O‘zbekiston fermerlari viloyat ichidagi xohlagan klasterini tanlash va ortiqcha hosilini sotish imkoniyatiga ega bo‘ladi — prezident
O‘zbekistonda fermerlarga o‘z faoliyatida qisman erkinlik beriladi. Prezident fermerlar bir viloyat ichidagi xohlagan klasteri bilan shartnoma tuzish va ortiqcha hosilni birja orqali sotish huquqiga ega bo‘lishini ma’lum qildi.
Strategik islohotlar agentligi qayta tashkil etilmoqda. Shuhrat Vafayev SIA rahbari lavozimini tark etadi
Strategik islohotlar agentligi bosh direktori Shuhrat Vafayev lavozimidan ozod etildi. Agentlik qayta tashkil etilmoqda: uning rahbari bir vaqtda PA Huquqiy ekspertiza va kompleks tahlil qilish departamenti boshlig‘i o‘rinbosari ham bo‘ladi, shtatlar va o‘rinbosarlar soni qisqaradi.
Raqobat qo‘mitasi rahbari ishdan olinishi mumkin
Prezident yirik savdo tarmoqlari bilan ishlashda mahalliy ishlab chiqaruvchilarning muammolarini ko‘rsatib, Shaxrux Sharaxmetovning Raqobat qo‘mitasi rahbari lavozimiga loyiqligi masalasini o‘rganishni topshirdi. Davlat rahbari sariyog‘ eksportiga qo‘yilgan cheklovni ham olib tashlash bo‘yicha topshiriq berdi.
Italiya prezidentining O‘zbekistonga tashrifi chog‘ida ikki davlat o‘rtasida iyun oyidagi kelishuvlarning bajarilishi muhokama qilinadi
Italiya prezidenti Serjo Mattarellaserj 9−11-noyabr kunlari rasmiy tashrif bilan O‘zbekistonda bo‘ladi. Muzokaralar chog‘ida, jumladan, ikki davlat prezidentlarining iyundagi kelishuvlarini amalga oshirish masalalari muhokama qilinadi. Uchrashuv yakunlari bo‘yicha hukumatlararo va idoralararo hujjatlar imzolanadi.
Toshkentda yoshlar iqlim forumida eko-ta’lim strategiyasi imzolandi
Toshkentda iqlim kun tartibiga bolalar va yoshlarni jalb etishga bag‘ishlangan forum bo‘lib o‘tdi. Unda ekologik ta’limni tashkil etish bo‘yicha tavsiyalarni o‘z ichiga olgan mintaqaviy strategiya imzolandi. Forumda O‘zbekiston, Qirg‘iziston, Turkiya va Eronning birinchi xonimlari va yoshlar ishtirok etdi.
“Ortga qaytish bo‘lmaydi”. Markaziy bank — valyuta konvertatsiyasi qoidalariga o‘zgartirishlar kiritilayotgani haqida
Markaziy bank konvertatsiya qoidalariga kiritilayotgan o‘zgartirishlar “valyuta operatsiyalarini cheklashni emas, amaldagi normalarni aniqlashtirish va operatsiyalarni amalga oshirish jarayonini soddalashtirishni” anglatishini ta’kidladi. MB raisi o‘rinbosari Bobir Abubakirov “orqaga qaytish bo‘lmasligini” aytdi.
O‘zbekistonlik olima ayol UNESCO-Karlos Finley mukofoti bilan taqdirlandi
O‘zbekiston Milliy universiteti laboratoriyasi mudiri, mikrobiologiya bo‘yicha olima Dilfuza Egamberdiyeva UNESCO-Karlos Finley mukofoti bilan taqdirlandi. U mukofotni o‘simlik va mikrobiomlarning o‘zaro ta’siri, tuproq biologiyasi va mikroblar xilma-xilligi sohasidagi tadqiqotlari uchun qo‘lga kiritdi.
Davlat OTMlarida professor-o‘qituvchining o‘rtacha oyligi 9,5 mln so‘mni tashkil etmoqda
O‘zbekistondagi davlat oliygohlarida ilmiy unvonga ega professor-o‘qituvchining o‘rtacha oylik ish haqi miqdori 9,5 mln so‘mni tashkil etmoqda. Davlat OTMlaridagi professor-o‘qituvchilar soni 48,5 ming nafar bo‘lib, 2024-yilda 50 mingdan oshishi kutilyapti.
O‘zbekistonga chet el fuqarolarini taklif qilish uchun endi onlayn ariza berish mumkin
Xorij fuqarolari va fuqaroligi bo‘lmagan shaxslarni O‘zbekistonga taklif qilish xizmatlari endi my.gov.uz portali orqali ham ko‘rsatiladi. DXXning hududiy boshqarmasi yuborilgan so‘rovnomani 7 ish kuni ichida tekshirib, xulosa beradi. Taklifnoma 3 oyga amal qiladi.
Toshkentdagi Matbuot uyi o‘rnida media shaharcha tashkil etiladi. Tender g‘olibi — Yangi Zamon Bino
Qurilish vazirligi Matbuot uyi majmuasini (“Gazeta korpusi”) rekonstruksiya qilish hamda uning o‘rni va tutash hududda media shaharcha qurish bo‘yicha o‘tkazilgan tender natijalarini e’lon qildi. Tenderda 98,8 mlrd so‘m taklif qilgan Yangi Zamon Bino g‘olib bo‘ldi.
