Chilonzor IIBning 4-qavatidan sakrab vafot etgan yigit ishi bo‘yicha foto-video dalillar e’lon qilindi
Bosh prokuratura Chilonzor IIB binosida 21 yoshli yigitning 4-qavatdagi hojatxonadan sakrab vafot etgani bo‘yicha foto-video dalillarni e’lon qildi. Shuningdek, holat yuzasidan sud-tibbiy ekspertizasi tayinlangan. IIO xodimlarining xatti-harakatlariga huquqiy baho berish uchun tekshiruv o‘tkazilmoqda.
Nukus voqealari bo‘yicha apellyatsiya sudi qarori 5-iyun kuni e’lon qilinadi
Oliy sud 5-iyun kuni soat 15:00 da Qoraqalpog‘iston voqealari bo‘yicha qo‘zg‘atilgan jinoyat ishi yuzasidan 16 nafar mahkumning birinchi sud jarayoni bo‘yicha apellyatsiya shikoyatlari, shuningdek, shartli ravishda hukm qilingan 4 kishiga nisbatan prokuratura protestini ko‘rib chiqishni yakunlab, hukmni e’lon qiladi.
Haj-2023 mavsumi boshlandi: ilk ziyoratchilar Toshkentdan Madinaga uchib ketdi — foto
4-iyun kuni Uzbekistan Airways`ning bortida 240 nafar ziyoratchisi bo‘lgan ilk reysi Toshkentdan Madinaga uchib, 2023-yilgi Haj mavsumini ochib berdi. Musulmonlar idorasi ziyoratchilarning yaqinlariga tiqilinch va tirbandlikning oldini olish uchun aeroportga kelmay, masjidlardan kuzatib qo‘yishni tavsiya qildi.
Farhod Mannopov vafot etgan Star Med Center klinikasi litsenziyasi bekor qilindi
Sud Sog‘liqni saqlash vazirligi talabiga binoan Farhod Mannopov operatsiya qilingan va keyinchalik vafot etgan Star Med Center xususiy klinikasi litsenziyasini bekor qildi.
Jarqo‘ton yodgorligidan taqinchoq va sopol idishlar bilan birga ko‘milgan odam qabrlari topildi
Surxondaryodagi 4000 yillik Jarqo‘ton yodgorligidan taqinchoq va sopol idishlar bilan birga ko‘milgan odam qabrlari topildi. Qazishma ishlari Fransiya milliy tadqiqot markazi bilan hamkorlikda olib borilmoqda.
Nega Toshkent shahrining ko‘plab tumanlarida yo‘l-qurilish ishlari ketmoqda?
So‘nggi haftalarda poytaxtda yo‘l-qurilish ishlari faol tarzda ketmoqda. Bu elektr energiyasi ta’minoti barqarorligini oshirish maqsadida qilinyapti, dedi hokimlik. 2023-yilda 903 km past kuchlanishli elektr tarmoqlari, 228 ta transformator yangilanadi. Bunday yirik masshtabdagi ish ilk marta amalga oshirilmoqda.
Hindistonda poyezdlar to‘qnashib, 290 ga yaqin kishi halok bo‘ldi, yuzlab odamlar jarohatlandi
Hindiston sharqidagi Odisha shtatida poyezdlar to‘qnashuvi oqibatida kamida 288 kishi halok bo‘ldi, 900 ga yaqin kishi jarohat oldi. Qurbonlar soni ortishi mumkin, deydi rasmiylar.
Shavkat Mirziyoyev Rejep Erdog‘anning inauguratsiya marosimida qatnashadi
O‘zbekiston prezidenti Anqara shahrida Rejep Tayyip Erdog‘anning lavozimga kirishishi munosabati bilan inauguratsiya marosimida ishtirok etish uchun 3-iyun kuni Turkiyaga boradi.
O‘zbekistonda nihoyat Ijtimoiy himoya agentligi tashkil etildi. Uning vazifalari nimalardan iborat?
Prezident huzurida Ijtimoiy himoya milliy agentligi tashkil etildi. U fuqarolarning ijtimoiy himoyaga oid huquqlarini ta’minlash va ijtimoiy xizmatlar sifatini tubdan oshirish maqsadida yaratildi. Bandlik vazirligi, SSV, IIV, MMTV va boshqa tuzilmalarning tegishli bo‘limlari agentlikka o‘tdi. Tafsilotlar.
Nima tayyorlaymiz: Olchali pishiriqlar
Olchali amerikancha pirog, keks, olchali o‘rama va pechenelar, tezpishar tartaletka va boshqalar — Zira.uz olcha solib tayyorlangan pishiriqlar ro‘yxatini taqdim etadi.
Velomarafon munosabati bilan 4-iyunda Toshkentning ayrim ko‘chalari 3 soatga yopiladi
Poytaxtdagi ayrim ko‘chalar 4-iyun kuni velomarafon o‘tkazilishi sababli soat 8:00 dan 11:00 ga qadar transportlar harakati uchun yopiladi (ro‘yxat).
