Qamoqqa olinganlarni saqlash va jazoni ijro etish joylarida qonunlarga rioya etishi ustidan nazorat bo‘yicha Qarshi prokurori Dehqonboy Abdullayev 46 yoshida ikkitomonlama pnevmoniyadan vafot etdi.
6 oylik tanaffusdan so‘ng 239 ta maktab an’anaviy tarzdagi ta’lim shakliga qaytdi. Davlat maktablarida o‘quv yili rasman 14 sentyabrdan boshlanadi.
AQSH milliy valyutasining rasmiy kursi yana kimmatlab, 10 274 so‘mni tashkil etmoqda. Yevro va rubl kurslari arzonladi.
«Navbahor» futbol klubi bosh murabbiyi Andrey Kanchelskis koronavirusga chalinganligi va shifoxonalar bandligi sababli darhol shifoxonaga yota olmaganligi haqida ma’lum qildi. Kanchelskis bir necha kunni mehmonxonada o‘tkazib, keyin xususiy klinikaga statsionar sharoitda davolanish uchun yotqizilgan. Uning koronavirus bilan kasallanganligi 28 avgust kuni aniqlangan.
O‘zbekiston Rossiyada ishlab chiqarilgan koronavirusga qarshi vaksinalarni sotib olish imkoniyatini o‘rganib chiqmoqda, deya xabar berdi sog‘liqni saqlash vazirining birinchi o‘rinbosari Bahodir Yusupaliyev. Bundan tashqari, Xitoy hamda boshqa davlatlarda ishlab chiqarilayotgan vaksinalar klinik sinovining uchinchi bosqichida ishtirok etish masalalari hukumat va mutaxassislar tomonidan muhokama qilinmoqda.
Sog‘liqni saqlash vazirligi dezinfeksiya tunnellarining koronavirusga qarshi kurashda foydasiz chora ekanligini tan oldi. Vazirlik ushbu profilaktik chora inson organizmiga salbiy ta’sir qilishi mumkinligini ham ta’kidladi.
Sog‘liqni saqlash vazirligi kun davomida 293 ta koronavirus holati aniqlanganini xabar qildi. Yangi holatlar 7 ta hududda qayd etildi.
5 sentyabr kuni O‘zbekistonda 295 ta koronavirus holati aniqlandi.
Bu yil 1 kilogramm paxta birinchi terimda 1000 so‘m, ikkinchi terimda 1400 so‘m bo‘ladi. Terimchilar ishchi shartnomasini tuzmasdan turib dalaga chiqarilmaydi.
Sarimsoqpiyozli bulochkalardan tortib, shirin bulochkalargacha — ta’bingiz istagan barcha bulochkalar retseptlarini Zira.uz tayyorlab qo‘ygan ro‘yxatdan topishingiz mumkin.
O‘zbekistonda rasman tasdig‘ini topgan koronavirus holatlari soni 43 mingdan oshdi. Kun davomida 278 kishida infeksiya aniqlandi.
Shavkat Mirziyoyev 30 avgust kuni vafot etgan O‘zbek Milliy akademik drama teatri direktori Fatxulla Ma’sudovni qutqarishga urinishlar haqida gapirdi. «Kechalari ko‘zlarimni yumolmadim», dedi prezident.
O‘zbekiston mudofaa vaziri Bahodir Qurbonov SHHT, MDH va KXSHT mudofaa mahkamalari rahbarlari majlisida ishtirok etdi. Ushbu tashkilotlar ilk bor terrorizmga qarshi kurash bo‘yicha qo‘shma o‘quvlar o‘tkazishni rejalashtirmoqda.
O‘zbekiston OTMlarida an’anaviy ta’lim shakli kelgusi yilning yanvar-fevral oylarida — ikkinchi semestr boshlanish vaqtida qayta tiklanishi mumkin.
Xorazm viloyati Shovot tumanida ichki ishlar xodimlari qimor o‘ynayotgan 21 nafar fuqaroni qo‘lga olgan va qimorga tikilgan 43 mln so‘mdan ortiq qiymatdagi pullar musodara qilingan. Qo‘lga olinganlardan bir necha nafari ichki ishlar vaziriga videomurojaat yo‘llab, o‘zlariga nisbatan kuch ishlatilganligini iddao qilgan va tanalaridagi jarohatlarni ko‘rsatishgan.
O‘rmonlarda sayyohlik ob’ektlari tashkil etiladi. Prezident kelgusi yilda ekologiya va ov turizmidan daromadlarni 10−15 baravarga oshirish mumkinligini ta’kidladi. Mebelsozlar uchun pavlovniya va boshqa mebelbop daraxtlar yetishtirish uchun yer ajratish bo‘yicha topshiriq berildi.
Hashar week tashkilotchilari «Axlatingiz bilan yordam bering» shiori ostida tashabbusni yo‘lga qo‘yishdi. Poytaxt aholisi saralangan chiqindilarni maxsus yig‘ish punktlariga topshirishi mumkin, yig‘ilgan qayta ishlanadigan materiallardan tushgan mablag‘lar xayriya tashkilotlariga yuboriladi.
Samarqand shahar hokimligi qoshidagi «Tramvay liniyalarini ekspluatatsiya qilish direksiyasi» mansabdor shaxslari davlat korxonasining 1 mlrd 258,3 mln so‘m mablag‘ini o‘zlashtirish va rastrata qilish yo‘li bilan talon-toroj qilishgan. Ma’lum qilinishicha, holat yuzasidan o‘zlashtirish yoki rastrata yo‘li bilan talon-toroj qilish hamda jinoiy faoliyatdan olingan daromadlarni legallashtirish bilan bog‘liq jinoyat ishi ochilgan.
Toshkentning Shayxontohur tumanida Lacetti avtomashinasini tegishli hujjatlarsiz boshqarib kelayotgan haydovchi yosh ayol va uning ikki yashar qizini urib yubordi.
Xalq ta’limi vazirligi o‘quv yili boshida jismoniy tarbiya, chaqiriqqa qadar boshlang‘ich harbiy tayyorgarlik, musiqa madaniyati, tasviriy san’at va chizmachilik kabi fanlarning vaqtinchalik o‘tilishini tavsiya etmasligini ma’lum qildi. Ushbu fanlar masofaviy ta’lim shaklidagi televizion darslar orqali o‘zlashtirib boriladi.
Qo‘shimcha imkoniyatlarga ega bulish uchun saytda ro‘yxatdan o‘ting