Fevral oyida «Gazeta.uz» jamoasi tayyorlagan maxsus materiallar
100 yoshga to‘lgan «Mushtum» jurnalining haligacha eskirmagan dolzarb mavzulari, taniqli shaxslar, jamoat faollaridan o‘qilishi maqsadga muvofiq kitoblar ro‘yxati, Turkiyadagi zilzila oqibatlari, Ukrainadagi urushning global iqtisodiyotga ta’siri va boshqalar — «Gazeta.uz» fevral oyida nimalar yozgani haqida.
Qishning so‘nggi kunida O‘zbekistonda sodir bo‘lgan eng muhim xabarlar dayjesti
Ai-80 benzini narxi oshmasligi, yovvoyi hayvon va qushlarni ovlash mavsumi yakunlangani, xonadonlarga beriladigan elektr 50 foizga ko‘payishi, komissiya uchun xodimlardan pul yig‘gani sabab ishdan ketgan maktab direktori, pora bilan ushlangan prokuratura xodimlari va boshqalar — «Gazeta.uz»ning kun dayjestida.
«AQSh Markaziy Osiyo mamlakatlariga nisbatan Rossiyaga qarshi sanksiyalar oqibatlarini yumshatishga yordam beradi» — Entoni Blinken
AQSh Rossiyaga qarshi sanksiyalar Markaziy Osiyo uchun iqtisodiy salbiy ta’sir ko‘rsatishini tushunadi, shu bois ularni yumshatish va kamaytirish uchun barcha sa’y-harakatlarini qiladi, dedi AQSh davlat kotibi. U MOda savdoni diversifikatsiya qilish va ish o‘rinlari yaratish uchun $25 mln ajratilishini ma’lum qildi.
O‘zbekiston prezidenti amaliy tashrif bilan Ozarbayjonda bo‘ladi
Prezident Shavkat Mirziyoyev amaliy tashrif bilan Ozarbayjonda bo‘ladi. Davlat rahbari Bokuda bo‘lib o‘tadigan Qo‘shilmaslik harakati sammitida ishtirok etadi. Mazkur harakat harbiy-siyosiy bloklar va tashkilotlarda ishtirok etmaslikni o‘z tashqi siyosatining asosi etib e’lon qilgan 120 ta davlatni birlashtirgan.
AQSh davlat kotibi Entoni Blinken O‘zbekistonga keldi
AQSh davlat kotibi Entoni Blinken boshchiligidagi Amerika delegatsiyasi Toshkent xalqaro aeroportiga qo‘ndi. Toshkentda uning «mintaqaviy va ikki tomonlama masalalar bo‘yicha hamkorlikni yanada rivojlantirish» bo‘yicha muzokaralar o‘tkazishi rejalashtirilgan. U 1 mart kuni Hindistonga jo‘nab ketadi.
Toshkent hokimligi «Rosatom» konstruktorlik byurosiga infratuzilma sohasida hamkorlikni taklif qildi
Toshkent hokimligi «Rosatom»ning energiya samaradorligi va infratuzilma yechimlari loyiha byurosini O‘zbekiston poytaxtining elektr va issiqlik ta’minotini yaxshilash hamda kommunal infratuzilmani modernizatsiya qilishga jalb etmoqchi.
Yaponiya O‘zbekistondagi uchta ta’lim muassasasiga grant ajratdi
Yaponiya O‘zbekiston Maktabgacha va maktab ta’limi vazirligiga Urganchdagi maktabda sanitariya holatini yaxshilash hamda Termizdagi ikkita bog‘chani o‘quv jihozlari bilan ta’minlash uchun grantlar ajratdi.
O‘zDJTSU Farg‘ona filialida 356 abituriyentning ballari o‘zgartirilgani aniqlandi
O‘zDJTSU Farg‘ona filialida o‘tkazilgan kasbiy imtihonlarda 356 nafar abituriyent to‘plagan ballarga soxta yozuvlar kiritilib, ularning 322 nafariga ball qo‘shib berilgani, 34 nafarining ballari esa kamaytirilgani aniqlandi. Natijada yuqori ball to‘plagan 145 nafar abituriyent o‘qishga kira olmagan.
O‘zbekiston va Pokiston tovar ayirboshlash hajmini 1 mlrd dollarga yetkazish bo‘yicha harakatlar rejasini kelishib oldi
O‘zbekiston va Pokiston savdo hajmini 1 mlrd dollarga yetkazish uchun savdogarlarni qo‘llab-quvvatlash vositalarini joriy etish, avtomobil va tranzit tashish tartib-qoidalarini uyg‘unlashtirish hamda ikki davlat o‘rtasida elektron tijoratni rivojlantirishni o‘z ichiga olgan harakatlar rejasini kelishib oldi.
