Samarqandda akasining ishini «ijobiy hal qilish» uchun IIB xodimiga $5 ming bermoqchi bo‘lgan shaxs ushlandi
Samarqandda PSR-testi natijasini soxtalashtirib sotayotgan shaxs qo‘lga olindi. Uning ukasi «holatni rasmiylashtirmaslik va ishni ijobiy tomonga hal qilib berish» uchun IIB xodimiga 5 ming dollar bermoqchi bo‘lganida ushlandi. Unga nisbatan jinoyat ishi qo‘zg‘atildi.
English Speaking Nation dasturi doirasida 420 dan ortiq ingliz tili o‘qituvchilari malakasi oshiriladi
Xalq ta’limi vazirligi va AQShning Toshkentdagi elchixonasi tomonidan amalga oshirilayotgan English Speaking Nation yozgi treninglar dasturi doirasida respublikaning turli hududlarida 420 dan ortiq ingliz tili o‘qituvchilari intensiv mashg‘ulotlarda qatnashib, pedagogik va psixologik bilimlarini takomillashtirishadi.
DXX va prokuratura Farg‘ona, Namangan va Surxondaryoda noqonuniy yer sotish holatlariga chek qo‘ydi
DXX va prokuratura tomonidan o‘tkazilgan tezkor tadbirlarda Farg‘onaning Beshariq tumanida 35 sotix, Oltiariqda 20 sotix, Bog‘dodda 4,75 gektar yerni, Namanganning Chortoq tumanida 8 gektar va Surxondaryoning Bandixon tumanida 2 gektar maydonni sotmoqchi bo‘lgan shaxslar qo‘lga olindi. Ularga nisbatan jinoyat ishi qo‘zg‘atildi.
Hyatt Regency Tashkent, Premier Hall va boshqa davlat aktivlari sentyabrda savdoga qo‘yiladi
Sentyabrdan yana 12 ta davlat aktivi, jumladan «Toshkent» va Hyatt Regency Tashkent mehmonxonalari, Premier Hall kinozali, Matbuot uyi, «Chotqol» dam olish zonasi, ikkita kichik sanoat zonasi va boshqalarni savdoga chiqarish rejalashtirilmoqda.
Dollarning rasmiy kursi yana ko‘tarildi
Dollarning rasmiy kursi 11,57 so‘mga ko‘tarildi va jami 10 654,00 so‘m etib belgilandi. Shuningdek, yevro va rubl kurslari esa biroz ko‘tarildi.
Qirg‘izistonning sobiq prezidenti Askar Akayev Bishkekka olib kelindi
«Kumtor» loyihasini amalga oshirishdagi korrupsiya faktlarini tergov qilish doirasida qidiruvga berilgan Qirg‘izistonning birinchi prezidenti Askar Akayev Bishkekka olib kelindi.
Tokio-2020: Olimpiadaning o‘ninchi kunida ham O‘zbekiston medallarsiz qoldi
Tokioda bo‘lib o‘tayotgan Olimpiya o‘yinlarining o‘ninchi kunida o‘zbekistonlik sportchilar yengil atletika hamda yunon-rum kurashi bellashuvlarda qatnashishdi. Ammo musobaqaning navbatdagi kuni ham O‘zbekiston uchun medallarsiz yakunlandi.
Prezident va tadbirkorlar uchrashuvi qoldirilganiga izoh berildi
Prezident matbuot kotibi Sherzod Asadov davlat rahbarining tadbirkorlar bilan kutilayotgan uchrashuvi nima sababdan qoldirilganiga izoh berdi. Uning so‘zlariga ko‘ra, hozirga qadar 10 mingga yaqin murojaat kelib tushgan va ularning 40 foizi hal etilgan. Murojaatlar dinamikasidan kelib chiqib, uchrashuv kuni qoldirilgan va takliflarni qabul qilish 5 avgustgacha davom etadi. Bosh vazir o‘rinbosari Sardor Umurzoqov esa uchrashuvda ishbilarmonlarning qaysi qatlami ishtirok etishini ma’lum qildi.
Surxondaryoda 5 nafar yigit IIB xodimlarini kaltakladi
Surhondaryoda voyaga yetmagan bolani do‘pposlayotgan besh nafar yigitni ogohlantirgan IIB xodimlari kaltaklandi. Ichki ishlar organlari xodimlarga qarshilik ko‘rsatgani va yengil tan jarohati yetkazgani uchun ularga nisbatan jinoyat ishi ochildi.
YPX xodimiga Malibu mashinasini qo‘yib yuborishni buyurgan komandir jazolandi
Toshkent viloyatida qoidabuzar Malibu haydovchisiga protokol tuzmoqchi bo‘lga YPX xodimiga ratsiya orqali chiqib, haydovchini qo‘yib yuborish buyurgan komandirga intizomiy jazo qo‘llanildi. “O'ZTEMIRYO'LMASHTAʼMIR” korxonasiga tegishli mashina haydovchisi esa xavfsizlik kamarini taqmagani uchun jarimaga tortildi.
