elektr energiyasi, ko‘mir va dizel ishlab chiqarish o‘smoqda, gaz va neft qazib olish qisqarishda davom etmoqda
O‘zbekistonda gaz qazib olish pasayishda davom etdi va 3,78 mlrd kub metrga (bir yilda -3,6%), neftniki — 60,3 ming tonnaga (-6,2%) yetdi. Quyosh va shamol stansiyalari hisobiga elektr energiyasi ishlab chiqarish oshdi — 54,4 mlrd kVt/s (+4,1%). Ko‘mir qazib olish yana rekordni yangiladi.
Xiva vokzali yonida yerosti yo‘l o‘tkazgichi quriladi
Xivada temiryo‘l vokzali yonidan uzunligi 450 metr bo‘lgan yerosti yo‘l o‘tkazgichi quriladi. Avtomobil yo‘llari qo‘mitasi rahbari Jamshid Tursunovning aytishicha, loyiha shaharni shimoliy va janubiy qismlarga ajratib qo‘ygan alleyaning noqulayliklarini bartaraf etish maqsadida ishlab chiqilgan.
“Paxta yetishtiruvchilarning shartnomasini bekor qilish bo‘yicha hech qanday topshiriq berilmagan” — QXV
QXV fermer va klasterlar o‘rtasidagi munosabatlarni tartibga solish, paxta yetkazib berish shartnomalarini bekor qilish bo‘yicha hududiy boshqarmalar va ularning rahbarlariga hech qanday ko‘rsatma bermaganini ma’lum qildi. Vazirlik ma’lumotlariga ko‘ra, fermerlarning 90 foizi allaqachon shartnomalarini yangilagan.
O‘zbekistonda pensiya islohoti konsepsiyasi loyihasini ishlab chiqish uchun ishchi guruh tuzildi
O‘zbekistonda pensiya tizimini isloh qilish bo‘yicha konsepsiya loyihasini ishlab chiqish bo‘yicha ishchi guruh tuzildi, konsepsiya prezident administratsiyasiga 2025-yil 1-martga qadar taqdim etilishi kerak. Avvalroq Jahon banki O‘zbekistonga pensiya yoshini bosqichma-bosqich 65 yoshga oshirishni tavsiya qilgan edi.
HMSTR tokenlarini faqat ruxsat etilgan kriptobirja va kriptodo‘konlarda sotish mumkin bo‘ladi — ILMA
O‘zbekiston Istiqbolli loyihalar milliy agentligi Hamster Kombat o‘yinidan olingan HMSTR tokenlarini faqat ruxsat etilgan kriptobirja va kriptodo‘konda sotish mumkinligini ma’lum qildi. Kriptoaktivlar aylanmasi qoidalarini buzganlik uchun ma’muriy va jinoiy javobgarlik nazarda tutilganini eslatdi.
O‘zbekiston yil boshidan beri gaz importini 5,7 barobarga oshirdi
O‘zbekistonga gaz importi 1,15 mlrd dollarga yetib, 2023-yilning sakkiz oyiga nisbatan 5,7 baravarga oshdi, deb xabar bermoqda Statistika agentligi. Yil boshidan buyon “zangori olov” eksporti ham 404,8 mln dollarga (+7,1 foiz) o‘sdi, avgust oyining o‘zida bu o‘sish (yiliga) 2,4 baravar bo‘ldi.
O‘zbekiston yaqin 5 yilda suvdan foydalanish samaradorligini 25 foizga oshirishni rejalashtirmoqda — prezident
O‘zbekiston yaqin besh yilda suvdan foydalanish samaradorligini 25 foizga oshirish hisobiga 15 mlrd kub metr suvni tejash bo‘yicha yirik loyihalarni amalga oshirishni boshladi, dedi prezident. U OIIB bilan hamkorlikda suvni tejovchi texnologiyalarni joriy etish bo‘yicha hududiy markaz tashkil etishni taklif qildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting