Advokatlik guvohnomasi qay tartibda beriladi?
Hukumat advokatlik guvohnomasini berish tartibi to‘g‘risidagi nizomni tasdiqladi. Mazkur hujjat 10 yilga advokatlik tuzilmasi ro‘yxatdan o‘tkazilgan joy bo‘yicha hududiy adliya organlari tomonidan beriladi. Guvohnomani berish uchun to‘lov undirilmaydi.
O‘zbekistonda 5−8-iyun kunlari harorat +42 darajagacha ko‘tariladi
O‘zgidromet 5−8-iyun kunlari O‘zbekistonga Erondan issiq havo kirib kelishi hisobiga havo harorati +42 darajagacha ko‘tarilishidan ogohlantirdi. Joylarda shamol tezligi soniyasiga 15−20 metrgacha kuchayishi va chang-to‘zonlar kuzatilishi mumkin.
O‘zbekistonda Zilzila mobile dasturi yaratildi
O‘zbekistonda zilzila vaqtida to‘g‘ri harakat qilishga o‘rgatadigan Zilzila mobile nomli dastur yaratildi. Unda yer silkinishi paytida, oldin va keyin qanday harakatlar amalga oshirish kerakligi bo‘yicha va boshqa ma’lumotlar, shuningdek, tayyorgarlik darajasini tekshirish uchun testlar mavjud.
Hajga boruvchilar uchun to‘lov miqdori salkam 69 mln so‘mgacha ko‘tarildi
Haj-2023 mavsumi uchun 1 nafar ziyoratchiga to‘lov miqdori 68 mln 760 ming so‘m etib belgilandi. Oldingi yilda bu miqdor 62,9 mln so‘m bo‘lgandi. Ziyoratchilar 4-iyundan 19-iyungacha Madina shahriga yuboriladi.
Svetlana Osipova taekvondo WT bo‘yicha JCHda kumush medalni qo‘lga kiritdi
Ozarbayjonda o‘tayotgan taekvondo WT bo‘yicha jahon chempionatida Svetlana Osipova finalgacha yetib borib, kumush medalni oldi. Avvalroq ushbu musobaqada Tokio-2020 Olimpiya o‘yinlari chempioni Ulug‘bek Rashitov bronza medalini qo‘lga kiritgandi.
IIV va Milliy gvardiya xodimlari ekologik huquqbuzarliklar uchun jarima solishi va hibsga olishi mumkin bo‘ladi
Senatorlar Ichki ishlar vazirligi va Milliy gvardiya xodimlariga ekologiya sohasidagi huquqbuzarliklar uchun, jumladan, daraxtlarni kesish, atmosfera havosini muhofaza qilish talablariga rioya qilmaslik uchun jarima solish va qamoqqa olish imkoniyatini beruvchi qonunni ma’qulladi.
Qozog‘iston O‘zbekistonga ko‘mir eksporti hajmini oshirmoqchi
2025-yildan Qozog‘iston O‘zbekistonga ko‘mir eksportini bosqichma-bosqich 25 barobardan ziyodroqqa oshirmoqchi. 2022-yilda mamlakatga 13,6 mln dollarlik 487,9 ming tonna ko‘mir yetkazib berilgan.
Banklar dollarning sotuv kursini 11 425−11 465 so‘m etib belgiladi
Tijorat banklari 2-iyun kuni aholidan 1 AQSh dollarini 11 360−11 405 so‘mdan sotib olmoqda, sotuv kursi esa 11 425−11 465 so‘m.
Jizzaxda 18 yoshli qiz o‘zini to‘qqiz qavatli uy tomidan tashlab halok bo‘ldi
Sharof Rashidov tumanida 18 yoshli qiz o‘zini to‘qqiz qavatli uy tomidan tashlab halok bo‘ldi. Holat yuzasidan tergovga qadar tekshiruv olib borilmoqda.
Xalqaro tashkilotlar O‘zbekistonda Ijtimoiy himoya agentligi tashkil etilganini olqishladi
XMT, YUNISEF va Jahon banki O‘zbekistonda Ijtimoiy himoya agentligi tashkil etilganini olqishladi. Bayonotda bu ijtimoiy himoyadagi tarqoqlik va kamchiliklarni bartaraf etishiga ishonch bildirilgan. Mutaxassislar va xalqaro tashkilotlar ko‘p yillardan buyon shunday agentlikni tashkil etishni talab qilib kelayotgandi.