O‘zbekiston harbiylari Rossiya va Tojikiston bilan mashg‘ulotlarda qatnashadi
O‘zbekiston Mudofaa vazirligi harbiy xizmatchilari o‘zbek-rus-tojik hamkorligidagi o‘quv mashg‘ulotlarida ishtirok etadi. 1 avgust kuni harbiylar uzoq masofali marsh asosida Tojikistondagi Harb-Maydon poligoniga yetib borishdi.
Shavkat Mirziyoyev 5−6 avgust kunlari Turkmanistonga boradi
O‘zbekiston prezidenti shu hafta Markaziy Osiyo davlatlari rahbarlarining navbatdagi maslahat uchrashuvida ishtirok etish uchun Turkmanistonga boradi. Uchrashuv kun tartibidan savdo-cotiq, transport logistikasi, energetika va madaniy sohalar muhokamasi joy olgan. Qolaversa, Markaziy Osiyo davlatlari yetakchi ayollari uchrashuvi o‘tkazilishi ham rejada bor.
Avgust oyining birinchi haftasida o‘rtacha issiq havo bo‘lishi kutilmoqda
Avgustning dastlabki haftasida quruq va o‘rtacha issiq ob-havo bo‘lishi kutilmoqda. Mamlakat bo‘yicha 2−4 avgustda shamol tezligi 15−20 m/s gacha kuchayadi. Respublikaning tog‘ oldi va tog‘li hududlarida sel kelishi xavfi saqlanib turmoqda.
Qashqadaryoda profilaktika inspektori olib ketgan fuqaro vafot etdi. Uning yaqinlari IIB xodimlarini kuch ishlatishda ayblamoqda
Qashqadaryo viloyati Nishon tumanida IIB xodimlari tomonidan olib ketilgan fuqaro Narkologiya dispanserida vafot etdi. Marhumning yaqinlari IIB xodimlari uni urib, kuch ishlatganligini gumon qilmoqda. Holat yuzasidan Qarshi tuman prokuratorasi tomonidan tergovga qadar tekshiruv harakatlari olib borilmoqda. Sog‘liqni saqlash va Ichki ishlar boshqarmalariga xizmat tekshiruvi tayinlangan.
Olmazor tumaniga yangi hokim tayinlandi
Azizxon Umarxonov Olmazor tumani hokimi lavozimiga tayinlandi. U bunga qadar Ichki ishlar vazirligi Jamoat tartibini saqlash bosh boshqarmasi boshlig‘i lavozimida ishlab kelgan.
Shavkat Mirziyoyev koronavirusga qarshi vaksina olgan
Prezident Shavkat Mirziyoyev koronavirusga qarshi to‘liq emlangan, deya ta’kidladi prezident matbuot kotibi Sherzod Asadov. Ammo u davlat rahbari qaysi vaksina bilan emlanmaganini aytmadi.
«„Yaxshi yetib oling“ deb, qo‘yib yubor». Toshkent viloyatida YPX xodimi jarima yozmasdan haydovchini qo‘yib yubordi
Toshkent viloyatida YPX xodimi Malibu haydovchisiga protokol tuzmoqchi bo‘lganida, unga ratsiya orqali haydovchini qo‘yib yuborish bo‘yicha buyruq beriladi. «Qo‘yvor bo‘ldi, ko‘p gapirmasdan. Yaxshi yetib oling deb tushuntirvor», — deydi ratsiya orqali murojaat qilayotgan shaxs qaysi mashina ekanligini aniqlashtirgandan so‘ng. Mazkur jarayon Toshkent telekanali efirida uzatilgan.
1 avgust kuni O‘zbekistonda 863 kishida koronavirus aniqlandi
Kecha kun davomida O‘zbekistonda 863 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, yakshanba kuni 498 kishida pnevmoniya qayd etildi, 3 nafar pnevmoniya bemori vafot etdi.
YPX mashinalariga 360 gradusda qoidabuzarliklarni aniqlaydigan qurilma o‘rnatilmoqda
O‘zbekistonda sinov tariqasida yo‘l-patrul xizmati mashinalariga 360 gradus radiusga ega bo‘lgan masofada qoidabuzarliklarni aniqlaydigan maxsus qurilmalar o‘rnatilmoqda. Qurilma to‘xtash va to‘xtab turish, harakatlanish tezligini oshirish, svetoforning taqiqlovchi chirog‘iga amal qilmaslik singari qoidabuzarliklarni qayd etadi va u orqali haydovchilarning yashash manziliga jarima qo‘llash to‘g‘risidagi qaror yuboriladi.
Tokio-2020: O‘zbekiston boks bo‘yicha kamida bitta Olimpiada medalini naqd qildi
Tokioda bo‘lib o‘tayotgan Olimpiya o‘yinlarining to‘qqizinchi kunida o‘zbekistonlik sportchilar yengil atletika, yunon-rum kurashi, boks va og‘ir atletika bo‘yicha bellashuvlarda qatnashishdi. Bokschi Bahodir Jalolov yarim finalga yo‘l olib, Olimpiada medalini naqd qilgan bo‘lsa, qolgan sportchilar musobaqada o‘z ishtiroklarini yakunlashdi.
Qo‘shimcha imkoniyatlardan foydalanish uchun saytda ro‘yxatdan o‘ting