Prezident “O‘zbekiston — 2030” strategiyasini tasdiqladi
Prezident “O‘zbekiston — 2030” strategiyasini tasdiqladi. Uning maqsadlari qatoriga barcha fuqarolarning o‘z salohiyatini ro‘yobga chiqarish uchun imkoniyatlar yaratish, sog‘lom va bilimli avlodni tarbiyalash, kuchli iqtisodiyotni shakllantirish hamda adolat, qonun ustuvorligi va xavfsizlikni kafolatlash kiradi.
Energoresurslarning uzluksiz ta’minlanishi uchun nimalar qilinyapti? Energetika vazirining javobi
Energetika vaziri Jo‘rabek Mirzamahmudov “Gazeta.uz”ga bergan intervyusida energoresurslar bilan uzluksiz ta’minlash uchun qanday ishlar amalga oshirilayotgani haqida gapirib berdi. Avvalroq u buni ta’minlamay turib, aholi uchun elektr va gaz tariflari oshirilmasligini aytgandi.
Muhammadqodir Toshtemirov og‘ir atletika bo‘yicha JCHda 2 ta medal oldi
Og‘ir atletika bo‘yicha jahon chempionatida o‘zbekistonlik Muhammadqodir Toshtemirov ikkita medalga ega chiqdi. U dast ko‘tarish bahsida (164 kg) oltin medalni qo‘lga kiritdi. Sportchi siltab ko‘tarishda medal ololmagan bo‘lsa ham, umumiy hisobda bronzaga sazovor bo‘ldi.
“Murosa variantini topdik”. Energetika vaziri — Janubiy Koreyaga gaz uchun 1 mlrd dollar qarzni to‘lash haqida
O‘zbekiston va Janubiy Koreya qo‘shma gaz loyihasi doirasida “O‘ztransgaz”ning Koreya kompaniyalari oldidagi qarzini to‘lash bo‘yicha “murosa variantini” topdi, dedi energetika vaziri Jo‘rabek Mirzamahmudov. Unga ko‘ra, loyihada ishlab chiqariladigan xomashyo va tovar gaziga tariflarni o‘zgartirish ko‘zda tutilgan.
Liviyada suv toshqinlari sababli 2000 dan ortiq odam halok bo‘ldi — OAV
Liviyada “Daniel” sikloni keltirib chiqargan suv toshqinlari oqibatida 2000 dan ortiq odam halok bo‘lgani aytilmoqda. Bir necha minglab odamlar bedarak yo‘qolgan. Hukumat 3 kunlik milliy motam e’lon qildi.
11-sentabr kuni O‘zbekistonda sodir bo‘lgan eng muhim voqealar dayjesti
Toshkentda yana chang bo‘roni, elektr energiyasi narxi oshishi haqida, jurnalist Mavjuda Mirzayevaga so‘ralgan 6 yil qamoq jazosi, Toshkentni ko‘kalamzorlashtirish muammolari, prezident tashrifi oldidan AQShda bo‘lgan O‘zbekiston delegatsiyasi va boshqalar — “Gazeta.uz”ning kun dayjestida.
Toshkent havosidagi chang zarralari normadan 43 marta ko‘p bo‘ldi — O‘zgidromet
Dushanba kuni chang bo‘ronlari poytaxtdan tashqari Xorazm, Buxoro, Navoiy, Jizzax va Surxondaryoda ham kuzatildi. O‘zgidromet Toshkentda PM10 zarralari ruxsat etilgan normadan 2,4 marta, PM2,5 zarralari esa 43 marta ko‘p bo‘lganini ma’lum qildi. Poytaxtda chang dushanba kuni kechasi ham saqlanib qoladi.
Chang bo‘roni vaqtida nima qilish kerak? O‘zbekiston SES tavsiyasi
O‘zbekiston Sanitariya-epidemiologik osoyishtalik va jamoat salomatligi qo‘mitasi chang bo‘roni vaqtida nimalar qilish kerakligi bo‘yicha tavsiyalarini e’lon qildi. Ko‘chada kamroq bo‘lish, niqob taqish, tomoq va burunlarni chayish hamda chang zarralari binolarga kirishi mumkinligini yodda tutish tavsiya etilmoqda.
Shimoliy vokzaldan harakatlanuvchi aksariyat poyezdlar bir oy davomida Janubiy vokzaldan qatnaydi
Texnik ta’mirlash ishlari tufayli Toshkent markaziy (Shimoliy) temiryo‘l vokzalidan harakatlanadigan ayrim poyezdlar qatnovi 15-sentabrdan 15-oktabrgacha “Toshkent-Janubiy” vokzalidan amalga oshiriladi. Bu vaqtda ikki vokzal o‘rtasida bepul avtobuslar qatnaydi.
