Hafta o‘rtasidan harorat biroz ko‘tariladi
O‘zbekistonda hafta boshida havo biroz bulutli bo‘ladi, Toshkent viloyati va Farg‘ona vodiysida yomg‘ir yog‘ishi kutilmoqda. Chorshanbadan to ish haftasi oxirigacha yog‘ingarchilik kuzatilmaydi, harorat +34…+37, janub va cho‘l hududlarda +38…+40 darajagacha bo‘ladi.
“Prava”si yo‘q Damas haydovchisi 14 nafar yo‘lovchini olib ketayotgani aniqlandi
Jizzax viloyatida Damas haydovchisi haydovchilik guvohnomasisiz 14 nafar (avtomobil 7 kishiga mo‘ljallangan) yo‘lovchini tashidi.
Raqobat qo‘mitasi Korzinka supermarketlar tarmog‘iga nisbatan ish qo‘zg‘atdi
Korzinka cupermarketlar tarmog‘iga nisbatan ish qo‘zg‘atildi. Raqobat qo‘mitasi kompaniyaning “eng arzon narx” deb e’lon qilgan mahsulotlarining narxi boshqa supermarket va bozorlardagi narxlardan farq qilmasligini aniqladi. Qo‘mitaga ko‘ra, buni chalg‘ituvchi yoki chalg‘itishga olib keluvchi holat deyish mumkin.
Namanganda 2,3 mlrd so‘mlik elektrdan noqonuniy foydalangan korxona mas’uli qo‘lga olindi
Norin tumanida o‘zboshimchalik bilan elektr tarmog‘iga ulangan korxona tizimga 2,3 mlrd so‘mlik zarar yetkazdi. Holat bo‘yicha jinoiy ish ochilib, korxonaning norasmiy rahbari protsessual tartibda ushlandi.
Yevro-2024: Ispaniyani Kroos chempion qildi!
Futbol bo‘yicha 2024-yilgi Yevropa chempionatida Ispaniya Angliyani mag‘lub etib, to‘rtinchi bor turnir g‘olibiga aylandi. “Taktika” jamoasi Berlindagi final haqida o‘z fikrlari bilan bo‘lishadi.
Andijondagi kanaldan qirg‘izistonlik yosh qizning jasadi topildi
Xo‘jaobod tumanidan oqib o‘tuvchi Shahrixonsoy kanalidan 5−6 yoshli qizning jasadi topildi. U Qirg‘izistonning O‘sh shahridan selda oqib kelgan bo‘lishi mumkin. Viloyat hokimligiga ko‘ra, fotosurat orqali qizning oilasi buni tasdiqlagan.
Toshkentdagi Buyuk ipak yo‘li va Temur Malik ko‘chalarining bir qismi 15-iyuldan yopiladi
Yakshanba kuni yarim tundan boshlab Toshkent shahridagi yo‘l o‘tkazgich rekonstruksiya qilinayotgan Buyuk ipak yo‘li va Temur Malik ko‘chalarining ayrim qismlari transport harakati uchun yopiladi.
Buxoroda ayol xorijdagi eriga jahl qilib, ikki qizini kaltakladi
Jondor tumanida ayol xorijdagi eri ularning holidan xabar olmayotgani va yetarlicha pul jo‘natmayotganidan jahli chiqib, 3−4 yoshli qizlarini kaltakladi. Buxoro IIBga ko‘ra, holat bo‘yicha tergov boshlandi va sud-tibbiy ekspertizasi tayinlandi. Bolalar ombudsmani holatni o‘rganmoqda.
Andijonda sel oqibatida ko‘prik qulab tushdi (video)
Sel kelishi sababli Xo‘jaobod va Jalaquduq tumanlari orasidagi ko‘priklaridan biri qulab tushdi. Hodisa oqibatida jarohatlanganlar yo‘q, rasmiylardan iborat ishchi guruh voqea joyida ish olib bormoqda. Qo‘shni Qirg‘izistonning O‘sh shahrida ham kuchli yog‘ingarchiliklardan so‘ng sel hodisalari kuzatilmoqda.
“Yaqin kelajakda ichimlik suvi uchun ijtimoiy norma joriy etish rejamiz yo‘q” — “O‘zsuvta’minot” vakili
“O‘zsuvta’minot” vakili O‘zbekistonda ichimlik suvi uchun ham ijtimoiy norma yo‘lga qo‘yilishi haqida gap-so‘zlarga munosabat bildirdi. Unga ko‘ra, ham suv zaxirasi, ham suvni tejash nuqtai nazaridan yaqin kelajakda bunday reja yo‘q. “Hozircha qandaydir limit qo‘yishga hech qanday ehtiyoj mavjud emas”, — dedi u.
