«So‘x eksklaviga alohida koridor ochish — noreal narsa» — Abdulla Aripov
Qirg‘iziston O‘zbekistonga So‘x anklaviga alohida koridor ajratmaydi, biroq davlatlar chegaradan o‘tish tartibini soddalashtirishga kelishib oldi, deya ma’lum qildi bosh vazir Abdulla Aripov. Xususan, ID-kartalar bilan (pasportsiz) harakatlanish imkoniyatini yaratish rejalashtirilmoqda.
AQShning yangi elchisi O‘zbekistondagi missiyasini boshladi
AQShning O‘zbekistondagi yangi elchisi Jonatan Xenik O‘zbekiston tashqi ishlar vaziriga ishonch yorliqlari nusxalarini topshirdi. Vladimir Norov unga yangi lavozimida muvaffaqiyatlar tiladi.
Tursinxan Xudaybergenov lavozimi o‘zgardi
Prezident 2016 yil dekabrdan buyon fuqarolar huquqlarini himoya qilish va murojaatlar bilan ishlash masalalari bo‘yicha maslahatchisi lavozimida ishlab kelayotgan Tursinxan Xudaybergenovni o‘zining Orolbo‘yi mintaqasini barqaror rivojlantirish masalalari buyicha maslahatchisi etib tayinladi.
Toshkent hokimi o‘rinbosari insta-blogerni sudga berdi
Toshkent shahar Oila va xotin-qizlar boshqarmasi boshlig‘i Nodira Umarova insta-bloger Sevinch Sa’dullayevani sudga berdi. Sud vaqtida bloger o‘z qilmishlarini boshqa takrorlamaslik hamda barcha video va fotosuratlarni o‘chirib tashlashga va’da berib, yengilroq jazo tayinlanishini so‘ragan, biroq 5 sutkaga qamalgan.
Samarqand viloyatida 4 ballik zilzila sodir bo‘ldi
Samarqand viloyatining Paxtachi tumanida 4 ballik zilzila sodir bo‘ldi. Bu ikki kun ichida to‘rtinchi yer osti silkinishi.
Buxoro maktablaridan birida o‘qituvchining o‘quvchilarni kaltaklagani holati tergov qilinmoqda
Buxoro viloyati xalq ta’limi va ichki ishlar boshqarmalari Buxorodagi 4-sonli maktabda dars vaqtida o‘quvchilarning o‘qituvchi tomonidan kaltaklanishi bilan bog‘liq holatni o‘rganmoqda.
Qoraqalpog‘istonda 15 nafar mansabdor shaxs ishdan bo‘shatildi, 116 nafariga intizomiy chora ko‘rildi
Qoraqalpog‘istonda «o‘z sohalari bo‘yicha yuklatilgan vazifalarni bajarishda xato-kamchiliklarga yo‘l qo‘ygan, o‘ziga bildirilgan ishonchni oqlamagan» 15 nafar mansabdor shaxs egallab turgan lavozimidan ozod qilinib, 116 nafariga intizomiy jazo chorasi qo‘llanildi.
Xalqaro ko‘rgazmalarda O‘zbekiston mahalliy to‘qimachilik korxonalari ishtirok etishadi
15 dan 17 noyabrgacha Varshavada bo‘lib o‘tadigan Xalqaro to‘qimachilik ko‘rgazmasida O‘zbekiston kompaniyalari qatnashadi.
Toshkentda yana 4 ta mashina ishtirokida YTH yuz berdi
Poytaxtda yana Equinox, Mercedes-Benz va Nexia ishtirok etgan avariya sodir bo‘ldi. To‘rtinchi mashina esa — Labo. YTH oqibatida 3 nafar fuqaroga tibbiy yordam ko‘rsatildi.
«Dunyo bola nigohida». Toshkentda #wearethechildren fotoko‘rgazmasi bo‘lib o‘tmoqda
Humo Arena’da #wearethechildren xalqaro fotoko‘rgazmasi bo‘lib o‘tmoqda. U YUNESKO va Maktabgacha ta’lim vazirligi tashabbusi bilan erta yoshdagi bolalarni tarbiya va ta’lim berish bo‘yicha II Butunjahon konferensiyasi arafasida ochildi. Ko‘rgazmada Osiyo, Afrika, Janubiy Amerikada olingan fotosuratlar o‘rin olgan.
Toshkent viloyatida bojxona posti boshlig‘i o‘rinbosari va 3 nafar xodim ishdan bo‘shatildi
Noqonuniy tadbirkorlarga yordam bermoqchi bo‘lgan «Oybek» chegara bojxona posti boshlig‘i o‘rinbosari va 3 nafar xodimi qo‘lga olindi. Shuningdek, xizmat lavozimini suiiste’mol qilgan Toshkent xalqaro aeroporti navbatchilik qismi boshlig‘i va «Qo‘qon» TIF bojxona postining bir nafar xodimi ham ishdan olindi.