O‘zbekiston prezidenti MO va YeI o‘rtasidagi muloqot doirasida qator tashabbuslarni ilgari surdi
Shavkat Mirziyoyev “Markaziy Osiyo — YeI” yetakchilari sammitida O‘zbekistonda YeI talablari bo‘yicha standartlashtirish laboratoriyalari hali yaratilmagan bo‘lsa-da, GSP+ tartibini uzaytirishdan manfaatdor ekanini ta’kidladi. Shuningdek, u Transkaspiy yo‘lagini rivojlantirish uchun qulayroq tariflar zarurligini aytdi.
2-iyun kuni O‘zbekistonda sodir bo‘lgan eng muhim voqealar dayjesti
O‘zbekistonliklarda mavjud 12 mlrd dollarga yaqin mablag‘, lotin alifbosida nashr etilgan “O‘zbek tilining izohli lug‘ati”, sudlanayotgan Termizning sobiq hokimi, Yevropa kengashi rahbari bilan muzokaralar o‘tkazgan Shavkat Mirziyoyev, Zilzila mobile dasturi va boshqalar — “Gazeta.uz”ning kun dayjestida.
“Shum bola” BBC tomonidan barcha davrlarning eng yaxshi bolalar kitoblari 100 talik ro‘yxatiga kiritildi
G‘afur G‘ulomning “Shum bola” asari BBC’ning “Barcha davrlarning 100 ta eng buyuk bolalar kitoblari” ro‘yxatiga kiritildi. Ushbu ro‘yxatni shakllantirish uchun 56 mamlakatdan 177 ekspert, jumladan O‘zbekistondan ikki vakil qatnashgan.
Professional futbol klublarini ijtimoiy soliqdan boshqa barcha soliqlardan vaqtincha ozod qilish rejalashtirilmoqda
Senat Soliq kodeksiga professional futbol klublarini vaqtincha ijtimoiy soliqdan boshqa barcha soliqlardan ozod etadigan o‘zgartirishlar kiritilishini ma’qulladi. Shuningdek, klublarga chet ellik mutaxassis va futbolchilar daromadlaridan to‘lanadigan daromad solig‘i bo‘yicha ham imtiyoz berilishi mumkin.
Toshkentda $20 ming evaziga Haj vizasini tayyorlab bermoqchi bo‘lganlar ushlandi
Toshkentda xususiy firma rahbarlari tanishlari orqali fuqaro va uning onasiga Haj vizasini tayyorlab berish uchun 20 ming dollar so‘ragani aytilmoqda. Ular 4 ming dollarni olgan vaqtda ashyoviy dalillar bilan ushlangan.
Samarqandda dam olish kunida telefoniga javob bermagan xodimlaridan tushuntirish xati olgan mansabdor jazolandi
Yoshlar ishlari agentligi Samarqand viloyati boshqarmasi boshlig‘i 1,6 mln so‘m jarimaga tortildi. Bunga agentlikning 2 ta tumandagi boshliqlariga dam olish kunida qo‘ng‘irog‘iga javob bermagach, tushuntirish xati yozdirgani sabab bo‘ldi.
Markaziy bank kapitalga bo‘lgan talabni qondirish uchun banklarga birlashishni tavsiya qildi
1-sentabrdan boshlab O‘zbekistonda banklarning ustav kapitali hajmi 200 mlrd so‘mni tashkil qilishi kerak bo‘ladi. Hozircha sakkizta bank bu talabga javob bermaydi. Markaziy bank kapitallashuv talablari bajarilmasa, litsenziya bekor qilinishi haqida ogohlantirdi va ularga birlashishni tavsiya qildi.
O‘zbekiston Butunjahon turizm tashkilotining 25-sessiyasi prezidenti va ikkita qo‘mita a’zosi etib saylandi
Sofiya shahrida bo‘lib o‘tgan Butunjahon turizm tashkiloti Yevropa komissiyasining ig‘ilishida O‘zbekistonga tashkilotning 25-yubiley sessiyasida mezbon sifatida prezidentlik qilish vakolati berildi. Sessiya 16−20-oktabr kunlari Samarqand shahrida bo‘lib o‘tadi.
Ekologiyaga zarar yetkazish va hayvonlarga nisbatan shafqatsizlik uchun jarimalar oshiriladi
O‘zbekistonda atrof-muhitga zarar yetkazish bilan bog‘liq jinoyatlar og‘ir jinoyatlar toifasiga kiritiladi. Shuningdek, hayvonlarga shafqatsiz munosabatda bo‘lish va chiqindilarni belgilanmagan joylarga tashlash uchun jarimalar miqdori sezilarli darajada oshiriladi.
Qo‘shimcha imkoniyatlardan foydalanish uchun saytda ro‘yxatdan o‘ting