Prezident qarori bilan Respublika ixtisoslashtirilgan ona va bola salomatligi ilmiy-amaliy tibbiyot markazi va uning hududiy filiallari tashkil etiladi. Ularda irsiy kasalliklari bor bolalar maxsus dori vositalari va oziq-ovqat bilan ta’minlanadi.
O‘zbekistonda xususiy aviakompaniyalarni rivojlantirish uchun ishlab chiqarilgan kundan boshlab 25 yildan ortiq vaqt o‘tmagan lizingga olingan havo kemalarini olib kirishda davriy bojxona to‘lovlaridan ozod qilish rejalashtirilmoqda.
Respublika shoshilinch tibbiy yordam ilmiy markazi Namangan filiali direktori Xamidullo Ustabayev 50 yoshida vafot etdi. Uning o‘limiga o‘tkir yurak-qon tomir yetishmovchiligi sabab bo‘lgan.
Favqulodda vaziyatlar vazirligi akademiyasi rahbari Qobul Berdiyev egallab turgan lavozimidan ozod etildi. Bu lavozimni Toshkent shahar Favqulodda vaziyatlar boshqarmasi boshlig‘i Ravshan Xaydarov egalladi.
Bosh prokuratura “Zarafshon” milliy tabiat bog‘i hududidagi 39,8 gektar yerning noqonuniy ijaraga berilganini aniqladi. Ushbu hududda ijarachilar 8015 metr kvadrat maydonda butalar va o‘simlik dunyosini nobud qilib, dam olish maskani qurgan.
“Dok-1 Maks” ishi bo‘yicha Toshkentda o‘tayotgan sud majlisida sudya Muso Yusupovning ma’lum qilishicha, Samarqand viloyati Sog‘liqni saqlash boshqarmasining sobiq boshlig‘iga nisbatan qamoqqa olish ehtiyot chorasi qo‘llanilgan va qo‘shimcha jinoyat ishi doirasida tergov qilinmoqda.
Tijorat banklari 8-sentabr kuni aholidan 1 AQSh dollarini 12 075−12 130 so‘mdan sotib olmoqda, sotuv kursi esa 12 150−12 210 so‘m.
Bektemir tumanida 13-sonli elektrobus 2 yo‘nalishli yo‘lda ketayotganda harakatiga boshqa mashinalar xalaqit bergani ortidan beton ustunga urildi. 5 yo‘lovchi va haydovchi jarohat oldi. Yo‘lovchilar shifoxonaga yuborilgan. Elektrobusga texnik shikast yetdi.
O‘zbekistonning katta qismida shanba va yakshanba kunlari havo issiq bo‘ladi. Harorat 37 darajaga isishi mumkin. Ammo Qoraqalpog‘iston, Xorazm va Navoiy hududlarida vaqti-vaqti bilan yomg‘ir yog‘ishi kutilmoqda.
O‘zbekistondagi 1,7 mingga yaqin mahallada kriminogen vaziyatni yaxshilash kerak, oldini olish mumkin bo‘lgan jinoyatlarning 45 foizdan ortig‘i bevosita mahallalarda sodir etilgan. Co‘nggi uch yilda kiberjinoyatchilik esa qariyb 25 barobar oshgan. Bu haqda bosh prokuror Nig‘matilla Yo‘ldoshevning murojaatida aytiladi.
Hazorasp tumani obodonlashtirish bo‘limi xodimlari aholining egasiz itlar tufayli bolalari maktabga borolmayotgani bo‘yicha qilgan shikoyati sababli 13 ta egasiz va daydi itni zaharli xo‘rak yordamida o‘ldirdi.
Ortda qolgan yoz kuzatuvlar tarixidagi eng issiq fasl, avgust esa eng issiq oy bo‘ldi. Olimlar Antarktidada dengiz sathining rekord darajada yuqori harorati va dengiz muzlari darajasining pasayishini kuzatdi. “Sayyora qaynoq mavsumni boshdan kechirdi. Iqlim inqirozi boshlandi”, — deydi BMT rahbari.
Toshkent shimoliy vokzalida bir bosqichli nazorat punkti joriy etildi — hujjatlarni tekshirish va bagajni ko‘zdan kechirish endi bir joyda amalga oshiriladi.
O‘zbek milliy maqom san’ati markazi va uning hududiy bo‘limlari boshqaruv, ilmiy va ijodiy xodimlarining yangilangan oylik ish haqi miqdorlari joriy etiladi. Shuningdek, ularning xizmatiga qarab ustama to‘lovlar belgilanadi.
Shavkat Mirziyoyev va FAO rahbari Toshkentdagi muzokaralarda 2030-yilgacha bo‘lgan yangi hamkorlik dasturini muhokama qildi. U qishloq xo‘jaligini modernizatsiya qilish, uni raqamlashtirish (jumladan, “1000 ta raqamli qishloq” tashabbusida ishtirok etish) va boshqa chora-tadbirlarni o‘z ichiga oladi.
Samarqandda oshgan yo‘lkira, Toshkent aeroportida ushlangan 8,5 tonna narkotik, Istanbuldagi otishma oqibatida halok bo‘lgan o‘zbekistonlik, Abu-Dabidan Toshkentga ekstraditsiya qilingan xalqaro qidiruvdagi 2 erkak, “Dok-1 Maks” siropi bo‘yicha sud tafsilotlari va boshqalar — “Gazeta.uz"ning kun dayjestida.
Xitoy hukumati amaldorlarga iPhone va boshqa xorijiy brend qurilmalarini idoraga olib kirishni taqiqladi. Bu XXRning xorijiy texnologiyalarga qaramlikni kamaytirishga urinishi bilan bog‘liq. Cheklov mamlakatda Apple mahsulotlari sotuvining pasayishiga olib kelishi mumkin.
Toshkent xalqaro aeroportida 8,5 tonna ko‘knori olib o‘tilayotgani aniqlandi. Ular hujjatda qandolat ko‘knorisi deb ko‘rsatilgan 25 tonna urug‘ va somonlar tarkibida bo‘lgan. Bitta holatda shuncha giyohvandlik vositasining aniqlanishi bojxona tizimining 30 yillik tarixida ilk bor qayd etildi, deyiladi xabarda.
AQSh 2023-yilgi grin karta dasturini muddatidan oldin yakunlashini e’lon qildi. Mavjud bo‘lgan barcha 55 000 ta viza berib bo‘lingan. AQShning Toshkentdagi elchixonasida 3100 dan ortiq murojaatchi bilan suhbat o‘tkazilgan.
Oltiariq tumanidagi gaz “zapravka” 27 mingdan ziyod xonadonning bir oylik iste’moliga teng gazdan noqonuniy foydalanib, 5 mlrd so‘mlik zarar yetkazgani aniqlandi.
Qo‘shimcha imkoniyatlardan foydalanish uchun saytda ro‘yxatdan o‘ting