Prezident Britaniyaning Cross Works kompaniyasiga tegishli Toshkent va Yangi Toshkent qo‘shma loyihasini ma’qulladi (+foto)
Shavkat Mirziyoyev Britaniyaning Cross Works kompaniyasi ishlab chiqqan Toshkent va Yangi Toshkent qo‘shma loyihasini ma’qulladi. “Ha, biz uni Yangi Toshkent deymiz, lekin ertaga u ham eski Toshkentni yangilashi kerak. Ular bir qon, bir arteriyaga aylanishi kerak”, — deydi qurilish direksiyasi rahbari Davronjon Odilov.
O‘zbekiston Tog‘li Qorabog‘dagi prezidentlik saylovlarini tan olmaydi — TIV
O‘zbekiston hukumati tan olinmagan Tog‘li Qorabog‘ Respublikasida o‘tkazilgan qo‘shtirnoq ichidagi prezident saylovlarini tan olmaydi, deya xabar qildi TIV.
13−15-sentabr kunlari qator temiryo‘l reyslari modernizatsiya ishlari sababli bekor qilindi
13−15-sentabr kunlari yo‘llar modernizatsiya qilinishi munosabati bilan Toshkent, shuningdek, Qashqadaryo va Surxondaryo o‘rtasidagi bir qator temiryo‘l qatnovlari bekor qilindi.
Aholi elektr energiyasi bilan uzluksiz ta’minlangach, narx oshadi — energetika vaziri
Aholi uchun tabaqalashtirilgan tariflarni belgilashdan oldin uzluksiz elektr energiyasi yetkazib berishni yo‘lga qo‘yish zarur, deya ta’kidladi energetika vaziri Jo‘rabek Mirzamahmudov. Uning so‘zlariga ko‘ra, hukumatga yangi tarifni 2024-yilning 1-mayidan joriy etish bo‘yicha taklif kiritilishi kutilmoqda.
O‘zbekistonlik para-taekvondochilar OCHda 11 ta medal oldi
Livanda o‘tgan para-taekvondo bo‘yicha Osiyo ochiq chempionatida o‘zbekistonliklar 11 ta medal oldi: 3 ta oltin, 3 ta kumush, 5 ta kumush. O‘zbekistonliklar umumjamoa hisobida Erondan so‘ng 2-o‘rinni egalladi.
Yangi Toshkentda tramvay va metroning yagona tarmog‘i quriladi
Yangi Toshkentda “eski” Toshkent bilan bog‘langan tramvay va metroning yagona tarmog‘ini qurish rejalashtirilmoqda. “Yangi shaharga metroda 30−35 daqiqada yetib borish mumkin… Avtomobilda kelishga ehtiyoj qolmaydi” , — deydi qurilish vaziri o‘rinbosari Davronjon Odilov.
Prokuror jurnalist Mavjuda Mirzayevaga 6 yil qamoq jazosi berishni so‘radi
Kompromatuzb ishi doirasida sudlanayotgan jurnalist Mavjuda Mirzayevaga 6 yil qamoq jazosini berish va 3 yil davomida kasbiy faoliyat bilan shug‘ullanishni taqiqlash so‘raldi.
Hafta davomida kam bulutli va quruq ob-havo bo‘ladi
11−15-sentabr kunlari O‘zbekistonda asosan kam bulutli va quruq ob-havo bo‘lishi kutilmoqda. Harorat +29…+32 daraja bo‘ladi. Tog‘li hududlarda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
Dekabrda O‘zbekiston Fanlar akademiyasining 80 yilligi yubileyi o‘tkaziladi
Toshkentda dekabr oyida O‘zbekiston Fanlar akademiyasining 80 yilligiga bag‘ishlangan tadbirlar bo‘lib o‘tadi. Xususan, xalqaro konferensiya va ko‘rgazmalar o‘tkazish hamda akademiyaning yangi haqiqiy a’zolarini qabul qilish ko‘zda tutilgan.
O‘zbekiston delegatsiyasi prezident tashrifi oldidan AQShda bo‘ldi
O‘zbekiston tashqi ishlar vaziri Baxtiyor Saidov, sanoat va savdo vaziri Laziz Kudratov va boshqa rasmiylar AQShga tashrif buyurdi. Shavkat Mirziyoyev sentabr oyi oxirida AQShga borishi kutilmoqda. U yerda “Markaziy Osiyo-AQSh” formatidagi birinchi sammit (C5+1) o‘tkazilishi rejalashtirilgan.
Toshkentning 6 ta tumanidagi ayrim joylarda gaz ta’minoti vaqtincha to‘xtatiladi
Kuz-qish mavsumiga tayyorgarlik ishlari doirasida poytaxtning Sergeli, Yakkasaroy, Mirobod, Yashnobod, Yangihayot va Bektemir tumanlarining ayrim qismlarida 11−12-sentabr kunlari gaz ta’minotida uzilishlar bo‘ladi. Ro‘yxat.
Qo‘shimcha imkoniyatlardan foydalanish uchun saytda ro‘yxatdan o‘ting