MB sanksiyalar va eksportga oid taqiqlar bilan bog‘liq xatarlar sabab bir qator banklarni ogohlantirdi
Markaziy bankning Bank nazorati qo‘mitasi tomonidan O‘zmilliybank, Mikrokreditbank, Aloqabank, Turonbank, Qishloqqurilishbank, Asakabank, Kapitalbank, Anorbank va Ravnaq-bank yo‘l qo‘ygan kamchiliklari uchun ogohlantirildi.
Dauletmurat Tajimuratovning advokati Oliy sudga apellyatsiya shikoyatini kiritdi
Qoraqalpog‘istondagi iyul voqealari bo‘yicha jinoiy ishda sudlangan Dauletmurat Tajimuratovning ukasi va advokati Rinat Tajimuratov O‘zbekiston Oliy sudiga apellyatsiya shikoyatini kiritdi. U jazoni yengilrog‘iga almashtirish va moddiy zararni to‘lashdan ozod qilishni so‘radi.
Food City bahorgi yarmarka va chegirmalar aksiyasini e’lon qildi
1−8 mart kunlari Food City savdo majmuasida bahorgi yarmarka va chegirmalar aksiyasi bo‘lib o‘tadi.
Samarqanddan Toshkentga olib kelinayotgan qariyb 2,6 tonna iste’molga yaroqsiz go‘sht aniqlandi
Samarqand-Toshkent yo‘nalishida harakatlanib kelayotgan Isuzu Sirdaryo yo‘l-patrul xizmati maskanida to‘xtatilganda unda iste’molga yaroqsiz salkam 2,6 tonna go‘sht borligi aniqlandi. Holat yuzasidan surishtiruv olib borilmoqda.
Samarqandda o‘quvchini urib, quloq pardasini yirtgan direktorning ozodligi 2 yilga cheklandi
Urgut tumanidagi maktabda direktor o‘quvchini urgani oqibatida bolaning quloq pardasi yirtilgandi. Sud hukmiga ko‘ra, sobiq direktorga nisbatan 2 yilga ozodlikni cheklash jazosi tayinlandi. Shuningdek, uning 3 yilga ta’lim sohasida mansabdor sifatida ishlashi taqiqlandi.
Davlat organlari o‘rtasida xavf tug‘diradigan mahsulot haqida tezkor xabar berish tizimi yaratiladi
Texnik jihatdan tartibga solish agentligi texnik jihatdan tartibga solish sohasidagi maxsus vakolatli davlat organi etib belgilandi. Davlat nazorati organlari o‘rtasida yuqori xavf tug‘diradigan mahsulot haqida tezkor xabar berish tizimi yaratiladi.
O‘zbekistonda 1 martdan Ai-80 benzini narxi oshmaydigan bo‘ldi
Prezident qarori bilan AI-80 benzini uchun aksiz solig‘ini «nol» stavkada qo‘llash muddati 2023 yil 31 dekabrga qadar uzaytirildi. Shunga ko‘ra, benzin narxi mart oyidan oshmaydi.
1 martdan yovvoyi hayvon va qushlarni ovlash mavsumi yakunlanadi
28 fevral yovvoyi hayvon va qushlarni ovlashga ruxsat etilgan so‘nggi kun bo‘lib, 1 martdan ov mavsumi yakuniga yetadi. Ovchilardan ularga berilgan yo‘llanmalarni 10 kun muddatda tegishli tartibda topshirish so‘raldi.
UzAuto Motors Malibu XL narxlarini e’lon qildi
UzAuto Motors yangilangan Chevrolet Malibu XL sotuvi boshlangani haqida xabar berdi. Redline liniyasi uslubida ishlab chiqilgan avtomobillar 3 ta komplektatsiyada taqdim etilib, 334,8 mln so‘mdan 374,1 mln so‘mgacha (QQSsiz) sotiladi.
Qoraqalpog‘istonda komissiya uchun xodimlardan 20 ming so‘mdan pul yiqqan maktab direktori ishdan bo‘shatildi
Xo‘jaylidagi 21-maktab direktori xodimlardan komissiya uchun 20 ming so‘mdan yiqqani sababli ishdan bo‘shatildi. Mablag‘ bannerlarni yangilash maqsadida yig‘ilgani aytilmoqda, ammo xodimlar pul komissiyani ovqatlantirish uchun sarflanishini bildirdi.
Navoiyda prokuratura noziri, Jizzaxda sud xodimi, Samarqandda esa Milliy gvardiya qorovuli ushlandi
DXX xodimlari prokuratura, sud, Milliy gvardiya va advokatura xodimlarini qo‘lga oldi. Ularga firibgarlik, pora olish kabi ayblovlar qo‘yilgan.
Qo‘shimcha imkoniyatlardan foydalanish uchun saytda ro‘yxatdan o‘ting