Toshkentdagi 7 ta avtobusning harakat yo‘nalishi o‘zgardi
Toshkent shahridagi 12, 26, 30, 54, 73, 133 va 150-sonli avtobuslarning harakat yo‘nalishlariga o‘zgartirish kiritildi va yo‘nalish nomi o‘zgardi.
Shavkat Mirziyoyev IHT davlatlarini hamjihatlikda harakat qilishga va xavf-xatarlarga qarshi birgalikda yechim topishga chaqirdi
O‘zbekiston prezidenti IHT sammitidagi chiqishida o‘zgarib borayotgan dunyo siyosiy arxitekturasining xavf-xatarlariga javoban a’zo mamlakatlar o‘rtasida iqtisodiy hamkorlikni chuqurlashtirishni taklif qildi. Davlat rahbari tashkilot hududida o‘zaro savdoni soddalashtirish bo‘yicha bitimni qabul qilishga chaqirdi.
“Tomonlarni zudlik bilan harbiy harakatlarni to‘xtatishga chaqiramiz” — Shavkat Mirziyoyev Falastin-Isroil urushi haqida
Shavkat Mirziyoyev IHT sammitidagi nutqida Falastin-Isroil urushining mintaqa bo‘ylab yoyilib ketish xavfi tobora real tus olayotganini aytdi. “Biz tomonlarni zudlik bilan harbiy harakatlarni to‘xtatishga, tinch muzokaralarni boshlash, oqilona murosaga kelishga chaqiramiz”, dedi prezident.
AQSh O‘zbekiston suvereniteti va JSTga a’zo bo‘lishini qo‘llab-quvvatlashini yana bir bor tasdiqladi
Toshkentda AQSh davlat kotibi yordamchisi Donald Lu ishtirokida strategik sheriklik muloqotining uchinchi sessiyasi bo‘lib o‘tdi. Diplomat Qo‘shma Shtatlar O‘zbekiston mustaqilligi va hududiy yaxlitligi, shuningdek, Jahon savdo tashkilotiga a’zo bo‘lishini so‘zsiz qo‘llab-quvvatlashini yana bir bor tasdiqlashini bildirdi.
Endi Chat GPT`dan O‘zbekistonda rasman foydalansa bo‘ladi
ChatGPT sun’iy intellekt bilan ishlovchi chat botini ishlab chiqqan OpenAI kompaniyasi o‘z servisi ishlaydigan hududlar ro‘yxatiga O‘zbekistonni qo‘shdi. Endilikda mamlakatda ChatGPT ro‘yxatidan rasman o‘tish va uni ishlatish mumkin.
Toshkentda yuridik shaxslar va budjet tashkilotlari uchun issiqlik ta’minoti tariflari oshirilmoqda
Toshkent hokimligi issiqlik ta’minoti xizmatlari uchun tariflarni oshirdi. Yuridik shaxslar uchun issiqlik ta’minoti narxi 1,5 barobarga, budjet tashkilotlari uchun esa 1,6 barobarga oshadi. Aholi uchun tarif narxi o‘zgarishsiz qoladi.
“O‘zbekiston — ulkan salohiyat bilan o‘sib borayotgan bozor” — Buyuk Britaniya savdo komissari
Buyuk Britaniyaning savdo komissari Kenan Poleo Savdo va sanoat bo‘yicha O‘zbekiston-Britaniya kengashi yig‘ilishi arafasida “Gazeta.uz” muxbirining ikki mamlakatning sarmoyaviy va savdo salohiyatiga oid savollariga javob berdi.
O‘zbekistonlik karatechilar yoshlar o‘rtasidagi Osiyo chempionatida 15 ta medal oldi
Qozog‘istonda o‘tgan karatening WKF yo‘nalishi bo‘yicha Osiyo chempionatida o‘zbekistonlik yoshlar 15 medal: 3 oltin, 2 kumush va 10 ta bronzani qo‘lga kiritdi. Bu jamoa uchun medallar jamg‘arish bo‘yicha eng yaxshi natija bo‘ldi.
Shavkat Mirziyoyev IHT sammitida ishtirok etish uchun kelgan davlat rahbarlari bilan uchrashdi
O‘zbekiston prezidenti Iqtisodiy hamkorlik tashkiloti sammitida ishtirok etish uchun mamlakatga tashrif buyurgan Pokiston bosh vaziri, Qirg‘iziston, Turkiya, Eron va Tojikiston prezidentlari bilan uchrashdi.
Furqat Sidiqov o‘rindoshlik asosida O‘zbekistonning Kanadadagi elchisi etib tayinlandi
O‘zbekistonning AQSh va Braziliyadagi elchisi Furqat Sidiqov o‘rindoshlik asosida mamlakatning Kanadadagi elchisi bo‘ldi. Elchixonalarning qarorgohi Vashingtonda joylashgan.
Qo‘shimcha imkoniyatlardan foydalanish uchun saytda ro‘yxatdan o‘ting