Sirdaryoda yo‘l qurilishida 1 mlrd so‘mdan ortiq mablag‘ o‘zlashtirilgani aniqlandi
DXX «Sirdaryo yo‘llardan muntazam foydalanish» unitar korxonasi mansabdorlarining 1 mlrd so‘mdan oshiq mablag‘ni talon-toroj qilganini aniqladi. Sud hukmiga ko‘ra, ularga ozodlikdan mahrum qilish, ahloq tuzatish ishlari hamda boshqa jazo turlari tayinlandi.
Mehmonxonalarga «yulduzlar» yangi standart asosida beriladi
Turistik xizmatlarni sertifikatlashtirish markazi mehmonxonalarga «yulduzcha» berishning yangi tahrirdagi davlat standarti loyihasini ishlab chiqdi. Unga ko‘ra, avval mehmonxonalar uchun majburiy bo‘lgan 97 ta talab 85 taga qisqardi.
Toshkentda Kia K5 va Spark to‘qnashdi
Shayxontohur tumani Olmazor hamda Islom Karimov ko‘chalari kesishgan chorrahada Kai K5 va Spark ishtirokida YTH sodir bo‘ldi. Hodisa oqibatida Spark yo‘lovchisi jarohat bilan shifoxonaga yuborildi.
Zoyir Mirzayev Senat a’zosi etib saylandi
Xalq deputatlari viloyat, tuman va shahar kengashlarining qo‘shma yig‘ilishida Toshkent viloyati hokimi Zoyir Mirzayev Senat a’zosi etib saylandi.
Moskvadagi bo‘sh turgan ofis maydonlari oshib bormoqda, ijarachilar soni esa aksincha
Ko‘plab xorijiy kompaniyalarning Rossiya bozorini tark etishi va mahalliy korxonalarning ularning o‘rnini bosishga tayyor emasligi ortidan Moskvada ofis binolarining 8,6 foizi bo‘sh qolmoqda. Aksariyat korxonalar o‘z biznesini O‘zbekiston, Qozog‘iston, BAA va Turkiyaga ko‘chirishni so‘rab murojaat qilmoqda.
Jurnalistning gaz haqidagi postiga qo‘pol javob qaytargan matbuot kotibiga chora ko‘rildi
Jurnalist Aziza Qurbonova Uchtepada gaz bosimi pastligini tanqid qilgach, post ostida tuman hokimligi nomidan qo‘pol izohlar qoldirishgani haqida yozgandik. Shundan so‘ng, tuman hokimligi bayonot berib, matbuot kotibi To‘rabek To‘rayev «his hayajonga berilib yozgan fikrlari» uchun ogohlantirilganini ma’lum qildi.
Rossiya OTMlaridan o‘qishni ko‘chirish bo‘yicha arizalar qabul qilish muddati uzaytirildi
Rossiyadagi ayrim OTMlardan o‘qishni O‘zbekistonga ko‘chirish bo‘yicha arizalar qabul qilish muddati 10 kunga uzaytirildi. Avvalgi muddat 1 noyabrdan 20 noyabrgacha etib belgilangandi. O‘qishini ko‘chirish istagini bildirgan fuqarolar my.dtm.uz sayti orqali onlayn ariza berishlari mumkin.
JCH-2022: bukmekerlar skeptiklarga pul tikishmaydi
«Gazeta.uz» va Dmitriy Povarov JCH-2022 boshlanishiga kunlarni sanashda davom etmoqda. Bugun G guruhi bilan tanishamiz: ushbu guruhdan «pentakampion» braziliyaliklar, qo‘rqmas serblar, soat mexanizmidek sxema bo‘yicha o‘ynaydigan shveysariyaliklar, «nol»ga o‘ynamaslikni odat qilib olgan kamerunliklar joy olgan.
Shavkat Mirziyoyev Toshkentda YUNESKO mintaqaviy markazini tashkil etishni taklif qildi
Shavkat Mirziyoyev Toshkentda bo‘lib o‘tgan kichik yoshdagi bolalarni tarbiyalash va ta’lim berish bo‘yicha Butunjahon konferensiyasida nutq so‘zladi. Davlat rahbari 2025 yilda bolalarni maktabgacha ta’lim bilan qamrab olish darajasi 80 foizga yetkazilishni ta’kidladi.
Qo‘shimcha imkoniyatlarga ega bulish uchun saytda ro‘yxatdan o‘ting