Shavkat Mirziyoyev Donald Trampga suiqasd uyushtirilganini qoraladi
Shavkat Mirziyoyev Donald Trampga saylovoldi uchrashuvda nutq so‘zlayotgan chog‘ida suiqasd uyushtirilganini chuqur xavotir bilan qabul qildi va keskin qoraladi. Prezident unga tez fursatda sog‘ayib ketishini tiladi.
Oliygohlarga o‘qishni ko‘chirish bo‘yicha o‘tish ballari tasdiqlandi
Oliy ta’lim vazirligi tomonidan 2024/2025-o‘quv yilida xorijiy va xususiy oliy ta’lim muassasalaridan davlat OTMlariga o‘qishni ko‘chirish uchun o‘tish ballari tasdiqlandi.
Toshkent viloyatida Gentra`ga urilgan Damas ag‘darilib ketdi
Yangiyo‘l tumanida o‘zi bilan bir yo‘nalishdagi Gentra`ga urilgan Damas ag‘darilib ketdi. YTH oqibatida bir yo‘lovchiga tibbiy yordam ko‘rsatildi.
Donald Trampga saylovoldi miting payti o‘q uzildi. Asosiy ma’lumotlar
Prezidentlikka nomzod Donald Tramp Pensilvaniyadagi tarafdorlari bilan miting vaqtida noma’lum shaxs otgan o‘qdan yaralandi. U yuzida qon bilan Maxfiy xizmat xodimlari yordamida sahnani tark etdi. Tramp “yaxshi” va “xavfsiz” holatda, dedi uning matbuot xizmati. Uni otgan shaxs va yana bir kishi halok bo‘ldi.
San’atkorlar ketayotgan poyezd konditsioneri ishlamadi. Rasmiylar nosozlikka anomal issiq sabab bo‘lganini aytmoqda
Xiva-Andijon yo‘nalishidagi poyezdda harakatlangan san’atkorlar konditsioner tizimi ishlamaganini bildirdi. “O‘ztemiryo‘lyo‘lovchi” bunga anomal issiq keltirib chiqargan nosozlik sabab bo‘lganini aytmoqda, iqlimshunos esa yil boshidan beri anomal issiq bo‘lmaganini yozdi. Raqobat qo‘mitasi vaziyatni nazoratga oldi.
Toshkent Kimyo xalqaro universitetida tantanali diplom topshirish marosimi bo‘lib o‘tdi
Toshkent Kimyo xalqaro universitetining 2024-yilgi bitiruvchilari diplomlarini tantanali ravishda qo‘lga kiritdi. Marosimda Namangan va Samarqanddagi filiallardan ham talabalar ishtirok etdi.
Toshkentda ikkinchi gastronomik ko‘cha tashkil etiladi (foto)
Toshkentning Mirobod tumanidagi Taras Shevchenko ko‘chasi gastronomik ko‘chaga aylantirilishi rejalashtirilmoqda. Qurilish ishlari 15-iyulda boshlanadi. U yerda yoritish tizimlari, o‘rindiqlar, axlat qutilari o‘rnatilib, ko‘chatlar ekiladi va boshqalar amalga oshiriladi.
Bitta xonadonda yashovchi ko‘p oilalarning har biriga elektr bo‘yicha alohida hisobraqam ochish rejalashtirilmoqda
O‘zbekistonda bitta kadastr ostida yashayotgan to‘rttagacha oilalar ham bor, bir xonadondagi ko‘p oilalar bir oyda kamida 800 kVt/soat elektr ishlatadi, — dedi HET rasmiysi. Shu sababli ularning har biriga alohida hisobraqam ochish reja qilinmoqda.
Toshkentda yana bir avtosalon egalari firibgarlikda gumonlanmoqda
Toshkentdagi avtosalon mansabdorlariga nisbatan firibgarlik bo‘yicha jinoyat ishi qo‘zg‘atildi. Ular 19 nafar fuqaroga avtomashina olib kelib berishini aytib, 6 mlrd 169 mln so‘mni o‘z ehtiyojlari uchun sarflab yuborgan.
Olimpiada oldidan minglab boshpanasiz migrantlar Parijdan ko‘chirildi — NYT
Fransiya hukumati Olimpiada o‘yinlari oldidan 5 mingga yaqin boshpanasiz migrantni Parijdan ko‘chirdi, deb yozdi The New York Times. Ular avtobuslarda boshqa shaharlarga olib ketilib, maxsus boshpanalarga joylashtirilmoqda, shundan so‘ng ba’zilari deportatsiya qilinmoqda.
Qo‘shimcha imkoniyatlardan foydalanish uchun saytda ro‘yxatdan o‘ting