Qozog‘istonda Onalar kuni va Otalar kuni bayram sifatida nishonlanadi
Qozog‘istonda ikkita yangi — dunyoning ko‘plab mamlakatlarida nishonlanadigan Onalar kuni va Otalar kuni bayramlar ro‘yxatiga kiritildi.
Yozning ilk kunida O‘zbekistonda sodir bo‘lgan eng muhim xabarlar dayjesti
Shilqimlik uchun 5 sutkaga qamalgan “prankchilar”, Toshkentda avgustgacha oshmaydigan yo‘lkira, “Yevropa Ittifoqi — Markaziy Osiyo” sammitida qatnashadigan Mirziyoyev, tomorqasida band bo‘lganlarga ham mehnat staji hisoblanishi, xususiylashtirilayotgan “UNG Petro” va boshqalar — “Gazeta.uz”ning kun dayjestida.
Ijtimoiy himoya milliy agentligiga direktor tayinlandi
Mansurbek Olloyorov O‘zbekiston prezidentining ijtimoiy himoya masalalari bo‘yicha maslahatchisi — prezident huzuridagi Ijtimoiy himoya milliy agentligi direktori lavozimiga tayinlandi.
Bayroqdan foydalanishdagi cheklovlarni yumshatish taklif qilinmoqda
Davlat bayrog‘idan foydalanishni kengaytirish to‘g‘risidagi qonun loyihasi muhokama uchun e’lon qilindi. Avvalroq Shavkat Mirziyoyev saylovoldi nutqida shunday taklif bilan chiqqandi. Bayroqni xonadonlarga osib qo‘yish, kiyim-kechaklarga yopishtirish, oilaviy va boshqa tadbirlarda foydalanishga ruxsat berilishi mumkin.
Click kompaniyasi bolalar uchun bayramona tadbirlar tashkillashtirdi
Click kompaniyasi 36 va 77-sonli ixtisoslashtirilgan maktablarda bayramona tadbirlar tashkillashtirdi, hamda Aloha Mental Arithmetic 2023 VI respublika musobaqasiga homiylik qildi.
Buxoroda elektromobilli eko-taksi ishga tushdi
Buxoroda O‘zbekistonda ilk bor elektromobillardan foydalaniladigan taksi xizmati yo‘lga qo‘yilmoqda. U Eco-taxi brendi ostida ishlaydi.
Toshkentda to‘rt qavatli avariya holatidagi uy aholisi ko‘chirilmoqda
Poytaxtning Chilonzor tumani “Naqqoshlik” mahallasida joylashgan 32 xonadondan iborat to‘rt qavatli uyda yoriqlar aniqlandi. Undagi 15 ta xonadonda istiqomat qiluvchilar o‘z qarindoshlarinikiga ko‘chib o‘tmoqda, 17 oila esa vaqtinchalik uy-joy bilan ta’minlandi.
Toshkentda jamoat transportida yo‘lkira narxi avgust oyigacha oshmaydigan bo‘ldi
May oyi oxirida Toshkent jamoat transporti uchun moslashuvchan tariflar joriy etilishi kerak edi. Biroq, shahar kengashi “tariflarning oshishiga qat’iyan qarshi” chiqdi. Deputatlar o‘zgarishlarni 1-avgustga qoldirdi. “Gazeta.uz” yangi tizimga o‘tish nega zarurligini tushuntiradi.
Rossiya armiyasining zarbasi oqibatida Kiyevda 3 kishi halok bo‘ldi
Rossiya armiyasining Kiyevga uyushtirgan navbatdagi havo hujumida 3 kishi, jumladan bir bola qurbon bo‘ldi. Bu so‘nggi bir oy ichida Ukraina poytaxtining kamida 18-marta o‘qqa tutilishi hisoblanadi.
Shavkat Mirziyoyev “Yevropa Ittifoqi — Markaziy Osiyo” ikkinchi sammitida ishtirok etadi
O‘zbekiston prezidenti Markaziy Osiyo va Yevropa Ittifoqi yetakchilarining ikkinchi sammitida ishtirok etadi. Sammit 2-iyun kuni Qirg‘izistonning Cho‘lponota shahrida bo‘ladi.
Qo‘shimcha imkoniyatlardan foydalanish uchun saytda ro‘yxatdan o‘ting